Morgunblaðið - 27.04.2003, Side 9

vinsælt fyrirbrigði,“ segir hann.
„Það er ekki sama hver viðskiptin
eru, þessi fyrirtæki vekja athygli og
á báðum stöðum voru stjórnendur
sem höfðu ekki sérstaklega á móti
athyglinni. Þetta kallaði á ákveðinn
anda sem hentaði ágætlega og var
ágætur á þeim tíma sem í þessu var
staðið. Leiddi fólkið fram til dáða.“
Telur hann það munu haldast
óbreytt nú þegar hann einn er for-
stjóri?
„Ég var í mjög áberandi hlutverki
í mörg ár [sem forstjóri Hagkaups],
því fylgdi álag sem er allt í lagi um
tíma en það getur verið ágætt að
hvíla sjálfan sig og þjóðina á því líka.
Það var mikil athygli á matvöru-
markaðnum þau sjö ár sem ég var
hjá Hagkaup, við vorum leiðandi þar
og stóðum fyrir ýmsum nýjungum
og vonandi betrumbótum, sem
leiddu til þess að við vorum í kast-
ljósinu. En það hafði sinn tíma. Nú
vil ég helst að fyrirtækið [Og Voda-
fone] standi fyrir sínu; það er auðvit-
að ekki munaðarlaust, ætlunin er að
leiða það ákveðið fram en með þeim
stíl sem hentar.“
Svo er það nafnið; það er óvenju-
legt. Eitthvað nýtt …
„Það er út af fyrir sig sjálfstæður
tilgangur, að gera eitthvað óvenju-
legt og nýtt,“ segir Óskar. „Ég vona
að það hafi lukkast. Menn hafa að
minnsta kosti skoðun á nafninu;
sumum finnst það smart og sumum
óskiljanlegt og allt þar á milli. Við
höfum fengið gífurleg viðbrögð á
það og allir sem ég hef hitt hafa ein-
hverja skoðun á því.“
Hugmyndafræðin er hins vegar
ekkert óskaplega flókin, segir hann.
„Samningurinn við Vodafone var í
sjónmáli en áður vorum við komin að
þeirri niðurstöðu að við þyrftum
þriðja nafnið. Og við vildum hafa það
óvenjulegt og stutt og svo kom þessi
hugmynd frá Íslensku auglýsinga-
stofunni. Íslandssími og Tal stóð
uppi á vegg, við ætluðum hvorugt
nafnið að nota og þá var og eina orð-
ið sem eftir stóð á töflunni!“
Óskar segir að sér og öðrum sem
unnu hvað mest að nafnamálum hjá
félaginu hafi strax litist vel á hug-
myndina „og svo þegar þeir studdu
það með Íslensku orðabókinni, þar
sem orðinu er lýst með alveg ótrú-
lega nákvæmum hætti miðað við þá
starfsemi sem hér fer fram; Komdu
og talaðu við mig, er þetta auðvitað
brilljant lausn. Orðið er mest notaða
samtenging í íslensku máli, er stutt
og þjált og það hentar ágætlega að
skeyta því við Vodafone. Það hefði
orðið erfiðara með lengra nafni. En
við vildum hafa íslenskan hluta af
nafninu vegna þess að Vodafone á
ekki félagið og við erum bara lítið fé-
lag. Þó að okkur hafi tekist að kom-
ast í samstarf við stórt og gott félag
erum við samt sem áður litla, ís-
lenska símafélagið á þessum mark-
aði – hversu lengi sem það nú verð-
ur.“
Markaðshlutdeild Og Vodafone er
nú 22% að sögn Óskars. Hann segir
öllum ljóst að félögin tvö, Og Voda-
fone og Síminn, muni takast á.
Markaðsstaðan sé mjög ójöfn og án
þess að hún þurfi að verða nákvæm-
lega jöfn telji hann að hún megi
verða jafnari og að því sé stefnt.
„Við skulum hafa það í huga að við
höfum okkar áætlanir um að ná ár-
angri og okkur hefur gengið ágæt-
lega í því það sem af er. En það má
ekki vanmeta keppinautinn, og við
erum að tala um Landssíma Íslands
sem er gamalgróið, mjög traust fyr-
irtæki með sterka fjárhagslega
stöðu. Hagnaður fyrirtækisins og
framlegð fyrir afskriftir og fjár-
magnskostnað (EBIDA) er til dæm-
is yfir sjö þúsund milljónir. Þeir hafa
komið sér upp harðsnúnu liði af
hæfileikafólki þannig að það er ekki
við neina aukvisa að fást. Verkefnið
er ærið en menn munu vegast á í
bróðerni.“
Skyldi hann vilja gefa upp hvert
markmið fyrirtækisins er í slagnum
við Símann?
