Morgunblaðið - 14.04.2002, Síða 38

MINNINGAR
38 SUNNUDAGUR 14. APRÍL 2002 MORGUNBLAÐIÐ




 



  





       
 !
"  #            !"# $
$ !%     % # $
&  '  
$   $#
()
 & " *

  




 
 
   
   
  

    



   





  

 


 

   




 



   ! 
 ! " # 

! 
 !" # $

 



 
  


   
  

   
  


  
!   !"#$ %$$ &"$'(



 

 







  
     
  !"
!#$% &$


 
   

   !


' !(  )((* + ,-
#%)("
,.( ) /-0 "((*
!"  " ' !((*-

  

        
 

 

  
 !

  
 
 
  !"

   #$% 
%
&     '(  "
 #)% 

% #*%*$%
+



 ,    -

 %
  "  ""# 
$% % $% &"'( 
()"
()""# 
*&+ , -"
()""# 
. 
()""# 
 
( *&+ ""# 
  /0(%"#    1/23"'( 

(4  '( /
✝ Sigurður Frið-finnsson fæddist
á Kjaransstöðum í
Dýrafirði 26. mars
1916. Hann lést á
heimili sínu 19. febr-
úar síðastliðinn. For-
eldrar hans voru
Guðrún Jóhanna
Jónsdóttir frá Grasi
á Þingeyri, f. 17.9.
1885, d. 1.7. 1962, og
Friðfinnur Þórðar-
son frá Kjaransstöð-
um, f. 22.2. 1877, d.
15.2. 1950. Eldri
systkini Sigurðar
voru Guðmundur Hermann; Sig-
ríður Dagrún; Þórður Jakob og
Friðgerður. Yngri voru þeir Óskar
Jens, sem lést tveggja ára; Her-
mann Bjarni; Óskar Jens; Sigurlíni
Hannes; Guðjón Hreiðar og eftirlif-
andi eru tveir bræður, þeir Gunnar
og Elís Kjaran, báðir búsettir á
Þingeyri.
Sigurður kvæntist 25.12. 1946
Björnfríði Ólafíu Magnúsdóttur, f.
14.12. 1926. Foreldrar hennar voru
Sigríður Sigurðardóttir og Magn-
ús Einarsson. Börn Sigurðar og
Björnfríðar eru: 1) Þórður Jakob,
f. 21.6. 1946, fyrrverandi maki Ól-
ína Sigríður Jónsdóttir. Þau eiga
þrjár dætur; 2) Líni Hannes, f. 29.6.
1947, maki Gunnhildur Björk Elí-
asdóttir. Þau eignust fimm börn,
Þau eiga þrjú börn; 15) Smári, f.
10.11. 1964, maki Alda Ólfjörð
Jónsdóttir. Þau eiga þrjú börn; 16)
Þrúður Sjöfn, f. 22.2. 1967, maki
José Luis Garcia. Þau eiga tvö
börn; 17) Sigurborg Guðrún, f. 2.2.
1967. Fyrrverandi maki Axel Jesp-
ersen. Þau eiga þrjú börn. Barna-
börn Sigurðar og Björnfríðar eru
47 og barnabarnabörn 28.
Sigurður ólst upp á Kjaransstöð-
um hjá foreldrum sínum. Hann
stundaði hefðbundið skólanám
heima fyrir og var tvo vetur í skóla
á Núpi. Hann stundaði nám við
Bændaskólann á Hólum og útskrif-
aðist þaðan sem búfræðingur árið
1942. Hann vann ýmis landbúnað-
arstörf og tók þátt í Samvinnuút-
gerð Dýrfirðinga. Um tíma sigldi
hann á skipi þeirra Sæhrímni. Árið
1945 hóf Sigurður búskap með eig-
inkonu sinni á Ketilseyri. Auk
hefðbundins búskapar með kýr og
kindur stundaði hann um tíma
refarækt. Sigurður vann að upp-
byggingu atvinnumála í Dýrafirð-
inum, studdi við starfsemi Kaup-
félags Dýrfirðinga, stundaði
vélaútgerð og stofnaði síðan um
reksturinn fyrirtækið Brautina sf.
Árið 1997 stofnaði Sigurður ásamt
tveimur sonum sínum verslunina
Sandafell. Sigurður var í Búnaðar-
félagi Þingeyrarhrepps í 63 ár og
heiðursfélagi þar frá árinu 1987.
Síðustu tvo áratugina lagði Sigurð-
ur aðaláherslu á skógrækt og fékk
hann viðurkenningu frá Skóg-
ræktarfélagi Íslands fyrir störf sín.
Útför Sigurðar fór fram frá
Þingeyrarkirkju 24. febrúar síð-
astliðinn.
en sonur þeirra Hreið-
ar Snær lést 4.1. 2002;
3) Guðfinna Sigríður,
f. 15.5. 1949, maki
Samúel Jón Guð-
mundsson. Þau eiga
fjögur börn; 4) Gunnar
Gísli, f. 14.5. 1950; 5)
Friðfinnur Sigurður,
f. 20.5. 1951, maki Sig-
ríður Helgadóttir. Þau
eiga þrjú börn; 6) Sig-
urbjörn Ingi, f. 29.7.
1952, maki Marta
