Lesbók Morgunblaðsins - 22.01.1983, Blaðsíða 7

leyti var hann mikið í Varsjá og
lifði fjölskrúðugu lífi við tónlist
og aðrar unaðsemdir sem lífið
hafði á boðstólum. Síðan lá leið-
in til Parísar til að halda þar
tónleika og þar með var hin
mikla sigurganga hafin, sem
entist ævilangt, þó að á ýmsu
gengi. Einu sinni var hann að
því kominn að svipta sig lífi, en
á eftir fannst honum aldrei jafn
dýrlegt að lifa. Pyngjan var að
vísu oft raunalega létt, en lífið
hafði sína töfra fyrir það.
Tónleikaferðirnar urðu fleiri
og fleiri. Hann fór til Englands,
Spánar og Italíu, vestur um haf,
en sú ferð færði honum ekki þá
frægð sem hann dreymdi um.
Seinna ferðaðist hann til Suð-
ur-Ameríku og vakti þar mikla
hrifningu. Hann kynntist mörg-
um helstu tónskáldum og tón-
listarmönnum síns tíma. Auk
Szymanovskis, kynntist hann
Saint-Saens, Ravel, Stravinski
og Villa-Lobos og lék verk
þeirra, en sú tónlist sem kemur
þar á eftir hefir ekki orðið með-
al viðfangsefna hans. T.a.m.
hefir hann ekki leikið verk eftir
Béla Bartók. Þetta kemur einnig
til af því að Rubinstein hefir
leikið yfir 200 konserta á ári í
áratugi. Þess vegna hefir hann
nær eingöngu leikið sígilda róm-
antíska tónlist á efnisskrám sín-
um. Hann segist geta lært verk
eftir Beethoven og Mozart á 2
dögum, Brahms á 3 dögum og
Chopin á 5 dögum. í 60 ár hefir
hann leikið sviplíkar efnisskrár,
þar sem er að finna verk eins og
Appassionata eftir Beethoven,
Carneval eftir Schumann og
verk eftir Chopin. Þótt undar-
legt megi teljast voru tónsmíðar
eftir Mozart tiltölulega sjaldan
á efnisskrám Rubinsteins, enda
þótt hann mæti Mozart mest
allra tónskálda. Hann lét sér
þau orð um munn fara, að Moz-
art geti sagt meira með nokkr-
um nótum en Beethoven með
heilli sónötu, en hann telur þó
að Beethoven hafi verið mikill
byggingarmeistari í tónlistinni
og sem slíkur hafi hann verið
öllum fremri, en Mozart geti
fyllt sálina með einu stefi og
sama gildi um Schubert. Sú
tónlist geti snortið hann, svo að
honum vökni um augu. Rubin-
stein segist líta á sjálfan sig sem
millilið milli hinna miklu snill-
inga eins og Bachs, Beethovens
og Mozarts og hljómleikagest-
anna. Þessi tónlist hljómi hið
innra með honum, svo að hann
þarf alls ekki að hlusta. Hann
geti legið í rúmi sínu og notið
þess í einrúmi án þess nokkuð
hljóð heyrist hið ytra, en þessari
tónlist verði hann að koma til
tónleikagestanna og til þess noti
hann hæfileika sína að leika á
píanóið.
I þessu sambandi víkur hann
að Chopin og tónlist hans og
segir, að enda þótt hann standi
hvergi nærri jafnfætis Mozart
og Beethoven, þá hafi Chopin
haft undraverða þekkingu á
möguleikum píanósins. Þegar
hann setjist við hljóðfærið og
leiki verk eftir Chopin, taki
hljóðfærið að blómstra, en hjá
Mozart og Beethoven hafi það
verið tæki til að koma hug-
myndum þeirra á framfæri.
Sjálfur njóti hann þess að leika
Frh. á bls. 16.
Reyr-húsgögn í baöher-
bergi frá versluninni Lín-
unni hf., Hamraborg 3.
Þetta baöherbergi er búiö
ítölskum reyr-húsgögnum.
Eins og sjá má er þetta
léttur, nýtískulegur stíll en
þó vel vandaö til vinnu og
efnis. Efniö er askur og
slípaöur reyr bundinn meö
leöri. Hægt er að fá þetta í
Ijósum eöa dökkum lit;
fleiri litir eru til en þá þarf
aö panta sérstaklega.
Hver eining í þessari sam-
stæöu er seld stök og má
því haga kaupum eftur
efnum og ástæöum hvers
og eins. Verö á veggskáp
er kr. 2.017 (45x22, hæð
75 cm), spegill 70 cm í
þvermál kostar kr. 1.123,
hilla (75x14 cm) kr. 643,
hilla (55x14) verö kr. 549,
handklæöaslá kostar 544
krónur, vaskskáþur
(75x60) verð kr. 2.455,
skápur (80x37) kr. 3.270,
kollur kostar kr. 743 og
óhreinatauskarfa kr.
1.519. Handlaug fylgir
ekki en fella má flestar al-
gengar geröir f borö
vaskskápsins.
Reyr í baðherbergi
Hreinlæti og
heilsurækt
Hreinlæti og heilsurækt eru nátengdir þættir í viðleitni
fólks til að njóta vellíðunar. í þeim tilgangi hafa gufuböð
verið iðkuð að fornu og nýju. Þær heilsuræktarstöðvar
sem bjóða þessa þjónustu eru vel sóttar og vinsælar af
almenningi, en nú fer í vöxt að hafa gufubaösklefa á
einkaheimilum og í sambýlishúsum einnig. Hér er
finnskur Joutsen-baðklefi frá Finnsauna Lagerholm,
sem er stærsti útflutningsaðili á þessum vörum í Finn-
landi. Þessi baöklefi kemur í tveimur stærðum: 164x209
sm, verð kr. 21.495, og 209x209 cm, verð kr. 23.226.
Efnið er 4,2 sm þykk fura, sem ekki þarf að einangra.
Sauna-bekkirnir eru úr abachi-viði en hann hitnar ekki.
Minni klefinn tekur 4 persónur í sæti en sá stærri 5
manns. Hæð klefanna er 2 metrar. Mjög auðvelt er að
setja klefana upp en plankarnir falla í þar til gerð gróp
hver ofan á annan svo þétt að ekki er um neitt hitatap
að ræða.
Ofn í minni klefann kostar 6.570 krónur en í þann
stærri kr. 6.980. Sauna-ljós fylgir ekki en kostar 1.044
krónur. Vilji fólk hafa baö-stemmninguna fullkomna
munar ekki mikið um fötuna en hún kostar 291 krónu
og ausan 151 kr.
Joutsen-baðklefarnir ásamt ofnum og öðru lílheyr-
andi fást í Byggingavörudeild SÍS, Suðurlandsbraut 32.
7