Morgunblaðið - 19.01.2001, Qupperneq 1

Reuters
Mótmælendur hengja brúður á upphækkuðum vegi í Manila, þar sem tugir þúsunda manna komu saman.
UM 100.000 Filippseyingar söfnuð-
ust saman í Manila í gær til að krefj-
ast þess að Joseph Estrada forseti
segði af sér og fámennari mótmæla-
fundir voru haldnir í að minnsta
kosti átján borgum.
Mótmælendur héldust í hendur og
mynduðu þannig 10 km keðju frá
fjármálahverfinu í Manila að minn-
ismerki um uppreisnina árið 1986
þegar Ferdinand Marcos einræðis-
herra var steypt af stóli.
Andstæðingar forsetans boðuðu
allsherjarverkfall í dag og skipu-
leggjendur mótmælanna sögðust
vona að hundruð þúsunda myndu
taka þátt í göngu í átt að forsetahöll-
inni. Þeir munu þó hafa aflýst göng-
unni, þar sem óttast var að komið
gæti til átaka við stuðningsmenn
Estrada.
Stjórnarandstaðan sökuð um
að bíða íhlutunar hersins
Óeirðalögreglumenn voru í gær
sendir til Manila til að koma í veg
fyrir óeirðir í borginni. Orlando
Mercado varnarmálaráðherra
kvaðst þó hafa sagt lögreglunni að
sýna mótmælendum „umburðar-
lyndi“ og skipað hernum að skipta
sér ekki af mótmælunum.
Mercado sakaði stjórnarandstæð-
inga um að vilja að herinn svipti Est-
rada forsetaembættinu og kæmi
andstæðingum hans til valda. Hann
lagði áherslu á að herinn myndi ekki
skipta sér af stjórnmálum landsins.
„Ef stjórnarandstaðan bíður eftir
íhlutun hersins er sú bið til einskis.“
Mótmælin hafa magnast smám
saman frá því á þriðjudag, þegar
ákveðið var að fresta réttarhöldum
yfir Estrada, sem hefur verið ákærð-
ur til embættismissis fyrir mútu-
þægni og fleiri lögbrot. Saksóknar-
arnir í málinu sögðu þá af sér, en
forseti fulltrúadeildar þingsins, Arn-
ulfo Fuentebella, kvaðst í gær ætla
að reyna til þrautar að fá þá til að
draga afsagnirnar til baka. Einn sak-
sóknaranna sagði í gær að þeir
kynnu að fallast á það ef Estrada
vildi bera vitni í réttarhöldunum.
Mótmælin magnast
Manila. AP, AFP.
15. TBL. 89. ÁRG. FÖSTUDAGUR 19. JANÚAR 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 19. JANÚAR 2001
ARIEL Sharon, leiðtogi Likud-
flokksins, sagði í gær að ef hann ynni
sigur í forsætisráðherrakosningun-
um í Ísrael, sem fara fram 6. febrúar,
myndi hann ekki afhenda Palestínu-
mönnum meira landsvæði. Hann
kvaðst fremur myndu stefna að því
að komast að tímabundnu samkomu-
lagi, sem fæli meðal annars í sér að
allar ísraelskar landnemabyggðir
stæðu áfram. Bæði Ehud Barak, for-
sætisráðherra Ísraels, og talsmenn
Palestínumanna fordæmdu tillögur
hans í gær.
Sharon, sem hefur alla tíð verið
talsmaður harðrar afstöðu gagnvart
Palestínumönnum, kynnti stefnu
sína í samningamálum í smáatriðum
í gær, en hann hafði frá byrjun kosn-
ingabaráttunnar haft fá orð þar um
og meðal annars vikið sér undan því
að svara spurningum um stöðu ísr-
aelskra landnema á hernumdu svæð-
unum. Tillögur Sharons gera meðal
annars ráð fyrir að Palestínumenn
fari áfram með stjórn borganna á
Vesturbakkanum og Gaza-svæðinu
og hafi takmörkuð yfirráð yfir svæð-
unum í kring, eins og þeir gera nú.
Ekki yrði stofnað til nýrra byggða
ísraelskra landnema á hernumdu
svæðunum, en Sharon leggur til að
þær landnemabyggðir sem fyrir eru
verði stækkaðar, einkum byggðirnar
í nágrenni Jerúsalem.
Ehud Barak, sem er helsti keppi-
nautur Sharons í kosningunum, for-
dæmdi hugmyndirnar umsvifalaust.
Barak sagði ljóst að friður gæti ekki
komist á ef Sharon næði völdum, og
að ísraelska þjóðin áttaði sig á að
nauðsynlegt væri að gera sársauka-
fullar tilslakanir svo friðarsamning-
ar mættu takast. Saeb Erekat, að-
alsamningamaður Palestínumanna,
sagði tillögur Sharons vera „upp-
skrift að hörmungum, uppskrift að
stríði“.
