Morgunblaðið - 22.07.2001, Side 8
8 B SUNNUDAGUR 22. JÚLÍ 2001 MORGUNBLAÐIÐ
ferðalög
TIL AÐ komast til Sámseyjar þarf að
taka lest frá Kaupmannahöfn til Kal-
undborg og svo er siglt með ferju til
eyjarinnar. Lestarferðin tekur u.þ.b.
einn og hálfan tíma og siglingin tæpa
tvo. Ferðum ferjunnar er stillt þann-
ig upp að þær passa nokkurn veginn
við lestarferðir og þarf því aldrei að
bíða lengi eftir ferð, í hvora áttina
sem halda skal.
Við renndum algjörlega blint í sjó-
inn þegar þessi ferð var ákveðin.
Höfðum óljósa hugmynd um að þarna
hefðu verið teknir upp sjónvarps-
þættir, Strisserne på Samsø, sem
myndi útleggjast sem Löggurnar á
Sámsey á ástkæra ylhýra. Þess
vegna vorum við verulega forvitin um
hvað myndi bíða okkar þegar í land
kæmi.
Lagst var að bryggju í rigningu,
svo mikilli að ekki þurfti að stíga
nema andartak út fyrir til að gegn-
blotna. Þegar við vorum komin upp í
hús, sem kom okkur skemmtilega á
óvart vegna þess hversu þægilegt og
flott það var, biðum við bara eftir að
sólin léti sjá sig, sem hún gerði strax
næsta dag. Hún skein svo sem glað-
ast hún getur allan tímann okkar á
þessum dýrðarstað.
Sámsey hefur verið nefnd perlan í
Kattegat. Það er réttnefni og eftir að
hafa varið viku þarna get ég ekki ann-
að en undrast að hafa aldrei heyrt á
hana minnst sem ferðamannastað.
Um 4.400 manns hafa þarna fasta bú-
setu. Yfir sumartímann gengur allt út
á ferðamennsku og íbúafjöldinn tvö-
og jafnvel þrefaldast þegar mest er.
Íslendingar sjaldséðir á Sámsey
Að lýsa eynni er eiginlega ekki
hægt. Þarna er óumræðilega fallegt,
skógur og græn engi, allir grænir litir
sem til eru á litakortinu og fleiri til.
Fólkið er ákaflega vingjarnlegt og
greinilegt að það kann að umgangast
ferðamenn, sem eru forvitnir um líf
og hagi Sámseyinga, og svarar spurn-
ingum ljúflega. Heimamenn eiga það
líka til að spyrja á móti og spurðu
gjarnan hvaðan við værum. Þegar
þeir heyrðu að við værum frá Íslandi
urðu þeir hissa, það er ekki algengt
að Íslendingar sæki Sámsey heim.
Hvort sem maður vill algjöra af-
slöppun eða fjölbreytta athafnasemi
er Sámsey staðurinn. Friðurinn get-
ur verið algjör en það er boðið upp á
fjölbreytt tómstundagaman fyrir þá
sem ekki eru mikið fyrir að slappa af.
Ströndin er auðvitað alveg við hönd-
ina hvar sem maður er staddur á
eynni því hún er lítil, u.þ.b. 112 fer-
kílómetrar. Sámseyingar státa líka af
stærsta völundarhúsi í heimi, gert úr
skógi, og það er í heimsmetabók
Guinnes. Það er hægt að leigja brim-
bretti, hestvagna, reiðhjól, báta,
hesta, m.a.s. íslenska, og ýmislegt
fleira, bara ef maður getur látið sér
detta það í hug, og góður golfvöllur er
á staðnum. Menningunni er vel sinnt,
gallerí eru víða og vísnakvöld eru á
hverju fimmtudagskvöldi í júlí á stað
sem heitir Kolby Mölle.
Tranebjerg er stærsti þéttbýlis-
kjarninn og þar búa um 1.500 manns.
