Morgunblaðið - 14.05.2002, Blaðsíða 24

ERLENT
24 ÞRIÐJUDAGUR 14. MAÍ 2002 MORGUNBLAÐIÐ
SÓLIN sest á bak við hæstu bygg-
ingar heims, Petronas tvíbura-
turnana í Kúala Lúmpúr, höf-
uðborg Malasíu, í gær.
Undanfarna daga hefur hiti þar
hækkað og loftraki minkað, en
þetta er til marks um að mons-
únregntíðin nálgist. Hún mun
standa fram í ágúst, að því er veð-
urfræðingar segja.
Reuters
Monsúnregnið nálgast
GRIPIÐ var til vatnsskömmt-
unar í Taípei, höfuðborg Taív-
ans, í gær í fyrsta skipti í 22 ár.
Hafa miklir þurrkar verið í
landinu og stefnir í mjög alvar-
legt ástand verði ekki breyting
á til batnaðar á næstunni. Íbúar
í Taípei hömstruðu í gær
flöskuvatn í stórmörkuðum og
mikil sala var í stórum ílátum
undir vatn. Hefur vatnsskort-
urinn vakið ótta við nýjan sjúk-
dómsfaraldur í börnum, veiru-
sýkingu, sem stafar af ónógu
hreinlæti. Í veitingahúsum
borgarinnar er nú aðeins notast
við einnota borðbúnað og áhöld
þar sem ekki eru tök á miklu
uppvaski. Þá hefur sundlaug-
um og bílaþvottastöðvum verið
lokað. Síðast var gripið til
vatnsskömmtunar í Taípei 1980
og stóð hún í þrjá mánuði.
Henni lauk er fellibylur gekk
yfir landið með miklu úrfelli.
Þriðja kansl-
araefnið
GERHARD Schröder, kanslari
Þýskalands, gerði í gær lítið úr
þeirri ákvörðun flokks frjálsra
demókrata að bjóða fram í
fyrsta sinn sitt eigið kanslara-
efni í þingkosningunum í haust.
Verður það Guido Westerwelle,
leiðtogi flokksins. Á hann enga
möguleika en frjálsir demó-
kratar vilja með þessu styrkja
ímynd flokksins og bjóða kjós-
endum upp á annan kost en þá
Schröder og Edmund Stoiber,
frambjóðanda kristilegu flokk-
anna. Schröder sagði, að fram-
boðið væri bara „fjölmiðlaupp-
ákoma“ en frjálsir demókratar
hafa verið gagnrýndir fyrir ým-
is uppátæki sín að undanförnu.
Westerwelle kom nýlega fram í
sjónvarpi með bjórtunnu undir
hendinni og vildi þannig ná bet-
ur til ungra kjósenda. Þá kem-
ur Jürgen Möllemann, varafor-
maður flokksins, oft á
flokksfundi ofan úr loftinu í fall-
hlíf í eins konar súpermanns-
búningi.
STUTT
Vatns-
skortur á
Taívan
EINN starfsmanna FBI, bandarísku
alríkislögreglunnar, varaði við því sl.
sumar, að Zacarias Moussaoui, sem
hefur verið ákærður fyrir aðild að
hryðjuverkunum 11. september,
væri maður, sem líklegur væri „til að
fljúga einhverju á World Trade
Center“. Ekkert var þó gert í málinu.
Kom þetta fram á fundi, sem Ro-
bert Mueller, yfirmaður FBI, átti
með dómsmálanefnd öldungadeild-
arinnar í síðustu viku. Sagði hann, að
viðvörunin hefði borist frá einum
starfsmanna stofnunarinnar í Minn-
eapolis og viður-
kenndi hann, að
vissulega hefði átt
að kanna hana
nánar. Hann neit-
aði því hins vegar,
að FBI hefði
hunsað „beina
viðvörun um
hryðjuverkin“.
Sagði Mueller, að
starfsmaðurinn
hefði aðeins sagt, að Moussaoui væri
maður, sem „gæti tekið upp á því að
fljúga einhverju á World Trade
Center“. Kom þetta fram hjá CNN í
gær.
Moussaoui hefur verið ákærður
fyrir aðild að undirbúningi hryðju-
verkanna og hefur verið krafist
dauðarefsingar yfir honum þótt hann
hafi engan drepið. Talið er, að hann
hafi átt að vera 20. flugræninginn.
Réttarhöld í haust
Saksóknarar halda því fram, að
Moussaoui hafi fengið flugþjálfun í
Bandaríkjunum og eins og hryðju-
verkamennirnir 19 fengið herþjálfun
í æfingabúðum al-Qaeda í Afganist-
an. Þá segja þeir, að hann hafi fengið
fé frá sama manninum í Þýskalandi
og hinir. Verjendur hans segja á
móti, að hann hafi ekki haft nein bein
tengsl við hryðjuverkamennina.
Búist er við, að réttarhöld yfir
Moussaoui hefjist í haust en þau geta
dregist vegna þess hve ósamvinnu-
þýður hann er. Hefur hann krafist
þess, að skipaðir verjendur sínir
verði reknir og vill ekki undirgangast
geðrannsókn.
FBI var vöruð við Zacharias Moussaoui sl. sumar
Sagður „líklegur til
að fljúga á WTC“
Zacharias
Moussaoui
FRAMKVÆMDASTJÓRI Rail-
track, stærsta lestarfyrirtækisins í
Bretlandi, varaði við því í síðustu
viku – tveimur dögum fyrir lestar-
slysið í Potters Bar í útjaðri London,
sem varð sjö manns að bana – að
ástæða væri til að hafa áhyggjur af
viðhaldi brautanna. Þá varaði starfs-
maður járnbrautarlestanna við því
fyrir þremur vikum að ástand braut-
arteina á þeim stað, þar sem slysið
átti sér stað, væri ekki sem skyldi.
