Morgunblaðið - 29.06.2003, Blaðsíða 3

og ég ætlaði aldrei að gefa það út.
Ég fékk síðan þá hugdettu að senda
það til Bernhard Gunters hjá
Treinte oiseaux til að fá smágagn-
rýni á það en hann vildi þá ólmur
gefa það út. Eftir að SHIP kom út
fór ég svo að vinna að nýju efni en
komst ekki út úr þeim anda sem var
í SHIP, allt sem ég gerði hljómaði
of líkt SHIP, og mér fannst ég því
vera fastur. Það var svo ekki til að
auðvelda mér að byrja á einhverju
nýju að margir urðu til að segja
mér að SHIP væri það besta sem
ég hefði gert, sem ég hafði reyndar
óttast, svo það varð mjög erfitt að
gera betur, en mig langaði alls ekki
að gera aðra eins plötu, mig langar
til að gera alls konar dót.“
Næsta sólóplata Sigtryggs á eftir
SHIP var A Long Wait Produced
Nothing Further sem hann segir að
lýsi ágætlega hvað gerst hafi þegar
hann var að taka plötuna upp: „Ég
náði ekki að vinna meira í upptök-
unum um tíma og ákvað að geyma
þær, hlusta svo á síðar og vinna
meira. Þegar ég hlustaði svo á upp-
tökurnar löngu síðar heyrði ég aftur
á móti að verkið var tilbúið.“
Fjórða sólóplatan
Nú fyrir skemmstu kom svo
fjórða sólóplata Sigtryggs, A Little
Lost, sem Bottrop Boy gefur út en
það er sama fyrirtæki og gaf út síð-
ustu plötu Stilluppsteypu, safnplöt-
una the immediate past is of no int-
erest to us. Á plötunni segir
Sigtryggur að séu þrjú lög, það
fyrsta unnið upp úr fyrstu tveimur
sólóskífum hans, SHIP og A long
wait produced nothing further, ann-
að lagið tekið upp á fyrstu sóló-
tónleikum hans í Rotterdam í jan-
úar fyrir ári og loks er lag sem
hann vann með bandaríska tónlist-
armanninum Irr.App.(Ext.), en
Stilluppsteypa gerði plötu með hon-
um, tpith or tetapth, 1997.
Heiti plötunnar segir Sigtryggur
að vísi í hvernig honum leið á þeim
tíma er hann tók hana upp, en þess
má geta að hann leggur jafnan
mikla vinnu í að finna titla á plötur
sínar og segir að þeir séu ekki síður
mikilvægir en tónlistin. „This One
Comes Highly Recommended er til
dæmis titill þriðju sólóplötu minnar,
en ég valdi titilinn vegna þess að
mig langaði alltaf að sjá plötu með
svipuðum titli,“ segir Sigtryggur og
brosir við, enda segir hann að fyrir
sér sé þetta drepfyndið heiti á
plötu, nokkuð sem enginn tónlistar-
maður myndi nota.
Hljóð og tónlist fyrir kvikmyndir
Meðfram upptökum á sólóverkum
hefur Sigtryggur verið að vinna ým-
is hliðarverkefni, meðal annars að
gera hljóð og tónlist fyrir kvik-
myndir. Hann kom þannig að gerð
heimildarmyndar um verk kvik-
myndaleikstjórans kunna Davids
Lynch, en hann segir að pólski
kvikmyndagerðarmaðurinn, Agn-
ieszka Jurek, sem sé vinkona sín,
hafi leitað til sín með það verk.
„Agnieszka hefur verið í sam-
bandi við Lynch í nokkurn tíma og
hafa þau oft talað um að vinna sam-
an að stuttmynd. Síðan kom það til
að Lynch var að leita að einhverjum
til að gera heimildarmynd um
teiknimyndaseríu sína Dumbland
sem hægt er að sækja á vefsetur
hans á slóðinni
www.davidlynch.com. Þættirnir eru
víst orðnir tíu og Lynch langaði að
halda upp á það, koma þeim öllum á
DVD-disk og hafa með eitthvert
aukaefni eins og heimildarmynd um
þá. Í framhaldi af því tók Agnieszka
viðtal við Lynch á Netinu og setti
saman stutta heimildarmynd um
Lynch og Dumbland. Hún leitaði
síðan til mín til að hljóðskreyta
myndina og ég notaði til þess hljóð
frá Stilluppsteypu. Við erum svo að
spá í frekari samvinnu, komin hug-
mynd að nýrri mynd, Clonium, og
verið að fjármagna hana,“ segir Sig-
tryggur og bætir við að sér hafi
þótt þetta mjög skemmtileg vinna
og nokkuð sem hann gæti vel hugs-
að sér að gera meira af í framtíð-
inni, hvort sem það væri að hljóð-
skreyta kvikmyndir eða semja
kvikmyndatónlist.
Hvað Sigtrygg varðar er fram-
undan hljómleikaferðalag til Banda-
rikjana í júlí, en honum var boðið að
koma fram á raftónlistarhátíð í San
Francisco. „Fyrst ég er að fara alla
leið til Bandaríkjanna ákvað ég að
setja upp nokkra tónleika og kem
fram í Seattle, Portland og Los
Angeles. Svo tekur Stilluppsteypan
þátt í Ultrasound 2003-tónlistarhá-
tíðinni í Huddersfield á Englandi í
nóvember, er þar verða líka fleiri ís-
lenskar hljómsveitir. Síðar á árinu, í
október, eru fyrirhugaðir tónleikar
með Tilraunaeldhúsinu í Hasselt í
Belgíu og svo má telja. Nú síðast
gáfum við út plötuna Project Hor-
ror Express sem gefin er út í 100
eintökum á vínyl. Platan er gerð í
samvinnu við þýska myndlistar-
manninn Daniel Roth sem gerir
umslagið. Ég er líka að vinna að
bók með sænska listamanninum
Leif Elggren, en meira um það síð-
ar, því sem stendur er þetta á al-
gjöru byrjunarstigi. Það er í það
minnsta nóg að gera.“
karar
arnim@mbl.is
Ljósmynd/Björg Sveinsdóttir
Þeir félagar sem eftir eru í Stilluppsteypu, Sigtryggur og Helgi, á tónleikum í Vesturporti.
MORGUNBLAÐIÐ SUNNUDAGUR 29. JÚNÍ 2003 B 3
Hefurðu prófað nýju Happaþrennuna?
Happaþrennan inniheldur þrjá skemmtilega leiki.
Hæsti vinningur er 3 milljónir auk fjölda annarra vinninga.
Lumar þú á 150 kr. sem gætu fært þér vinning?
Eflum Háskóla Íslands í verki.
Happdrætti Háskóla Íslands

Til viðbótar við þetta á Stillupp-
steypa lög á fjölda safnskífna.
Sólóplötur Sigtryggs:

SHIP (Geisladiskur). Trente Ois-
eaux. 2001.

A Long Wait Produced Nothing
Further (Vínylplata). ERS Rec-
ords. 2001.

This One Comes Highly Recomm-
ended (Geisladiskur). FIRE inc.
2002.

A Little Lost (Geisladiskur).
Bottrop-Boy. 2003.
TENGLAR
..............................................
-www.fire-inc.demon.nl/still-
uppsteypa.html
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050