Morgunblaðið - 03.09.2002, Page 12

FÓLK

SVEITAKEPPNI karla í golfi fór
fram um helgina en kylfingar um
allt land urðu að sleppa keppni á
sunnudeginum vegna veðurs. Í Eyj-
um í 1. deild, í Leirunni í 2. deild og í
Neskaupstað í 3. deild, en Bolvík-
ingar gátu klárað keppni í 4. deild.

TVÆR sveitir færast á milli deild,
úr 1. deild falla Setberg og Oddur
en í þeirra stað koma sveitir GS og
GA sem urðu hlutskarpastar í 2.
deildinni.

SVEIT Sauðárkróks varð hlut-
skörpust í 3. deildinni og flyst upp í
2. deild að ári eins og Ólafsfirðingar
en úr 2. deild í þá þriðju falla sveitir
Húsavíkur og Borgarness.

Í BOLUNGARVÍK varð sveit
Hornfirðinga hlutskörpust og leik-
ur því í 3. deild að ári eins og heima-
menn í Bolungarvík sem urðu
þremur höggum á undan sveit
Mostra úr Stykkishólmi.

ÞAÐ vakti óneitanlega undrun
margra hvernig sveit Keilis stillti
upp í þriðju og síðustu umferð riðla-
keppninnar, en þar voru Björgvin
Sigurbergsson og Ingi Rúnar Gísla-
son látnir leika fjórmenninginn.
Leikið var við Leyni og tapaðist
leikurinn 3:2. Þetta þýddi að GK
mætti GKj í undanúrslitum í stað
þess að mæta GR eins og raunin
hefði orðið ef GK hefði lagt Leyni.

KEILIR vann GKj í undanúrslit-
um eins og GR gerði við Leyni en
þar sem ekki kom til úrslitaleiks á
sunnudeginum vegna veðurs var
farið í reglugerðir og vinningar í
mótinu taldir. Þar hafði GR betur og
er því Íslandsmeistari.

SVEIT GR mun því halda til Ítalíu
í nóvember þar sem hún tekur þátt í
Evrópukeppni félagsliða í golfi.

ARNAR Gunnlaugsson var í
fyrsta skipti í byrjunarliði Dundee
United í skosku úrvalsdeildinni á
laugardaginn þegar það gerði 0:0
jafntefli við Dundee í nágrannaslag.
Dundee United gerði þar sitt þriðja
jafntefli í fimm leikjum og er nú á
botni deildarinnar með 3 stig.

ARNAR fór af velli á 66. mínútu
en varamaður hans, Alan Smart,
hafði ekki langa viðdvöl á vellinum.
Hann fékk rauða spjaldið fyrir gróft
brot aðeins níu mínútum síðar.

ÞÓRÐUR Guðjónsson lék í 72
mínútur með Bochum sem vann 3.
deildarlið Aue, 3:1, á útivelli í 1. um-
ferð þýsku bikarkeppninnar á laug-
ardaginn.

EYJÓLFUR Sverrisson var ekki í
liði Herthu Berlín sem var óvænt
slegið út af 3. deildarliðinu Holstein
Kiel. Leikurinn endaði 1:1 en í víta-
spyrnukeppni náðu leikmenn
Herthu ekki að skora mark og töp-
uðu þar 3:0.

KATRÍN Jónsdóttir og stöllur
hennar í Kolbotn töpuðu sínum
fyrsta leik á tímabilinu, 2:1, á
heimavelli gegn meisturum Trond-
heims-Örn. Sigurmarkið kom 10
sek. fyrir leikslok en Kolbotn var
mun betri aðilinn allan tímann.
Katrín spilaði allan leikinn. Kolbotn
er með 31 stig, Asker 29 og Trond-
heims-Örn 28 þegar sex umferðum
er ólokið.

HELGI Valur Daníelsson var tek-
inn út úr byrjunarliði Peterborough
í fyrsta skipti á tímabilinu á laug-
ardag. Hann sat á varamanna-
bekknum allan tímann þegar lið
hans tapaði, 1:0, fyrir Port Vale í 2.
deild ensku knattspyrnunnar.

