Lesbók Morgunblaðsins - 20.03.1982, Blaðsíða 8

Lesbók Morgunblaðsins - 20.03.1982, Blaðsíða 8
Ragnheiöur Jónsdóttir Ream viö vinnu Tvö mélverk eftir Ragnheiöi, sem sýna, aö hún var búin aö ganga í gegnum ýmis þróunarstig. Efri myndin er í eigu Lista- safns ríkisins. Bragi Ásgeirsson RAGNHEIDUR JÓNSD( Yfirlitssýning á verkum þessarar merku listakonu verður opnuð að Kjarvalsstöðum í át Þegar þetta greinarkorn kemur fyrir sjónir lesenda, stendur yfir sýning á verk- um Ragnheiðar Jónsdóttur Ream aö Kjarvalsstööum. Þetta mun vera úttekt á ferli listakonunnar á myndlistarsviði, en hún lést á sextugsaldri áriö 1977 og einmitt er list hennar stóð í hvaö mestum blóma. Ekki telst það hár aldur á vorum dögum og sé tekið mið af ytra sem innra atgervi Ragnheiðar Ream, kom andlát hennar þeim mjög á óvart, er hana þekktu eða voru henni kunnugir. Lífsorkan geislaði frá þessari hæglátu, traustvekjandi og gjörvi- legu konu og hún virtist eínnig eiga svo margt ógert á því sviði, sem hún hafði hasl- að sér völl með þeim glæsibrag að lengi verður minnst. Stundum verður manni á að hugleiöa, hvað þaö sé, sem beini fólki út á llstabraut- ina og þótt svörin kunni að reynast mörg, er eitt alveg víst og það er, að allur mark- verður árangur er borinn uppi af áhuga á viðfangsefninu. Allur ferill Ragnheiðar er táknrænt dæmi um áhuga, er fyrir ákveðn- ar ytri aöstæður kviknar smám saman, bætir stöðugt við sig þar til viðfangsefnið heltekur gerandann, — og þegar svo er komið, liggur engin leið til baka . . . — Raunveruleikinn virtist öðru fremur vera svið þessarar listakonu sem tók hlut- unum eins og þeir komu og stóð með báða fæturna á jörðinni í átakamikilli listsköpun sinni. Hún var greind, rökföst, skapmikil og nálgaðist viöfangsefni sín meö opnum skynrænum huga, einarðlega og umbúöa- laust, en svo komu vinnubrögð hennar mér fyrir sjónir. — Listferill Ragnheiðar er saga um konu er hóf að mála í tómstundum sínum í stað þess að hamra á píanó, því pentskúf- urinn er hljóðlátari tjámiöill tónlistinni og stórum minna ónæöissamur í fjölbýlishúsi — þannig aö nágrannarnir hafa enga ástæöu til athugasemda. Dálítiö undarlegt upphaf, en upphaf þó og þaö skiptir öllu máli, þvi að þetta reyndist vísirinn að því, að íslenzka þjóðin eignaðist einn sinn markverðasta málara á því tímaskeiði er gerandinn vann aö list sinni. Það má nokkurn veginn slá því föstu, aö enginn fæðist meö áhugann fyrir listum frekar en altalandi, þótt gáfurnar séu fyrir hendi, heldur þurfi ytri aðstæöur til aö ýta þróunarferlinu af stað, sem svo fæöir af sér mikinn árangur og mikla list. Ragnheiöur unni alltaf tónlistinni af lífi og sál og haföi lært að spila á píanó heima á íslandi áður en hún hélt utan til Ameríku í byrjun seinni heimsstyrjaldarinnar, hafði jafnvel veriö i söngtímum. Þetta var allt mjög eðlilegt, því mikið mun hafa verið um tónlist í umhverfi hennar, því hún var dóttir Jóns Halldórssonar söngstjóra, og konu hans, Sigríöar Bogadóttur, er voru þekktir Reykvíkingar og byggðu húsiö að Hóla- vallagötu 9. Samskipa Ragnheiði vestur um haf var m.a. Louise Matthíasdóttir er var á leiö til myndlistarnáms í New York, en sú átti sannarlega eftir að gera garðinn frægan með list sinni og er ennþá búsett á áfanga- staönum, gift Leland Bell listmálara og prófessor í myndlist. Merkileg tilviljun máski, en hvað Ragnheiöi snerti, var fjarri því að hún hugsaöi um myndlist um þær mundir. 8

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.