Morgunblaðið - 19.09.2003, Blaðsíða 2

2 | FÓLKIÐ | FÖSTUDAGUR 19|9|2003 MORGUNBLAÐIÐ
Ég hef aldrei verið jafn stressaður á ævinni. Ég ók mjög klaufalega, ég held
meira að segja að ég hafi farið yfir á rauðu gangbrautarljósi. Þegar ég lagði
bílnum fyrir utan bygginguna var ég farinn að titra. Ég lá andvaka í alla nótt
að velta þessu fyrir mér. Nú sit ég hérna stjarfur og horfi á rúðuþurrkurnar
hamast. Ég ætla að láta þetta lag klárast, svo fer ég inn. Fyndið að það
skuli heita „Suspicious Minds“. Á ég að borga í stöðumælinn? Til hvers?
Hvaða máli skiptir það núna? Núna er lagið búið. Gálgafresturinn er liðinn.
Ég drep á bílnum og stíg út. Ég borga í stöðumælinn. Af gömlum vana. Ég
hleyp í rigningunni með jakkann yfir mér.
Keðj
usag
an
Fyrsti hluti | eftir Óskar Jónasson
Undanfarið hef ég verið á beit í leikhúsunum til að sjá „síðustu
sýningar“. Eftir á að hyggja er það ágæt aðferð til að sigta út góðar
sýningar, – að sjá hverjar þrauka lengst … Rómeó og Júlía: Áhorf-
endur réðu sér vart fyrir kæti og ekki leikararnir heldur. Inn á milli
smaug harmurinn þó í gegnum merg og bein og áhorfendur tóku
andköf af skelfingu í háskalegustu loftfimleikunum. Einu sinni
veinaði kona fyrir aftan mig: „Voójajæjajei“. Þegar ég leit við faldi
hún höfuðið í höndum sér … Kvetch: Á leið heim vissum við ég og
konan mín vart hvort við áttum að hlæja eða gráta. Við vorum
skyndilega orðin sögupersónur í leikritinu; nýtt hugtak hafði orðið
til um firringu sálarlífsins og átti rætur í skáldverki, ekki ósvipað
hugtakinu Catch 22 úr samnefndri sögu Joseph Heller … Ölstof-
an: Stóð lengi í röðinni með stórum hópi. Þeir fyrstu úr hópnum
komust inn á undan. Þegar kom loks að
mér að fara inn, þá mætti ég félögunum.
Þeir höfðu ákveðið að fara á næsta stað.
Og ég labbaði í humátt á eftir … Lína Lang-
sokkur: Fórum á frumsýninguna með dótt-
urina, sem er „peggja ára“. Þetta var fyrsta
leikhúsferðin. Hún var voða hugrökk og sat
stjörf allan tímann; kallaði þó stundum
„api“ eða „hestur“ og hló dátt að lögg-
unum. Fjör og skemmtun, sem fólst ekki
síst í því að fylgjast með krökkunum í saln-
um … Tolkien - A Biography: Las frásögn
ævisagnahöfundarins Michaels White af
félagsskapnum Kolbítunum (Coalbiters),
sem J.R.R. Tolkien myndaði um lestur á Íslendingasög-
unum á íslensku. „Eins og í öllum slíkum félögum var
þetta að jafnframt átylla til að hitta vini, eyða kvöldum
saman við bjórdrykkju og slaka á eftir erilsaman vinnu-
dag.“ Eftir tæpan áratug dofnaði yfir félagsstarfinu, en
þá höfðu Kolbítarnir, þar á meðal C.S. Lewis, lokið lestri
á öllum helstu Íslendingasögunum. Þess má geta að
orðið kolbítur er notað um unga menn sem liggja í ösku-
stónni; óefnilega menn. En getur einnig verið sögubragð,
því þegar þeir rísa úr öskustónni, hvort sem tilneyddir eða af sjálfsdáðum, þá vinna þeir mikil afrek … Photo:
Farið yfir strauma og stefnur í ljósmyndun í áferðarfallegu blaði. Mynd-
irnar fréttin og textinn skreytingin… David Beckham – My Side: Las um
atvikið þegar Ferguson sparkaði skónum í augabrúnina á Beckham og
baðst síðan afsökunar. Þegar Beckham kom heim til sín og Victoria sá
skurðinn, brást hún ókvæða við og sagði: „Hann getur ekki komið svona
fram við þig. Ég ætla að fara að hitta hann núna strax.“ Hún hlýtur að
elska hann mikið. Og hugsa vel um hann. Ég varð hrærður við tilhugs-
unina. Beckham líka: „Ef af því hefði orðið veit ég ekki hvað Victoria hefði
sagt eða gert. Ég vildi ekki vera í þeim sporum að lenda upp á kant við
hana.“ |pebl@mbl.is
„Voójajæjajei“
FRÁ FYRSTU HENDI
Árni Torfason tók forsíðumyndina, sem er af Maríu Leifsdóttur og Baldri
Kristjánssyni. Þau eru bæði í Verzló. María er 16 ára nýnemi í 3.-J, en Bald-
ur er tvítugur, í 6.-R og er forseti nemendafélagsins. María stundar djass-
ballett þrisvar í viku með skólanum og stefnir á háskólann eftir að hafa klár-
að Verzló. Baldur segir að forsetastarfið sé töluvert verk, en margir leggi
hönd á plóg. Hann stefnir á að fara til útlanda eftir útskrift í vor, en reiknar
með að enda heima á Íslandi eftir það.
FORSÍÐAN
... að Íslendingar væru lang-
mesta bíóþjóð Evrópu og
líka mestu átvöglin. Þeir
eyða langmestu í popp, kók
og aðrar veitingar í kvik-
myndahúsum, eða 270
krónum á mann á síðasta
ári; 90 krónum meira en
Bretar sem koma næstir.
... að risavaxinn kóngs-
sveppur, 3,58 kíló að
þyngd, stæði óáreittur með
fullri reisn í Sauraskógi í
Helgafellssveit og að á
sunnudaginn var myndi
Magda Kulinska finna hann
og fara með hann heim.
... að Kamoto Hongo, elsta
kona í heimi, myndi sofa af
sér 116 ára afmælisveisl-
una sem haldin var henni til
heiðurs af 140 ættingjum
og vinum. Ef til vill hefði
henni líka orðið um og ó, en
hún á 7 börn, 27 barna-
börn, 57 barnabarnabörn
og 11 barnabarna-
barnabörn.
... að náttúruvísinda- og sjón-
varpsmaðurinn David
Attenborough væri vænt-
anlegur til landsins 6. nóv-
ember til að kynna nýjustu
bók sína, Heimur spendýr-
anna.
... að Bolshoj-ballettflokk-
urinn væri að reyna að bola
einni af þekktustu ball-
erínum Rússa, Anastasíu
Volotsjkovu, úr flokknum
með því að fela dansfélaga
hennar sem hún dansaði
við í tíu ár.
... að timburmenn leggja lag
sitt oftar við konur en
karla. Þær ku vera léttari
og hafa hlutfallslega minna
vatn í líkamanum, og eru
því móttækilegri fyrir þorn-
un, sem veldur m.a. höf-
uðverk og svima. Svipuð
ásókn er hins vegar í karla-
og kvennaklósettin vegna
flökurleika og uppsölu, sem
á upptök í slímhúð magans.
Við vissum ekki fyrir viku ...
FÓLKIÐ Pétur Blöndal pebl@mbl.is | Ívar Páll Jónsson ivarpall@mbl.is | Inga Rún Sigurðardóttir ingarun@mbl.is | Árni Þórarinsson ath@mbl.is