Lesbók Morgunblaðsins - 12.08.2000, Blaðsíða 2

BELGÍSKI organistinn Jozef Sluys, dómorg-
anisti í Brussel, leikur á hádegistónleikunum í
Hallgrímskirkju í dag, laugardag, kl. 12 og
hann er fulltrúi Brussel á tónleikum tónleika-
raðarinnar Sumarkvöld við orgelið sem verða
annað kvöld, sunnudagskvöld, kl. 20.
A efnisskrá hans í dag er Prélúdía og fúga í
d-moll eftir Abraham van den Kerckhoven,
Kórall í a-moll eftir César Franck, Páques
fleuries eftir Alphonse Mailly og Tokkata eftir
Joseph Jongen.
Pa va rotti
semur frið
Tenórsöngvarinn Luciano Pavarotti hefur nú
samið frið við skattayfirvöld í heimalandi sínu.
Þetta skattastríð hefur verið mjög hart og
þung orð fallið í garð söngvarans, en hann stóð
á sama tíma í skilnaðarmáli við konu sína, sem
gekk í lið með skattayfirvöldunum. Nú hyggst
Pavarotti ljúka þessu þrefi með greiðslu á
jafnvirði eins og hálfs milljarðs króna. Á
myndinni er söngvarinn að ganga frá málum
við fjármálaráðherrann, Ottaviano DelTurco.
Ég hef alltaf greitt mín gjöld þar sem ég hef
sungið, sagði Pavarotti. En ítalska ríkinu
fannst ég hins vegar aldrei borga því nóg.
Hilmar Bjarnason, Ingi Rafn Steinarsson, Jóní Jónsdóttir, Karlotta Blöndal, Kiddi, Ólöf Björns-
dóttir, Særún Stefánsdóttir, Haddi og Unnar Auðarson eru meðal iistamanna á sýningunni Gras-
rót 2000 í Nýlfstasafninu.
, GRASRÓT í
NYLISTASAFNINU
GRASRÓT 2000 er heiti sýningar sem opnuð
verður í Nýlistasafninu við Vatnsstíg 3b í dag,
laugardag, kl. 16. Sýningin er hugsuð sem
kynning á listamönnum sem eru að stíga sín
fyrstu skref á listabrautinni.
Ráðhildur Ingadóttir valdi sýnendur, en þeir
útskrifuðust flestir frá Myndlista- og handíða-
skóla íslands vorin 1997-1999. Sýnendur eru:
Hilmar Bjamason, Ingi Rafn Steinarsson, Jóní
Jónsdóttir, Karlotta Blöndal, Kiddi, Ólöf
Björnsdóttir, Særún Stefánsdóttir, Haddi,
Unnar Auðarson og hljómsveitin Mjólk.
Sýningin er hugsuð sem ein heild þar sem
ólík verk listamannanna tengjast í „bræðingi“
(fusion). Á opnunardaginn verður ýmislegt á
seyði, svo sem gjörningar, uppákomur og raf-
tónlist. Flytjendur tónlistarinnar eru Opiate,
Tríóið Kikkert og Biogen. „Hangsið“ (hang-
out) er staður gerjunar á sýningunni. Þar verð-
ur ýmislegt um að vera fyrir gesti og gangandi,
t.d. hárgreiðsla, akvarellu-námskeið og DJ-
námskeið.
Sýningin stendur til 3. september og er opin
alla daga frá kl. 14-18. Auk þess verður Hangs-
ið opið til kl. 23 fimmtudaga og laugardaga á
sýningartímanum.
Reuters
Belgíski orgelleikarinn
Jozef Sluys.
Fjölda belgískra
orgelverka er að
finna á efnisskránni
annað kvöld og hafa
flest þeirra ekki
heyrst áður hér á
tónleikum. Fyrstu
verkin eru frá
barokktímabilinu.
