Morgunblaðið - 23.01.2002, Blaðsíða 4

FRÉTTIR
4 MIÐVIKUDAGUR 23. JANÚAR 2002 MORGUNBLAÐIÐ
FUNDUR Halldórs Ásgrímssonar,
utanríkisráðherra í gær, með
spænska utanríkisráðherranum
Josep Piqué, en Spánn fer með for-
mennsku í Evrópusambandinu fyrri
hluta þessa árs, var jákvæður og er
gert ráð fyrir fundum í næsta og
þarnæsta mánuði um uppfærslu
EES-samningsins og fríverslun á
fiski í tengslum við stækkun Evr-
ópusambandsins.
Ísland fer með formennsku í
EFTA frá áramótum. Halldór sagði
í samtali við Morgunblaðið að fund-
urinn hefði verið jákvæður. Til-
gangurinn hefði verið að ná góðu
sambandi við ríkið sem færi með
formennsku innan ESB meðal ann-
ars vegna hagsmuna sem tengdust
stækkun Evrópusambandsins. Tvö
mál bæri hæst í þeim efnum. Ann-
ars vegar hugsanleg uppfærsla
EES-samningsins með tilliti til
breyttra aðstæðna.
„Það liggur fyrir af okkar hálfu
að við gerum ekki ráð fyrir neinum
stórum breytingum á honum, en
það hefur ýmislegt gerst eins og á
sviði umhverfis-, félags- og menn-
ingarmála sem er eðlilegt að taka
tillit til,“ sagði Halldór.
Hann sagði að þessari málaleitan
hefði verið vel tekið og ákveðið
hefði verið að funda nánar um þetta
í næsta mánuði. Þá myndi spænski
utanríkisráðherra einnig eiga fund
með utanríkisráðherra Noregs síð-
ar í þessari viku þar sem þessi mál-
efni yrðu einnig á dagskrá.
Halldór sagði að þeir hefðu einnig
rætt um þau stóru hagsmunamál
sem tengdust útflutningi á fiskaf-
urðum og þá sérstaklega vegna
þess að fríverslunarsamningar við
umsóknarríkin féllu niður og svo-
kölluð bókun níu tæki við. „Við
leggjum á það áherslu að við njótum
svipaðra kjara eftir stækkunina og
við gerum fyrir hana og það er gert
ráð fyrir að það verði tekið til frek-
ari umræðu í marsmánuði,“ sagði
Halldór ennfremur. Hann sagði að
til þessa fundar hefði ekki verið efnt
til að fá fram niðurstöðu heldur til
að kynna sjónarmið okkar og koma
hagsmunum okkar á framfæri.
Svartsýni varðandi ástandið
í Mið-Austurlöndum
Halldór sagði að þeir hefðu einnig
rætt ýmis önnur mál eins og Sam-
einuðu þjóðirnar, Atlantshafs-
bandalagið, Mið-Austurlönd og
Rússland. Spænski utanríkisráð-
herrann væri nýkominn frá Mið-
Austurlöndum og það væri ríkjandi
mikil svartsýni í sambandi við
ástandið þar. Litlar vonir væru
bundnar við að friðarferlið héldi
áfram og ekkert sem benti til þess
að Sharon væri að gera miklar til-
raunir til þess.
Halldór bætti því við að utanrík-
isráðherra Rússlands væri jafn-
framt í Madrid og rætt hefði verið
um aukið samstarf við þá ekki síst á
vettvangi Atlantshafsbandalagsins.
Vonast væri til að hægt yrði að
ganga frá samningi um það efni í
tengslum við Reykjavíkurfund Atl-
antshafsbandalagsins í maí.
Ráðherrarnir undirrituðu samn-
ing milli Íslands og Spánar til að
komast hjá tvísköttun og koma í veg
fyrir undanskot á skattlagningu á
tekjur og eignir.
Utanríkisráðherrar Íslands og Spánar ræddu málefni EFTA og ESB
Gert ráð fyrir fundum
í febrúar og mars
Reuters
Halldór Ásgrímsson utanríkisráðherra fundaði með Josep Piqué, utan-
ríkisráðherra Spánar, í Madrid í gær, en Spánn fer nú með for-
mennskuna innan Evrópusambandsins.
VERKEFNI þeirra Björns Gísla-
sonar og Bergs Guðmundssonar,
nemenda í sjávarútvegsdeild Há-
skólans á Akureyri, hlaut í gær ný-
sköpunarverðlaun forseta Íslands
en verðlaunin voru veitt við hátíð-
lega athöfn á Bessastöðum. Var
verkefnið, sem ber heitið Áframeldi
þorsks, í hópi fimm verkefna sem
tilnefnd voru til verðlaunanna en
þau voru öll styrkt af Nýsköpunar-
sjóði námsmanna á síðasta ári.
Verðlaunaverkefnið er að sögn
Björns og Bergs fyrst og fremst
ætlað sem grunnupplýsingaöflun
fyrir áframeldi á þorski og veiðar á
lifandi fiski. Gaf niðurstaða verk-
efnisins til kynna að þorskeldi geti
skilað umtalsverðum hagnaði.
