Morgunblaðið - 05.05.2002, Blaðsíða 7
MORGUNBLAÐIÐ SUNNUDAGUR 5. MAÍ 2002 B 7
Sælkerar á sunnudegi
Steingrímur Sigurgeirsson Hanna Friðriksdóttir Áslaug Snorradóttir
VÍN vikunnar að þessu sinnieru þrjú, frá Ástralíu, Ítal-íu og Spáni. Öll voru þautekin í reynslusölu í versl-
unum ÁTVR nú í byrjun maí.
Rosemount GTR 2000 (1.360 kr.)
er hvítvín sem byggist á nokkuð
óvenjulegum þrúgnakokkteil fyrir
Ástralíu en GTR stendur fyrir
Gewurztraminer Riesling. Þó að ekki
fari á milli mála að þarna sé Ástrali á
ferðinni er vínið nokkuð frábrugðið
flestum öðrum vínum á markaðnum.
Ilmurinn mikill og kryddaður. Í
munni er vínið sætara en við eigum
að venjast af áströlskum vínum. Til-
valið sem vel kældur fordrykkur fyr-
ir þá neytendur sem vilja vín í ögn
sætum stíl og jafnframt gæti verið
forvitnilegt að reyna vínið með
krydduðum austurlenskum mat.
Promessa Rosso Salento 2000 (990 kr.) er
vín frá Púglía á Suður-Ítalíu frá sama fram-
leiðanda og vínið A Mano. Púglía nýtur sívax-
andi vinsælda víða um heim og ekki nema von
ef tekið er mið af þessu víni. Yndislegur blóma-
ilmur, fjólur og angan af kryddjurtum. Minnir
á síðdegi á ítölskum sumardegi. Heldur áfram
í sama stíl í munni, bragðmikið og ávaxtamik-
ið, þroskuð ber undan ítölsku sólinni. Mjög góð
kaup.
Það þarf vart að kynna Montecillo-vínin fyr-
ir Íslendingum. Hins vegar er nú í fyrsta skipti
hægt að fá hér Reserva vín frá þessum fram-
leiðanda frá Rioja á Spáni. Markmið fyrirtæk-
isins var lengi vel að selja einungis vín í flokk-
unum Crianza og Gran Reserva en ekki
milliflokknum Reserva. Einhvern veginn gerð-
ist það þó fyrir slysni að Reserva-vín sem hafði
verið gert í tilraunaskyni lenti í sendingu til
Bandaríkjanna og líkaði það vel að Banda-
ríkjamarkaður hefur síðan gleypt alla
Reserva-framleiðsluna. Montecillo Reserva
1997 (1.390 kr.) er því fyrsta Reserva-vínið
sem hingað kemur. Vanilla, mikil frönsk eik og
hrátt rautt kjöt einkenna ilm vínsins, í munni
kryddað, sýrumikið, tannískt og ungt. Í lokin
hellist yfir djúpur og þykkur ávöxtur. Svaka
vín sem ætti að sóma sér með grillsteikum
sumarsins.
Steingrímur Sigurgeirsson
Morgunblaðið/Ásdís
Vín vikunnar
RÁÐLAGÐUR dag-skammtur af vatni ertveir lítrar. Árið 2000drakk hver Íslendingur
að meðaltali 162,9 lítra af gos-
drykkjum, vonandi fór inn álíka
mikið af tæru vatni.
Fátt er eins spennulosandi og
vatn … e.t.v. vegna þess að vatn
er það umhverfi sem við erum
böðuð í þá níu mánuði áður en við
fæðumst! Það nægir oft að dýfa
sér ofan í heitt vatn til að koma á
aukinni hugar- og sálarró. Ung-
barnasund, vatnsleikfimi, vatns-
slökun fyrir barnshafandi konur
og aldraða eru dæmi um ráðlagða
athafnasemi í sundlaugum. Það
getur líka gert kraftaverk fyrir
þreyttan líkama og sál að láta líða
úr sér í freyðibaði heima.
Maðurinn er marglytta, hátt í
70% vatn, sem er nauðsynlegt til að frumu-
skipting og úrgangsefnalosun geti verið með
eðlilegum hætti.
Drekkið oft, en lítið í einu, svalandi drykki
– en þó ekki ískalda – forðist mjög sæta
drykki (sem raska blóðsykursjafnvægi), kol-
sýruríka (ropvatn sem veldur þembu), svo
og mjög áfenga drykki. Þessar drykkjarteg-
undir svala rétt í svip en framkalla síðan
meiri þorsta (og fleira).
Heitir drykkir þorstahefta í mun lengri
tíma, m.a. vegna þess að engin orka fer í að
aðlaga þá hita líkamans. Ekki að ástæðu-
lausu að (sætt) myntute er algengasti svala-
drykkurinn í mörgum heitum löndum, s.s.
Alsír, Túnis og Marokkó.
Íste
Íste er afbragð. Til að teið haldist tært er
gott að laga sterka blöndu, 7–8 tsk út í 1 lítra
af sjóðandi vatni, og láta standa í 5 mín.
Hellið síuðu teinu í glös með ísmolum, rífið
örlítinn sítrónubörk út í og berið fram þegar
teið er orðið vel kælt.
Morgunblaðið/Áslaug
Buslandi táslur í bláu vatni.
Vatnsfréttir