Alþýðublaðið - 27.03.1984, Blaðsíða 22

22
Þriðjudagur 27. mars 1984
Sighvatur 4
alltaf hægt að láta kröfu fylgja
kröfu — hirða alla hendina ef boð-
inn er fram litli fingur.
Dómur Hœstaréttar.
Með dómi Hæstaréttar um
eignarráð á Landmannaafrétti þar
sem rétturinn hratt kröfu „landeig-
enda“ sem ólögmætri komst
Hæstiréttur m.a. að þeirri niður-
stöðu, að bráðnauðsynlegt sé, að
Alþingi setji lög, sem taki af öli tví-
mæli um, að land og landgæði, sem
einkaaðilar og sveitarfélög geta
ekki sannað eignarheimildir sínar
á, skuli talin sameign allrar þjóðar-
innar. Þessari ósk Hæstaréttar hef-
ur Alþingi ekki sinnt. Tvívegis hefur
málið þó verið flutt sem Iagafrum-
varpá Alþingi en i bæði skiptin hef-
ur landeigendavaldið barið málið
niður. Lénsherrar íslands neita
landsmönnum meira að segja um
þann frumburðarrétt að fá að eiga
það land, sem enginn annar á!
Hver á sólina og tunglið?
Og svo kemur krafan um, að
þjóðin borgi lénsvaldinu snjóinn,
sem féll á Hofsjökul í fyrra. Rign-
ingin á Kili á að verða tekjustofn
Blöndubænda. í reikninga Lands-
virkjunar á að færa nýjan kostn-
aðarlið: „Til kaupa á snjó og regni“.
En hver á þá sólina, tunglið og
stjörnurnar? Geislar vor- og sumar-
sólarinnar bræða snjóinn, sem féll
á Hofsjökul í fyrra og breytti hon-
um í virkjanlegt vatn i Blöndu. Á
ekki líka að borga fyrir sólina? Og
árstíðirnar? Fuglasönginn? Ilminn
af slegnu grasi?
Dýrt verður ísland allt áður en
upp er staðið.
r
Utvegsbankinn 2
og stofnunar Útvegsbankans í
framhaldi af honum 1930,
Kreditkort
Að lokum vil ég svo geta hinnar
miklu nýungar á greiðsluformi,
þ.e.a.s. að Eurocard — kreditkorts-
ins okkar, en meðeigendur okkar
eru Verslunarbankinn, Kort h.f. og
samvinnuaðili, Sparisjóður Vél-
stjóra. Eurocard International er i
samvinnu við stærstu kortasam-
steypu heims, sem er Mastercard í
Bandaríkjunum og Assecc í Bret-
landi.
Fyrir nokkrum árum stofnuðu
nokkrir einstaklingar Kreditkort
h.f. Þetta var miðað við innan-
landsmarkað og gekk ágætlega.
Viðskiptavinir svona á bilinu 800 til
1000.
Þeir ráku sig þó fljótt á þá stað-
reynd að yrði um einhverja verulega
útvíkkun á þessari starfsemi að
ræða, og þó sérstaklega ef kortin
ættu að gilda alþjóðlega, þá þyrftu
þeir banka með sér í málið.
Hófst nú mikil umræða meðal
nokkurra banka hér á landi, sem
endaði með því, að fyrrnefndir þrír
aðilar stofnuðu Kreditkort s.f.
Augljóst var að banki eða bankar
hefðu geta sett fyrri eigendur útí
horn. Höfuðstöðvar Eurocard eru i
Brússel í Belgíu og nánast hefði
hvaða banki sem var getað boðið
þeim betri þjónustu fyrir íslenska
umboðið en einstaklingar. Þvi mið-
ur kom þessi skoðun fram hjá ein-
staka hlutafjárbanka í viðræðum
bankanna. Eg lagðist alfarið gegn
þessu. Síst af öllu ætti líka þessi
skoðun að heyrast frá einkabönk-
um sem byggja á hugsjónum ein-
staklingsframtaksins og frelsis. Um
leið og einstaklingurinn hefur rutt
brautina þá á að setja hann útaf
sakramentinu og það af hugsjóna-
legum skoðanabræðrum hans.
Undir þennan söng gátu Útvegs-
bankinn og Verslunarbankinn ekki
tekið. Því urðu aðilarnir að Kredit-
kort s.f. þrír.
Hreinskilningslega sagt hefur
Kreditkort s.f. verið hreint reyfara-
fyrirtæki. Velta fyrirtækisins hefur
nær þúsundfaldast á tveimur árum.
Við erum með tíu þúsund við-
skiptamenn auk aukakorta, enda
með tveggja ára forskot á innlenda
markaðinum. 80 til 90°/o fyrirtækja
á landinu í þjónustu og verslun hafa
gert samstarfssamning við okkur
og taka þannig við kreditkortinu
sem greiðslumiðli. Almenningur
hefur svo sannarlega kunnað að
meta þessa góðu þjónustu okkar.
Við störfum algjörlega eftir regl-
um Eurocard International og erum
með altölvuvædda starfsemi með
beinum tengslum við aðalstöðvarn-
ar í Brússel í alþjóðakortunum.
Skuldfærslurnar fara þannig á
báða bóga í gegnum einn stað,
Brússel og eru kvótaðar í einum
gjaldmiðli, þ.e. dollurum. Það er
sama hvar þú ert í veröldinni. Út-
vegsbankinn sér um þig og veitir þér
góða þjónustu", sagði Reynir Jón-
asson að lokum.
G.T.K.
Nýjung 1
þess að vera vinur litla mannsins.
Hún er auðvitað rökrétt. Því
minna sem litli maðurinn hefur á
milli handa, þeim mun minni
verður hann. Og þeim mun minna
sem rennur til launafólks, þeim
mun meira fjölgar Iitlu mönnun-
um.
Svo eiga menn bara að gefa
sjálfir yfirlýsingu um það að þeir
séu vinir litla mannsins og þá eiga
allir auðvitað og einfaldlega að
taka það gott og gilt. Annað hlyti
að vera hrein heimska, sérstaklega
þegar allir hafa það fyrir augum
að það hefur ekki verið neitt að
marka neinar yfirlýsingar sem
gefnar hafa verið áður. Þá hlýtur
að vera komið að þessari einu sem
er að marka.
Leitar 1
af því gagnvart almenningi, að
hafa fundið gatið og sagt fólki frá
því.
Það eru aldeilis fræðgarverk,
sem Albert Guðmundsson fjár-
málaráðherra hefur innt af hendi.
Hann hefur fundið tveggja millj-
arða gat í fjárlögunum og sagt
fólki frá því. Ekki hefur hann hins
vegar hugmynd um það hvernig
unnt er að fylla hið umrædda gat.
Hann spyr stjórnarandstöðuna
um ráðleggingar í þeim efnunt.
Það er ekki mikil reisn yfir fjár-
málaráðherra og ríkisstjórninni
þessa dagana.
Kosta Boda er sérverslun
með vandaðan listiðnað; skrautmuni og
nytjahluti. Efnið er úrvals
sænskur kristall, eldfast gler, stál
og þýskt gæðapostulín. Hönnuðir eru
þekktir listamenn, sem hver og einn
nýtur heimsviðurkenningar.
Þetta eru antik munir framtíðarinnar.
KOSTA BODA
Bankastræti 10. Sími 13122