Lesbók Morgunblaðsins - 22.01.1978, Blaðsíða 8

Lesbók Morgunblaðsins - 22.01.1978, Blaðsíða 8
Bjarki Jóhannsesson verkfræðingur og arkitekt Reykjavík árið 2000 Nokkur atriði um borgarskipulag — mál sem snertir okkur öll IBUOASVÆ.I Borg, hvað er borg? Það vitum við auðvitað öll, en þó getur verið erfitt að svara því. Hvernig á borgin að vera, hverjar eru kröfur okkar til hennar, og hvernig verða þær helst uppfylltar? Borgarskipulag er marg- þætt, og að því starfa m.a. arkitektar, verkfræðingar, borgarlandafræðing- ar, þjóðfélagsfræðingar, náttúrufræð- ingar, hagfræðingar og fleira sér- menntað fólk. En hvert er þá hlutverk hins óbreytta borgara i skipulagi, og getur hann á einhvern hátt haft áhrif á það? Jú, að vissu leyti, því að áður en skipulag tekur gildi, er það haft til sýnis borgurunum, og geta þá allir komið með sínar athugasemdir. Skipulagið er gert fyrir okkur borgar- ana, og það er rétt og skylt, að fólk beri fram þær athugasemdir, sem það hefur. Ef það er gert í tíma, getur það komið i veg fyrir ýmsar óvinsælar ákvarðanir frá byrjun, og sparað með því stórfé, með því að koma í veg fyrir síðari breytingar. En til að geta gert athugasemdir, verðum við að vita, um hvað er verið að tala, og hvað við viljum. Eg mun drepa hér á örfá atriði og gera grein fyrirtillögu um skipulag á Reykjavikursvæðinu, sem ég vann sem lokaverkefni I arkitektúr við há- skólann i Lundi í Svíþjóð. Borgin er ekki aðeins göturnar og húsin, sem standa við þær, hún er lika fólkið, sem býr í borginni, líf þess og athafnír. Borginer lifandi, hún er rammi næstum alls lífs okkar, hvíldar- staður, vettvangur samskipta okkar við annað fólk, viðskipta okkar, frí- stunda, rnenntunar og annara ytri áhrifa. Við viljum geta ferðast um borgina með margvíslegum hætti. Ef við viljum aðeins flýta okkur milli tveggja staða, ferðumst við með bil. Þá skiptir mestu máli, að leiðin sé greiðfær, en tengslin við umhverfið verða ekki náin. Betra er, að borgin sé ekki mjög dreifð, svö að leiðir verði ekki óhóflega langar. Við getum líka gengið eða hjólað, og þá skynjum við umhverfið mun nánar, og smáatriðin verða mun Ijósari. Umferðaröryggi er mikilvægt, og það má auka, með því að hafa vissar götur fyrir hraða og þunga umferð, hraðbrautir. Einnig má aðskilja gangandi fólk og bíla með sérstökum gönguleiðum. Borgin inniheldur vinnustaði, svo sem verksmiðjur, verkstæði, verslan- ir, skrifstofur o.m.fl. Flestir munu sammála um, að atvinnurekstur, sem veldur mikilli umferð eða mengun, eigi ekki heima í ibúðarhverfum. Smærri vinnustaðir geta þó verið æskilegir í íbúðarhverfum, til að skapa tengsl við samfélagíð og auð- velda húsmæðrum og öðrum að vinna utan heimilis. Rétt er að dreifa vinnustöðum um borgina til að minnka umferð og minnka ferðatíma til og frá vinnustað: Borgin inniheldur verslanir, ýmist i stórum og smáum miðsvæðum eða dreifðar um hverfin. Miðbær verður að vera aðgengilegur. en auk þess að bjóða upp á fjöl- breytni og möguleika á beinum eða óbeinum samskiptum fólks. Barna- skólar verða að vera innan göngufjar- lægðar frá hverju heimili, og leiðin má ekki liggja yfir hættulegar umferðargötur. Borgin inniheldur heimili okkar, sum okkar dvelja þar allan sólarhring- inn, önnur minna. Sérstaklega fyrir þau okkar, sem eru mikið heima, er mikilvægt, að íbúðarhverfi bjóði upp á mannleg samskipti og atvik, leik og frístundaiðju, en einnig möguleika á hvíld og einangrun. Til að okkur líði vel, þurfum við að geta áttað okkur á Framhald á bls. 10 Bjarki Jóhannesson er fæddur á Akureyri 1949 og uppalinn þar. Hann tók stúdentspróf frá MA 1969 og kenndi þar síðan í eitt ár. Fór að því búnu í verkfræði við HÍ og lauk prófi með fyrsta árgangn- lim, sem héðan útskrifaðist 1974. Að þvi loknu sneri hann sér að námi i arkitektúr í Lundi í Svíþjóð og lauk því námi á þremur árum. Hann kom heim í nóv. s.l. og hóf störf á teiknistofu Ingimundar Sveinssonar. Prófverkefni Bjarka við háskólann í Lundi fjalíaði um skipulag Reykjavíkur og skýrir hann frá skoðunum sínum í með fylgjandi grein og úrlausn hans á skipulaginu kemur fram á meðfylgj- andi teikningum. Wm IOMA.OAR- | 1 OPJO S>v/( • • • AOALÚÖN | AOALSTR* -—— HRAOBRA — TEN&IBR ^ÍSÖf GATMAM ^Qe öNwuR <

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.