Morgunblaðið - 24.05.2002, Blaðsíða 30

ERLENT
30 FÖSTUDAGUR 24. MAÍ 2002 MORGUNBLAÐIÐ
LISTIR/KVIKMYNDIR
THE Curse of the Jade Scorpion er
næstnýjasta mynd Woody Allen,
sem er allt í senn handritshöfundur,
leikstjóri og aðalleikari myndarinn-
ar. Framleiðslan var í samvinnu
bandarískra og þýskra kvikmynda-
gerðarfyrirtækja, en myndin á að
gerast rétt fyrir síðari heimsstyrj-
öldina.
Woody Allen leikur C.W. Briggs,
háttskrifaðan rannsóknarmann hjá
tryggingafélagi, sem býður sig fram
til dáleiðslu hjá skemmtikrafti
ásamt nýrri samstarfskonu, Betty
Ann Fitzgerald, sem hann á bágt
með að þola nálægt sér, en hennar
verksvið er að endurskipuleggja
vinnustaðinn. Í kjölfar dáleiðslunn-
ar fara ýmsir spaugilegir hlutir að
gerast og þarf Briggs virkilega að
taka á honum stóra sínum, hvort
sem hann er með meðvitund eður ei.
Töframaðurinn Voltan hefur sér-
deilis ekki hreint mjöl í pokahorninu
og ákveður að dáleiða skötuhjúin,
sem eru að skemmta sér með vinnu-
félögunum, svo hann geti notað þau
í ýmis verk fyrir sjálfan sig. Þegar
Briggs svo vaknar loks hefur hann
framið sitt fyrsta rán. Og það sem
meira er, hann man ekki eftir því að
hafa framið neinn glæp. Eins og
nærri má geta fara hlutirnir fyrst að
verða flóknir þegar það lendir svo í
hans verkahring að rannsaka málið
þegar það berst tryggingafélaginu.
Í gegnum árin hefur hann verið
duglegur við að hreykja sér af því
að finna lykt af tryggingasvindlur-
um langar leiðir, en spurningin er
hvort hann sé fær um að fletta ofan
af sjálfum sér þegar á hólminn er
komið.
Leikarar: Woody Allen (Hollywood End-
ing, Small Time Crooks, Husbands and
Wifes); Helen Hunt (What Women
Want, Pay It Forward, Dr. T. & the
Women); Charlize Theron (Trapped,
Sweet November, The Yards); Dan
Aykroyd (Crossroads, Evolution, Pearl
Harbor); Elizabeth Berkley (Africa, Any
Given Sunday); Kaili Vernoff (Jump To-
morrow, No Looking Banck). Leikstjóri:
Woody Allen.
Woody Allen og Charlize Theron í „The Curse of the Jade Scorpion“.
Dáleiddur í rán
Háskólabíó frumsýnir The Curse of the
Jade Scorpion með Woody Allen, Helen
Hunt, Charlize Theron, Dan Aykroyd,
Elizabeth Berkley og Kaili Vernoff.
HINN hispurslausi breski háðfugl Ali
G, sem notið hefur vinsælda víða um
heim og þar með talið á Íslandi fyrir
sjónvarpsþætti sína, gerir nú í fyrsta
skipti tilraun til þess að yfirfæra húm-
or sinn á hvíta tjaldið í gamanmynd-
inni Ali G Indahouse. Ali G heitir
réttu nafni Sacha Baron Cohen og í
myndinni er hann eitt helsta vopn
Bretlands til að leysa vandræðalegt
hneykslismál, sem hafa mun áhrif á
alla jarðarbúa. Aðstoðarmaður for-
sætisráðherra Breta hyggst nota Ali
G sem peð og vopn til að ná sér niðri á
forsætisráðherranum, en Ali G lætur
ekki plata sig svo glatt. Hann lætur
allt flakka, gerir það sem honum sýn-
ist og situr svo uppi sem ein ólíkleg-
asta hetja allra tíma.
Leikstjóri gamanmyndarinnar er
Mark Mylod, sem leikstýrt hefur
fjölda breskra sjónvarpsþátta. Hand-
ritið skrifaði aðalstjarnan Sacha Bar-
on Cohen í samvinnu við Dan Mazer.
