Morgunblaðið - 10.03.2002, Qupperneq 12
12 B SUNNUDAGUR 10. MARS 2002 MORGUNBLAÐIÐ
grænn Jaguar XKR-sportbíll með óvenju-
legum búnaði, m.a. hríðskotabyssu aftan við
aftursætin. Bíllinn er á íslenskum númerum
því í sögunni er óþokkinn búsettur á Íslandi.
Spæjarinn hugumprúði er á Aston Martin
Vanquish. Bíll Bonds er mun aflmeiri, með
V12-vél, 460 hestafla, en Jaguar-bíll óþokk-
ans aðeins með V8-vél, 363 hestafla. Upplýs-
ingafulltrúi kvikmyndarinnar á staðnum
upplýsti að málmlakkið á Jaguar-bílnum
væri blandað gulli. Hún var ófeimin að gefa
upp alls kyns tölur og staðreyndir um fram-
leiðsluna enda óhófið og glæsileikinn órjúf-
anlegur hluti af James Bond. Lítrann af
lakkinu sagði hún kosta 2.000 pund, eða tæp-
ar 290 þúsund ísl. kr. Þetta eru þó smámunir
í samanburði við þann kostnað sem tækni-
deild kvikmyndaliðsins lagði í til að breyta
bílunum í fjórhjóladrifsbíla. Kostnaðurinn
við breytingarnar á bílunum átta, já það eru
sex varabílar ef eitthvað skyldi fara úrskeið-
is, er 1,5 milljónir sterlingspunda, um 216
milljónir ísl. kr. Þetta eru einu fjór-
hjóladrifnu Jaguar- og Aston Martin-
bílarnir í heiminum. Eftir æsispennandi elt-
ingaleik á bílunum kemst Bond að lokum
undan illmenninu á snjóþotu með fluggetu,
en verður fyrir stöðugum árásum frá Ík-
arusi, sem er helsta vopn illmennisins, og
sendir frá sér hitageisla. Bond fer yfir lónið
og í gegnum skóginn, sem „plantað“ hefur
verið í ísinn, og rífur þar vængina af þotunni.
Leikurinn berst síðan upp á jökul og þar fer
Bond á laskaðri þotunni fram af 600 feta hyl-
dýpi, en það atriði verður að líkindum tekið
upp á Svalbarða.
Bið og aftur bið
Úti á ísnum var fjöldi manns við undirbún-
ing að tökum í sjö gráða frosti en björtu
veðri. Þarna er hópurinn að jafnaði við vinnu
frá klukkan átta á morgnana fram til klukk-
an fjögur, dúðaður í dúnúlpur utan klæða og
flotgalla innan klæða. Að minnsta kosti
þrjár myndavélar voru notaðar og áður
höfðu nokkur atriði verið tekin úr þyrlu. All-
ir voru á mannbroddum á glerhálum ísnum
og voru að undirbúa „skotið“. Bílarnir á
dekkjum með stórum nöglum. Leikstjóri
spennuatriðanna, Vic Armstrong, sat í leik-
stjórastólnum ómissandi en aðstoðarmenn
voru að koma fyrir litlum sprengjum í akst-
urslínu bílanna. Svo var gefið merki og bíl-
unum ekið af stað á miklum hraða. Skyndi-
lega kváðu við sprengingar við afturhjól
Bond-bílsins eins og verið væri að skjóta á
bílinn úr vélbyssunni. Atriðið, sem hafði ver-
ið í undirbúningi í nokkrar klukkustundir,
tók að hámarki tíu sekúndur. Svo var byrjað
að stilla upp og undirbúa fyrir næstu töku og
þá tók aftur við löng bið. Svona gengur dag-
urinn fyrir sig úti á ísnum og að meðaltali er
afraksturinn einungis um 20 sekúndur af
efni á dag. Kvikmyndagerð er nákvæmn-
isvinna en umfram allt þolinmæðisvinna.
Eltingaleikinn í nýjustu Bond-myndinni, í
ægifagurri umgjörðinni á Jökulsárlóni, fá ís-
lenskir áhorfendur að sjá í bíó í nóvember.