Bjarnadóttir. Sigur-
björn á þrjú börn með
fyrri eiginkonu sinni,
Maríu Brink; 7) Magnús, f. 23.9.
1953, maki Sigríður Þórdís Ást-
valdsdóttir. Þau eiga fjögur börn;
8) Rafn, f. 25.9. 1957. Fyrrverandi
maki Soffía Steinunn Jónsdóttir.
Hann á eina fósturdóttur; 9) Guðný
Erla, f. 15.9. 1956, maki Jón Stein-
ar Guðmundsson. Þau eiga tvö
börn; 10) Jón Reynir, f. 10.9. 1957,
maki Ingibjörg Ósk Vignisdóttir.
Þau eiga tvær dætur; 11) Helga
Björk, f. 7.4. 1959, maki Þórir Jens
Ástvaldsson. Þau eiga þrjú börn;
12) Sunna Mjöll, f. 9.9. 1960, maki
Sófus Oddur Guðmundsson, d. 1.2.
2002. Þau eiga þrjú börn; 13) Ósk-
ar Jóhann, f. 7.6. 1962, maki Guð-
björg Leifsdóttir. Þau eiga þrjár
dætur; 14) Ómar Dýri, f. 8.7. 1963,
maki Guðrún Íris Hreinsdóttir.
Elsku afi.
Mig tekur það sárt að hafa ekki
getað verið viðstödd jarðarförina
þína, en maður ræður víst ekki hve-
nær kveðjustundina ber upp á.
Mig langar að þakka þér fyrir all-
ar góðu minningarnar, þær mun ég
alltaf geyma. Ég hafði sérstaklega
gaman af bíltúrunum með ykkur
ömmu, sem voru stundum hálfgerð
rússnesk rúlletta. En best var að
sitja í ró og næði í eldhúsinu og
spjalla, amma að prjóna og þú að
taka í nefið.
Þú varst alveg einstakur maður,
afi, yndislega sérvitur, ákveðinn og
þrjóskur sem naut. Besti afi í heimi.
Ég sakna þín heilmikið en við eigum
víst eftir að hittast einhvern tímann
aftur.
Takk fyrir allar samverustundirn-
ar. Hvíl í friði.
Þín
Maríanna.
Myndin af Sigurði Friðfinnssyni,
tengdaföður mínum, er skýr í end-
urminningunni. Hann var svipsterk-
ur maður með mikið silfurlitt hár og
skegg. Undir rólyndu yfirbragðinu
var staðfastur maður sem hvikaði
ekki frá sannfæringu sinni og skoð-
unum. Hann var sanntrúaður fram-
sóknarmaður og fulltrúi sinnar dug-
miklu kynslóðar. Á heimili þeirra
hjóna á Ketilseyri var oft gestkvæmt
og við eldhúsborðið spunnust oft
fjörugar umræður um landsins gagn
og nauðsynjar. Stjórnmál, barna-
uppeldi og hlutverk kynjanna voru
vinsæl umræðuefni. Þegar umræður
gerðust snarpar, þá batt Sigurður
gjarnan enda á þær með því að lýsa
skoðun sinni hægt og rólega með
miklum sannfæringarkrafti. Sló
hann þá stundum hnefanum létt í
borðið til að leggja áherslu á orð sín
og átti þar með síðasta orðið.
Sigurður og Fríða eignuðust 17
börn á 23 árum. Þau hjónin voru
samhent og með forsjálni og dugnaði
tókst þeim, án utanaðkomandi hjálp-
ar, að koma þeim öllum til manns.
Sigurður var úrræðagóður og nýtti
sér búfræðimenntun sína, keypti
vinnuvélar og stofnaði í tengslum við
það fyrirtæki, sem er ennþá starf-
rækt. Þegar synirnir uxu úr grasi
fóru þeir að vinna á vélunum, grafa
áveituskurði og vinna ýmis verk sem
til féllu.
Sigurður las mikið og má segja að
hann hafi verið alæta á bækur. Hann
las ljóðabækur, bækur um garð-
rækt, íslenskar og erlendar bók-
menntir, bækur um dularfull fyrir-
bæri og ýmislegt fleira. Hann hafði
gaman af ljóðum og gerði sjálfur dá-
lítið af því að setja saman vísur.
Sigurður var eldhugi. Brúun
Dýrafjarðar var einn af hans stóru
draumum. Þegar kunngjört var að
samkvæmt útreikningum verk- og
tæknifræðinga væri fjörðurinn
óbrúanlegur var Sigurður ekki sátt-
ur við niðurstöðurnar. Með sinni al-
kunnu þrjósku og sannfæringu fór
hann á skektu útá fjörðinn og mældi
sjálfur með bandi og lóði dýpt fjarð-
arins. Að því loknu gerði hann sína
eigin útreikninga. Með þá í fartesk-
