Lesbók Morgunblaðsins - 11.06.1978, Blaðsíða 11

Lesbók Morgunblaðsins - 11.06.1978, Blaðsíða 11
IÞROTTAMENN MEÐ VILJASTYRK HEFST ÞAÐ Litli Suöurafríkumaöurinn hefur veriö ósigrandi í vor og sjálfur er hann ekki í neinum vafa um, hver sé beztur. 42ja ára eru flestir úr sögunni í atvinnuíþróttum, en GARY PLAYER frá Suður Afríku neitar slíkum staðreyndum og sigraði í Masters-golfkeppninni í vor, þar sem beztu atvinnumenn heimsins í golfi leiða saman hesta sína Vegna smæöar sinnar var Gary Player leffgi.að ná ^^ upp nægilegri högglengd. En það háipist — og^ * ekki er nú dregið af sér. Einbeitingin sést á andlitinu langar leiðir. Hann heyrir ekki þó talaö sé til hans, er eins og í leiöslu. Hann iðkar andlegar æfingar, sem hann segir aö ekki sé gott aö lýsa og líkamanum er haldiö í formi eins og framast er kostur. í staö þess aö sofa út, fer hann snemma á fætur og hleypur langtímum úti í skógi. í staö þess aö láta fara vel um sig og fá sér sjúss í garoinum í hinni sólríku Suöur-Afríku, hamast hann inni í æfingaherbergi: lökar lyftingar og gerir líkamsæfingar. Og þegar ekki eru keppnir, æfir hann á golfvellinum frá morgni til kvölds. En hver er svo árangurinn? Maöurinn er bæði lítill og grannur eins og táningur. Hann sýnist ekki til stórræða. En Gary Player hefur sýnt heiminum áþreifanlegt dæmi þess, hvað hægt er að gera með viljastyrk, þótt líkamsburöirnir séu aöeins í meöallagi. í viðureignum atvinnumanna í íþróttum liggja nú orðið svo miklir peningar undir, að samkeppnin verður sífellt grimmari og menn leggja á sig ótrúlegt erfiði við til leiks eins og eðli málsins sam- á hátindi hinnar tvítugu til þrítugs. æfingar og mæta hungraöir úlfar. En kvæmt eru flestir líkamlegu getu frá Þegar atvinnumenn í tennis, golfi, hnefa- leikum og raunar hvaða íþrótt sem byggir að verulegu leyti á líkamlegu atgerfi, veröa svo sem 35 ára, eiga þeir sífellt erfiðara með að verjast ásókn þeirra, sem eru tíu árum yngri og ætla sér mikið. Beztu golfleikarar heimsins hafa verið á hátindi getunnar frá 25—35 £ra og raunar er gullbjörninn Jack Nicklaus, sem almennt er talinn snjallastur manna fyrr og síðar í golfi, oröinn 37 ára. Það kom því mjög á óvart, að 42 ára gamall maöur skyldi geta unniö Mast- ers-golfkeppnina í Bandaríkjunum í apríl síðastliðnum. Það virtist vera gegn lögmáli hnignunarinnar, sem enginn fær reist rönd við, en maöurinn var enginn annar en Gary Player, sem fyrr er lýst og, þótti mönnum nú fullsannað, hvern árangur Gary Player uppsker með heilsusamlegu líferni og markvissum æfingum. Hann var reyndar sjö höggum á eftir forustusauðnum, þegar aðeins var einn 18 holu hringur eftir. Það virtist með öörum orðum útséö um, að hann blandaöi sér ekki í átökin um græna jakkann, sem sigurvegarinn er færöur í og er eitt þráðasta keppikefli atvinnumanna. En þá fór Gary Player í gang eins og vél. Á þessum velli, sem er í senn einn hinn fegursti og erfiðasti í heiminum, fór Gary Player hverja holuna á fætur annarri undir pari. Hann lauk hringnum á 64 og það dugöi til sigurs. Þessi keppni hefur farið fram árlega í marga áratugi og aldrei áöur hefur maður á þessum aldri unniö. En Gary Player sýndi í framhaldi af þessu, að sigur hans var engin tilviljum. í tveimur næstu keppnum at- vinnumanna í Banda- ríkjunum varð hann einnig sigurvegari og alltaf kom hann aftan aö hinum með enda- sprett, sem enginn réði viö. Gary Player er sonur námumanns í Suð- ur-Afrfku og hóf að leika golf 15 ára aö aldri. Hann fékk snemma þá ástríöu að sætta sig ekki við neitt minna en vera beztur, en alltaf virtist eitt og þaö sama til fyrirstöðu: Gary Player var svo lítill og kraftasmár, að hann náði ekki þeirri högglengd, sem nauösynleg er til þess aö komast á toppinn. En hann lét það ekki aftra sér og hóf að byggja upp kraftana með sérstöku mataræöi; borðaði hunang, banana og rúsínur í staöinn fyrir steikur. Hann borðar einnig kjúklinga, fisk og gróft brauð, en hvítt hveitibrauð er sem eitur í hans augum. Hann fór