Morgunblaðið - 24.04.2002, Blaðsíða 1

94. TBL. 90. ÁRG. MIÐVIKUDAGUR 24. APRÍL 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 24. APRÍL 2002
FLOKKAR hófsamra hægrimanna í Frakklandi
ætla að sameinast í einum flokki eða bandalagi fyrir
þingkosningarnar í júní til að bægja frá hættunni á
auknum áhrifum hægriöfgamanna, að sögn for-
ystumanna í tveimur flokkanna í gær. Leiðtogar
Sósíalistaflokksins eru einnig sagðir vilja mynda
bandalag með öðrum vinstriflokkum í þingkosning-
unum eftir óvæntan sigur hægriöfgamannsins
Jean-Marie Le Pens á forsetaefni sósíalista í fyrri
umferð forsetakosninganna á sunnudag.
Sigur Le Pens gæti valdið straumhvörfum í
frönskum stjórnmálum því gangi sameiningar-
áformin eftir geta franskir kjósendur valið á milli
þriggja kosta í þingkosningunum: hægrimanna,
vinstrimanna og flokks Le Pens, Þjóðarfylkingar-
innar.
Lýðveldisfylkingin (RPR), flokkur Jacques Chir-
ac forseta, Samtök um lýðræði í Frakklandi (UDF)
og Frjálslyndir lýðræðissinnar (DL) ætla að stofna
„einn stóran flokk“, sem á að heita „Samtök um for-
setameirihluta“, að sögn formanns þingflokks
UDF, Philippe Douste-Blazy. Hann sagði eftir fund
leiðtoga flokkanna þriggja að nýja bandalagið
myndi aðeins tilnefna einn frambjóðanda í hverju
kjördæmi og þingmenn þess yrðu í einum þing-
flokki.
Alain Madelin, leiðtogi Frjálslyndra lýðræðis-
sinna, kvaðst hins vegar vera andvígur því að
hægriflokkarnir mynduðu „einn flokk“. Annar for-
ystumaður Frjálslyndra lýðræðissinna kvaðst
einnig líta svo á að Samtök um forsetameirihluta
ættu að vera „hreyfing“ en ekki flokkur.
Markmiðið með sameiginlegu framboði er að
koma í veg fyrir að Þjóðarfylkingin hagnist á því að
atkvæði miðju- og hægrimanna dreifist á marga
flokka í þingkosningunum. Chirac forseti óttast að
Þjóðarfylkingin og vinstrimenn auki fylgi sitt í
þingkosningunum á kostnað hægriflokkanna
þriggja og það verði til þess að sósíalistar geti
myndað nýja ríkisstjórn.
Leiðtogar Sósíalistaflokksins segjast ætla að
mynda bandalag á vinstrivængnum sameinist
hægriflokkarnir gegn Le Pen.
Chirac hafnar kappræðum
Chirac hafnaði í gær áskorun Le Pens um að efnt
yrði til sjónvarpskappræðna milli frambjóðend-
anna tveggja eins og venja er í Frakklandi fyrir síð-
ari umferð forsetakosninga. Le Pen lýsti ákvörðun
forsetans sem „hneyksli“ og „óþolandi árás á reglur
lýðræðisins“.
Le Pen kvaðst ekki taka mark á skoðanakönn-
unum sem benda til þess að 77% Frakka ætli að
kjósa Chirac. „Ég get náð kjöri,“ sagði Le Pen. „Ég
er forsetaefni fólksins gegn forsetaefni kerfisins.
Ég reiði mig á milljónir Frakka sem eru óánægðar
með ástandið.“
Hægriflokkar ætla að
sameinast gegn Le Pen
París. AFP.
TALIÐ er að alls hafi um 90.000
manns tekið þátt í götumótmælum
gegn hægriöfgamanninum Jean-
Marie Le Pen í París og fleiri frönsk-
um borgum í gær. Vinstriflokkar,
verkalýðsfélög og samtök náms-
manna stóðu fyrir mótmælunum og
ætla að halda þeim áfram á degi
hverjum fram að síðari umferð for-
setakosninganna 5. maí þegar kosið
verður á milli Le Pens og Jacques
Chirac forseta. Mótmælendur í París
halda hér á forsíðu dagblaðsins Lib-
eration með fyrirsögninni „Nei“ yfir
mynd af Le Pen.
Götumót-
mæli gegn
Le Pen
Reuters
DANSKA kirkjumálaráðu-
neytið hefur hafnað umsókn
danska ásatrúarfélagsins Forn
Sidr um að það verði skráð sem
trúfélag, að sögn danskra fjöl-
miðla í gær.
Ásatrúarfélög eru viður-
kennd sem trúfélög á Íslandi og
í Noregi en fimm manna nefnd
danska kirkjumálaráðuneytis-
