Alþýðublaðið - 14.05.1993, Síða 9

Föstudagur 14. maí 1993
9
Leiksigur áhugamannafélags -Leikfélags Hólmavíkur
HRÁTT OG GRÓFT
MANNLÍF í KREPPU
Tóbaksvegur - eða Tobacco Road eftir
bandaríska rithöfundinn Erskine Cald-
well, er inagnað verk. Pað er verk sem
hann skrifaði úr eigin reynsluheimi.
Skáldsaga hans kom fyrst út árið 1932 en
leikgerðina gerði Jack Kirkland árið
1934 og var verkið á fjölunum á Broad-
way árum saman. Um síðustu helgi var
undirritaður svo Ijónheppinn að frétta af
sýningu Leikfélags Hólmavíkur á þessu
verki í Félagsheimili Kópavogs, og lét af
því verða að renna suðureftir og skoða
þar Ieikhús áhugafólks. Það var upplifun.
Það þaif ekki að fjölyrða um það að þessi
leiksýning er mikill sigur fyrir agnarsmátt
leikfélag f litlu sjávarplássi á Ströndum, þar
sem aðeins búa liðlega 400 manns. Mér
sýndist á leikskránni að hartnær þrjátíu
manns hefði lagt sýningunni lið. Þessi upp-
færsla er erfið, jafnvel fyrir stærri leikfélög
atvinnumanna. Eg minnist þess að hafa séð
þessa sýningu á árum áður í Iðnó. Það var
afbragðsgóð sýning, en þessi sýning Hólm-
víkinga stóð henni síst að baki.
Tobacco Road fjallar um Lester-fjöl-
skylduna og gerist á tímum kreppunnar
miklu upp úr 1930. Fjölskyldan er af lægstu
gráðu hvítra manna í Georgíu, einu suður-
ríkja Bandaríkjanna. Þetta er sannarlega
brjóstumkennanleg fjölskylda, fáfróð,
heimsk, grimm og ósiðleg til orðs og æðis.
Stundum ofbýður viðkvæmum sálum tals-
mátinn hjá þessum hráu og grófu mann-
skepnum. Vegna leti fjölskylduföðurins býr
fjölskylda hans í aflóga hreysi og á ekki
málungi matar, en stelur frekar lífsbjörginni
hvar sem hana er að finna.
Það sem kom mér mest á óvart var nátt-
úruþrunginn kraftur leikendanna flestra
hveiTa, skýr framsögn og góðar hreyfmgar.
Hlutverkin kalla flest á mikinn kraft og
mikla leikræna tjáningu. Þau kaila iíka á að
túlkuð sé mannleg eymd svipuð þeirri sem
Baldur Hermannsson hefur verið að lýsa
meðal íslendinga á fyrri öldum. Hjá leikur-
unum á Hólmavík hefði Baldur getað feng-
ið betri leikara en þá sem við sjáum á sunnu-
dagskvöldum í sjónvarpinu. Sumar senum-
ar vom afar nýstárlegar í íslensku leikhúsi,
ekki síst hinar klúm ástarsenur hálfheilagrar
Systur Bessie og hins unga sonar á heimil-
inu, Dude Lester.
Leikfélagið hafði fengið til liðs við sig
ungan leikstjóra að sunnan, Skúla Gautason,
og verður ekki annað sagt en að hann hafi
unnið mikið þrekvirki í starfi sínu nreð
áhugamönnum í leiklist á staðnum, og laðað
fram hinn ágætasta leik. Verkið skilaði sér
fullkomlega til leikhúsgesta.
Af leikendum fannst mér Sigurður Atla-
son, formaður leikfélagsins, leysa hlutverk
hins lata heimilisföður með mikilli prýði.