að hlaupa til að styrkja fæturna og daglega hamaðist hann í lyftingum. Fyrst var gert grín aö þessu, en nú er það liðin tíö. Ef einhver er alþjóölegur meistari í golfi, þá er þaö Gary Player. Hann hefur á golfferli sínum unnið 9 af hinum mjög svo eftirsóttu stórkeppnum og samtals hefur hann unniö 114 atvinnumannakeppnir í fjórtán löndum víösvegar um heim og telur ekki eftir sér að fljúgá 200 þúsund mílur á ári til að elta uppi keppnir í Austurlöndum fjær, Suður-Afríku, Ástralíu, Evrópu og Bandaríkjunum. Það sem af er þessu ári hefur Gary Player unnið sér inn 130 þúsund banda- ríkjadali, en vinningar hans frá upphafi nema nú oröiö hálfri annarri milljón dala. Það segir þó ekki alla söguna; menn í þessum gæðaflokki at- vinnuíþrótta bæta að minnsta kosti öðru eins viö með auglýsinga- tekjum og allskyns samningum. Þó þetta sé töluvert, hefur Jack Nicklaus unnið sér inn helmingi hærri upp- hæð. Gary Player er þó sjálfur ekki í minnsta vafa um að hann sé aö minnsta kosti eins góö- ur og Nicklaus og bendir á, að maður verði að vinna keppnir um allan heim til að sanna yfirburði sína; keppa viö allskonar aöstæöur í ólíku lofts- lagi að viðbættu því álagi, sem felst í löngum ferðalögum. Gary Player er mjög ólíkur bandarísku golfstjörnunum, sem leggja mikið uppúr vinsældum; þeir keppa í litskrúðugum fötum og gera sér far um aö ganga í augu áhorfenda. Þeir vita líka, að öll þeirra framganga birtist í sjónvarpinu þar sem milljónir manna fylgjast með þeim. En Gary Player er sama um áhorfendur; hann er oftast svartklæddur og hugsar um að vinna. Hann ansar ekki þeim, sem biöja um eiginhandaráritanir og einbeitni hans er slík, aö hann viröist ekki vita af því sem fram fer í kringum hann. Nú oröiö þarf hann engan aö biöja afsökunar á stuttum höggum. Og úr sandi er hann almennt talinn sá bezti í heiminum. Nicklaus hefur einhverntíma sagt: „Ef ég þreyti úrslitakeppni við Gary Rlayer, þá vona ég bara að hann hitti flötina. Lendi hann í bunker, er hann vís með aö setja niður í einu höggi". „Ég er í ofsa formi", segir Gary Player og bætir við: „Eftir fertugt styttist sveiflan og maöur verður að 'bæta það upp á annan hátt". Styrkur hans liggur m.a. í því, að honum finnst ævinlega, að nú sé hann betri en nokkru sinni fyrr og um það reynir hann af mikilli einlægni aö sannfæra viömælendur. „Ég get svarið það; ég hef aldrei leikið eins vel og í dag; aldrei hitt boltann eins vel. Aldrei". Þetta segir hann árið um kring og hvort sem hann ieikur" vel eða illa. En velgengni hans á Bandaríkjamótunum í vor, var álitið að mætti rekja til þess að hann breytti púttstrokunni aö ráði konu sinnar. Eftir þaö setti hann niöur hvert langpúttiö á fætur öðru og sagöi: „Bara aö ég hefði byrjað að gera þetta svona fyrir 20 árum". Æðsta keppikefli manna á borð við Gary Player að vinna á einu ári alslemm- una svonefndu; fjórar stórkeppnir, þar sem allir snjöllustu kapparnir koma saman. Bobby Jones vann alslemmuna 1930, en síðan hefur enginn gert þaö. Nicklaus hefur komizt næst því með því að vinna þrjár þeirra á einu ári, en keppnin er miklu harðari nú en hún var 1930. í ár er Gary Player ekki í minnsla vafa um, aö hann eigi eftir að bæta við 'sRTSTgrum í British Open, U.S. Open og P.G.A. mótinu, sem er meistaramót atvinnumanna í golfi í Banrian'kjunum. Ef hann hefur það ekki, verður hann jafn sannfæröur um að hann muni gera það næsta ár. Player býr með fjölskyldu sinni á herragarði utan við Jóhannesarborg. Þau hjónin eiga sex börn og Player er mikill fjölskyldufaðir og reynir aö vera heima við í þrjá mánuði á ári. Elzti sonurinn, Wayne, er nú 16 ára og oröinn ívið högglengri en faðirinn. Hann ætlar sér aö verða atvinnumaður eins og hann og hefur nú í fyrsta sinn fengiö aö fylgja föður sínum á Bandaríkjamótin. Heima í Suður-Afríku á Gary Player einnig stóran búgarð, þar sem hann ræktar meða! annars veð- hlaupahesta, sera hann er alveg handviss Sjá næstu síðu

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.