Hjólað í gegnum smáþorpin
Lítil þorp eru úti um allt og þarf
ekki annað en að stíga á hjólið og
hjóla af stað og maður hjólar í gegn-
um hvert smáþorpið af öðru, hvert
öðru huggulegra. Það er nauðsynlegt
að hafa hjól fyrir hvern fjölskyldu-
meðlim á svona stað. Þau getur mað-
ur leigt og verðið er hóflegt, sólar-
hringsleiga fyrir stykkið er 45 krónur
danskar (540 kr. ísl.) og ef maður leig-
ir þau í heila viku eru greiddar 200
danskar krónur. Það sem kom mér
einna mest á óvart í ferðinni var verð-
lag, ég bjóst frekar við að verðið væri
uppsprengt en svo var alls ekki, það
var ekki dýrt að vera þarna.
Við hjóluðum mikið á Sámsey, 10–
15 km á dag og allt upp í 35 km, og
skoðuðum eyna þannig. Það var ákaf-
lega skemmtilegt og við komumst
allra okkar ferða þó að enginn væri
bíllinn.
Við Langør eru bryggjur eins og víða á Sámsey þar sem skútueigendur leggja skútunum og njóta svo lífsins á eynni.
Perlan í Kattegat
Danmörk er áfangastaður
margra Íslendinga. Sigrún
Ásmundar lagði leið sína
þangað í sumarfríinu ásamt
fjölskyldunni og komst að því
að ekki hafa margir Íslend-
ingar heimsótt Sámsey, sem
oft er nefnd perlan í Kattegat.
Sumarhúsin eru vel útbúin og þægileg.
Nálgast má upplýsingar um
Sámsey á heimasíðu þeirra
Sámseyinga, sem er með þeim
betri sem sjást. Síðan er skýr
og vel uppsett með tengingum
við allt það helsta sem vert er
að skoða. Til að fá upplýsingar
um sumarhús er hægt að
hringja eftir bæklingi á ferða-
skrifstofuna í Sámsey: +45-
86591400 eða senda þeim
tölvupóst, netfangið er info-
@samsoeturist.dk Heimasíða
ferðaskrifstofunnar er
www.samsoeturist.dk.
Fleiri slóðir:
www.samso.net/
www.c-samsoe.dk
Það er auðvelt að verða sér
úti um sumarhús á Sámsey og
þau eru í öllum verðflokkum.
Hægt er að fá hús í viku og
lengur ef vill fyrir 1.800 krónur
danskar eða 21.600 ísl. krónur
vikuna. Það er þá lítill kofi. En
leigan fer upp í tæpar 10.000
krónur danskar eða 115.000 ísl.
krónur fyrir glæsihús með
sundlaug, uppþvottavél, þvotta-
vél, þurrkara, gervihnattadiski,
arni, síma, heitum potti, sauna
og hreinlega öllum þeim þæg-
indum sem hægt er að hugsa
sér.
Nordby er eitt af mörgum litlum þorpum á Sámsey.
Hvaðan ertu að koma?
Frá strandbænum Broadstairs á
Englandi þar sem ég var í ensku-
skólanum Kent School of Engl-
ish.
Með hverjum fórstu?
Við fórum 12 manna hópur sem
var í Enskuskóla Erlu Aradóttur í
Hafnarfirði í vetur. Við vorum
ellefu konur og einn karl og var
ekki annað að sjá en hann yndi
hag sínum vel í kvennaskar-
anum.
Einhver sérstök ástæða fyrir ferðinni?
Við fórum til að skerpa á enskunni sem við lærðum í vetur.
Hvernig var í skólanum?
Mjög gaman. Kennslan var góð og ég lærði heilmikið. Í bekknum var
fólk frá ýmsum löndum og sköpuðust oft fjörugar umræður. Ég gisti
hjá hjónum um sextugt sem voru mjög indæl og afskaplega bresk.
Einhverjir staðir sem vert er að heimsækja á þessum slóðum?
