Lesbók Morgunblaðsins - 12.08.2000, Blaðsíða 16

KOTTUR
SEM FER
SINAR EIG-
IN LEIÐIR
Samsýning tólf myndlistarmanna, sem nota mikið
vatnsliti við listsköpun sína, var op nuð í gærkvöldi.
Sýningin ber yfirskriftina Akvarell ísland 2000 og er
haldin í Hafnarborg. Níu myndlistarmenn stofnuðu
h lópinn Akvarell (sland fyrir fjórum árum. Ásamt
Þ eim sýna nú þrír myndlistarmenn á sýningunni.
INGA MARÍA LEIFSDÓTTIR náði tali af Gunnlaugi
Stefáni Gíslasyni, sem hefur verið í hópnum frá upp-
h< □fi, og Hlíf Ásgrímsdóttur, sem sýnir í fyrsta sinn
með hópnum. Að þeirra sögn eru |: >eir, sem á annað
1 borð vinna með vatnsliti, hugfangnir af efninu.
Morgunblaðið/Kristinn
Gunnlaugur Stefán Gíslason styður sig við eina af myndum sínum.
Morgunblaðið/Kristinn
Hlíf Ásgrímsdóttir við myndir sínar.
AKVARELL ísland 2000 er yfir-
skrift samsýningar tólf myndlistar-
manna á akvarellum eða vatnslita-
myndum. Sýningin var opnuð í
Hafnarborg í gærkvöldi. Myndlistarmenn-
irnir sem sýna eru Alda Armanna Sveins-
dóttir, Asta Arnadóttir, Daði Guðbjörnsson,
Eiríkur Smith, Guðrún Svava Svavarsdóttir,
Gunnlaugur Stefán Gíslason, Hafsteinn
Austmann, Hlíf Ásgrímsdóttir, Katrín H.
Ágústsdóttir, Kristín Þorkelsdóttir, Pétur
Friðrik og Torfi Jónsson.
Vatnslitir meginviðfangsefni
Þetta er í þriðja sinn sem Akvarell ísland
sýning er haldin. Árið 1996 komu níu ís-
lenskir myndlistarmenn saman til að halda
sýningu á vatnslitamyndum. Hópurinn kall-
aði sig Akvarell ísland, enda allt mynd-
listarmenn sem höfðu meira og minna helg-
að sig vatnslitamálun í list sinni. Sýningin
var haldin í Hafnarborg, ásamt því að fá til
liðs við sig Hjörleif Sigurðsson sem gesta-
málara.
Onnur sýning hópsins var haldin árið 1998
undir yfirskriftinni Akvarell Island 2, þá í
Hveragerði. Hún var þá haldin í minningu
Skarphéðins Haraldssonar, myndlistar-
manns og kennara, og ásamt verkum hinna
níu listamanna voru sýndar nokkrar akvar-
ellur hans.
í ár hafa þrír myndlistarmenn bæst í hóp-
inn og sýna með upprunalega hópnum. Það
eru þau Ásta Árnadóttir, Daði Guðbjörnsson
og Hlíf Ásgrímdóttir. Ásta er aldursforseti
hópsins að þessu sinni, en Daði og Hlíf
yngja hann upp. Myndlistarmennirnir sem
sýna á sýningunni eru á ólíkum aldri og hafa
verið mislengi starfandi í greininni. Þessi
breidd í hópnum gefur sýningunni aðeins
meira gildi, að mati myndlistarmannanna,
enda eru verkin á sýningunni afar fjölbreyti-
leg. Uppsetning sýningarinnar er í höndum
Jóns Axels Björnssonar og Aðalsteins Ing-
ólfssonar.
Hver syngur með sínu nefi
„Þetta er sundurleitur hópur hvað varðar
efnistök," segir Gunnlaugur. „Hér syngur
auðvitað hver með sínu nefi. En öll eigum
við það sameiginlegt að vera gagntekin af
akvarellu." Gunnlaugur hefur helgað sig
meira og minna vatnslitamálun síðastliðin
þrjátíu ár og unnið við kennslu í þeirri tækni
við Myndlistaskólann í Reykjavík og Mynd-
lista- og handíðaskóla íslands. Akvarell er
Morgunblaðið/Kristinn
Myndlistarmenn sem sýna á Akvarell ísland 2000 í Hafnarborg.

hugtak sem vefst fyrir blaðamanni. Hvað
felst í því? „Það sem einkennir þetta efni og
þessa aðferð er að pappírinn og ljósið skín í
gegn, líkt og um steindan glugga sé að ræða.
Hægt er að vinna í mörgum lögum með akv-
arellu. Allt sem gert er á pappírinn, kemur
fram í myndinni og það getur auðvitð verið
bæði gott og slæmt,“ svara Gunnlaugur og
Hlíf. Gunnlaugur segist oft líkja vatnslita-
málun við hest, sem verður að halda fast við
taumana í, en er um leið stórkostlegur farar-
skjóti. „Eg myndi líka segja að vatnslitur sé
eins og köttur, sem fer sínar eigin leiðir,“
bætir Hlíf við. „Smám saman nær maður að
loka fyrir einhverjar af leiðum hans. En auð-
vitað eru vatnslitir bara eins og hver annar
miðill þegar maður fer að nota hann. Maður
lærir að stjórna honum.“ Að sögn Gunnlaugs
er pappírinn lykilatriði þegar kemur að
vatnslitamálun. „Hann getur verið grófur
eða fíngerður, þykkur eða þunnur, með ýms-
um áferðum. Þetta skiptir allt mjög miklu
máli í sambandi við útkomuna sem maður er
að reyna að ná fram.“
Ekki algeng aðferð
Hlíf og Gunnlaugur segja að fáir mynd-
listarmenn hafi helgað sig alveg vatnslita-
málun. „Þetta er svolítið spurning um að
hafa gaman af því frá byrjun eða hreinlega
alls ekki. Fólk skiptist í tvo hópa þegar
kemur að þessu. Þeir myndlistarmenn sem á
annað borð vilja vinna með vatnsliti, geta
varla hugsað sér að vinna með neitt annað.
Þeir hins vegar sem ekki gera það að stað-
aldri, gera það nánast aldrei." Hlíf, eins og
Gunnlaugur, kennir vatnslitamálun. Hún
segist hafa notað vatnsliti frá því að hún var
barn. „Eg nota stundum aðrar aðferðir, en
mér finnst eins og ég sé komin heim þegar
ég nota vatnsliti. Það er ef til vill vegna þess
að ég hef notast við þetta efni svo lengi.
Maður getur ekki alltaf stjórnað því eins og
maður vill, því fylgja stundum erfiðleikar,
en erfiðleikar eru líka spennandi."
Að mati Hlífar er oft ákveðin hræðsla hjá
myndlistarfólki við að nota vatnsliti. Mynd-
listarmennirnir sem sýna á Akvarell ísland
2000 nota einungis vatnsliti í myndir sínar.
„Margir blanda vatnslitum við aðrar aðferð-
ir, nota til dæmis blek líka eða nota vatnsliti
í grafík. Á sýningunni hérna er þó einungis
um að ræða hreina akvarellu, sem er erfið
tækni, en ákaflega heillandi.“
Sýningin í Hafnarborg er opin alla daga
milli kl. 12 og 18. Henni lýkur 27. ágúst.
1 6 LESBÓK MORGUNBLAÐSINS - MENNING/LISTIR 12. ÁGÚST 2000