Morgunblaðið - 29.06.2003, Blaðsíða 5

MORGUNBLAÐIÐ SUNNUDAGUR 29. JÚNÍ 2003 B 5
VÍNUM í þriggja lítrakössum fjölgar stöðugt ámarkaðnum enda er núsvo komið að um þriðj-ungur vínneyslu Íslend-
inga eru vín af þessu tagi. Kassavínin
hafa jafnt kosti sem galla og inni-
haldið er misjafnt rétt eins og í flösk-
unum. Það er hins vegar ánægjuleg
þróun að breiddin sé að aukast í úr-
valinu í ljósi þess hve þetta er orðinn
stór hluti af markaðnum og vonandi
að innflytjendur leggi metnað sinn í
að finna eins vönduð vín og hægt er
að fá í kössum.
Hér verður fjallað um fjögur
kassavín, tvö hvít frá Suður-Afríku
og rauðvín frá Suður-Frakklandi og
Suður-Spáni.
Hvítvínið Pearly Bay Dry (2.880
krónur) er frá Suður-Afríku en ekki
er að finna nánari upplýsingar um
uppruna á pakkningu eða þá hvaða
þrúgur eru notaðar. Þetta er vín
framleitt fyrir breskan markað og í
smáa letrinu á kassanum kemur
fram að það er vínrisinn KWV, sem
gegnt hefur lykilhlutverki í suður-
afrískri víngerð síðastliðna öld, sem
er framleiðandinn. Vínið sjálft er fölt
á lit, það hefur léttan ávaxtakeim,
hlutlausan og er fremur einkenna-
lítið. Í munni þurrt og nokkuð ferskt.
Allt í lagi „hvítvín“ en hefur ekki
mikinn karakter. 13/20
Einnig frá Suður-Afríku kemur
hvítvínið Stowell’s of Chelsea Chenin
Blanc (3.390 krónur). Þetta er þokka-
legt vín, angan af grænum eplum og
ekki síður sætum perum. Í munni
létt, ferskt með örlítilli sætu í ávext-
inum. Þokkalegt sumarvín. 14/20.
Rauðvínið Stowell’s vin de pays du
Gard (3.190 krónur) kemur frá sama
breska vínfyrirtæki en innihaldið er
frá Suður-Frakklandi, nánar tiltekið
Miðjarðarhafshéraðinu Gard. Það er
unnið úr þrúgunum Grenache, Cins-
ault og Carignan. Léttur rauður
ávöxtur, milt, léttkryddað. Ungt og
þægilegt borðvín. Það hefur ekki
mikla fyllingu eða þyngd en ætti að
henta vel sem þægilegt sumarvín. 14/
20
Los Llanos (3.290 krónur) er í allt
öðrum stíl. Sólbakað og heitt af slétt-
um Valdepenas á Spáni. Keimurinn
kryddaður, örlítið oxaður, dökkar
plómur í nefi. Það hefur meiri þyngd
og þykkt en suður-franska vínið en
er jafnframt grófara í bragðinu. 15/
20
Morgunblaðið/Halldór Kolbeins
Kassavín
enn og aftur
Vín Einkunnagjöf vína
byggist á heild-
stæðu mati á gæð-
um, uppruna-
einkennum og
hlutfalli verðs og gæða. Vín getur
fengið að hámarki 20 stig í ein-
kunn. Ef um mjög góð kaup er að
ræða er vínið merkt með buddu.
Brúðkaupsgjafir
Br
úð
ar
gj
af
al
is
ta
r
Mörkinni 3, sími 588 0640.
Opið mán-fös kl.11-18 - lau kl. 11-15
www.casa.is
Laugavegi 63 • sími 5512040
Stjúpur
Vönduðu silkiblómin
fást í
ATVINNA
mbl.is