Fyrsta verkið' er
Fantasía við annað
tónlag eftir 17. aldar
tónskáldið Peeter
Comet. Það er mjög
lítið vitað um þetta
tónskáld og einu tón-
verkin hans sem varðveist hafa eru orgelverk í
þremur handritum. Eftir Abraham van den
Kerckhoven, sem einnig var uppi á 17. öld,
heyrast fjögur stutt stutt: Fantasía í C-dúr,
Fantasía í e-moll, Prélúdía og fúga í d-moll og
Fantasía pro Duplice Organo.
Þá er komið að tónskáldum 19. aldarinnar.
Eftir Jaques Nicolai Lemmens heyrist
Cantabile í h-moll sem er úr bók hans Ecole
d’orgue (1862). Lemmens stundaði tónlistar-
nám sitt í Brussel en einnig í Breslau þar sem
hann kynntist þýsku hefðinni í orgelleik. Hann
samdi fjölda stuttra orgelverka til notkunar í
messunni og byggði þau á ríkri hefð gregor-
söngsins. Eftir César Franck heyrist hinn
þekkti Kórall í a-moll. Belgíska tónskáldið
Alphonse Mailly fæddist í Brussel og stundaði
þar nám í orgelleik m.a. hjá J.N. Lemmens.
Mailly tók við prófessorstöðunni við Konung-
lega tónlistarháskólann af Lemmens árið 1869.
Mailly varð virtur kennari, orgelleikari og
samdi m.a. röð orgelverka. Eftir hann leikur
Sluys Páques fleuries.
Síðasta verkið er Tokkata op. 104 eftir Jos-
eph Jongen. Hann stundaði nám við tónlistar-
háskólann í Liége. Hann fékk margar viður-
kenningar í námi og árið 1891 var hann farinn
að kenna hljómfræði og kontrapunkt við skól-
ann, varð aðstoðarprófessor 1898 og prófessor
árið 1911. Tónsmíðar voru orðnar aðaláhuga-
mál hans um 1895 og hélst svo til æviloka.
Tokkata op. 104 var samin fyrir vin hans við-
skiptajöfurinn og áhugahljóðfæraleikarann
Georges Alexis. Sennilega hefur tokkatan verið
of erfið fyrir Alexis, því hún gerir miklar kröfur
til orgelleikarans í um tækni og fótspilsleikni.
Eins og margar tokkötur impressíonista er hún
stúdía í bjölluáhrifum. Hugmyndirnar á bak við
þessa stúdíu eru tvær. Annars vegar „bjöllu“-
hljómar eins og ásláttarhljómar sem gætu verið
skrifaðir fyrir bjöllur í hljómsveit og hins vegar
yfirhljómandi runur sextánduparta.
Jozef Sluys er orgelleikari við dómkirkjuna í
Brussel, auk þess sem hann hefur verið
prófessor í orgelleik við Lemmens-háskólann
og var rektor Tónlistarháskólans í Schaerbeek í
Brussel á árunum 1968-1995. Þá sagði hann
starfi sínu lausu til að helga sig eingöngu tón-
listarflutningi.
MENNING/
LISTIR
NÆSTU VIKU
MYNDLIST
Árbæjarsafn: Saga Reykjavíkur.
Árnastofnun, Árnagarði: Handrita-
sýning. Opið kl. 13-17 til 31. ág.
Ásmundarsafn: Verk í eigu safnsins.
Sýning á verkum Ásmundar Sveins-
sonar. Til 1. nóv.
Byggðasafn Hafnarfjarðar: Vax-
myndasýning. Til 30. sep.
Galleri@hlemnuir.is: Hildur Jóns-
dóttir. Til 13. ág.
Gallerí Reykjavík: Þiðrik Hansson. Til
28. ág.
Hafnarborg: Akvarell Island. Smá-
verk úr íslenskum hör. Til 28. ág.
