Lesbók Morgunblaðsins - 26.02.2000, Blaðsíða 20

-I-

]
KVIKAR MYNDIR í NÝLISTASAFNINU OG MÍR
Úr nafnlausri stuttmynd eftir Mats Adelman frá Svíþjóð.
Úr Old Spice eftir Dag Kára Pétursson.
„SÝNING SEM ÞÚ GETUR
FARIÐ Á FIMMTÍU SINNUM
OG ALDREISÉÐ ÞAÐ SAMA"
Alls mó sjá um 100 myndir úr öllum áttum í sölum
rNýlistasafnsins og 1 DÍósal MÍR næsta hálfa mánuðinn
á stuttmyndasýningunni Kvikar myndir. Sýningarstjór-
arnir 1 Bjargey Ólafsdótti r og Böðvar Bjarki Pétursson
sögðu MARGRÉTI SVEINBJÖRNSDÓTTUR frá þ >essu
einstaka tækifæri til að komast í ókeypis bíó - og sjá
listrænar stuttmyndi r og tilraunamyndir sem sjaldnast
eru ti 1 sýnis í íslenskum kvikmyndahúsum.
>, ÝNINGIN er hugsuð sem sam-
^ spil hinna ýmsu miðla kvikra
mynda og munu myndirnar
rúlla á sjónvarpsskjám, tjöld-
um og tölvuskjám í öllum söl-
— ■ um Nýlistasafnsins við Vatns-
stíg og í MÍR-salnum handan
götunnar frá og með opnun-
inni í dag kl. 17 og allt til lokadagsins 12.
mars.
Böðvar Bjarki segir hugmyndina um að
halda einhvers konar kvikmyndahátíð komna
frá Nýlistasafninu. „Það var nokkuð stór hóp-
ur fólks kallaður til og við Bjargey vorum
áköfust í að gera eitthvað, að minnsta kosti í
orði. Það sést svo við opnunina hvernig til
hefur tekist á borði,“ segir hann. Þau segjast
strax hafa orðið sammála um að fara ekki
jjbeinlínis að breyta Nýlistasafninu í hefðbund-
íð bíóhús. „Niðurstaðan er eiginlega orðin sú
að þetta er að verða einhver rosalegasta kvik-
myndahátíð sem boðið hefur verið upp á, að
minnsta kosti hvað titla varðar en þeir eru
um hundrað talsins. Jafnframt erum við að
bjóða upp á mjög óvenjulegt úrval. Megin-
þorrinn er myndir sem eru almennt engan
veginn aðgengilegar fólki á íslandi," heldur
Böðvar Bjarki áfram.
Vangavelfur um miðilinn
Myndirnar koma víða að, flestar þó frá
Norðurlöndunum og Evrópu. Til að safna
þeim öllum saman hafa þau verið í sambandi
^/ið mikinn fjölda fólks út um allan heim, að
sögn Bjargeyjar, sem kveðst hafa notið góðs
af samböndum sem hún hefur komist í við
þátttöku á hinum ýmsu stuttmynda- og kvik-
myndahátíðum erlendis. „Svo vorum við líka
svo heppin að fá pakka frá Malmö sem var
verið að sýna á hátíð þar fyrir hálfum mán-
uði,“ segir hún.
Þau segja erfitt að finna samnefnara fyrir
myndirnar á hátíðinni, nema þá helst þann að
höfundarnir nýti miðilinn á mjög margbreyti-
legan hátt. „Þessi hátíð snýst ekki bara um
myndirnar, þetta eru um leið vangaveltur um
miðilinn sjálfan. Við erum að reyna að sýna
fram á að kvikmyndagerð er gífurlega vítt og
breitt svið og það er mikil gróska í þessum
heimi. En því miður er ekki eins mikið að ger-
ast hér á Islandi og það ætti að vera miðað við
hvað við erum mikið bíóáhugafólk. Það vantar
lággróðurinn hérna - kvikmyndagerð er
meira en hátimbraðar leiknar bíómyndir,“
segir Böðvar Bjarki. „Islendingar fara meira
í bíó en allar aðrar Evrópuþjóðir, við horfum
mikið á sjónvarp og myndbönd og við erum
líka að mennta heilmikið af kvikmyndagerð-
armönnum. Svo koma þeir heim og fara bara
að vinna við auglýsingagerð,“ heldur Böðvar
Bjarki áfram. Hann segir að vissulega væri
gaman ef hér gæti þrifist fjölbreyttari flóra í
kvikmyndagerð og hugmyndin sé að sýning
sem þessi gæti orðið einhvers konar stuðn-
ingur við það.
Af dauðarokkurum á Kúbu
og sögu lyftutónlistar
Til að gefa hugmynd um þá fjölbreytni sem
einkennir sýninguna nefnir Bjargey nokkrar
myndir: „Kopisten eftir Danann Christian
Tafdrup fjallar á kómískan hátt um það þegar
sendill sem vinnur hjá Lars von Trier ákveð-
ur að framleiða eigin bíómynd. Mika Taanila
er finnskur leikstjóri sem á tvær myndir á
sýningunni. Onnur þeirra heitir Thank you
for the music og fjallar um sögu lyftutónlist-
arinnar, hin heitir Futuro og segir sögu plast-

