Morgunblaðið - 25.10.2001, Qupperneq 4

4 C FIMMTUDAGUR 25. OKTÓBER 2001 MORGUNBLAÐIÐ














































































































NFRÉTTIR VÉLKÖTTUR sem mjálmar, deplar augunum og biður um strokur kemur á
markað í Japan í nóvember og mun kosta jafnvirði 150 þúsunda króna. Kött-
urinn, sem nefnist NeCoRo, og er framleiddur af japanska tæknifyrirtækinu
Omron Corp., hefur hljóðnema í hausnum og hefur til að bera næga gervigreind
til að læra nafn sitt sé það endurtekið aftur og aftur. Hann getur hringað sig
saman og sest upp en ekki gengið eins og raunverulegur köttur. Þá getur hann
gefið frá sér 40 tegundir af hljóðum. Omron segir að vélkötturinn bregðist
reiður við ef einhver slær hann en þyki gott að vera strokið.
Eins og er stendur ekki til að flytja kettina út. Salan hefst 20. nóvember og
verða þá 5 þúsund kettir til sölu. Hægt er að panta þá á Netinu.
Vélgæludýr eru vinsæl í Japan. Þannig hafa um 100 þúsund eintök selst af
vélhundinum Aibo sem Sony setti á markað árið 1999.
Reuters
Malandi vélköttur
● NÝLEGA skrifuðu Haraldur Böðvarsson
hf. (HB) og Maritech ehf. undir samninga
um kaup Haraldar Böðvarssonar hf. á
upplýsingakerfunum WiseFish og Navis-
ion. WiseFish er heildarupplýsingakerfi í
sjávarútvegi og er leiðandi hugbúnaður á
sínu sviði.
Maritech hefur þegar hafið uppsetn-
ingu á WiseFish hjá Haraldi Böðvarssyni
hf. og ná kerfin yfir veiðar og vinnslu til
sölu og dreifingar sjávarafurða.
Að því er fram kemur í fréttatilkynningu
uppfylla WiseFish kerfin allar þarfir HB á
þessum sviðum og bjóða staðlaða lausn
á öllum stigum virðiskeðjunnar.
Samhliða innleiðingu á WiseFish inn-
leiðir Maritech upplýsingakerfið Navision
fyrir fjárhagsbókhald HB.
Maritech er stærsta hugbúnaðarfyr-
irtæki á sviði sjávarútvegs í heiminum og
rekur 14 skrifstofur í 5 löndum. Maritech
ehf. hefur starfað með íslenskum sjávar-
útvegi til fjölda ára við þróun á WiseFish.
Stærsti einstaki hluthafi Maritech eru
TölvuMyndir hf. með um 50% hlut í félag-
inu.
HB er eitt stærsta sjávarútvegsfyr-
irtæki landsins og gerir út tvo frystitog-
ara, tvo ísfiskstogara og 3 nóta- og tog-
veiðiskip, enfremur rekur fyrirtækið
frystihús og fiskimjölsverksmiðju.
Haraldur Böðvarsson
hf. innleiðir upplýs-
ingakerfið WiseFish
Haraldur Sturlaugsson, framkvæmdastjóri HB,
og Kristinn Ingi Jónsson, sölustjóri Maritech,
innsigla samningana. Fyrir aftan eru lykilstarfs-
menn fyrirtækjanna sem koma að innleiðingunni.
ll STUTT
ÆTLA má að heildargrásleppu-
veiði á vertíðinni sl. sumar hafi verið
um 6.700 tunnur. Það er rúmum
þriðjungi meiri veiði en á síðasta ári
en rúmum fjórðungi minna en með-
alveiði undanfarinna 10 ára. Þetta
kom fram í máli Arnar Pálssonar,
framkvæmdastjóra Landssambands
smábátaeigenda, á aðalfundi sam-
bandsins sem lauk í gær. Um 40%
heildarveiðinnar var selt erlendum
hrognaframleiðendum og gagnrýndi
Örn íslenska hrognaframleiðendur
harðlega fyrir að hækka ekki verð á
hrognum, líkt og erlendir framleið-
endur.
