Morgunblaðið - 01.06.2003, Blaðsíða 16

„Þessi skóli er bara miklu betri
og rólegri, ekki eins mikið verið að
stríða og lemja og svoleiðis“
Suðurhlíðarskóli
Sagði strákur í 7. bekk, í könnun 10. bekkjar meðal nemenda í Suðurhlíðarskóla
Stofnsettur árið 1928, 75 ára
Suðurhlíðarskóli, einkaskóli á grunnskólastigi, sem
er staðsettur neðst í suðurhlíðum Fossvogsins,
hefur allt frá stofnun árið 1928, stuðlað að kennslu
í fámennum bekkjardeildum. Í skólanum eru allir
árgangar grunnskólastigsins; frá 1. bekk til 10.
bekkjar. Kennsluáætlun er samkvæmt námsskrá
menntamálaráðuneytisins. Við skólann starfa 11
kennarar.
Tveimur árgöngum kennt saman
Nemendafjöldinn er að jafnaði 60 til 65 nemendur á
vetri og er miðað við að 12–16 nemendur séu í
hverri stofu og er tveimur árgöngum kennt saman.
Þannig eru nemendum í 1. og 2. bekk kennt
saman, 3ja og 4. bekk, 5. og 6. bekk, 7. og 8.
bekk og 9.–10. bekk.
Skólaárinu er skipt í þrjár annir til að dreifa vinnu-
álaginu og til að létta nemendum námið.
Allir eiga að njóta sín án eineltis
Í skólastefnu Suðurhlíðarskóla er lögð áhersla á
virðingu og ábyrgð gagnvart náunganum og þann
þátt í þeirri ábyrgð að sýna kærleika; áhuga og
umhyggju, og láta hvern einstakling njóta verndar
og vináttu.
Aðhald, námsáhugi, árangur...
Nemendur okkar sem og foreldrar þeirra eru einkar
sátt við kennslufyrirkomulagið enda gefur slík
blöndun árganga mikla félagslega möguleika auk
þess sem námsáhuginn verður meiri og síðast en
ekki síst verður samheldnin meiri sem dregur úr
ýmsum árekstrum og einelti.
Lítill og notalegur skóli
Með svo fáa nemendur verður skólastarfið með
öðrum blæ, allir þekkjast og eiga mikil samskipti.
Gott aðgengi er að kennurum og skólastjóranum
sem jafnframt annast kennslu. Suðurhlíðarskóli er í
eigin húsnæði sem er sérsniðið að þörfum nem-
enda og kennara.
Heitur matur í hádeginu
Allir eiga þess kost að kaupa heitan mat í hádeginu
fyrir 200 krónur, en skólaeldhúsið er jafnframt
kennslustofa í heimilisfræðum. Matsalurinn er
bjartur og rúmgóður.
Tónlistarkennsla í skólanum
Nemendum stendur til boða kennsla á fiðlu, flautu
og píanó, eftir að skóla lýkur á daginn.
Gæsla að loknum skóladegi
Foreldrar barna í 1.–4. bekk eiga þess kost að fá
gæslu fyrir börn sín til kl. 15:30 á daginn og er það
innifalið í skólagjöldum. Skólahúsið opnar kl. 7:45 á
morgnana en skóli hefst kl. 8:10.
Bæði konur og karlar kenna
Eitt af markmiðum skólans hefur verið að jafna hlut-
fall kynjanna og hafa helst jafnmarga karla og konur
í hópi kennara. Það hefur okkur tekist í gegnum
árin með fagmennsku og metnað að leiðarljósi.
Flestir kennaranna hafa starfað lengi við skólann.
Heimanámið í skólanum
Kennarar leiðbeina nemendum við heimanámið í
klukkustund að loknum hefðbundnum skóladegi.
Nemendum yngri bekkjardeilda er skylt að notfæra
sér það en nemendum í eldri bekkjardeildum er
frjálst að þiggja aðstoðina.
Umsóknarfrestur
Innritun í allar bekkjardeildir stendur yfir og er öllum
umsóknum svarað innan viku.
Foreldrar og nemendur eru hvattir til að koma í
heimsókn og kynna sér starfsemi skólans, ræða við
kennara og skoða aðstöðuna. Búseta í Reykjavík er
ekki skilyrði fyrir skólavist. Eiginlegur umsóknar-
frestur er ekki í skólanum og því mögulegt að
sækja um skólavist þótt kennsla sé hafin. Foreldrar
eru þó hvattir til að sækja um sem fyrst.
Skólagjald
Sveitarfélög taka þátt í rekstri einkaskóla en
foreldrar/aðstandendur greiða skólagjald fyrir því
sem uppá vantar. Skólagjald Suðurhlíðarskóla er frá
19.760 kr. til 20.750 á mánuði, eftir árgöngum,
fyrir skólaárið 2003/2004.
Heit máltíð í hádeginu kostar 200 krónur á dag.
Aðstoð við heimanám kostar ekkert.
Greiðslukjör eru við allra hæfi.
Einkaskóli á grunnskólastigi, 75 ára – stofnaður árið 1928
Neðst í suðurhlíðum Fossvogsins. Suðurhlíð 36, 105 Reykjavík, sími 568 7870, netfang: sudurhlidarskoli@simnet.is, vefslóð: www.sudurhlidarskoli.is
Suðurhlíðarskóli er meðal 5000 skóla sem reknir eru af kristilegum söfnuðum sjöunda dags aðventista, um allan heim.
OPIÐ HÚS Í DAG frá kl. 14 til 17
Nemendur kynna verkefni, kennarar fræða um skólastarfið, tónlistarnemendur spila, veitingar.