Við skoðuðum Bleakhouse í Broadstairs þar sem Charles Dickens bjó
gjarnan á sumrin og skrifaði margar af sínum frægustu sögum,
þ.á.m. David Copperfield. Húsið er safn en þó er enn búið í hluta
þess. Íbúarnir eru eldri hjón sem höfðu mjög gaman af að segja frá.
Chilham í Kentsýslu er síðan dæmigert breskt þorp og að koma
þangað er eins og að fara nokkur hundruð ár aftur í tímann. Þar eru
oft teknar kvikmyndir sem eiga að gerast fyrr á öldum.
Einhverjir veitingastaðir sem þú mælir með?
Við borðuðum á kínverskum veitingastað við aðalgötuna í Broad-
stairs. Hann var frábær enda alltaf gott að borða kínverskt.
Myndir þú fara þangað aftur?
Já, mjög gjarnan.
Einhver ferð fyrirhuguð á næstunni?
Já, næst á dagskránni er fimm daga gönguferð um Víknaslóðir á
Austurlandi með gönguklúbbnum mínum.
Heima hjá
Charles Dickens
Ásbjörg Magnúsdóttir er
hjúkrunarfræðingur á St.
Jósefsspítala í Hafnarfirði.
Hún var að koma úr tveggja
vikna ferð til Englands.
Hvaðan ertu að koma?
EITT af því skemmtilega sem Vest-
mannaeyjar hafa uppá að bjóða er
siglingar um eyjarnar. Nú hafa Víking
bátsferðir tekið upp á þeirri nýbreytni
að bjóða upp á miðnætursiglingu þar
sem siglt er út í bjarta sumarnóttina
og skoðaðar eyjar sem sjaldan eru
heimsóttar.
Fyrsta miðnætursiglingin var farin
á þeim skemmtilega degi föstudeg-
inum þrettánda júlí. Lagt var af stað
úr höfninni um klukkan níu og leiðin lá
í suðurátt. Gott var í sjóinn þegar
komið var út úr höfninni, svolítill vind-
ur og skýjað. Um borð í Víkingi voru
um tuttugu manns, allt íslenskir
ferðamenn fyrir utan einn spænskan
jarðfræðistúdent.
Siglt var sem leið lá milli syðri
eyjanna, Súlnasker og Geirfulgssker
eru eins og aðrar eyjar á þessum
slóðum fullar af fugli og ótrúlegt
hversu lítið pláss bjargfuglinn þarf til
hreiðurgerðar. Suðurey, Brandur, Áls-
ey og Hellisey voru einnig heimsóttar
siglt í kringum þær, uppgangan skoð-
uð úr fjarlægð og hlustað á skemmti-
legar sögur af eyjunum. Guðlaugur
skipstjóri lýsti því sem fyrir augu bar
hverju sinni, hvort sem það voru und-
arlegar bergmyndanir, sérstakt fugla-
líf eða fagurt sólarlagið.
Tvisvar var bátnum skotið inn í
sjávarhella og eyjarnar skoðaðar inn-
anfrá. Guðlaugur skipstjóri lék tvö lög
á saxafón í hellunum og óhætt er að
segja að hljómburðurinn sé hvergi
magnaðri en í hellunum við undirleik
sjófugla og öldunnar. Um miðnætti
var sólsetrið magnað og blóðrautt
sólarlagið lýsti upp ský, haf og eyjar.
Eftir að sólin var alveg sokkin í sæ
var haldið sem leið lá aftur til Heima-
eyjar. Lagst var að bryggju þegar
klukkan var farin að nálgast eitt. Far-
þegarnir stigu frá borði, þreyttir en
sælir og komu sér ýmist heim í hátt-
inn eða notuðu tækifærið og fengu
sér gönguferð um bæinn í nætur-
kyrrðinni.
Morgunblaðið/Brjánn Jónasson
Siglt út í sólarlagið við Eyjar
Hægt er að kynna sér siglingar
um Vestmannaeyjar á heima-
síðu Víking bátaferða
www.boattours.is, hægt að
senda tölvupóst á vik-
ing@boattours.is eða hafa
samband í síma 852-7652.