Morgunblaðið - 25.06.2002, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 25. JÚNÍ 2002 VERÐ Í LAUSASÖLU 190 KR. MEÐ VSK.
í sumar. Aðalvöllur golfklúbbsins er Arnarholts-
völlur í Svarfaðardal þar sem eru níu holur. Vonast
er til að æfingavöllurinn hleypi nýju lífi í unglinga-
starf golfklúbbsins. Einnig er ætlunin að útbúa pútt-
völl við æfingavöllinn þar sem ungir og aldnir geta
spreytt sig.
KRAKKARNIR á Dalvík skemmtu sér konunglega
þegar þeim var boðið á kynningu á nýjum fjögurra
holna æfingavelli sem Golfklúbburinn Hamar útbjó
nýlega. Æfingavöllurinn er í Kirkjubrekkunni, ofan
heilsugæslustöðvarinnar. Þar verður boðið upp á
golfnámskeið fyrir yngri kynslóðina þrjá daga í viku
Morgunblaðið/RAX
Sprellað á nýjum velli
VERIÐ er að skoða möguleika á því að sett
verði á laggirnar vitnavernd hér á landi í sam-
starfi við hin Norðurlöndin. Þannig gætu vitni í
glæpamálum eða fólk sem einhverra hluta
vegna óttast um líf sitt flutt úr landi og hafið
nýtt líf á einhverju hinna Norðurlandanna með
hjálp yfirvalda, að sögn Stefáns Eiríkssonar,
skrifstofustjóra í dóms- og kirkjumálaráðuneyt-
inu.
Aðspurður hvort þörf sé á slíku hér á landi
segir hann mögulegt að svo sé.
„Hér gæti verið um að ræða vitni í stórum
fíkniefnamálum, til dæmis svokölluð burðardýr
en oft þora þau ekki að ljóstra upp um höf-
uðpaurana í slíkum málum. Við erum þó enn að
meta hvort þörf sé fyrir slík úrræði hér á landi
ásamt embætti Ríkislögreglustjóra og Ríkis-
saksóknara.“ Hann segir að á Norðurlöndunum
sé mikill vilji fyrir því að þessar hugmyndir
gangi eftir.
„Hjá okkur er einnig fullur vilji fyrir sam-
starfi enda frekar óhentugt að ætla að koma á
vitnavernd í svo fámennu landi sem Íslandi.“
Rætt í tengslum við handrukkanir og
aukna hörku í fíkniefnaheiminum
Stefán segir að um sé að ræða margar út-
gáfur að framkvæmdinni allt frá því að fólk
skipti algerlega um auðkenni, nafn, kennitölu og
búsetu og yfir í smærri aðgerðir til að vernda
einstaklingana, eins og neyðarhnappa og að fólk
sé tekið af þjóðskrá. „Ég kynnti þessar hug-
myndir á fundi allsherjarnefndar Alþingis á
föstudag þar sem þær voru ræddar í tengslum
við handrukkanir og aukna hörku í fíkniefna-
heiminum.“
Hann bendir á að vitnaverndin yrði aðallega
notuð í tengslum við skipulagða glæpastarfsemi,
eins og fíkniefnasölu, mansal og smygl á vopn-
um. „Þessar hugmyndir komu upp í tengslum
við uppgang samtaka eins og Vítisengla á Norð-
urlöndunum en þar eru menn stöðugt að leita
leiða til að treysta möguleika lögreglu til að
hamla gegn starfsemi slíkra samtaka.“
Dómsmálaráðherra er nú á fundi með dóms-
málaráðherrum allra Norðurlandanna á Sval-
barða þar sem þessar hugmyndir eru til um-
ræðu, að sögn Stefáns.
Komið verði á vitnavernd í
samstarfi við hin Norðurlöndin
FJÓRAR breytingar til lækkunar á
greiðsluþátttöku Tryggingastofnun-
ar ríkisins í lyfjakostnaði og lækkun
lyfjaverðsnefndar á álagningu á lyfj-
um eru meðal þátta sem leitt hafa til
hærra lyfjaverðs á undanförnum
misserum að mati forsvarsmanna
lyfjaverslana. Samtök verslunar og
þjónustu hafa unnið greinargerð um
hækkun lyfjaverðs fyrir Morgunblað-
ið þar sem dæmi eru tekin af hækkun
á hámarksheildargreiðslu sjúklings á
þremur algengum lyfjum frá desem-
ber 1998 til júní 2002. Nemur hækkun
á heildargreiðslu sjúklings 42%, 50%
og 91% á fyrrnefndu 3½ árs tímabili,
samkvæmt útreikningum þeirra.
Lyfsalar segja lyfjakostnað al-
mennings hafa hækkað um 10% frá
áramótum vegna ráðstafana stjórn-
valda og um 1,1% í apríl vegna
ákvörðunar lyfjaverðsnefndar. Einn-
ig er bent á að fasta krónutalan í
álagningarreglum í smásölu sem háð-
ar eru ákvörðunum lyfjaverðsnefndar
sé ekki tengd vísitölu heldur miðuð
við ákveðið innkaupsverð. Vísitala
neysluverðs hafi hækkað úr 177,8
stigum 1997 í 222,8 stig 1. júní 2002,
eða um 25,3%. „Þar sem fasta krónu-
talan er ekki tengd vísitölu samsvarar
þessi breyting 8–13% lækkun á álagn-
ingu lyfja sem eru dýrari en 1.000
krónur í heildsölu,“ segir enn fremur í
greinargerð.
