Lesbók Morgunblaðsins - 03.10.1998, Blaðsíða 7
Nýlístasafninu við Vatnsstíg í dagí ÞRJÁR MYNDLISTARKONUR SÝNA í NÝLISTASAFNINU
laugardag, ki. 16. Á efstu hæðinni, í
SÚM-sal, sýnir Ásta Ólafsdóttir
lágmyndir unnar með blandaðri
tækni, sem margar hverjar eiga sér
tilvísun í Eddukvæði. I Bjarta og Svarta sal
sýnir Eygló Harðardóttir samsetningar í þrí-
víðum formum, unnar út frá rýminu í pappír
og pappa. Þá sýnir Þórdís Alda Sigurðardótt-
ir skúlptúr og innsetningar í Forsal og
Gryfju. Sýningin stendur fram til 18. október
nk. og er opin alla daga nema mánudaga kl.
14-18.
Jörðin, himinninn
og við
Sýning Ástu ber yfirskriftina „Jörðin, him-
inninn og við“. Verkin eru átta og skiptir hún
þeim í þrennt; fjögur þeirra eru unnin með
Alvíssmál í huga, eitt er tilvísun í Grímnismál
og þrjú hin síðustu bera titilinn „Himinn og
jörð“. Verkin eru öll unnin á þessu ári, flest
þeirra á allra síðustu mánuðum og sjálf segir
Ásta að litagleðin sé orðin meiri í verkum
hennar en áður. Hún segist hafa mikinn
áhuga á því að tengja saman í verkum sínum
himin og jörð, nútímann og fornar hugmynd-
ir og reyna að myndgera þessi tengsl. Orðið
„við“, sem einnig er inni í titli sýningarinnar,
visar að hennar eigin sögn til allra í heimin-
um, manna frá ólíkum heimshornum með ólík
trúarbrögð, litarhátt og lífsskoðanir, dýranna
og jarðarinnar. Auk þess er hún mjög upp-
tekin af hinum ólíku tungumálum veraldar-
innar og myndlistinni sem einskonar tungu-
máli. Sólin er áberandi í verkum Ástu. „Sólin
er okkar lífgjafi, sem maðurinn hefur alltaf
dýrkað og allt snúist um,“ segir hún.
Samsetningar
Eygló segist hafa unnið sín verk inn í rým-
ið í Bjarta og Svarta sal, sem séu tveir ólíkir
heimar. Verkin eru úr pappír og pappa, sem
hún límir gjaman saman í nokkrum lögum.
Hún segist skemmta sér við að setja saman,
brjóta og líma, tengja á einhvern hátt. Allt
segir hún þetta byggja á útsjónarsemi, að
finna leið til að gera viðkvæmt efni sterkt.
EDDUKVÆÐI,
SAMSETNINGAR
OG HREINSUN
Morgunblaðið/Þorkell
ÁSTA Ólafsdóttir, Þórdís Alda Sigurðardóttir og Eygló Harðardóttir sýna verk sín í Nýlista-
safninu næsta hálfa mánuðinn.
Þannig byggi hún lag yfir lag svo efnið styrk-
ist smám saman. Verkin hennar eru eins kon-
ar íverustaðir eða hylki. I Bjarta sal er form
þeirra heilt og lokað en í Svarta sal eru þau
meira eins og gapandi tóttir, hús sem eru
bara útveggir og þak og varla það. „Ég hef
verið að stúdera eyðibýli og þessa tilfinningu
sem verður eftir inni í húsum þegar fólk er
flutt úr þeim,“ segir hún og bendir svo á hinn
bóginn á verk þar sem ljósmyndir af glugga-
tjöldum eru límdar fyrir göt og lýst á með
ljósaperu. „Gluggar eru eins og augu okkar,
maður sér út með þeim en ekki inn. Fyrir
gluggum eru oftast gluggatjöld, eins konar
blæjur svo ekki sjáist inn heldur bara út.“
Þjóðþrifaverk
Þórdísar Öldu
„Þvottur - Þjóðþrif - Þróun“ er yfirskrift
sýningar Þórdísar Öldu. í Gryfjunni gefur
meðal annars að líta hvít rimlarúm með
hreinum, hvítum sængurfotum og litla, opna
skápa með vandlega samanbrotnu líni. í For-
sal eru stór og þung straujárn í aðalhlutverki
og að sögn Þórdísar vísa þau til þess sem fólk
vill gleyma og straujar yfir til þess að geta
gleymt og þar með haldið áfram.
„Ég er að reyna að nálgast allt þetta sem
er í kringum okkur í daglega lífinu, sem við
tökum oft ekkert eftir, það sjálfsagða og jafn-
vel ósjálfráða," segir hún og bætir við að rúm
hafi oft birst í einhverri mynd í verkum henn-
ar áður. „Við eyðum svo stórum hluta af lífinu
í rúminu, svo það er allrar athygli vert. Mað-
ur hreinsar hugann og líkamann í svefni,“
segir Þórdís, en eins og yfírskrift sýningar-
innar gefur til kynna er hreinsun og endur-
nýjun í víðu samhengi henni hugstæð. Innan
á hurðir skápanna sem geyma línið hefur hún
hengt tilvitnanir í Handbók húsmæðra, þar
sem gefin eru ýmis hagnýt ráð um þvotta, t.d.
um það hvernig ná skuli erfiðum blettum úr
flíkum og dúkum. Um bletti af óþekktum
uppruna segir t.d.: „Reyna má fyrst að ná
blettunum með sápuvínanda eða blettavatni.
Eða: hræra eggjarauðu, glyseríni eða sápu-
vínanda í blettavatnið, smyrja á blettina, þvo
síðan úr volgu vatni og skola úr köldu vatni.“
NOATUN
Veisla fyrir lítið!
MEDAN BIRGDIR ENDAST
r
Svmabogar
AÐEINS
3991
pr.kg.
NOATUN
Verslanir Nóatúns eru opnar
til kl. 21, öll kvöld.
NÓATÚN117 • ROFABÆ 39 • LAUGAVEG1116 • HAMRABORG 14, KÓP. • FURUGRUND 3, KÓP.
ÞVERHOLTI 6, MOS. • JL-HÚSIVESTUR í BÆ • KLEIFARSEL118 • AUSTURVERI, HÁALEITISBRAUT 68
LESBÓK MORGUNBLAÐSINS ~ MENNING/LISTIR 3. OKTÓBER 1998 7