HARALDUR Ingólfsson skoraði
eitt marka Raufoss þegar liðið sigr-
aði Hönefoss, 3:2, í norsku 1. deild-
inni í knattspyrnu á sunnudaginn.
Þetta var 12. mark Haraldar í deild-
inni í ár en hann hefur leikið alla
leiki Raufoss. Raufoss er í fjórða
sæti, fjórum stigum á eftir topp-
liðinu Sandefjord, og á ágæta
möguleika á að vinna sér sæti í úr-
valsdeildinni.
Leikmenn norska knattspyrnu-félagsins Start lýstu yfir fullum
stuðningi við þjálfara sinn, Guðjón
Þórðarson, í bréfi sem birtist norska
blaðinu Fædrelandsvennen og á
heimasíðu félagsins um helgina. Þar
gagnrýna þeir mjög vinnubrögð
blaðsins sem þeir segja að gefi
ranga mynd af liðinu og félaginu í
heild.
Um Guðjón segja leikmennirnir
eftirfarandi í bréfi sínu:
„Við viljum koma því á framfæri
við lesendur að við leikmennirnir
styðjum 100 prósent við bakið á
þjálfara okkar, sem er gífurlega
metnaðarfullur. Flestir vita að Guð-
jón gerir geysilega miklar kröfur til
sinna leikmanna. En hann er einnig
mjög heiðarlegur og gerir sömu
kröfur til sjálfs sín. Hann er hefur
svo mikla stjórnunarhæfileika að
hann ætti að fara í framboð í forseta-
kosningum á Íslandi. Þegar á móti
hefur blásið hefur honum tekist að
halda uppi andanum og stemmning-
unni í liðinu með kímnigáfunni.“
Nokkuð hefur verið gert úr því í
norskum fjölmðlum að þrír leik-
menn hafa yfirgefið Start eftir að
Guðjón tók við liðinu. Í bréfinu segir
að þeirra sé vissulega saknað sem
góðra félaga. „Þeir vildu ekki vera í
hópnum þegar í ljós kom að þeir
myndu ekki spila eins mikið og áður.
En við viljum upplýsa að þeir þurftu
að sitja á sama varamannabekk og
margir okkar hafa einnig gert lang-
tímum saman. Eina ráðið við slíku er
að æfa betur og sýna að maður sé of
góður til að sitja þar,“ segja leik-
menn Start.
Leikmenn Start styðja
Guðjón Þórðarson
Keppt var í tveimur riðlum íkeppninni og eftir tvo leiki af
þremur var staða Golfklúbbs
Reykjavíkur og
Keilis vænlegust,
bæði lið höfðu sigr-
að sínar viðureignir
nokkuð örugglega,
GR gegn Golfklúbbnum Oddi og
Keilir sveit Golfklúbbs Garðabæjar
og Kópavogs.
Í fyrstu umferð vakti það athygli
að sveit Golfklúbbs Vestmannaeyja
sigraði Leyni eftir skemmtilega og
spennandi keppni þar sem úrslitin
réðust ekki fyrr en á síðustu braut.
Þar þurfti atvinnukylfingurinn
Birgir Leifur Hafþórsson að lúta í
lægra haldi fyrir gamla brýninu
Björgvini Þorsteinssyni sem nú
leikur fyrir GV. Þá sigraði Kjölur
Golfklúbbinn Setberg 4:1.
Í annarri umferð hélt sveit GR
uppteknum hætti og sigraði Kjal-
armenn örugglega og Keilir sömu-
leiðis heimamenn í GV. Þá sigruðu
Leynismenn sveit GKG bæði í tví-
menningi sem og fjórmenningi og
Golfklúbburinn Setberg lagði Odd.
Fjórða umferðin fór fram á öðr-
um degi mótsins á laugardag og
fóru leikar þannig að GKJ sigraði
Odd 4:1, GKJ lagði GV 3:2, GR vann
GSE 3:2 og Leynismenn höfðu sig-
ur gegn Kili 3:2.
Í undanúrslitum sigraði Keilir
síðan Golfklúbbinn Kjöl 5:0 og GR
lagði Leyni 4:1. Sveitir Golfklúbbs
Reykjavíkur og Golfklúbbsins Keil-
is hefðu síðan átt að keppa til úr-
slita um fyrsta sætið en sveit GR
var dæmdur sigur í mótinu þar sem
hún fékk fleiri vinninga í riðla-
keppninni. Þá hefðu sveitir GKj og
Leynis átt að spila um 3.- 4. sætið.
En lokastaðan í keppninni varð
þannig að Golfklúbbur Reykjavíkur
sigraði og Golfklúbburinn Keilir
varð í öðru sæti, Golfklúbburinn
Kjölur varð í þriðja sæti og Leynir í
því fjórða, heimamenn í GV í því
fimmta og GKG og Oddur í neðstu