Heildarveiðin í heiminum á þessu
ári varð sú minnsta sem orðið hefur
sl. 10 ár eða 21.200 tunnur. Mest var
veiðin hér við land, Nýfundnalend-
ingar veiddu 6.500 tunnur, Græn-
lendingar 4.300 tunnur, Norðmenn
3.500 tunnur og í Danmörku var að-
eins verkað í um 200 tunnur.
Hæsta verðið 70 þúsund
krónur fyrir tunnuna
Örn sagði aðstæður til sölu grá-
sleppuhrogna hafa verið góðar við
upphaf vertíðarinnar. Ríkt hafi
bjartsýni um hækkun þar sem veiði
undanfarinna ára hafi gefið tilefni til
að hrogn vantaði á markaðnum. „Ís-
lenskir framleiðendur höfðu hins
vegar ekki áhuga á hækkun. Þeir
komu í veg fyrir að lögmálið um
framboð og eftirspurn myndi gilda
og buðu allir sama verð, 40 þúsund
krónur fyrir tunnuna. Haldnir voru
fjölmargir fundir með veiðimönnum
og þeir upplýstir um stöðu mála. Því
miður náðist ekki að vekja nægileg-
an áhuga erlendra framleiðenda á
hrognunum áður en vertíð hófst,
þrátt fyrir að byrjunartími væri
færður aftur um 10 daga víðast
hvar.“
Örn áætlaði að meðalverð til ís-
lenskra framleiðenda hefði á vertíð-
inni verið í kringum 43 þúsund krón-
ur fyrir tunnuna. Þegar liðinn var
um mánuður af vertíðinni vaknaði
áhugi erlendra kaupenda og þeir
kepptust um að ná í hrogn hjá veiði-
mönnum. „Hæsta verð sem ég hef
vitneskju um var 70 þúsund krónur
fyrir tunnuna. Í lok ágúst var ljóst að
um 40% af heildarveiðinni höfðu ver-
ið seld erlendum framleiðendum og
var meðalskilaverðið um 50 þúsund
krónur. Að vinna gegn markaðslög-
málinu hafði því aðeins skilað ís-
lensku framleiðendunum tæpum
4.000 tunnum. Þeir hafa þó reynt að
klóra í bakkann með innflutningi en
því miður engin útsöluhrogn að fá.
Hrogn frá Nýfundnalandi voru seld
á 76 til 80 þúsund krónur hver tunna.
Af innflutningstölum má dæma hafa
íslenskir framleiðendur getað kropp-
að 300 tunnur frá Grænlandi sem
þeir urðu að greiða fyrir töluvert
hærra verð en til íslenskra veiði-
manna, það er 50 þúsund krónur fyr-
ir hverja tunnu.“
Örn sagðist vonast til að á næstu
árum mundi ríkja heilbrigð sam-
keppni í sölu grásleppuhrogna.
Sagði hann það koma vel til greina að
íslenskir veiðimenn seldu fram-
leiðslu sína gegnum fiskmarkaði til
að bregðast við aðferðum sem ís-
lenskir framleiðendur hafa beitt á
undanförnum árum.
Verkað í 6.700 tunnur
af grásleppuhrognum
Framkvæmdastjóri LS gagnrýnir innlenda hrognaframleiðendur fyrir verðsamráð
Morgunblaðið/Hafþór Hreiðarsson
Örn Pálsson, framkvæmdastjóri Landssambands smábátaeigenda, segist vonast til
að á næstu árum muni ríkja heilbrigð samkeppni í sölu grásleppuhrogna.
RÍKISENDURSKOÐUN var veitt
viðurkenning síðastliðinn mánu-
dag fyrir grein sem birtist í tíma-
riti alþjóðasamtaka ríkisend-
urskoðana, INTOSAI, á síðasta
ári. Sigurður Þórðarson ríkisend-
urskoðandi tók á móti viðurkenn-
ingunni á aðalfundi samtakanna
sem haldinn er í Seoul, höf-
uðborg Suður-Kóreu.
