Morgunblaðið - 03.09.2002, Page 9

KNATTSPYRNA
MORGUNBLAÐIÐ ÞRIÐJUDAGUR 3. SEPTEMBER 2002 B 9
FÓLK
Lokeren mátti þakka fyrir jafn-tefli, 1:1, gegn La Louviere í
belgísku 1. deildinni í knatt-
spyrnu á laugar-
dagskvöldið. Arn-
ar Grétarsson fór
veikur heim
klukkutíma fyrir
leik og það var dýrkeypt fyrir lið
Lokeren þar sem Arnar hefur
leikið mjög vel á miðjunni það
sem af er tímabilinu. Fyrir vikið
þurfti Rúnar Kristinsson að fara
aftar á völlinn snemma í leiknum
og bitnaði það á sóknarleik
Lokeren. La Louviere náði að
skora snemma í leiknum og lék
sterkan varnarleik eftir það en
Lokeren náði að jafna 12 mín-
útum fyrir leikslok.
Rúnar átti þokkalegan leik en
skilaði ekki eins miklu og hann
hefur gert framar á vellinum.
Arnar Þór Viðarsson gat leikið
þrátt fyrir veikindi alla vikuna og
stóð sig vel. Auðun Helgason sat
uppi í stúku sem fyrr og eru hans
mál hjá félaginu óbreytt.
„Það var mjög slæmt að missa
Arnar því hann hefur verið liðinu
afar mikilvægur, og sú samvinna
sem hann, Rúnar og Arnar Þór
hafa náð sást ekki í þessum leik.
Reyndar hefur helmingur liðsins
ekkert getað æft vegna veikinda
eða meiðsla og ástandið er því
mjög slæmt,“ sagði Paul Put,
þjálfari Lokeren. Liðið er í 6. sæti
eftir fjórar umferðir með 7 stig.
Lokeren í vandræðum
Kristján
Bernburg
skrifar frá
Belgíu
Teitur Þórðarson,þjálfari norska
knattspyrnufélagsins
Brann, sagði í norskum
fjölmiðlum í gær að
hann væri ekki að gef-
ast upp þrátt fyrir
slæmt gengi liðsins að
undanförnu. Brann
steinlá fyrir Bryne, 4:0,
í úrvalsdeildinni á
sunnudag og er í þriðja
neðsta sætinu þegar
sex leikjum er ólokið.
„Ég hef ekki hug á að
gefa eftir. Það er í
höndum stjórnarinnar
að meta mína stöðu.
Eina lausnin á vanda-
málum liðsins er að leggja enn harðar
að sér. Staðan er orðin mjög alvarleg,
á því er enginn vafi, og ég skil við-
brögð stuðningsmanna okkar mjög
vel. Við erum jafn svekktir og þeir,“
sagði Teitur við Dagbladet í gær.
Björn Dahl, stjórnarformaður
Brann, vildi ekki útiloka að gripið
yrði til þess ráðs að skipta um þjálf-
ara.
„Við verðum að finna lausn, stigin
skila sér ekki. Við munum ræða bæði
við leikmenn og þjálfara og fá fram
þeirra sjónarmið. Ég vil ekki vera
með vangaveltur um hvað við gerum,
en við munum taka á
þessu af festu. Ef við
föllum, verður erfitt að
komast upp á ný,“ sagði
Dahl við Dagbladet.
Í gær tilkynnti stjórn
Brann að ekki væri í
umræðunni að skipta
um þjálfara. Málin yrðu
rædd ítarlega og ekki
væri útilokað að leitað
yrði til sálfræðinga til
að ráðast að rót vand-
ans.
Stjórn stuðnings-
klúbbs Brann er lítt
hrifin af slíkum hug-
myndum og hefur sent
frá sér tilkynningu þar
sem segir að hún hafi ekki lengur trú
á þjálfurum og stjórnendum Brann.
„Margir í okkar röðum vilja breyt-
ingar, og meðal annars er rætt um
þjálfaraskipti. Ég er ekki viss um að
það sé rétta lausnin en ljóst er að
leikmennirnir verða að fara að gefa
allt sitt í leikina, berjast fyrir lífi þess
eins og gert er í öðrum liðum,“ sagði
Silje Nordtveit, formaður stuðnings-
klúbbsins, við Nettavisen í gær.
Falli Brann úr úrvalsdeildinni er
ljóst að hlutafélagið Brann ASA
verður gjaldþrota og stuðningur þess
við liðið verður úr sögunni.
Engin upp-
gjöf hjá Teiti
Teitur
Þórðarson
Brasílíumaðurinn Ronaldo gekká laugardaginn til liðs við
Real Madrid á Spáni og voru
stuðningsmenn Inter á Ítalíu allt
annað en ánægðir með það og telja
að félagið eigi eitthvað inni hjá
kappanum enda töldu þeir að hann
hefði leikið allt of lítið fyrir félagið
vegna meiðsla.
Kona Ronaldos, Milene Dom-
ingues, var heldur ekkert allt of
hrifin því hún vildi vera áfram á
Ítalíu og leika þar knattspyrnu
með Fiammamonza. Forráðamenn
kvennaknattspyrnunnar hjá Atle-
tico de Madrid glöddust þó og ætla
að krækja í stúlkuna enda liðtæk á
knattspyrnuvellinum.
„Við stöndum betur eftir að Ron-
aldo fór,“ sagði Massimo Moratti,
forseti Inter í gær. „Við erum bæði
sterkari og ríkari,“ bætti hann við
og sagði að erfitt hefði verið fyrir
Ronaldo að vera áfram hjá félaginu
eftir að hann tilkynnti að hann vildi
fara frá því.
Flutningur Ronaldos snertir