John Armitt, yfirmaður Railtrack,
mun hafa sagt í samtali við The Tim-
es í síðustu viku, að hann hefði
áhyggjur af þeirri venju að fela lítt
reyndum undirverktökum að sjá um
mikilvægt viðhald á brautarteinum.
Hefur komið fram að vantað hafi
rær í samskeyti brautarteina við
Potters Bar, sem varð til þess að
einn teinanna skemmdist.
Stephen Byers samgönguráð-
herra ávarpaði breska þingið í gær
vegna lestarslyssins en hann hafði
sagt um helgina að um einangrað at-
vik hefði verið að ræða. Þessu mót-
mælti Bob Crow, talsmaður samtaka
lestarstarfsmanna, harðlega og
sagði yfirlýsinguna „hneyksli“. Sagði
hann að skoða þyrfti ástand braut-
arteina járnbrautanna í Bretlandi
einu sinni á dag, en ekki einu sinni í
viku eins og nú er.
Crow sagði að einn starfsmanna
járnbrautanna hefði skrifað forstjór-
um Railtrack fyrir þremur vikum og
varað við ástandi brautarteina við
Potters Bar. Hann hefði ekkert svar
fengið.
Hafði varað
við ástandi
brautar-
teinanna
London. AFP.
FJÖRUTÍU og eitt prósent Breta
væri tilbúið til að kasta breska pund-
inu fyrir róða og taka upp evruna,
sameiginlegan gjaldmiðil tólf Evr-
ópusambandsríkja, ef þjóðarat-
kvæðagreiðsla um þetta efni færi
fram í dag.
Þetta kemur fram í dagblaðinu
The Daily Telegraph í gær en heim-
ildin er sögð skoðanakönnun sem
Tony Blair forsætisráðherra hefur
látið gera um afstöðu almennings í
Bretlandi. Myndu 55% Breta hins
vegar greiða atkvæði gegn evru-að-
ild ef haldin yrði þjóðaratkvæða-
greiðsla nú. Segir í The Daily Tele-
graph að fjöldi neikvæðra gæti
valdið því, að áætlunum um að leggja
málið bráðlega í dóm kjósenda, yrði
skotið á frest. Hins vegar eru ráð-
gjafar Blairs sagðir ánægðir með
niðurstöðuna enda hafi andstaða við
Evru-aðild aldrei mælst minni.
41% Breta
vill evru
London. AFP.
NÆSTA víst er talið að Bertie
Ahern, forsætisráðherra Írlands,
gegni embættinu áfram eftir þing-
kosningarnar, sem fara fram á föstu-
dag. Eina spurningin virðist sú,
hvaða flokkur muni eiga samstarf við
Fianna Fáil, flokk Aherns, eftir
kosningarnar.
Fianna Fáil hefur ráðið ríkjum á
Írlandi frá árinu 1997 en í samstarfi
við lítinn flokk, Framsækna demó-
krataflokkinn (PD). Skoðanakann-
anir benda til þess að Fianna Fáil
muni fá á bilinu 43–51% í kosning-
unum og vantar því ekki mikið upp á
að flokkurinn fái hreinan meirihluta
á þingi, en 84 þingmenn sitja á írska
þinginu. Gæfist Ahern þá sá kostur
að mynda ríkisstjórn einn síns liðs en
eins flokks stjórn hefur ekki verið á
Írlandi frá því 1989.
Líklegast er þó talið að nokkur
sæti muni vanta upp á, og að Fianna
Fáil muni þurfa að ganga til sam-
starfs við einhvern minni flokkanna.
Spá flestir því að Ahern kjósi þá að
halda áfram samstarfinu við Mary
Harney og hennar flokk, PD. Í öllu
falli, segir The Irish Times, bendir
ekkert til að Fine Gael, sem er næst
stærsti stjórnmálaflokkurinn á Ír-
landi, takist að komast í þá stöðu að
geta myndað ríkisstjórn en flokkur-
inn var ásamt írska Verkamanna-
flokknum við völd á Írlandi 1994–97.
Ahern
í lykilstöðu
á Írlandi
Utankjörfundaratkvæðagreiðsla.
Utankjörfundaratkvæðagreiðsla vegna sveitar-
stjórnarkosninga sem fram fara laugardaginn
25. maí 2002 er hafin.
Kosið er frá kl. 09:00 til 21:00 á skrifstofu emb-
ættisins í Hafnarstræti 107, Akureyri, 3. hæð,
frá mánudegi til föstudags og milli kl. 14:00 og
17:00 á laugardögum og sunnudögum.
Á kjördag er opið frá kl. 10:00 til 21:00.
Á skrifstofu embættisins í Ráðhúsinu á Dalvík
er kosið milli kl. 09:00 og 15:00
frá mánudegi til föstudags.
Kosið er hjá hreppstjórum í Grýtubakkahreppi
og Grímsey eftir samkomulagi við þá.
Sýslumaðurinn á Akureyri, 10. maí 2002,
Björn Jósef Arnviðarson.
♦ ♦ ♦
KONA nokkur í Bretlandi var
í gær dæmd í þriggja mánaða
fangelsi fyrir að koma ekki í
veg fyrir, að dætur hennar
tvær skrópuðu í skóla. Eru
þær nú í umsjón eldri systur
sinnar. Í Bretlandi er það mik-
ið forgangsmál hjá stjórnvöld-
um að koma í veg fyrir fjar-
vistir í skólum og Tony Blair
forsætisráðherra hefur jafnvel
lagt til, að foreldrar skrópa-
gemlinga verði sviptir barna-
bótum.
Fangelsi
fyrir
skróp