tveimur sætunum og leika því í ann-
arri deild að ári.
Gaman að koma heim
Þorsteinn Hallgrímsson, GR, var
að vonum ánægður þegar blaða-
maður Morgunblaðsins hafði tal af
honum að afloknu móti. „Ég er
mjög ánægður með að við skyldum
hafa sigrað í sveitakeppninni en
þetta er í fjórða skiptið á sex árum
sem við sigrum í keppninni og ég
get því ekki verið annað en sáttur,“
sagði Þorsteinn. Aðspurður um
hvernig væri að leika á sínum gamla
heimavelli sagði Þorsteinn að völl-
urinn væri besti golfvöllur landsins.
„Það var mjög gaman að koma heim
um helgina og spila á þessum velli
sem ég tel vera besta golfvöll lands-
ins. Völlurinn er frábær frá teig að
gríni en þar sem landsmótið fer
fram hér í Eyjum á næsta ári mætti
bæta við meiri hindrunum á völlinn.
Hvað veðrið varðar var náttúrlega
ekkert annað í stöðunni en að blása
mótið af en við hjá GR hefðum vilj-
að spila þennan úrslitaleik,“ sagði
Þorsteinn kampakátur með Ís-
landsmeistaratitilinn.
Hinrik Gunnar Hinriksson, al-
þjóðadómari og dómari sveita-
keppninnar, stóð í ströngu í Eyjum
um helgina og kom að þeirri
ákvörðun ásamt mótsnefnd að af-
lýsa keppninni. „Mér fannst mótið
hér í Eyjum alveg frábært en því
miður þurftum við að fella niður úr-
slitaviðureignina vegna veðurs. En
áður en riðlakeppninni var lokið var
búið að ákveða hvernig færi ef af-
lýsa þyrfti úrslitaviðureigninni
vegna veðurs. Reglurnar eru skýr-
ar hvað þetta varðar og eins og í ár
þá sigrar GR þar sem þeir hlutu
flesta sigra í riðlakeppninni. Hvað
reglurnar varða sem við gáfum út á
laugardag er fyrst farið eftir vinn-
ingum í riðlakeppni, síðan fjöldi
unninna leikja í öllum fjórum um-
ferðum, þá unnir leikir í fjórðu um-
ferð og síðan hlutkesti. Það er auð-
vitað fúlt að þurfa að hafa hætt
keppni en í þessu tilviki var bara
ekki um annað að ræða,“ sagði Hin-
rik Gunnar.
GR vann í Eyjum
Morgunblaðið/Sigfús G. Guðmundsson
Sigursælir GR-ingar. Frá vinstri Derric Moore, golfkennari hjá GR, Birgir Már Vigfússon, Haraldur
H. Heimisson, Björn Þór Hilmarsson, Tryggvi Pétursson, Stefán Gunnarsson, liðsstjóri sveit-
arinnar, Sturla Ómarsson, Jón Pétur Jónsson, stjórnarmaður hjá GR, Sigurður Pétursson, Þor-
steinn Hallgrímsson og Pétur Ó. Sigurðsson.
SVEITAKEPPNI GSÍ í 1. deild
karla fór fram í Eyjum um ný-
liðna helgi. Veðurguðirnir voru
ekki hliðhollir kylfingum því
hætta þurfti keppni á sunnudag
vegna veðurs, sem bauð meðal
annars upp á rok, rigningu og
brim sem gekk yfir nokkrar
brautir á vellinum. Aldrei áður
hefur það átt sér stað að aflýsa
hafi þurft sveitakeppni GSÍ áð-
ur. Sveitir Golfklúbbs Reykjavík-
ur og Golfklúbbsins Keilis áttu
að keppa til úrslita um fyrsta
sætið en sveit GR var dæmdur
sigur í mótinu þar sem hún fékk
fleiri vinninga í riðlakeppninni.
Skapti Örn
Ólafsson
skrifar
Hlynur til
Snæfells
HLYNUR Bæringsson,
körfuknattleiksmaðurinn
efnilegi úr Borgarnesi, er
genginn til liðs við Snæfell úr
Stykkishólmi, nýliðana í úr-
valsdeildinni. Hlynur, sem er
tvítugur að aldri og á að baki
leiki með öllum aldurs-
flokkum í landsliðum Íslands,
hefur verið lykilmaður í liði
Skallagríms síðustu árin en
hann hefur spilað með því í
úrvalsdeildinni frá 15 ára
aldri. Á síðasta tímabili skor-
aði Hlynur að meðaltali 19,2
stig og tók 7,8 fráköst í leik
en hann hefur mest skorað 34
stig og tekið 26 fráköst í ein-
um leik með Borgnesingum.
Snæfell hefur fengið tvo
aðra leikmenn til liðs við sig í
sumar, Lýð Vignisson frá
Haukum og Jón Ólaf Jónsson
frá Stjörnunni.