Lyfsalar segja jafnframt að þessar
aðstæður hafi minnkað svigrúm til af-
sláttar og ljóst sé að lyfjaverslanir
hafi tekið á sig lækkanir í gegnum tíð-
ina. „Nú er hins vegar svo komið að
apótek hafa ekki lengur svigrúm til
þess að taka á sig minnkandi þátttöku
ríkisins í lyfjakostnaði og því hafa
tvær síðustu aðgerðir ríkisins til
lækkunar á greiðsluþátttöku farið
beint út í verðlagið.“
Meta allt að
91% hækkun
á hámarks-
greiðslu
 Segjast ekki/18
Lyfjaverð
BJÖRGUNARLAUN vegna björg-
unar togarans Örfiriseyjar nema 40
milljónum króna en skv. upplýsingum
frá tryggingafélaginu Sjóvá-Almenn-
um hf. náðist samkomulag um upp-
hæð björgunarlaunanna nýverið.
Það var áhöfnin á togaranum
Snorra Sturlusyni sem kom í veg fyrir
að Örfirisey ræki upp í Grænuhlíð í
mynni Ísafjarðardjúps í byrjun nóv-
ember í fyrra. Togararnir, sem báðir
eru í eigu Granda hf., voru í samfloti
þegar vélin í Örfirisey bilaði. Eftir ár-
angurslausar björgunaraðgerðir
varðskipsmanna á Ægi fór Snorri til
aðstoðar. Mikill sjógangur gerði
mönnum erfitt fyrir enda um 10–12
metra ölduhæð og vindhraðinn að
jafnaði um 30–35 metrar á sekúndu
og mun meiri í hryðjum. Eftir eina
misheppnaða tilraun tókst stýri-
manninum á Snorra að skjóta línu yfir
í Örfirisey en þá átti Örfirisey aðeins
eftir 1,3 sjómílur upp í Grænuhlíð.
Ekki er deilt um að með þessu hafi
skipverjar á Snorra Sturlusyni af-
stýrt strandi.
Í siglingalögum er kveðið á um að
af björgunarlaunum skuli fyrst bæta
það tjón sem útgerð hefur orðið fyrir
vegna björgunarinnar, s.s. vegna
eldsneytis eða skemmda á skipinu.
Því sem eftir er af björgunarlaunun-
um á að skipta þannig að þrír fimmtu
hlutar komi í hlut útgerðar en áhöfnin
fái tvo fimmtu hluta. Af hlut áhafnar
fær skipstjórinn þriðjung en afgang-
inum er skipt á milli annarra í áhöfn,
eftir hlutaskiptakerfi eða föstum
launum eftir því sem við á.
40 milljónir í
björgunarlaun
vegna Örfiriseyjar
ÍSLAND hefur frá árinu 1995 til árs-
ins 2000 hækkað um sjö sæti á lista
þar sem ríkjum heims er raðað eftir
frjálsræði í efnahagsmálum og er í
11. sæti á nýútgefnum lista. Ísland
deilir sæti með Finnlandi, en ríkin
hafa 7,7 í einkunn af 10 mögulegum.
Hong Kong er sem fyrr í efsta
sæti á listanum um frjálsræði í efna-
hagsmálum, í öðru sæti er Singapúr,
Bandaríkin í því þriðja og Bretland í
fjórða sæti. Af stærri iðnríkjum sem
lenda neðar á listanum en Ísland má
nefna Þýskaland í 15. sæti, Japan í
24. sæti og Ítalíu í 35. sæti.
Unninn á vegum
Fraser-stofnunarinnar
Listinn er unninn á vegum Fras-
er-stofnunarinnar í Kanada ásamt
fjölda óháðra stofnana í öðrum lönd-
um. Hagfræðistofnun Háskóla Ís-
lands er samstarfsaðili vegna verk-
efnisins hér á landi.
Listinn, sem nú er gefinn út í
sjötta sinn, nær til 123 landa og er
horft til 37 atriða sem könnuð hafa
verið frá árinu 1970.
Aukið frjálsræði
í efnahagsmál-
um á Íslandi
 Ísland hækkar/16
SUMARGRÍN Íþrótta- og tóm-
stundaráðs hafði viðkomu á Ing-
ólfstorgi í gær og undu börnin,
sem sækja leikjanámskeið í Frosta-
skjóli og í Melaskóla, sér vel í hin-
um ýmsu leiktækjum, auk þess
sem þau fengu andlitsmálningu.
Sumargrín er eins konar lítið
tívolí, þar sem börnin geta leikið
sér í hinum og þessum leiktækjum,
sem Íþrótta- og tómstundaráð og
Vinnuskóli Reykjavíkur hafa útbú-
ið og er tækjunum síðan komið
upp hér og þar um borgina.
Að sögn Jóhannesar Árnasonar,
starfsmanns í Frostaskjóli, var
heilmikið fjör og skemmtu börnin
sér konunglega, en þau eru á aldr-
inum sex til átta ára. Hann segir
að um sjötíu börn hafi verið á Ing-
ólfstorgi þegar mest var. „Svo fór-
um við og gáfum öndunum brauð
og enduðum í Hljómskálagarð-
inum,“ segir Jóhannes.
Sumargrín á Ingólfstorgi
Morgunblaðið/Jim Smart