fleiri lið en Inter og Real því Inter
keypti Argentínumanninn Hernan
Crespo frá Lazio um leið og gengið
hafði verið frá samningi Ronaldos.
Lazio seldi einnig einn besta varn-
armann sinn, Alessandro Nesta, til
AC Milan og var það ekki til að
bæta skap stuðningsmanna félags-
ins.
Lazio lék æfingaleik við Juve á
sunnudaginn, sem lauk með 2:2
jafntefli. Utan við leikvanginn
gerðu stuðningsmenn félagsins allt
vitlaust, kveiktu í þremur lögreglu-
bílum og brutu allt og brömluðu
auk þess sem brotist var inn í
bækistöðvar félagsins þar sem
menn fengu útrás fyrir skemmd-
arfýsn sína og reiði. Þrír stuðnings-
menn Juve voru stungnir með hnífi
en sár þeirra eru ekki alvarleg.
Reuters
Ronaldo með nýja búninginn sinn, en hann verður númer 11 í stjörnum prýddu liði Real Madrid.
Ronaldo
kominn
til Madrid
Leikmenn Start voru betri aðil-inn lengst af og fengu mikið
hrós í norskum fjölmiðlum fyrir
frammistöðu sína. Guðni Rúnar
Helgason lék síðasta hálftímann
með Start en Árni Gautur Arason
var hvíldur í fyrsta skipti á tíma-
bilinu og sat á varamannabekknum
hjá Rosenborg.
„Mér leið einkennilega eftir sig-
urmarkið, mér fannst þetta hálf-
gerður þjófnaður,“ sagði Bratt-
bakk, sóknarmaður Rosenborg.
„Þetta var besti leikur Start und-
ir minni stjórn, nú eru leikmenn-
irnir farnir að endast út leikinn en
ekki í 60 mínútur eins og þegar ég
tók við liðinu, og það var með ólík-
indum að við skyldum ekki nýta
betur öll þau dauðafæri sem við
fengum. Það segir allt um gang
mála að markvörður Rosenborg var
valinn maður leiksins,“ sagði Guð-
jón Þórðarson við Morgunblaðið.
Guðjón sagði að staða liðsins í
deildinni væri orðin vonlítil. „En
það er engin taugaveiklun í gangi
yfir því, mitt verkefni er fyrst og
fremst fólgið í því að hjálpa við að
endurskipuleggja þjálfun félagsins
og innviði þess til framtíðar,“ sagði
Guðjón. Lögregla var kölluð til eft-
ir stórsigur Bryne á Brann, 4:0, til
að vernda leikmenn Brann fyrir
sínum eigin stuðningsmönnum.
Þeir síðarnefndu höfðu þó ekkert
ofbeldi í huga eftir leikinn en stóðu
þögulir fyrir utan völlinn, sumir
sendu reyndar leikmönnunum og
Teiti Þórðarsyni þjálfara tóninn, og
sneru síðan baki í rútu liðsins þegar
hún ók á brott. Ármann Smári
Björnsson lék sinn fyrsta leik með
Brann, kom inná sem varamaður 8
mínútum fyrir leikslok. Brann er
nú í þriðja neðsta sætinu og þarf að
berjast fyrir lífi sínu í deildinni.
Lyn heldur í við Rosenborg í
toppbaráttunni og vann Bodö/
Glimt, 1:0, á útivelli. Helgi Sigurðs-
son lék allan leikinn með Lyn en
Jóhann B. Guðmundsson var ekki
með vegna meiðsla.
Molde er áfram í þriðja sæti eftir
3:2 útisigur á Moss. Bjarni Þor-
steinsson lék allan leikinn með
Molde og Ólafi Stígssyni var skipt
inn á þegar 52 mínútur voru liðnar.
Andri Sigþórsson er hinsvegar enn
fjarri góðu gamni vegna meiðsl-
anna sem hann varð fyrir í vor.
Viking komst uppfyrir Stabæk
með útisigri, 2:1. Tryggvi Guð-
mundsson var mjög atkvæðamikill
með Stabæk, krækti í vítaspyrnu
sem færði liðinu forystu og átti m.a.
sláarskot. Hann lék allan leikinn og
Marel Baldvinsson kom inn á sem
varamaður hálftíma fyrir leikslok.
Hannes Þ. Sigurðsson var vara-
maður hjá Viking en kom ekki við
sögu.
Í gærkvöld áttust við Vålerenga
og Lilleström á Ulelvaal vellinum í
Ósló og voru þeir Indriði Sigurðs-
son og Gylfi Einarsson í byrjunar-
liði Lilleström. Liðin skildu jöfn,
1:1, og jafnaði Lilleström á lokasek-
úndum leiksins. Ríkharður Daða-
son kom inná sem varamaður á 60.
mínútu en Davíð Þór Viðarsson var
á varamannabekk Lilleström.
Rosenborg
stal sigri
START, undir stjórn Guðjóns Þórðarsonar, var tveimur mínútum frá
því að knýja fram óvæntustu úrslit tímabilsins í norsku knattspyrn-
unni á sunnudaginn. Start náði forystu gegn meisturum Rosen-
borg, 1:0, þegar 10 mínútur voru eftir en á síðustu tveimur mín-
útum leiksins náðu Azar Karadas og Harald Brattbakk að svara fyrir
meistarana og tryggja þeim sigurinn, 2:1. Start er því sem fyrr eitt
og yfirgefið á botni deildarinnar og á nú litla von um björgun en
Rosenborg er með þriggja stiga forystu á toppnum.

