Morgunblaðið - 14.04.2002, Qupperneq 4

FRÉTTIR
4 SUNNUDAGUR 14. APRÍL 2002 MORGUNBLAÐIÐ
TALSMENN apótekanna segja ekki
rétt að álagning apótekanna hafi
hækkað um 4 til 5% frá áramótum
eins og haft er er eftir framkvæmda-
stjóra ASÍ í Morgunblaðinu í gær
heldur sé 9 til 10% lyfjahækkun fyrst
og fremst tilkomin vegna aðgerða
stjórnvalda.
Hagstofan hefur reiknað út 9,3%
hækkun á lyfjaverði frá áramótum, að
sögn Gylfa Arnbjörnssonar, fram-
kvæmdastjóra ASÍ. Hann segir að
breyting á niðurgreiðslum Trygg-
ingastofnunar ríkisins skýri ekki
hækkunina að öllu leyti. Krónan hafi
styrkst verulega á tímabilinu og
álykta megi að álagning lyfjaverslana
hafi hækkað um 4 til 5%.
Ingi Guðjónsson, framkvæmda-
stjóri Lyfju, segir að þótt apótekin
hafi hækkað lyfjaverð eitthvað sé það
af og frá að Lyfja hafi hækkað álagn-
ingu sína á lyfjum um 4 til 5% frá ára-
mótum. Hafa beri í huga að gengis-
hækkanir frá áramótum hafi ekki
skilað sér í verðinu og geri það ekki
fyrr en í næsta eða þarnæsta mánuði,
því miðað sé við meðalgengi undan-
genginna þriggja mánaða. Megin-
ástæða hækkuninnar sé því reglu-
gerðarbreytingin um áramótin.
Karl E. Wernersson, fram-
kvæmdastjóri Lyfja og heilsu, segir
að fyrirtækið hafi ekki breytt álagn-
ingarforsendum sínum frá áramótum.
Hins vegar þyrfti að skoða meðalverð
á hverri lyfjaávísun því þegar heil-
brigðisráðuneytið hefði lækkað
greiðsluþátttöku sína um áramótin
hefði hlutur sjúklingsins hækkað um
allt að 10 til 12%.
Hann bendir á að þessir útreikn-
ingar séu mjög flóknir og hafa beri í
huga að gefið sé út ákveðið hámarks-
verð. Hækkunina megi fyrst og
fremst rekja til aðgerða ríkisstjórn-
arinnar og reyndar hafi meðalálagn-
ing hjá félaginu lækkað á fyrsta árs-
fjórðungi ársins miðað við fyrsta
ársfjórðung í fyrra.
Hanna María Siggeirsdóttir,
stjórnarformaður Plúsapóteka, bend-
ir á að ríkið ákveði hvað sjúklingur
eigi að borga mikið fyrir lyf. Af þeim
lyfjum sem Tryggingastofnun hafi
tekið þátt í að borga hafi sjúklingur
greitt að hámarki 4.500 kr. fyrir ára-
mót en eftir áramót hafi hlutur sjúk-
lings verið 4.950 kr. að hámarki. Þetta
skýri verðhækkunina og Plúsapótek
hafi ekki hækkað álagninguna.
Hún bendir á að lyfjaverð sé mjög
fljótandi og ríkið ákveði lyfjaverð með
því að gefa út verðskrá í hverjum
mánuði. Lækkun á heildsöluverði
komi Tryggingastofnun til góða en
hafi ekki áhrif á hlut sjúklings vegna
ákvarðana ríkisvaldsins.
Talsmenn lyfjaverslana
Hækkunin
vegna aðgerða
stjórnvalda
HALLDÓR Ásgrímsson, utanríkis-
ráðherra og formaður Framsóknar-
flokksins, segir að það hafi legið fyrir
frá upphafi að fá Evrópusambandið til
samninga um það að Íslendingar séu
jafnstaddir gagnvart fríverslunar-
samningum við þau ríki sem eru að
bætast við sambandið í stækkun þess.
Þetta snerti bókun 9 við EES-samn-
inginn um sölu á sjávarafurðum, og
því sé ekki um nýtt mál að ræða. Hall-
dór var ásamt formönnum annarra
stjórnmálaflokka en Sjálfstæðis-
flokksins spurður um viðbrögð við því
sem kom fram á fundi Davíðs Odds-
sonar forsætisráðherra með starfs-
bróður sínum í Noregi, Kjell Magne
Bondevik, á föstudag um möguleika á
tvíhliða viðræðum við ESB um jafn-
virðissamninga. Formenn Samfylk-
ingarinnar og Vinstri grænna leggja
ólíkt mat á gildi slíkra samninga.