inu ásamt undirskriftum fjölda Vest-
firðinga fór hann til Reykjavíkur og
heimsótti hið háa Alþingi. Þar tókst
honum að afla hugmyndum sínum
fylgis. Brúunin varð að veruleika,
þökk sé þrjósku og áræði manns
sem trúði að allt væri mögulegt, ef
viljinn væri fyrir hendi.
Eftir að Sigurður hætti hefð-
bundnum búskap varð trjárækt
hans aðaláhugamál. Hann var sann-
færður um að Ísland mætti klæða
með skógi milli fjalls og fjöru. Þrátt
fyrir að hann væri orðinn lélegur til
gangs síðustu árin lét hann það ekki
aftra sér frá stórum verkum. Á
sumrin safnaði hann trjáfræjum sem
hann sáði á veturna í stóra fiski-
kassa og raðaði á stofugólfið á Ket-
ilseyri. Á vorin plantaði hann ný-
græðingunum í mjólkurfernur sem
hann setti út garð. Með þessu móti
fjölgaði hann plöntunum um fleiri
þúsundir á hverju ári. Þessi „af-
kvæmi“ hafa dreifst um allt land og
meira að segja til skógarlandsins
Noregs. Í dag er myndarlegur skóg-
ur á Ketilseyri vitnisburður um
djörfung og dugnað Sigurðar. Það er
óhætt að segja að hann hafi verið
frjósamur í orðsins fyllstu merk-
ingu.
Sigurður talaði oft um bruðlið í
þjóðfélaginu og fannst slæmt að fólk
væri of upptekið af lífsgæðakapp-
hlaupinu. Hann og Fríða voru
nægjusöm og þrátt fyrir að hafa
marga munna að metta tókst þeim
að leggja fyrir umtalsvert sparifé.
Þegar allt stefndi í að togari Dýr-
firðinga yrði seldur úr byggðarlag-
inu og með honum allur kvótinn
ákvað Sigurður að styrkja útgerð-
arfélagið. Flestir töldu þetta glatað
fé, en Sigurði fannst allt til vinnandi
að halda togaranum. Þrátt fyrir góð-
an vilja og framlög heimamanna fór
þó svo að togarinn var seldur sem
var mikið áfall fyrir íbúana. Sigurð-
ur hafði mikla fyrirlitningu á kvóta-
kerfinu. En örlögin geta verið kald-
hæðin. Kerfið sem varð þess
valdandi að lífsviðurværið var haft af
byggðarlaginu færði Sigurði stórfé.
Hann var ekki ánægður, þar sem
ætlunin hafði verið að styrkja
byggðina og tryggja afkomendum
sínum aukið afkomuöryggi. Þegar
Kaupfélag Dýrfirðinga hætti rekstri
fékk Sigurður aftur tækifæri til að
nýta féð á farsælan hátt og stofnaði
verslunina Sandafell.
Síðustu jól eru eftirminnileg fyrir
margra hluta sakir. Þau héldum við
með Sigurði, Fríðu og Gunnari á
Ketilseyri. Þar ríkti gleði og frið-
sæld og var þessi tími kærkomin
hvíld frá streitunni og erlinum hér í
Reykjavík. En skjótt skipast veður í
lofti. Sorgin og áföllin voru skammt
undan. Eftir áramótin varð eldsvoði
á Þingeyri og Hreiðar Snær, son-
arsonur Sigurðar, Ingibjörg kona
hans og litli Leon Örn létust. Tæp-
um mánuði síðar lést tengdasonur-
inn Sófus í umferðarslysi.
Sigurður bar ekki tilfinningar sín-
ar á torg og talaði ekki mikið um trú-
mál en hann trúði á góðan Guð.
Hann var viðbúinn dauðanum og ef-
laust hafa áföllin flýtt för hans. Síð-
ustu stundina átti Sigurður með
Fríðu sinni. Þau hjónin horfðu út um
gluggann og dáðust að fegurð Dýra-
fjarðarins. Sjórinn var spegilsléttur
og fjörðurinn upplýstur í björtu
tunglskininu. Þetta var fögur sjón og
sú síðasta í lífi Sigurðar.
Ég kveð Sigurð Friðfinnsson með
þakklæti í huga fyrir allar samveru-
stundirnar. Blessuð sé minning
hans.
Guðbjörg Leifsdóttir.
SIGURÐUR
FRIÐFINNSSON
Blómastofa Friðfinns,
Suðurlandsbraut 10,
sími 553 1099, fax 568 4499.
Opið til kl. 19 öll kvöld
Kransar • Krossar • Kistuskreytingar