Morgunblaðið - 22.07.2001, Blaðsíða 14
14 B SUNNUDAGUR 22. JÚLÍ 2001 MORGUNBLAÐIÐ
bílar
NÝJAR VÖRUR
Vorum að fá sendingu af
hljómtækjum frá Power Acoustik.
Sapphire magnarar
Stærðir 300 til 1600W.
2ja og 4ra rása.
Upplýstir með bláu neonljósi.
Farenheit bassakeilur, 10“ 12“ og 15“. Frábært verð!
Komið og skoðið!
Tangarhöfða 2 - 110 Reykjavík
Sími 567 1650 Fax 567 2922
Höfum gott úrval af aukahlutum,
bæði fyrir bílinn og í ferðalagið.
T.d. farangursbox 350 l
kr. 29.890.
Barnabílstóll, 0-18 kg
kr. 11.762.
Góðar vörur. Gott verð.
B&L hóf sölu á Hyundai Santa Fé
jepplingnum seint á síðasta ári og
var honum strax vel tekið. Þetta er
fimm manna jepplingur með sjálf-
berandi yfirbyggingu og sítengdu
aldrifi en án millikassa. Hann er
stærri en sambærilegir keppinaut-
ar, þ.e. Toyota RAV4, Land Rover
Freelander og Kia Sportage Wag-
on, sem reyndar er á mörkum þess
að vera jeppi og jepplingur vegna
millikassans og sjálfstæðrar grind-
ar, en þremur sentimetrum styttri
en Honda CR-V. Hann er líka
nokkru breiðari en allir þessir bílar
og býður strax af þeim sökum upp á
mikið rými auk þess sem hirslur
eru á víð og dreif. Hann er sömu-
leiðis betur búinn en menn eiga að
venjast. Santa Fé er bestu jepp-
lingakaupin í dag, að mati þess sem
þetta skrifar.
Tvær útfærslur
Bíllinn er boðinn í tveimur út-
færslum, þ.e. með 2,4 lítra, 145
hestafla vél og 2,7 lítra V6 vél, 173
hestafla, en þá aðeins sjálfskiptur.
Við prófuðum báða þessa bíla á
dögunum, fjögurra strokka bílinn
fyrir og eftir innsetningu á tölvu-
kubbi, sem eykur togaflið til muna í
bílnum.
Santa Fé vekur strax athygli fyr-
ir dálítið nýstárlegt útlit. Hann er
fremur lágur og breiður og krafta-
legur á að líta og virðist af fyrstu
viðbrögðum þeirra sem sjá hann,
annaðhvort falla mönnum vel í geð
eða ekki. Framlugtir eru sporöskju-
laga og ganga upp á brettin sem
eru útstæð og áberandi. Stuðarar
eru stórir og háir og þokuljós eru í
framstuðara. Grillið er sömuleiðis
stórt og dálítið æpandi og loftinntak
á neðanverðum stuðaranum sömu-
leiðis. Að aftan eru áberandi hjarir
efst á hleranum og verklegt hand-
fang til að opna hlerann. Hlerinn
opnast í heilu lagi til hliðar en
sömuleiðis er hægt að opna einvörð-
ungu gluggahluta hlerans sem er
þægilegt þegar stinga þarf inn í bíl-
inn smáhlutum. Farangursrýmið er
mikið en ókosturinn er að vara-
dekkið er geymt í festingu undir
bílnum sem getur verið pirrandi
þegar springur á bílnum því þar
safnar það á sig óhreinindum.
Þetta er líklega einn rúmbesti
bíllinn í jepplingaflokki á markaðn-
um. Menn verða strax varir við
breiddina þegar sest er inn í bílinn
og vegna þess hve lítill stokkurinn
er í gólfi fer vel um þrjá fullvaxna í
aftursætum. Þar er þó sá ljóður á
að ekki eru nema tvö þriggja
punkta belti. Aftursætisbök er hægt
að fella fram, 60/40, en þau falla þó
ekki alveg niður að gólfinu og
myndast því ekki fullkomlega flatt
rými. Kostur er hins vegar að hægt
er að stilla halla á aftursætisbökum.