Sjónvarpsþættir Ali G hafa átt mikl-
um vinsældum að fagna og hefur
ófyrirleitið skopskyn hans höfðað til
sjónvarpsáhorfenda jafnt í Bretlandi
sem annars staðar, en nýja myndin
gerist m.a. í bandarísku bíóborginni
Los Angeles sem þykir góð leið til að
kynna þessa litríku bresku persónu
fyrir Bandaríkjamönnum. Sacha Bar-
on Cohen er fæddur í London í des-
ember árið 1970 og því að nálgast 32
ára aldurinn og hefur hann á síðustu
fimm árum starfað við framleiðslu
sjónvarpsþátta sinna. Nýja kvik-
myndin hans hefur enn sem komið er
fengið ágætar viðtökur gagnrýnenda.
Leikarar: Sacha Baron Cohen (The Jolly
Boys’ Last Stand, Music, Ali G); Michael
Gambon (Charlotte Grey, Gosford Park);
Charles Dance (Gosford Park, Dark Blue
World); Kellie Bright (Bad Girls, Black-
rock); Martin Freeman (The Low Down, I
Just want to kiss You); Rhona Mitra (Get
Carter, Monk Dawson). Leikstjóri: Mark
Mylod.
Ali G situr uppi sem ein ólíklegasta hetja allra tíma.
Ali G leysir
hneyksli
Sambíóin í Reykjavík, Akureyri og Kefla-
vík og Háskólabíó frumsýna Ali G Inda-
house með Sacha Baron Cohen, Mich-
ael Gambon, Charles Dance, Kellie
Bright, Martin Freeman og Rhona Mitra.
JIMMY Carter, fyrrverandi forseti
Bandaríkjanna, viðurkennir að hon-
um hefði ekki tekist að telja Fidel
Castro, forseta Kúbu, á að efna til
pólitískra umbóta í landinu og auka
frelsi í verslun og viðskiptum. Carter
heimsótti Kúbu í síðustu viku og átti
síðan fund í fyrrakvöld með George
W. Bush Bandaríkjaforseta um
Kúbuför sína en Bush sagði fyrr í
þessari viku að miðað við óbreytt
ástand kæmi ekki til greina af hálfu
Bandaríkjastjórnar að aflétta við-
skiptabanni á Kúbu.
Carter segir í skýrslu sinni, um
heimsóknina til Kúbu, að hann hafi
vonast til að hann gæti fengið Castro
til að fylgja fordæmi Dengs Xiaop-
ings, fyrrverandi leiðtoga Kommún-
istastjórnarinnar í Kína, sem á sín-
um tíma fyrirskipaði miklar efna-
hagsumbætur. Fólu þær m.a. í sér að
ýtt væri undir erlendar fjárfestingar
í kínverskum fyrirtækjum en breyt-
ingarnar hafa orðið til að styrkja
mjög kínverskan efnahag, að mati
sérfræðinga.
Carter segir hins vegar í skýrslu
sinni að á tveggja tíma löngum
einkafundi með Castro í Havana hafi
honum ekki tekist að fá forsetann til
að ljá máls á sambærilegum breyt-
ingum á Kúbu.
Sagði Carter að það væri sitt mat
að Castro væri staðráðinn í að hafa
áfram öll völd á sínum höndum, enda
teldi hann að þannig tryggði hann
best jafnrétti meðal borgaranna. Þá
telur Carter að Castro óttist að það
verði álitið veikleikamerki ef hann
rétti Bandaríkjunum sáttahönd, en
grunnt hefur verið á því góða með
Bandaríkjamönnum og Kúbustjórn
allt frá því að Castro komst til valda
fyrir meira en fjórum áratugum.
Fidel Castro vildi ekki
fylgja fordæmi Dengs
Washington. AFP.
SVO virðist sem hægt sé að opna
afritunarvörn geisladiska, sem
hljómplötuframleiðendur hafa
læst. Meðal annars er talið að
hægt sé að nota tússpenna og
skrifa með honum á brún geisla-
diska til þess að opna þá. Þá er
hægt að nota límmiða eða lím-
band og líma yfir öryggisvörn á
geisladisknum í sama tilgangi, að
því er fram kemur á vefsvæði
USA Today.