„Þetta mál snýst um það að póli-
tískar forsendur EES-samningsins
standi. Hann stendur ekki lengur
vegna breyttra forsendna. Ég hef
verið þeirrar skoðunar að það ætti að
reyna að fá fram breytingar á samn-
ingnum, samhliða stækkun Evrópu-
sambandsins. Norðmenn hafa sýnt
mikið metnaðarleysi í því máli og það
metnaðarleysi kemur fram af hálfu
forsætisráðherra Noregs núna, sem
kemur ekki á óvart. Það liggur fyrir,
og hefur lengi gert, að Evrópusam-
bandið er ekki áhugasamt um þetta
og Norðmenn hafa ekki viljað láta á
það reyna. Þetta þýðir að endurskoð-
un á EES-samningnum á sér ekki
stað fyrr en eftir stækkun sambands-
ins. Það mun að mínu mati ekki verða
að veruleika fyrr en eftir fimm til tíu
ár, sem er mjög vont mál fyrir bæði
Ísland og Noreg,“ segir Halldór.
Hvað fríverslunarsamninga varðar
segir utanríkisráðherra að hagsmunir
Íslands og Noregs falli ekki saman.
Reiknað hafi verið með að löndin
myndu sækja það mál sitt í hvoru lagi,
um það hafi verið rætt við Evrópu-
sambandið. Um ákveðin atriði geti
löndin þó rætt samhliða við ESB, en
um önnur ekki.
Flótti frá
aðildarviðræðum
Össur Skarphéðinsson, formaður
Samfylkingarinnar, segir málflutning
Davíðs og Bondeviks vera óljósan í
þessum efnum.
„Manni sýnist að þeir séu að bjarga
sér á handahlaupum frá þeirri stað-
reynd að ríkisstjórnir þeirra náðu
ekki samstöðu innan EFTA um við-
ræður við Evrópusambandið um upp-
færslu EES-samningsins þegar
ákveðinn gluggi opnaðist í haust með
yfirlýsingu ESB um vilja sambands-
ins til slíkra viðræðna. Það tækifæri
fór forgörðum, fyrst og fremst vegna
forystuleysis ríkisstjórnar Norð-
manna. Nú hefur ESB sagt að það sé
ekki lengur reiðubúið í þær viðræður
fyrr en eftir mörg ár, þegar stækkun
sambandsins er lokið. Alvöru viðræð-
ur um uppfærslu EES-samningins
hefðu að sjálfsögðu haft það markmið
að endurheimta öll þau fríðindi sem er
að finna fyrir fríverslun með fisk við
þau lönd sem eru á leið inn í ESB.
Þetta er fyrst og fremst flótti frá því
að taka upp alvöru viðræður við ESB
um aðild,“ segir Össur.
Hann segir að komi til viðræðna við
ESB um jafnvirðissamninga muni
Norðmenn fá mun meira út úr þeim
samningum en Íslendingar. Þar sé
miðað við gildandi viðskiptatölur og
Norðmenn hafi þar mun meira for-
skot. Jafnvirðissamningur muni því
ekki gagnast Íslendingum nema að
óverulegu leyti. Eina leiðin til að
vinna gegn þessum ágalla sé að vera
innan Evrópusambandsins.
Úrlausnarefni sem
ber að vinna að
Steingrímur J. Sigfússon, formað-
ur Vinstri hreyfingarinnar – græns
framboðs, segir möguleikann á svo-
nefndum jafnvirðissamningum hafa
legið fyrir en hann geti vel tekið undir
með Davíð Oddssyni um að Íslend-
ingar eigi að fara í þessar viðræður
við ESB. Ekki sé þó um stóra hags-
muni að ræða miðað við viðskipti okk-
ar í dag við þau lönd sem sótt hafa um
aðild að ESB.
„Hvað framtíðarmöguleika okkar á
þessum mörkuðum varðar þá væri
æskilegast að halda fullri fríverslun
fyrir fiskafurðir en ekki missa það inn í
mögulega tollfrjálsa kvóta sem við höf-
um nú þegar innan Evrópusambands-
ins. Fordæmið er til staðar frá þeim
tíma þegar Finnland, Svíþjóð og Aust-
urríki gengu inn í ESB. Þá var tekið til-
lit til okkar en auðveldara mál við að
eiga en nú. Þetta er úrlausnarefni sem
ég tel einboðið að vinna að,“ segir
Steingrímur. Hann segir hagsmuni Ís-
lands og Noregs mismunandi eftir fisk-
afurðum og viðskiptum við umrædd
lönd. Norðmenn hafi verið duglegir við
að koma sér fyrir á mörkuðum þeirra
landa sem hafa sótt um ESB-aðild. En
ef Íslendingar nái að halda tollfrelsi
verði þeir betur staddir með fiskút-
flutning í framtíðinni.
