Morgunblaðið - 19.09.2003, Blaðsíða 20
20 | FÓLKIÐ | FÖSTUDAGUR 19|9|2003 MORGUNBLAÐIÐ
‚ Once and fo r a l l l e t ’ s ge t th i s s t ra igh t
How you measure a rapper, wha t make an MC g rea t
I s i t t he sa les? - 20 m i l l
I s i t t he ca rs? - Ben t l e y ’ s
I s i t t he women? - J ada
I s i t t he money? - P l ease
Mr. C lean ye t the fac t r ema in
Go t g i r l s tha t don ’ t speak Eng l i sh sc reamin ’ my name
A l l you rappers ye l l i n ’ bou t who you pu t i n a hearse
Do me a favo r wr i t e one ve rse w i thou t a curse ‘
Þannig rappar Will Smith um eigin velgengni í laginu Freakin’ It af
plötunni Willennium frá árinu 1999. Hann þakkar fyrir peningana, bíl-
ana og eiginkonuna, leikkonuna Jada Pinkett, nú Smith, en frábiður
sér bölv og ragn, mannfyrirlitningu, kvenhatur og ofbeldisdýrkun koll-
ega sinna í „harða rappinu“ sem stundum er kennt við „gangstas“ eða
„glæponarapp“.
HVERNIG?
Will Smith hefur verið kallaður „góði gæinn“ í rappinu og hefur leyft
sér að vera næsta fjölskylduvænn í textunum. Bandarískir foreldrar
hafa því margir hverjir leyft afkvæmum sínum að hlusta á tónlist hans
einvörðungu en útilokað þau frá því sem kallað hefur verið niðurrifs-
rapp. Samt hefur hann sent frá sér glaðbeitta texta á borð við Parents
Just Don’t Understand og Girls Ain’t Nothing But Trouble, hæðst að
lesbíum og fólki með alnæmi, þannig að ekki er nú víst að foreldrarnir
hafi hlustað grannt. Slíkt efni leyndist einna helst á fyrstu plötum
hans, á seinni hluta 9. áratugarins, en hann fór smátt og smátt að
mildast á þeim 10. og rappaði þá mest um ástina og vináttuna og
reyndi að öðlast vinsældir með einfaldari danstónlist. Smith segir
gjarnan rímaðar gamansögur í textum sínum, eins og Who Stole My
Car? og The Girlie Had a Moustache. Í seinni tíð hefur rapparinn Will
Smith einna helst notið sín með titilsmellum kvikmynda sinna Men In
Black og Wild, Wild West. Þar hefur hann komið fram undir eigin nafni
en á fyrri hluta rappferils síns kallaði hann sig Fresh Prince og vann
plöturnar með félaga sínum Jeff Townes sem kallaði sig Jazzy Jeff.
HVERS VEGNA?
Will Smith, sem núna er 35 ára, var í barnæsku sinni í Philadelphia
kallaður Prince eða Prinsinn fyrir þá hæfileika að geta kjaftað sig út úr
hvaða vandræðum sem var. Hann var annar í röð fjögurra systkina en
foreldrarnir voru miðstéttarfólk, faðirinn rak fyrirtæki sem framleiddi
kælitæki og móðirin starfaði fyrir skólastjórnina í hverfinu. Will varð
sumsé þekktur fyrir að hafa munninn fyrir neðan nefið og gælunafnið
Prinsinn festist við hann þegar hann fór að nota mælsku sína í rappi,
strax tólf ára að aldri. Þeir Jeff Townes voru aðeins táningar þegar þeir
mynduðu dúettinn DJ Jazzy Jeff & The Fresh Prince. Sá fyrrnefndi lagði
til plötusnúninginn, hljómasmölunina og útsetningarnar en Will var í
framlínunni með sitt kómíska frásagnarrím, fjöruga sviðsframkomu og
vörpulegt útlit sem heillaði stelpurnar. Orðstír þeirra fór vaxandi eftir
að þeir útskrifuðust úr grunnskólanum og þeir hljóðrituðu plötur sem
seldust eins og heitar lummur. En átján ára að aldri var Will Smith bú-
inn að eyða öllum peningunum og skuldaði skattstofunni háar fjár-
hæðir. Þá datt hann í lukkupottinn: Sjónvarpsframleiðandi fékk hann
til að leika aðalhlutverk í nýrri gamanþáttasyrpu, fátækan blökkupilt
sem býr með ríkri fjölskyldu í Beverly Hills. Þættirnir, The Fresh Prince
Of Beverly Hills, nutu mikilla vinsælda í sex ár og þaðan lá leið Wills
Smith út í kvikmyndirnar þar sem smellurinn Bad Boys/Hrappar gerði
hann að Hollywoodstjörnu. | ath@mbl.is
HRAPPUR
RAPPAR
Will Smith og Martin Lawrence snúa aftur í Bad Boys 2/Hrappar 2, sem
frumsýnd er hérlendis um helgina. Öðru sinni eltast þeir við illþýði úr
dópheiminum undir stjórn Michaels Bay, en það var einmitt velgengni
Bad Boys (1995), sem olli því að Will Smith fór að einbeita sér að kvik-
myndaleik eftir að hafa verið einn vinsælasti rappari Bandaríkjanna frá
árinu 1987, sá fyrsti sem hreppti Grammyverðlaun.
BAD BOYS II: MARTIN LAWRENCE OG WILL
SMITH ELTAST ÖÐRU SINNI VIÐ ILLÞÝÐI
UNDIRHEIMANNA.
FR
UM
SÝ
NT