Segja þeir Björn og Bergur því
ástæðu til bjartsýni í þessum efn-
um. Nýsköpunarverðlaunin voru
veitt í sjöunda sinn en þau eru veitt
þeim námsmönnum sem unnið hafa
framúrskarandi starf við úrlausn
verkefnis sem styrkt var af Ný-
sköpunarsjóði námsmanna.
Baldur Þórhallsson, formaður
stjórnar Nýsköpunarsjóðs náms-
manna, sagði við athöfnina í gær að
nýsköpunarverðlaun forseta Ís-
lands væru orðin að veigamiklum
árlegum viðburði og væru mik-
ilvæg hvatning fyrir háskólastúd-
enta sem ynnu að rannsóknarverk-
efnum á vegum Nýsköpunarsjóðs
námsmanna. „Á starfsárinu sem nú
er að líða bárust sjóðnum 232 um-
sóknir um styrki og var sjóðnum
kleift að styrkja 150 nýsköp-
unarverkefni. Alls unnu 180 há-
skólastúdentar að þessum verk-
efnum en nokkur verkefni voru
unnin af tveimur nemendum.“
Baldur sagði að sjóðurinn hefði
haft til umráða tæplega 38 millj. kr.
og notaði tækifærið til að þakka
styrktaraðilum sjóðsins dyggan
stuðning við hann. „Sérstaklega vil
ég þakka menntamálaráðherra og
borgarstjóra fyrir þeirra framlag
til sjóðsins og þann skilning sem
þau hafa sýnt á mikilvægi þess að
námsmenn fái að takast á við krefj-
andi rannsóknarverkefni yfir sum-
armánuðina. Einnig vil ég þakka
Akureyrarbæ, Kópavogsbæ, Garða-
bæ og Seltjarnarnesi fyrir þeirra
framlag.“ Þá þakkaði Baldur nýjum
styrktaraðila sem komið hefði að
sjóðnum á þessu ári, Framleiðni-
sjóði landbúnaðarins, og fleiri að-
ilum.
Hvatning til
áframhaldandi vinnu
Eftir erindi Baldurs kynnti Krist-
ín Einarsdóttir, formaður dóm-
nefndar nýsköpunarverðlaunanna,
verkefnin sem tilnefnd hefðu verið
en þau eru auk verkefnisins um
áframeldi þorsks, verkefni um
notkun RFID-auðkenna í íslenskum
landbúnaði, unnið af Benedikt Inga
Tómassyni og Birni Brynjúlfssyni
verkfræðinemum verkefnið Tauga-
stjórnun á líkamsþyngd og fitubú-
skap unnið af Páli Ísólfi Ólasyni líf-
fræðinema, verkefnið Venjuleg
kona – heimildarleikhús, unnið af
Unni Ösp Stefánsdóttur og Birni
Thors leiklistarnemum og verk-
efnið Samlagshlutafélög – nýr val-
kostur í íslensku viðskiptalífi?, unn-
ið af Grími Sigurðssyni laganema.
Sagði Kristín að vonandi væru þess-
ar tilnefningar hvatning til nem-
endanna um áframhaldandi vinnu á
viðkomandi sviðum.
Hlutu nemendurnir allir við-
urkenningarskjal frá forseta Ís-
lands, Ólafi Ragnari Grímssyni, við
athöfnina í gær og sagði hann m.a.
að sannarlega væri verið að heiðra
við þetta tækifæri fjölbreytt safn
verkefna.
Þeir Björn Gíslason og Bergur
Guðmundsson, sem eru höfundar
verðlaunaverkefnisins, voru að
vonum ánægðir með verðlaunin
þegar Morgunblaðið ræddi við þá.
Hlutu þeir 100.000 kr. í verðlaun.
Nýsköpunarverðlaun forseta Íslands
Verkefni
um eldi
þorsks fær
viður-
kenningu
Morgunblaðið/Golli
Ólafur Ragnar Grímsson afhendir Birni Gíslasyni og Bergi Guðmunds-
syni nýsköpunarverðlaunin fyrir verkefni um áframeldi þorsks.
TALSVERT uppistand hefur orðið
meðal aðdáenda enska fótbolta-
liðsins Liverpool vegna auglýsingar
nokkurra stuðningsmanna fótbolta-
liðsins Manchester United á tíu
strætisvögnum í Reykjavík þar sem
segir Manchester 6 – Liverpool 0.
Hafa margir stuðningsmenn liðsins
hringt í fyrirtækið Merkingu vegna
þessa og meðal annars borist í tal
hvort hægt væri að kaupa auglýs-
ingu til að líma yfir þá ofangreindu.