Á sömu línu og Davíð
Sverrir Hermannsson, formaður
Frjálslynda flokksins, segist ekki
hafa kynnt sér nægjanlega hvað felist
í jafnvirðissamningum til að geta tjáð
sig um þá. Vill hann aðeins ítreka að
hann sé „á sömu línu“ og Davíð Odds-
son í Evrópumálum.
Utanríkisráðherra um jafnvirðissamninga
Hefur legið fyrir
frá upphafi
FJÓRIR fulltrúar 9.F í Digranes-
skóla urðu í 2. sæti af 20 liðum í
KappApel stærðfræðikeppninni í
Noregi, en úrslitin fóru fram á
föstudag. Þetta er í fyrsta sinn
sem íslenskur bekkur tekur þátt í
keppninni og var hann aðeins
einu stigi á eftir sigurveg-
urunum.
Kappapel varð til í Noregi fyrir
nokkrum árum og varð lands-
keppni þar á stærðfræðiárinu
2000. Tilgangurinn er að efla
áhuga unglinga á stærðfræði og
sýna þeim að verðug stærð-
fræðiverkefni nútímans eru mun
fjölbreyttari en margir nemendur
hafa komist í tæri við. Auk þess
er lögð áhersla á gildi samvinnu.
Í fyrra var Íslandi og öðrum
Norðurlöndum boðið að velja
einn 9. bekk í keppnina núna og
hér á landi fór fyrst fram for-
keppni, en Anna Kristjánsdóttir,
prófessor við Kennaraháskóla Ís-
lands, hafi forystu um verkefnið.
Nær 40 bekkir sýndu keppninni
áhuga og 25 þeirra luku bæði
fyrstu og annarri lotu hennar.
Nokkrir bekkir fóru síðan í
þriðju lotu sem var fjölþætt
bekkjarverkefni um stærðfræði
og íþróttir.
9.F í Digranesskóla fékk 75
stig af 80 mögulegum og var
stigahæstur eftir fyrstu lotur
keppninnar. Áróra Helgadóttir,
Magnús Ingimundarson, Snæfríð-
ur Halldórsdóttir og Stefán Arn-
órsson voru síðan valin úr bekkn-
um til keppni við sigurvegara frá
hverju fylki í Noregi og fór Þórð-
ur Guðmundsson, kennari þeirra,
með þeim ásamt Önnu Kristjáns-
dóttur. Erlendu þátttakendurnir
kepptu sem gestir og voru því
ekki með í lokaúrslitunum en ís-
lenski bekkurinn fékk engu að
síður viðurkenningu eins og hann
hefði orðið í 2. sæti í loka-
úrslitum. Hann fékk 66 stig en
sigurvegarnir 67 stig. „Þetta er
frábær frammistaða hjá krökk-
unum,“ segir Þórður Guðmunds-
son, en stigin eru fyrir bekkjar-
verkefnið sem var sent út og
keppnina í Noregi.
Ljósmynd/Thor
Stoltir keppendur 9.F í Digranesskóla í Kópavogi með kennara sínum.
Frá vinstri: Stefán Arnórsson, Áróra Helgadóttir, Magnús Ingimund-
arson, Þórður Guðmundsson og Snæfríður Halldórsdóttir.
Bekkur í
Digranes-
skóla í
öðru sæti
Stærðfræðikeppnin
KappAbel í Noregi fyrir
nemendur í 9. bekk
Könnun Gallup fyrir Sjálfstæðis-
flokk um fylgi í Reykjavík
Flokkurinn
eykur fylgið
SJÁLFSTÆÐISFLOKKUR
eykur fylgi sitt um þrjú prósentu-
stig í könnun sem Gallup gerði
fyrir Sjálfstæðisflokkinn dagana
6. apríl til 11. apríl. Fylgi flokksins
mælist nú 40% en hann var með
37% fylgi í könnun þjóðarpúls
Gallup sem birt var í síðustu viku
marsmánaðar. Fylgi R-lista
mælist nú 55%, var áður 61%.
Önnur framboð fá samtals um 5%
atkvæða.
Rúm 14% þátttakenda voru
ekki viss hvað þau myndu kjósa
eða neituðu að svara, sem er tals-
verð aukning frá síðasta þjóðar-
púlsi Gallup þar sem 7% voru
óákveðin.
Úrtakið í könnuninni var 800
einstaklingar í Reykjavík, svar-
hlutfall var 66,5%. Úrtakið er
nokkru minna en í öðrum könn-
unum sem Gallup hefur birt um
borgarstjórnarkosningarnar í ár
og eru vikmörk því töluvert hærri
en í fyrri könnunum.