Áhættuleikarar eru í hlutverkum illmennisins og Bonds í atriðunum sem tekin eru upp á Jökulsárlóni.
gugu@mbl.is
„ÞETTA hefur gengið mjög vel. Veðrið hefur verið
frábært, en það var okkar mesta áhyggjuefni að
það myndi hlýna. Þetta er víst kaldasti febr-
úarmánuður í 65 ár og við völdum þessar tvær vik-
ur til þess að koma hingað, sem er ekki einleikið,“
segir Vic Armstrong, leikstjóri áhættuatriða í nýju
Bond-myndinni, í viðtali við Morgunblaðið í upphit-
uðum húsvagni hans við Jökulsárlón. Að loknu
góðu dagsverki kemur Armstrong sér þar fyrir og
klippir afrakstur dagsins í litlu Macintosh-tölvunni
sinni.
Þeir sem þekkja til í kvikmyndaheiminum vita að
Vic Armstrong er ein af stóru stjörnunum. Því til
staðfestingar má nefna að hann fékk Ósk-
arsverðlaun í fyrra fyrir tæknilegt framlag sitt til
kvikmynda og daginn áður en hann kom til Íslands
til að taka upp nýju Bond-myndina tók hann við
bresku BAFTA-verðlaununum fyrir framlag sitt til
breskrar kvikmyndagerðar. Á afrekaskrá Arm-
strongs er meðal annars Charlie’s Angels, tvær
Bond-myndir og margar fleiri myndir. Armstrong
var á árum áður einn af fremstu áhættuleikurum
heims og var staðgengill Seans Connerys í You
only Live Twice árið 1966. Hann hefur einnig verið
staðgengill Rogers Moores og Georges Lazenbys,
sem allir hafa leikið hlutverk Bonds. Þá var hann
leikstjóri áhættuatriða í Tomorrow Never Dies og
The World is Not Enough, en margir muna eftir
eltingarleiknum á Thames á hraðbátum í síð-
arnefndu myndinni, sem er hugverk Armstrongs.
Lónið stíflað
Hann segir að engin sérstök vandamál hafi kom-
ið upp ennþá en það sem getur sett strik í reikning-
inn er veðrið. Um leið og hlýnar og ísinn á lóninu
bráðnar er tökum sjálfhætt. Heimamenn komu
með bráðsnjalla lausn til að tefja fyrir þiðnun íssins.
Þeir lokuðu fyrir aðstreymi sjávar á flóði með því
að ryðja jarðvegi í lónið. Þar gætir því ekki lengur
sjávarfalla en sjórinn er a.m.k. 2–3 gráðum hlýrri en
jökulvatnið.
„Við ákváðum ekki að taka upp myndina hér fyrr
en tveimur vikum áður en tökur hófust. Við vildum
alltaf nota Jökulsárlón. Það er einstætt land-
fræðilega og á allan hátt. Ég hef hvergi annars
staðar fundið svona stað. Ljósið hérna er líka alveg
ótrúlegt og litirnir í ísnum. Skömmu áður en við
ætluðum að taka ákvörðun um staðarval hafði ís-
inn þiðnað og við töldum ekki mögulegt að gera
þetta hér. Ég flaug til Alaska og fann þar svipað lón
en með mun minni ísjökum. Þá fékk ég skilaboð um
að lónið hefði lagt á ný og þá ákváðum við að byrja
strax hér. Þetta hefði aldrei getað gerst nema með
frábæru undirbúningsliði. Chris [Courbould, yf-
irmaður áhættuatriða, innsk. blm.] og Saga Film
hafa unnið frábært starf. Ég kom á mánudegi og
byrjaði tökur á þriðjudag,“ segir Armstrong.
Hann segir að nú séu tökur á undan áætlun en
það leiði einungis til þess að tekið sé upp meira
efni. Íslenskur hluti myndarinnar njóti góðs af því í
betri og nákvæmari tökum. „Það verður meira kjöt
á beinunum og við höfum tækifæri til að einbeita
okkur betur að smáatriðum.“
Staðgengill Seans
Connerys