Samkvæmt upplýsingum Hilmars
Eiríkssonar, framkvæmdastjóra
Merkingar, sem sér um auglýsing-
arnar á strætisvögnunum, vísa töl-
urnar í auglýsingunni til þeirra
ensku meistaratitla sem liðin unnu
á síðasta áratug tuttugustu aldar,
það er á árabilinu 1990-2000, en
ekki til úrslita leiksins í gærkveldi
þegar liðin mættust á Old Trafford
leikvangi Manchester United í
ensku úrvalsdeildinni. Manchester
varð sex sinnum enskur meistari á
áratugnum en Liverpool aldrei.
Hilmar sagði að auglýsingarnar
væru á langhlið tíu vagna. Þær
hefðu verið límdar á vagnana á
föstudaginn var og yrðu uppi í eina
viku og hefði stuðningsmönnum
Liverpool verið gerð grein fyrir
því. Hefðu sumir þeirra haft á orði
að nauðsynlegt væri að mæta þessu
útspili stuðningsmanna Man.Utd.
Morgunblaðið/Golli
Manchester 6
– Liverpool 0
UM þessar mundir er verið að
leggja lokahönd á undirbúning að
þorskeldi í tilraunaskyni hjá Hrað-
frystihúsi Eskifjarðar hf. Veiðar
hófust í gær á lifandi undirmáls-
þorski og var hann settur í kvíar
við svonefnda Baulhúsavík við
Hólmanes gegnt Eskifjarðarbæ.
Þar verður þorskurinn ræktaður
upp í sláturstærð.
Verkefninu var ýtt úr vör sl.
sumar með frumathugun á framtíð-
armöguleikum slíks eldis og í fram-
haldi af því hófst vinna við öflun til-
skilinna leyfa og leit að hentugum
stað fyrir eldið. Eftir athugun á
ýmsum stöðum varð Baulhúsavík
fyrir valinu og voru settar upp tvær
eldiskvíar þar. Gert er ráð fyrir að
þorskurinn verði veiddur í snurvoð
og settur lifandi í kvíarnar.
„Við munum á næstu dögum og
vikum telja í kvíarnar og stefnum á
að vera með 20–30 tonn af þorski í
hvorri kví,“ segir Elfar Aðalsteins-
son forstjóri HE.
Veiða þorsk til eldis
LAGALEG úttekt sem utanríkis-
ráðuneytið hefur látið gera sýnir að
staðall um flokkun verktaka hjá Evr-
ópusambandinu mun ekki hafa áhrif á
aðgang íslenskra verktaka að inn-
lendum markaði. Hætta var talin á að
íslensk verktakafyrirtæki gætu ekki
boðið í stærri verkefni hér á landi,
nema í samvinnu við erlend fyrirtæki,
eftir að flokkun verktaka á vegum
Evrópusambandsins tæki gildi, en
frumdrög þessarar flokkunar verða
gefin út í maí og tekur þá staðallinn
gildi.
Vegna frétta um að hætta væri á að
íslensk fyrirtæki gætu ekki boðið ein
og sér í stærri verkefni hér á landi lét
utanríkisráðuneytið vinna lagalega
úttekt á stöðu þessara draga að staðli
um flokkun verktaka (TC 330) sem
nú er til meðferðar hjá Evrópsku
staðlastofnuninni. Niðurstaðan er sú
að staðallinn muni ekki hafa áhrif á
aðgang íslenskra verktaka að inn-
lendum markaði, en markmiðið með
staðlinum er að einfalda og samræma
þau viðmið sem notuð eru í aðildar-
ríkjunum við skráningu fyrirtækja á
lista yfir hæf fyrirtæki.
Samkvæmt upplýsingum frá utan-
ríkisráðuneytinu verður staðallinn
ekki skyldubundinn og því geta aðild-
arríkin ákveðið hvort þau kjósa að
halda lista yfir viðurkennda verktaka
samkvæmt staðlinum eða hvort þau
vilja heldur meta hæfni þeirra í
hverju tilviki fyrir sig. Hér á landi er
ekki til slíkur listi yfir hæfa verktaka
og hafa íslenskar innkaupastofnanir
sett eigin viðmið um hæfni og getu
fyrirtækja í útboðum.
Ragnheiður Elfa Þorsteinsdóttir,
starfsmaður viðskiptaskrifstofu utan-
ríkisráðuneytisins, segir að þrátt fyr-
ir staðalinn muni því íslensk fyrir-
tæki, eftir sem áður, ekki þurfa
vottun á grundvelli hans til að bjóða í
verk sem tilskipun 93/97/ EBE um
opinber útboð tekur til. Kjósi íslensk
stjórnvöld hins vegar að gera notkun
staðalsins skyldubundna hér á landi
og taka upp slíkt skráningarkerfi
þyrftu íslensk fyrirtæki vottun sam-
kvæmt staðlinum til að bjóða í þau
verk innanlands sem tilskipunin tek-
ur til. Að sögn Ragnheiðar er sú
ákvörðun alfarið á valdi íslenskra
stjórnvalda en tilskipunin og ný drög
að tilskipun um sama efni geri enga
kröfu um slíkt.
Flokkun verktakafyrirtækja hjá ESB
Staðall útilokar ekki
íslenska verktaka á
innlendum markaði