Morgunblaðið - 20.04.2002, Page 11

Í stofunni á Gljúfrasteini. Stóri glugginn mót suðvestri varð strax blómagluggi en innrétting-
unum fyrir framan hann var breytt árið 1960, þegar langur sófi var settur þar og flygillinn
færður í hornið. Sófinn hefur þrisvar verið yfirdekktur. Steinda glerverkið í endaglugganum er
eftir þýskan listamann sem aðstoðaði Nínu Tryggvadóttur við gerð steindra glugga.
Skrifpúlt Halldórs. Í vinnu-
herbergi Halldórs eru allar
innréttingar upprunalegar,
teiknaðar af Birtu Fróða-
dóttur, dönskum hönnuði
sem var eiginkona Jóhanns
Jónssonar, garðyrkjumanns
í Mosfellsdal. Yfir púltinu
eru myndir af fjölskyldu-
meðlimum og vinum og
málverk Nínu Tryggvadótt-
ur af Erlendi í Unuhúsi. Yfir
skrifborðinu, sem Auður
Laxness vann við og vélrit-
aði á, er málverk eftir Svav-
ar Guðnason. Í skjalaskápn-
um voru bréf Halldórs en
Auður hefur afhent þau
Landsbókasafni. Yfir skápn-
um er mynd eftir Jóhannes
Kjarval.
Altaristafla og rúmfjöl. Yfir dyrunum inn í stofuna hangir út-
skorin rúmfjöl frá fjölskyldu Halldórs, frá árinu 1713. Mál-
verkið er altaristaflan sem Jóhannes Kjarval málaði fyrir
Rípurkirkju en var hafnað og Halldór keypti af listmál-
aranum. Kistuna hannaði Auður fyrir forstofuna og var hún
smíðuð í Björk en faðir Auðar, Sveinn Guðmundsson, smíðaði
á hana lamir, lykil og höldur.
Eggið við arininn. Við arininn í stofunni stendur „Eggið“ eftir Arne Jacobsen en þar sat Halldór gjarnan. Myndin til vinstri, of-
an við stólinn, er eftir Kristján Davíðsson, máluð á gler. Í hinum stólnum er púði sem Auður gerði í París og kallaði Landaparís;
litunum ætlaði hún að fanga andrúm borgarinnar. Á arinhillunni rísa hæst tvö Afríkulíkneski sem Halldór og Auður keyptu af
Kristjáni Davíðssyni en hann flutti þau heim með sér þegar hann kom úr námi í Bandaríkjunum. Þá er frönsk stytta, mynd af
Ása-Þór, stytta sem Auður keypti á Indlandi og önnur grænlensk. Yst til hægri er mynd eftir Ásmund Sveinsson sem Auður
keypti um 1940.
Stóll Halldórs. Stólinn í vinnuherbergi Halldórs
fluttu þau Auður með sér að Gljúfrasteini. Í hon-
um sat Halldór gjarnan og margar ljósmyndir
voru teknar af honum í stólnum. Í hillunum eru
útgáfur af bókum Halldórs, frumútgáfur og þýð-
ingar. Púðann í stólnum gerði Ásdís Sveins-
dóttir, systir Auðar.
Samóvar og Svavarsverk. Við hlið skápsins í
borðstofunni er samóvar sem rússneskur þýð-
andi Halldórs færði þeim að gjöf. Auður segist
oft hafa notað hann. Á skápnum eru tveir vasar
sem hún keypti í Kína. Myndin lengst til hægri
er eftir Jóhannes Kjarval, máluð á viðarplötu,
frummynd af konu með skuplu sem hann mál-
aði síðan í saltfiskmyndina stóru í Landsbank-
anum. Hinar tvær myndirnar eru eftir Svavar
Guðnason og Auður segir þá í miðið vera eft-
irlætismálverk sitt.
Ljós eftir föður Auðar. Víða um Gljúfrastein eru
vegg- og loftljós sem faðir Auðar, Sveinn Guð-
mundsson, smíðaði úr smíðajárni. Auður segir
að þegar þau Halldór voru að flytja í húsið, árið
1945, hafi svo fátt verið til í verslunum. Hún var
að leita að ljósum en fann einungis ljósagler í
einni verslun. Hún keypti þau öll og faðir hennar
tók smíðina að sér.
Í svefnherbergi Halldórs. Gegnt rúmi hans
hanga málverk Nínu Tryggvadóttur af ungri
konu, skjal sem páfi færði Halldóri er hann kom
til landsins, ljósmynd af Halldóri ungum, teikn-
ing sem hann gerði af Byron lávarði á unglings-
árum og er eina teikningin sem varðveist hefur
eftir hann frá þeim tíma og málverk Louisu
Matthíasdóttur af Erlendi í Unuhúsi. Á bókahill-
unni eru fjölskyldumyndir, mynd af Halldóri og
Auði í Þjóðleikhúsinu og höggmynd eftir Erling
Jónsson.
Hluti þýðinganna. Danskar og austur-
evrópskar þýðingar sem búið er að flokka,
ásamt öllum öðrum bókum í vinnustofu
skáldsins.
Í herbergi Auðar. Í bókahillunum í herbergi Auðar Laxness standa ýmsar myndir. Hér eru myndir af for-
eldrum hennar, Halldóru Jónsdóttur og Sveini Guðmundssyni. Þá er mynd af Halldóri nítján ára gömlum,
tekin erlendis.
Lesbók Halldór Laxness 2002 Morgunblaðið ∼ 11