Lesbók Morgunblaðsins - 15.03.1986, Blaðsíða 6

Lesbók Morgunblaðsins - 15.03.1986, Blaðsíða 6
Meðpensil ogkjuða jöfnum höndum GunnarKristiasson—MálaráSkriðufelliíÞjórsárdal, en vinnur við músíkterapíu í Kópavoginum. inn af mörgum sem eru að hasla sér völl á myndlistarsviðinu hér er Gunnar Kristinsson og heldur hann einkasýningu í Ásmundarsal, sem opnuð verður eftir viku, 22. mars og stendur hún út mánuðinn. Enda þótt myndirn- ar sem hér birtast séu einu einungis í svörtu og hvítu, gefa þær engu að síður góða hugmynd um það^ sem sýningargestir geta átt í vændum í Ásmundarsal, því Gunnar er hófsamur i litanotkun og vinnur mestan part í svart/hvítu. Fjöllistamaðurinn Gunnar Kristinsson er menntaður í orgelleik, músíkterapíu og sem- ur tónverk fyrir slag- verk. Þar að auki hefur hann lagt stund á myndlist og heldur nú málverkasýningu í Ásmundarsal, sem opnuð verður eftir viku. Gunnar Kristinsson er Reykvíkingur, fæddur hér í borg 1955, en ættaður í móður- ætt frá Skriðufelli í Þjórsárdal og telur sig eiga heima þar. Á Skriðufelli stendur gamalt íbúðarhús sem Gunnar hefur aðsetur í og málar þar gjarnan með stórkostlegt útsýni til Heklu, sem margir landslagsmálarar hafa gert að myndefni. Raunar á Gunnar tvo aðra bústaði: Við Bergstaðastræti í Reykjavík og úti í Svartaskógi í Þýzkalandi, nánar tiltekið við Preiburg. Eftir stúdents- próf frá Menntaskólanum við Tjörnina, sem svo hét þá og síðar hefur verið kenndur við Sund, hélt Gunnar til Vínar og lagði stund á músíkterapíu, sem kannski mætti kalla músíkþjálfun og er notað sem lækningarað- ferð á geðsjúkrahúsum. Jafnframt mennta- skólanáminu hafði hann verið í Tónskóla Sigursveins og gældi við þá hugmynd að verða orgelleikari. Sá draumur fylgdi honum utan til Vínar og hann hélt áfram orgelnámi þar og síðar í Basel í Sviss. í þeirri borg var Gunnar um tveggja ára skeið við áfram- haldandi orgelnám. En það var fleira sem kallaði að og fann hljómgrunn. Hann fékk áhuga á myndlist með þeim alvöruþunga að hann fór í mynd- listarnám í Basel og var við það í fjögur og hálft ár. Jafnframt hafði hann not af kunnáttu sinni í músíkterapfu og vann með náminu í Basel á geðsjúkrahúsi þar. Hljómlistin vildi heldur ekki láta sinn hlut; nú fór Gunnar að gæla við slagverk. Hann eignaðist sérstök slagverkshljóðfæri, gong og tam-tam; þau eru frá Asíulöndum. A þessi skrýtnu hljóðfæri fór hann að semja tónverk og einnig það varð að ástríðufullu viðfangsefni. Gunnar hefur haldið tónleika í Norræna húsinu og víðar, þar sem hann lék á slagverkshljóðfæri. „Þetta er helming- urinn af mér," segir hann: „Önnur aðal- búgreinin með málverkinu. Músíkterapían er mér líka mikils virði. Mér er sama hvort ég hef pensil eða kjuða í höndunum." Myndirnar sem Gunnar sýnir í Ásmundar- sal eru allar nýjar; málaðar síðastiiðið haust og það sem af er þessu ári. Eins og nú tíðk- ast hjá ungum málurum er viðfangsefnið sálarástand mannsins og oftar virðist það vera þjakandi sálarástand fremur en gleði- legt. En er þetta angi af nýja expressjónism- anum? Um það segir Gunnar: „Auðvitað hefur maður orðið fyrir áhrif- um af þessari nýbylgju og sú var tíðin að ég málaði alveg eftir þeim nótum. Nú er þetta hinsvegar frábrugðið og hefur tekið sína eigin stefhu, sem felst meðal annars í hófsamarí litanotkun; það er meira í svörtu og hvítu. Á bak við þetta er að sjálfsögðu ákveðin hugmyndafræði og við getum sagt í fáum orðum, að hún snúist um manninn, eða eigum við kannski heldur að segja mann- eskjuna, þar sem ástríðurnar eru áherzlu- punktur. Ég leita að áhrifavaldi, einhverju áreiti á manninn og í því sambandi hef ég leitað fanga í mytológíu og symbólisma — goða- fræði og táknmyndastefnu — eins og al- gengt er í nútímamyndlist í Evrópu. Þetta lýsir sér í því til dæmis, að ég teikna eitt- hvert frumdýr eins og krókódíl og þá kemur spurningin um framþróun, framsækni og stöðugleika." „Sem sagt: Þarna ertu að velta fyrirþér heimspekilegri hugmynd. Er þetta þá ekki konseptlist, eða hugmyndalist, sem svo hefur veriðnefnd?" „Ég held að því verði ég að svara neit- andi. Til þess er of mikil áherzla lögð á sjálft málverkið; myndirnar eru mikið unnar, en slík útfærsla var og er aukaatriði í konsept- list." „En þú ert einn afþeim, sem f/'alla um þjáningu mannsins og þjáningu heims- ins?" „Segjum heldur örlög. En það er rétt, að heildarsvipurinn á þessum verkum er fremur þungur og leiðir hugann ef til vill að þjáning- unni." »Þú ert kannski að tjá þig um spennuna og streituna í nútíma samfélagi — til dæmis í mynd, sem þú kallar „A hlaup- um?" „Sú mynd lýsir einhverjum hlaupum, annaðhvort undan einhverju, eða eftir ein- I

x

Lesbók Morgunblaðsins

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Lesbók Morgunblaðsins
https://timarit.is/publication/288

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.