„Ég hef ekki gefið upp neina
ákveðna markaðshlutdeild, hef bara
sagt að okkur dugir kurteisleg við-
bót! Svo verða menn að meta hvað í
því felst. En það verður að horfa á
það að uppbygging okkar félags er
öll miklu einfaldari, við erum með
miklu færra starfsfólk, með ný kerfi
og berum ekki ýmsar byrðar sem
Landssíminn ber úr fortíðinni þann-
ig að við eigum að geta rekið okkar
félag með prýðisgóðum árangri án
þess að ná gríðarlegri markaðshlut-
deild.“
Í viðskiptum berjast fyrirtæki
gjarnan um stærri hluta af ákveð-
inni köku, auk þess sem reynt er að
stækka hana. Mikið lyftiduft hefur
verið sett í símakökuna undanfarin
ár, en skyldi Óskar telja að enda-
laust sé hægt að stækka hana?
„Það er verið að gera hvort
tveggja; bítast um núverandi við-
skiptavini og svo er markaðurinn að
stækka og ég held hann muni áfram
stækka, þó það verði með mismun-
andi hætti. En það kemst að ein-
hverjum mörkum; ómálga börn
munu til dæmis ekki tala í síma!“
Hann segist viss um að notkun
hvers og eins muni aukast. „Ein-
hvern tíma mettast markaðurinn af
símtækjum en þá kaupa menn ný
tæki og það koma viðbætur við tæk-
in, síðan kemur sífellt ný þjónusta
og aðalatriðið er að sú þjónusta sé
praktísk, ekki bara skemmtileg hug-
mynd sem einhverjir sem eru sæmi-
lega flinkir á þessu tæki hafi áhuga
á, heldur verður það að vera hug-
mynd sem eitthvað er hægt að nota
af viti. Dæmi um slíka hugmynd,
sem varð til fyrir algjörlega tilviljun,
er sms-ið. Það er aðgengilegt og allir
geta notað það.“
Ýmiss konar viðbótarþjónusta á
eftir að standa til boða í framtíðinni;
fólk getur borgað í stöðumæli með
símanum sínum og stundað ýmis
konar bankaviðskipti í gegnum
hann, segir Óskar.
„Svo er þjóðin að ADSL-væðast.
Það gerist hratt eins og ýmislegt
annað á tæknisviðinu á Íslandi; það
er verulegur gangur í því og við höf-
um átt fullt í fangi með að anna eft-
irspurn.“
Hann nefndi byrðar sem Síminn
ber úr fortíðinni, en Og Vodafone
ber engar slíkar skyldur t.d. varð-
andi þjónustu út um land. „Við erum
á þéttbýlisstöðum og með reiki-
samninga við Landssímann sem
þeim er lögskylt að gera við okkur,
en við erum að fara að ríða net okkar
þéttar úti á landi þannig að menn
þurfi ekki að reika yfir á kerfi
Landssímans. Þessi samruni Tals og
Íslandssíma gefur okkur möguleika
á því að byggja þessi net upp hraðar
úti á landi.“
Félagið er einnig með reikisamn-
inga víða erlendis, í um 60 löndum,
segir Óskar. „Við viljum bæði fjölga
löndunum og efla þjónustuna í þeim
löndum sem við erum. Til þess að
gera það eru gerðir samningar við
símafélög í viðkomandi landi og það
er tímafrekt; prófanir þurfa að fara
fram auk þess sem þessi erlendu fé-
lög hafa engan sérstakan áhuga á
viðskiptavinum sem koma héðan,
þeir eru svo fáir á þeirra mælikvarða
að við mætum oft afgangi. Þegar við
erum aftur á móti komnir í samstarf
við Vodafone förum við í forgang alls
staðar þar sem þeir eiga hlut að
máli. Við komumst inn í þeirra net
að þessu leyti ; þetta er því mikil-
vægt fyrir notendur hér.“
Óskar hlakkar til samstarfsins við
Vodafone. Hann segist aldrei hafa
átt samstarf við svo stórt fyrirtæki
þar sem hlutirnir gangi jafn hratt
fyrir sig. Fyrirtækið sé ferskur risi.
„Við sjáum fyrirtækið í sjónvarpinu,
bæði í enska boltanum [þar sem nafn
fyrirtækisins er á brjósti stórliðsins
Manchester United] og í Formúl-
unni [þar sem Vodafone er einn sam-
starfsaðila Ferrari-liðsins] og á
ferðalögum erlendis sér fólk hvað
þeir eru frískir og áberandi og að
gera flotta hluti. Við ætlum okkur
líka að gera vel.“
skapti@mbl.is
MORGUNBLAÐIÐ SUNNUDAGUR 27. APRÍL 2003 B 9