HARRY Redknapp, knattspyrnu-
stjóri Portsmouth, var í gær út-
nefndur stjóri ágústmánaðar í ensku
1. deildinni. Undir stjórn Redknapps
hefur Portsmouth byrjað tímabilið
með látum. Liðið hefur unnið 5 leiki
og gert eitt jafntefli og trónar á toppi
deildarinnar. Í 2. deildinni varð
Wally Downes, knattspyrnustjóri
Brentford, fyrir valinu.

GRAHAM Stuart, fyrirliði Charl-
ton, verður frá æfingum og keppni
næstu 6 mánuðina. Meiðsli sem hann
varð fyrir á hné í leik á móti Bolton í
1. umferð úrvalsdeildarinnar reynd-
ust það alvarleg að hann þarf að
gangast undir aðgerð.

JARI Litmanen hefur yfirgefið
herbúðir Liverpool og gengið til liðs
við Ajax og gert fjögurra mánaða
samning við félagið sem hann lék
með í sex ár á síðari hluta tíunda ára-
tugar síðustu aldar. Litmanen hefur
verið ósáttur hjá Liverpool síðustu
mánuði og viljað róa á önnur mið.

LITMANEN, sem er 31 árs, segist
ætla að sjá til hver staða hans verður
hjá Ajax eftir 4 mánuði og þá kemur
ljós hvort hann fær lengri samning.

AC MILAN keypti um helgina
ítalska landsliðsmanninn Aless-
andro Nesta frá Lazio fyrir um 2,5
milljarða króna. Nesta, sem er 26 ára
gamall varnarmaður, skrifar undir
fimm ára samning við Mílanóliðið.

JON Dahl Tomasson, Daninn ís-
lenskættaði, byrjaði ferilinn með AC
Milan vel á sunnudaginn. Hann skor-
aði sigurmarkið, 1:0, gegn Inter í
upphitunarleik. Ítalska deildakeppn-
in hefst 15. september en henni var
frestað um tvær vikur vegna deilna
um rétt á sjónvarpsútsendingum.

RIVALDO og Sam Dalla Bona,
sem einnig eru nýir í röðum AC Mil-
an, voru líka aðsópsmiklir í leiknum
og voru nálægt því að bæta við mörk-
um. Áhorfendur voru 44 þúsund og
helmingur ágóðans rennur til fjöl-
skyldna þeirra sem fórust í flugslysi
í Mílanó í október á síðasta ári en þá
létust 118 þegar SAS-þota rakst á
litla einkaflugvél í flugtaki.

DJALMINHA, brasilíski miðju-
maðurinn hjá Deportivo La Coruna
á Spáni, hefur verið lánaður til aust-
urríska félagsins Austria Wien til
næsta vors. Djalminha kom sér í erf-
iða stöðu hjá Deportivo í vor þegar
hann skallaði þjálfarann, Javier Ir-
ureta, á æfingu liðsins.