Mælaborðið er tvílitt og laglega
hannað með áberandi mótuðum
miðjustokki. Ökumannssæti er með
mjóbaksstuðningi og stjórntæki
leika öll í hendi ökumanns.
Fjögurra strokka vélin í þessum
bíl er skemmtileg til allrar notk-
unar innanbæjar og, eins og hest-
aflatalan sýnir, talsvert spræk. Tog-
aflið er þó ekki alveg í samræmi við
frískleikann á stuttu sprettunum,
eins og vart verður þegar komið er
út á þjóðvegi þar sem þarf að klifra
upp heiðar. Bíllinn var síðan próf-
aður á ný eftir að settur hafði verið
í hann tölvukubbur frá Superchips á
Íslandi og er skemmst frá því að
segja að mikil breyting varð til
batnaðar á toginu og ekki spurning,
í huga þess sem þetta skrifar, að
það er hverrar krónu virði að
breyta vélinni á þennan hátt.
Kostnaður við breytinguna er ekki
mikill, líklega á bilinu 30–40 þúsund
kr.
Ljúfur með V6-vélinni
V6-vélin er síðan allt annar hand-
leggur. Þar hafa menn yfirdrifið
vélarafl við allar aðstæður. Vélin
murrar lágt og býður upp á
skemmtilega snarpt viðbragð í
framúrakstri á þjóðvegum. Sjálf-
skiptingin er fjögurra þrepa og með
handskiptimöguleika. Fjórhjóladrif-
ið er sítengt. Það er með seigju-
kúplingu og tvöföldu mismunadrifi
sem skiptir snúningsátakinu í hlut-
föllunum 60/40 á milli fram- og aft-
uröxuls.
Með V6-vélinni er bíllinn hreint
út sagt afar ljúfur í allri notkun og
ekki skemmir að verðið er hag-
stætt. Santa Fé er vissulega lang-
skemmtilegastur með V6-vélinni en
þeir sem fara lítið út fyrir bæj-
armörkin ættu alveg að geta sætt
sig við fjögurra strokka bílinn, en
þeim er þó bent á þann möguleika
að bæta togið með tölvukubbnum
frá Superchips. Bíllinn er í grunn-
inn afar vel búinn. Staðalbúnaður er
m.a. ABS-hemlakerfi, spólvörn, 4
öryggisloftpúðar, tvö 12 volta tengi
í fram- og afturrými, þokuljós að
aftan og framan, rafstýrðir og upp-
hitaðir útispeglar, rafstýrðar rúður
og síðast en ekki síst 16 tommu ál-
felgur.
Fyrir þetta greiða menn
2.230.000 kr. fyrir fjögurra strokka
bílinn og ekki nema 2.490.000 kr.
fyrir V6-bílinn. Til samanburðar má
nefna að Toyota RAV4 kostar
2.490.000 beinskiptur með fjögurra
strokka vvt-i vél sem skilar 150
hestöflum, og sjálfskiptur kostar
hann 2.660.000 kr. með sömu vél.
Land Rover Freelander kostar á
hinn bóginn sjálfskiptur með V6-vél
3.490.000 kr.
Ekki er á neinn hallað þegar sagt
er að Hyundai Santa Fé sé bestu
jepplingakaupin í dag.
Morgunblaðið/Guðjón Guðmundsson
Santa Fé er rúmgóður og vel búinn jepplingur.
Santa Fé –
bestu jepp-
lingakaupin
Hlerinn opnast hátt og hægt er að opna einvörðungu gluggann.
gugu@mbl.is
REYNSLUAKSTUR
Hyundai Santa Fé 2,4
Vél: 2,4 lítrar, 145 hest-
öfl.
Lengd: 4.500 mm.
Breidd: 1.820 mm.
Hæð: 1.675 mm.
Verð: 2.230.000 kr.
Umboð: B&L, Grjóthálsi.
Hyundai
Santa Fé 2,4
Mælaborðið er tvílitt og hirslur margar.
Þokuljós eru að framan og aftan.