Arafat reiðubúinn
til maraþonviðræðna
Yasser Arafat, leiðtogi Palestínu-
manna, kvaðst í gær reiðubúinn að
ganga til „maraþonviðræðna“ að til-
lögu Baraks, til að freista þess að
komast að friðarsamkomulagi fyrir
forsætisráðherrakosningarnar í
Ísrael. Samningamenn Ísraela og
Palestínumanna áttu þriggja
klukkustunda fund í gærkvöldi, án
umtalsverðs árangurs.
Baráttan fyrir kosningarnar í Ísrael fer harðnandi
Sharon hyggst ekki
afhenda meira land
Erekat segir
tillögur Sharons
„uppskrift
að stríði“
Jerúsalem. AFP, AP.
CONCORDE-þotu frá Air France-
flugfélaginu var í gær flogið í ann-
að sinn síðan þota af þessari tegund
fórst skömmu eftir flugtak frá
Charles de Gaulle-flugvelli í París í
júlí á síðasta ári.
Þotunni var flogið frá París til
herflugvallar í Istres, nálægt Mið-
jarðarhafsströnd Frakklands. Eng-
ir farþegar voru um borð og ekki
var flogið á hljóðhraða. Í Istres
verður þotan rannsökuð gaumgæfi-
lega, og gætu niðurstöður próf-
ananna ráðið úrslitum um það hve-
nær Concorde-þotur verða aftur
teknar til notkunar í farþegaflugi.
Talið er að slysið, sem varð 113
manns að bana, hafi orsakast af því
að brot úr sprungnum hjólbarða
hafi rifið gat á eldsneytistank á
vinstri væng. Air France kyrrsetti
strax allar Concorde-þotur sínar,
en einni þotu var þó leyft að fljúga
heim til Frakklands frá Bandaríkj-
unum. British Airways kyrrsetti
sínar þotur mánuði síðar.
Á myndinni sést Concorde-þotan
lenda á herflugvellinum í Istres.
Reuters
Concorde flýgur á ný
París. AFP, AP.
Átti barn
utan hjóna-
bands
Washington. AP.
BANDARÍSKI stjórnmálamaður-
inn og baptistapresturinn Jesse
Jackson sendi í gær frá sér yfirlýs-
ingu um að hann
ætti litla dóttur
utan hjónabands.
Talsmaður hans
sagði að móðirin
ynni á skrifstofu
baráttusamtaka
Jacksons í Wash-
ington en hann
er meðal þekkt-
ustu talsmanna
réttinda blökku-
manna í landinu. Hefðu Jackson og
konan átt í ástarsambandi um hríð.
„Ég tek á mig alla ábyrgðina og
iðrast mjög gerða minna,“ sagði í
yfirlýsingunni. „Án efa verða
margir nánir vinir mínir og sam-
starfsmenn fyrir miklum vonbrigð-
um með mig. Ég bið þá um að fyr-
irgefa, skilja og biðja fyrir mér.“
Æsifréttablaðið National Enquirer
hafði þegar sagt frá framhjáhaldi
stjórnmálamannsins, sem á fimm
börn með eiginkonu sinni, Jackie.
Jackson er 59 ára.
Stóð með Clinton
í Lewinsky-málinu
Dóttirin er 20 mánaða gömul. Er
Bill Clinton Bandaríkjaforseti stóð
í stappi vegna framhjáhaldsins
með Monicu Lewinsky og krafna
um að honum yrði vikið frá stóð
Jackson staðfastlega með forsetan-
um. Í ágúst 1998 fór hann í Hvíta
húsið og bað með Clinton og fjöl-
skyldu hans er forsetinn hafði
gengist við sambandi sínu við Lew-
insky.
Jesse Jackson
Yfirlýsing
Jesse Jacksons
EMBÆTTISMENN í Lýð-
veldinu Kongó staðfestu í gær-
kvöldi að forseti landsins,
Laurent Kabila, væri látinn,
tveimur dögum eftir að hann
varð fyrir skotárás í forseta-
höllinni í höfuðborginni Kins-
hasa.
Ráðherrann Dominique
Sakombi sagði í ávarpi í kong-
óska ríkissjónvarpinu að Kab-
ila hefði látist kl. 10 í gær-
morgun að staðartíma, en
skýrði ekki nánar frá málsat-
vikum. Sakombi lýsti yfir 30
daga þjóðarsorg í landinu og
tilkynnti að á mánudag og
þriðjudag yrðu almennir frí-
dagar vegna útfarar forsetans.
Hvatti hann landsmenn til að
halda ró sinni.
Allt frá skotárásinni á
þriðjudag bar fregnum ekki
saman um hvort Kabila hefði
látist samstundis, skömmu eft-
ir árásina eða hvort hann væri
enn á lífi. Þá er enn ekki ljóst
hver varð honum að bana.
Embættismenn sögðu í gær að
flogið hefði verið með forset-
ann til Simbabve til lækninga
og að lík hans yrði flutt heim á
laugardag.
Ríkisstjórn Lýðveldisins
Kongós skipaði á miðvikudag
son Kabila, Joseph, í embætti
forseta til bráðabirgða.
Andlát
Kabila
staðfest
Kinshasa. AFP, AP.