í A,,. \ i í> '
þQk. €lfll Æ mjp
Morgunblaðið/Jón Svavarsson
Sýningarstjórarnir Böðvar Bjarki Pétursson og Bjargey Ólafsdóttir ásamt tíkinni Nælu.
hússins Futuro sem Finnar hönnuðu á sjötta
áratugnum og varð geysivinsælt. Anja Ahola
á myndina We come from Underground, sem
fjallar um Juan Carlos og Colo sem eru
dauðarokkarar á Kúbu.“
Allmargar íslenskar myndir eru á sýning-
unni og hafa margar þeirra ekki verið sýndar
hér á landi áður. Þau nefna sem dæmi Hotel,
mynd Þorvaldar Þorsteinssonar, sem segir
sögu fólks í rauða hverfinu í Amsterdam.
Kynningarmyndband Gjörningaklúbbsins
verður einnig til sýnis og myndir eftir Ólaf
Sveinsson og Kristínu Maríu Ingimarsdóttur.
Þegar spurt er hvort ekki megi sjá á sýning-
unni myndir eftir sýningarstjórana sjálfa
reyna þau Bjargey og Böðvar Bjarki að
skipta um umræðuefni. Viðurkenna síðan að
það geti svo sem vel verið að þau laumi ein-
hverju með en vilja sem fæst láta hafa eftir
sér um það mál.
Tölvuleikir settir í sögulegt samhengi
Loks má nefna Flash, samstarfsverkefni
hollenskra tónskálda og myndlistarmanna
sem sjá má og heyra á níu DVD-diskum. For-
sprakki þess verkefnis er Þóra Kristín Johan-
sen semballeikari, sem búsett er í Hollandi.
Á sýningunni verður ennfremur skoðaður í
sögulegu samhengi hinn margbrotni heimur
tölvuleikjanna, allt frá gömlum einföldum
leikjum til flókinna leikja nútímans. „Það er
einhver framtlðarsýn fólgin í þessum leikjum,
þó að við áttum okkur ekki alveg á því ennþá
hver hún er,“ segir Böðvar Bjarki.
Einnig verður starfrækt videotek eða
myndbandasafn, þar sem fólk getur sjálft val-
ið sér spólu og skoðað á staðnum.
Sýningarstjórarnir segja stefnt að því að
sýningin verði einstök en ruglingsleg sjón-
ræn upplifun þar sem öllu ægir saman;
gömlu, nýju og hugmyndum um framtíðina.
Niðurstaðan verði svo einhversskonar spegil-
mynd af okkar tímum. „Þetta er svona sýning
sem þú getur farið á fimmtíu sinnum og
aldrei séð það sama,“ segir Böðvar Bjarki.
Bjargey veltir fyrir sér vanda gagnrýnenda
við að skrifa dóma um sýninguna, þar sem
ljóst sé að engir tveir sýningargestir sjái það
sama - og það er ekki laust við að hlakki í
henni.
Nýlistasafnið er opið kl. 14-18 alla daga
nema mánudaga og sýningarnar í MIR-saln-
um verða á sunnudags-, þriðjudags- og
fimmtudagskvöldum. Nánari dagskrá liggur
fyrir í Nýlistasafninu. Sýningunni lýkur 12.
mars nk.
20 LESBÓK MORGUNBLAÐSINS - MENNING/LISTIR 26. FEBRÚAR 2000