ins hefur komist að þeirri nið-
urstöðu að ásatrú eigi ekki að fá
sömu stöðu í Danmörku.
Kirkjumálaráðuneytið
kvaðst hafa sent ásatrúarfélag-
inu tilkynningu um synjunina
en vildi ekki rökstyðja hana að
svo stöddu.
„Hugsanlegt er að Forn Sidr
vilji leggja fram ný rök fyrir
umsókn sinni. Gerist það verð-
ur hún tekin aftur fyrir í ráð-
gjafarnefndinni, en að öðrum
kosti teljum við að málinu sé
lokið,“ sagði embættismaður í
kirkjumálaráðuneytinu. Ráðu-
neytið hefur þó aldrei skráð
trúfélag eftir að umsókn þess
hefur verið hafnað.
Ásatrú
hafnað
JÓHANNES Páll páfi tjáði banda-
rískum kardínálum í gær að hann
væri „afar sorgmæddur“ vegna
þeirra kynferðislegu ofbeldismála er
komið hefðu upp innan rómversk-
kaþólsku kirkjunnar. Prestar hefðu
„valdið ungu fólki mikilli þjáningu og
hneykslan“. Samráðsfundur banda-
rísku kardínálanna með páfa hófst í
gær og lýkur í dag.
Fjöldi hneykslismála sem tengjast
rómversk-kaþólsku kirkjunni hefur
komið upp í Bandaríkjunum undan-
farið. Hafa gagnrýnendur m.a. kraf-
ist afsagnar æðstu manna hennar og
m.a. vísað til þess að þeir hafi í viss-
um tilvikum reynt að þegja í hel mál
þar sem um var að ræða kynferð-
isbrot presta gagnvart börnum.
Páfi sagði að þau níðingsverk sem
hefðu leitt kirkjuna inn í þessa
kreppu væru ekki með nokkru móti
réttlætanleg. „Samfélagið lítur rétti-
lega á þau sem glæp, auk þess sem
Guð lítur á þau sem svívirðilega
synd.“
Páfi „afar sorgmæddur“
AP
Jóhannes Páll páfi ávarpar bandaríska kardínála í Páfagarði.
Segir níðings-
verk kirkjunnar
þjóna óréttlæt-
anleg með öllu
Vatíkaninu. AFP.
ÚTVARPSSTÖÐ í Ísrael sagði í
gærkvöldi að stjórn landsins hefði
ákveðið að fresta komu nefndar á
vegum Sameinuðu þjóðanna til Jenín
á Vesturbakkanum þar sem hún á að
rannsaka ásakanir um að Ísraelsher
hefði framið fjöldamorð.
Stjórnin hafði samþykkt rann-
sóknina en var sögð hafa frestað
henni vegna þess að hún teldi nefnd-
ina „of pólitíska“.
Reynt að binda enda á umsátrið
Samningaviðræður, sem miðuðust
að því að binda enda á þriggja vikna
umsátur Ísraelshers um Fæðingar-
kirkjuna í Betlehem, báru ekki ár-
angur í gær. Samningamenn Ísraela
og Palestínumanna sögðu þó að mið-
að hefði í samkomulagsátt og við-
ræðunum yrði haldið áfram í dag.
Hundruð Palestínumanna eru í
Fæðingarkirkjunni, þeirra á meðal
30 meintir hryðjuverkamenn sem
Ísraelar vilja að verði annaðhvort
saksóttir í Ísrael eða reknir í útlegð.
Palestínumenn hafa hins vegar lagt
til að mennirnir verði fluttir á Gaza-
svæðið og sóttir þar til saka.
Gadi Golan, deildarstjóri trúmála-
deildar ísraelska utanríkisráðuneyt-
isins, sagði að Ísraelar hefðu ekki
hafnað tillögu Palestínumanna form-
lega. Hann bætti þó við að Ísraelar
myndu ekki samþykkja að Palest-
ínumennirnir yrðu leiddir fyrir rétt á
Gaza-svæðinu. „Það hefur gerst of
oft að Palestínumenn handtaki
hryðjuverkamenn og hleypi þeim
síðan út á göturnar.“
Rannsókn í
Jenín frestað
Betlehem, Jerúsalem. AP, AFP.

Palestínumenn/24
STJÓRN Argentínu bauðst í gær til
að segja af sér á fundi með Eduardo
Duhalde forseta eftir að efnahags-
málaráðherra hennar, Jorge Remes
Lenicov, ákvað að láta af embætti.
Heimildarmaður í stjórninni sagði
að forsetinn væri að íhuga uppstokk-
un á stjórninni og breytingar á efna-
hagsstefnunni. Remes sagði af sér
skömmu eftir að þingið hafnaði til-
lögu hans um að þeir sem vilja taka
út sparifé sitt í bönkunum fái það
greitt í langtímaskuldabréfum en
ekki reiðufé.
Stjórnarskipti
í Argentínu?
Buenos Aires. AFP.

Duhalde/22