Þar segir að hljómplötufyrir-
tæki eins og Sony og Universal
Music hafi framleitt geisladiska,
sem búi yfir vörn sem kemur í
veg fyrir að hægt sé að afrita eða
brenna geisladiska, en fyrirtækin
halda því fram að ólöglegar út-
gáfur dragi verulega úr hagnaði í
sölu á geisladiskum. Segir að
Sony hafi framleitt um 11 millj-
ónir geisladiska, sem búa yfir af-
ritunarvörn, fyrir Evrópumarkað
frá því í haust. USA Today segir
að Reuters hafi fengið geisladisk
með Celine Dion, sem nefnist A
New Day Has Come og býr yfir
fyrrnefndri vörn. Tekist hafi að
spila diskinn með því að lita brún
hans með tússpenna.
Þá er nefnt á spjallrásum á
Netinu að hægt sé að nota lím-
band eða límmiða til þess að líma
yfir öryggisvörn geisladiska, en
slík vörn hefur komið í veg fyrir
að hægt sé að spila læsta geisla-
diska í hörðum drifum tölva. Þá
er jafnvel ekki hægt að spila
læsta geisladiska í sumum hljóm-
flutningstækjum í bílum, að því
er fram kemur á USA Today.
Ennfremur eru notendur Macin-
tosh sagðir halda því fram að
tölvur þeirra hafi hrunið þegar
diskar, sem búa yfir vörn, voru
spilaðar í geisladiskadrifi Macin-
tosh-véla.
Tússpenni
gegn afritun-
arvörn?
BANDARÍSKI sjónhverfingamað-
urinn David Blaine lét sig falla til
jarðar í fyrrinótt, eftir að hafa
staðið í rúmar 34 klukkustundir á
30 metra hárri súlu í Bryant-
garði í New York. Pappakassa-
hrúga tók af honum fallið og mun
hann hafa sloppið heill á húfi.
Reuters
Heill á húfi
ROMANO Prodi, forseti fram-
kvæmdastjórnar Evrópusambands-
ins (ESB), hvetur til þess að tekinn
yrði upp sérstakur Evrópuskattur
sem notaður yrði til að fjármagna
rekstur sambandsins. Sem stendur
eru framlög hvers ríkis reiknuð út í
samræmi við þjóðarframleiðslu
þess.
Prodi sagði að núverandi fyrir-
komulag hefði þær afleiðingar að
erfitt væri að skilja tengslin milli
skattanna sem borgarar í ríkjunum
greiddu og fjárlaga sambandsins.
„Við leggjum þess vegna til nýtt
kerfi þar sem fjárhagsleg geta verð-
ur grundvöllurinn í stað flókinna
reglna sem nú gilda og byggjast á
efnahagslegri stöðu hvers lands fyr-
ir sig. Kerfi þar sem þeir sem semja
fjárlögin – þing ESB og ráðherra-
ráðið – fá vald til að ákveða skatta-
stefnu,“ sagði Prodi. Hann sagðist
myndu leggja vandlega útfærða til-
lögu um málið fyrir Framtíðarráð-
stefnu ESB í sumar. Á ráðstefnunni
er meðal annars fjallað um tillögur
að stjórnarskrá fyrir sambandið,
bætt skipulag í kjölfar væntanlegrar
stækkunar, aukið lýðræði í ákvarð-
anatöku og tilraunir er miða að því
að virkja betur almenning við
stefnumótun.
Tillögur um Evrópuskatt
Brussel. AFP.
BRESK kona, sem dæmd var í 60
daga varðhald vegna þess að dætur
hennar skrópuðu í skóla, hefur verið
látin laus eftir að áfrýjunardómstóll
mildaði refsingu hennar, að því er
BBC greinir frá.
Lögfræðingar konunnar héldu því
fram, að varðhaldsúrskurðurinn,
sem kveðinn var upp fyrir hálfum
mánuði, væri of strangur, og hefði 28
daga varðhald verið nær lagi. Féllst
áfrýjunarrétturinn á það, og þar sem
konan hafði þegar afplánað helming
tímans var hún látin laus. Dómarinn
átaldi þó konuna fyrir að hafa „ítrek-
að og að yfirlögðu ráði“ látið undir
höfuð leggjast að sinna þeim skyld-
um sem fylgi foreldrahlutverkinu.
Refsing vegna
skróps milduð