Hann var reyndar eins og fullskapaður at-
vinnuleikari í þessu erfiða hlutverki. María
Guðbrandsdóttir lék móðurina, og fékk
mann til að þykja framhjáhald hennar með
ókunnum manni, sem leið átti hjá garði, sem
fegursta ævintýr. Það ævintýr bar ávöxt þar
sem var dóttirin, Pearl. Systir Bessie, hálf-
heilög kona á sínum heimaslóðum, og talin í
beinu talsambandi við guð, en verulega sið-
spillt inn við beinið, er dregin upp af mikl-
um glæsibrag af Saibjörgu Engilbertsdótt-
ur. Dóttirin Eliie May, stúlka með skarð í
vör, er prýðilega túlkuð af Herdísi Rós
Kjartansdóttur. Og ekki má gleyma synin-
um á heimilinu, Dude, sem sannar það að
sjaldan fellur eplið langt frá eikinni, hann
virðist ætla að verða lifandi eftinnynd föður
síns, sorglegt sem það er. Arnar S. Jóns-
son, gagnfræðaskólastrákur á Hólmavík, fer
með hlutverk piltsins, sem giftist „heiiögu"
konunni, aðallega vegna þess að hún á nýj-
an bfl með flautu! Amar fer á kostum í þessu
hlutverki, sem krefst mikilla átaka. Þá vil ég
geta Einars Indriðasonar í hlutverki Lov
Bensey, vonsvikins eiginmanns einnar af
fjölmörgum dætrum heimilisins, sem ekki
vill sænga hjá bónda sínum. Einar var
fjarska sannfærandi sem fáfróður og fá-
kunnandi ungur eiginmaður með stórfelld
vandamál.
Sýningin hófst eins og áhugamanna er
siður með vandamálum ljósamanna, sem
þeir yfirstigu brátt. Leikmynd er einföld en
vel gerð og förðunin var með ágætum.
Því miður virðast borgarbúar ekki dug-
legir að bregða sér í leikhús, þegar leikfélög
af landsbyggðinni koma í heimsókn. Þessa
sýningu áhugafólksins frá Hólmavík sóttu
hátt í hundrað manns, og er ekki að efa að
fólkið naut þessarar ágætu sýningar í hví-
vetna. En það hefðu miklu fleiri mátt gera.
Það er full ástæða til að hvetja fólk til að
skoða þessar sýningar áhugaleikara. Þar er á
ferðinni sannkölluð leikgleði, og eins og í
þessu tilfelli, verulega vönduð sýning, sem
skilur mikið eftir sig, og allt annars konar
stemmning en í leikhúsi áhugaleikaranna.
Vissulega má alltaf finna einhverja agnúa á
öllum uppfærslum, en þeir kafna og gleym-
ast, þegar vel er gert. Kærar þakkir lyrir
þessa stórgóðu sýningu, Hólmvíkingar.
Jón Birgir Pétursson
ÁSKRIFTARSÍMI
ALÞÝÐUBLAÐSINS ER
62-55-66
LEIKFÉLAG HÓLMAVÍKUR
1993
BÆNDUR,
RÚLLUBINDIVÉL
- KRONEKR125 ................. kr.860þús.
- KRONEKR130 ................. kr.910þús.
PÖKKUNARVÉL
- SILOMAC 9913................ kr.660þús.
- CARRARO RF89................ kr.449þús.
- SPINPACD40.................. kr. 284 þús.
BAGGAGREIP
- SILOMAC-II.................. kr. 70þús.
BAGGASPJÓT
- TWOSE ...................... kr. 20þús.
MOKSTURSTÆKI FX15m/jafnv..... kr.396þús.
DISKASLÁTTU- KRONE 2jametra . . . kr.264þús.
VÉL FARMA 1.85m..... kr. 142 þús.
HEYÞYRLA STOLL5.5m....... kr.276þús.
STJ.MÚGAVÉL STOLL 3.35 m.... kr. 174þús.
„Silomac“ mlfallbretti
2, 3 eða fleirskera plógar
Bjóðum einnig fjölbreytt úrval af plógum, herfum, áburðardreif-
urum og sáðvélum. T.d. 3-skera 14"plógur m/landhjóli og skera
á 147þús. kr.
Bændur minnum á „KOFA-SAFA “ í rúllurnar — takmarkað
magn til ráðstöfunar fyrir sumarið !!
Bútækni á sérkjörum!
Ath. öll verð tilgreind án vsk.
Járnhálsi 2, 110 Rvk. Sími 91-683266