Hallgrímskirkja: Karólína Lárusdótt-
ir. Til 1. sep.
i8, Ingólfsstræti 8: Anne Katrine Dol-
ven. Til 10. nóv.
Kjarvalsstaðir: Austursalur: Jóhann-
es S. Kjarval. Myndir úr Kjarvals-
safni.
Listasafn Akureyrar: Dyggðirnar sjö.
Til 27. ág.
Listasafn ASÍ: Kristín Geirsdóttir og
Ása Ólafsdóttir. Til 30. ág.
Listasafn Einars Jónssonar: Opið alla
daga, nemamánudga, kl. 14-17. Högg-
myndagarðurinn opinn alla daga.
Listasafn Háskóla Islands: Málverk
frá Mars.
Listasafn íslands: Sumarsýning úr
eigu safnsins. Til 27. ág.
Listasafn Reykjavíkur, Hafnarhús-
inu: Gestur Þorgrímsson og Rax Rinn-
ekangas. Til 27. ág.
Listasafn Siguijóns Ólafssonar: Valin
verk eftir Siguijón Ólafsson.
Listasalurinn Man, Skólavörðustig:
Margrét R. Kjartansdóttir og Sigur-
borg Jóhannsdóttir.
Listaskálinn í Hveragerði: Jóhanna
Bogadóttir. Til 10. sep.
Mokkakaffi: Helga Óskarsdóttir. Til
11. sep.
Norræna húsið: Flakk. Til 13. ág.
Nýlistasafnið: Grasrót 2000.3. sept.
Safnasafnið, Svalbarðsströnd: Ragn-
ar Bjarnason, Haraldur Sigurðsson,
Valdimar Bjarnfreðsson, Svava Skúla-
dóttir, Egill Ólafur Guðmundsson og
Guðjón R. Sigurðss. Til 29. ág.
Sjóminjasafn Islands, Vesturgötu 8,
Hafnarf.: Jón Gunnarsson. Til 1. sep.
Skaftfell, Seyðisfirði: Olaf Christoph-
er Jensen. Til 17. sep.
Slunkaríki, Isafirði: Jón Sigurpálsson.
Til 20. ág.
Stöðlakot: Bubbi. Til 17. ág. Marta
María Hálfdanardóttir. Til 13. ágúst.
Þjóðarbókhlaða: Ásta Sigurðardóttir.
Til 31. ág.
Upplýsingamiðstöð myndlistar:
www.umm.is undir Fréttir.
TÓNLIST
Laugardagur
Hallgrímskirkja: Jozef Sluys. Kl. 12.
Skálholtskirkja:
Baroek Solisten. Kl. 15.
Manuela Wiesler. Kl. 17.
Kirkjubæjarklaustur: Kammertón-
leikar. Kl. 17.
Sunnudagur
Skálholtskirkja: Barock Solisten. Kl.
16:40. Manuela Wiesler. Kl. 15.
Kirkjubæjarklaustur: Kammertón-
leikar. Kl. 15.
Hallgrímskirkja: Jozef Sluys. Kl. 20.
LEIKLIST
Loftkastalinn: Thriller, fös. 18. ág.
Iðnó: Bjöminn, þrið. 15., mið 16. ág.
Islenska óperan: Hellisbúinn, lau. 12.,
sun. 13., mið. 16., fim. 17. ág.
Tjamarbíó: Með fullri reisn, lau. 12.
ág.
Upplýsingar um listviðburði sem ósk-
að er eftir að bh-tar verði í þessum
dálki verða að hafa borist bréflega eða
í tölvupósti fyrir kl. 16 á miðvikudög-
um merktar: Morgunblaðið, menning/
listir, Kringlunni 1, 103 Rvík. Mynd-
sendir: 5691222. Netfang: menning
@mbl.is.
BELGÍSKUR QRGELLEIKARI
IHALLGRIMSKIRKJU
2 LESBÓK MORGUNBLAÐSINS - MENNING/USTIR 12. ÁGÚST 2000