Viðurkenningin er veitt af
stjórn INTOSAI á þriggja ára
fresti fyrir grein sem birt er í
tímariti samtakanna og þykir að
mati dómnefndar skara fram úr.
Greinin sem um ræðir birtist í
fyrra og fjallaði um úttekt
bresku ríkisendurskoðunarinnar,
National Audit Office (NAO), á skipulagi
og starfsháttum Ríkisendurskoðunar.
Viðurkenningin er veitt í minningu Elmer
B. Staats, sem var ríkisendurskoðandi
Bandaríkjanna á árunum 1966–1981.
Sigurður Þórðarson ríkisendurskoð-
andi álítur það mikinn heiður fyrir sig
og starfsmenn Ríkisendurskoðunar að
hljóta Elmer B. Staats-viðurkenninguna
í ár. Verðlaunagreinin er valin úr hópi
allra þeirra greina sem birtar eru í tíma-
riti samtakanna, International Journal
of Government Auditing, á þriggja ára
tímabili. Greinarnar eru metnar út frá
því hversu vel þær uppfylla tiltekin skil-
yrði, þar á meðal hvort þær miðli nýrri
faglegri þekkingu og hvort upplýsingar
sem þar koma fram nýtist í starfsemi
aðildarstofnana samtakanna.
Verðlaunagrein Ríkisendurskoðunar
ber heitið Auditing the Auditor: A Peer
Review of the Icelandic National Audit
Office. Þar er fjallað um úttekt sem
breska ríkisendurskoðunin gerði á starf-
semi Ríkisendurskoðunar árið 1997, að
beiðni ríkisendurskoðanda.
INTOSAI eru samtök ríkisendurskoð-
ana 183 landa um heim allan og hafa
verið starfandi síðan 1953. Aðalfundur
samtakanna er haldinn þriðja hvert ár
og hefur veiting Elmer B. Staats-
viðurkenningarinnar verið fastur liður í
dagskrá fundarins síðan árið 1983.
Tímarit samtakanna er birt ársfjórð-
ungslega á fimm tungumálum: ensku,
spænsku, frönsku, þýsku og arabísku.
Ríkisendurskoðun hlýtur
alþjóðlega viðurkenningu
Sigurður Þórðarson ríkisendurskoðandi tekur við
Elmer B. Staats-viðurkenningunni úr hendi David
Walker, ríkisendurskoðanda Bandaríkjanna, á
aðalfundi alþjóðasamtaka ríkisendurskoðana
sem haldinn er í Seoul.
www.sminor.is/
pabx.html
Símstöð frá Siemens hittir í mark!
Fjölbreyttir möguleikar ISDN-símkerfanna frá
Siemens nýtast breiðum hópi notenda allt frá
einstaklingum upp í stærstu fyrirtæki og stofnanir
landsins.
Við bjóðum afbragðsbúnað, fyrsta flokks þjónustu
og hagstætt verð. Láttu í þér heyra.
Símstöðvar
tengir þig
við umheiminn
Nánar á Netinu!
OD
DI
HF
G8
27
8
NORSK samkeppnisyfirvöld hafa
samþykkt yfirtöku SAS-flugfélagsins
á norska flugfélaginu Braathens.
Ekki er þó víst að af yfirtökunni verði
og hefur SAS sett Braathens úrslita-
kosti að því er greint er frá á fréttavef
Dagens Næringsliv: „Losið ykkur við
tíu flugvélar ella verður ekki af yf-
irtökunni,“ eru skilaboðin.
5.000 manns starfa hjá Braathens
sem rekur 33 flugvélar. Offramboð er
á flugvélum á markaðnum eins og er
og gæti því orðið erfitt og kostnaðar-
samt fyrir Braathens að losa sig við
tíu vélar. Forstjóri SAS, Jørgen
Lindegaard, segir við DN að nú standi
yfir athugun á því hvort Braathens sé
enn þá 1,1 milljarðs norskra króna
virði eins og upphaflega tilboðið frá í
maí á þessu ári gerði ráð fyrir.
SAS setur úrslitakosti