Morgunblaðið - 19.09.2003, Blaðsíða 15
MORGUNBLAÐIÐ FÖSTUDAGUR 19|9|2003 | FÓLKÐ | 15
Skáld og listamenn dvöldust oft í elsta
hluta Lindarinnar um lengri eða skemmri
tíma, m.a. Gunnlaugur Scheving listmál-
ari og Halldór Laxness rithöfundur. Þá
var þetta einlyft hús skammt frá Vígðu-
laug, byggt árið 1932 og heimili Ragnars
Ásgeirssonar landbúnaðarráðunautar, en
þar bjó hann með Grethe og börnum.
Ragnar skipulagði garðinn við Lindina,
sem þykir fallegur, en flutti burtu árið
1938 og var húsið notað undir hús-
mæðranámskeið strax það ár. Í ársbyrjun
1943 hófst starfsemi Húsmæðraskólans
í Lindinni. Sunnlenskar konur höfðu um
langt árabil barist fyrir húsmæðraskóla.
Frá upphafi var ljóst að Lindin var of lít-
il fyrir Húsmæðraskólann. Árið 1944 var
hafist handa við stækkun skólans og
byggð svefnálma. Byggingarefnið var
braggar breska hersins á Kaldaðarnesi í
Flóa, heilt spítalahverfi. Húsmæðraskól-
inn var starfræktur í Lindinni til ársins
1970 en þá flutti hann í nýtt húsnæði.
Eftir að Húsmæðraskólinn flutti úr Lind-
inni voru þar íbúðir fyrir kennara og leik-
skóli sem enn þá er í húsinu.
Um 1990 fékk Laugardalshreppur hús-
ið til afnota og þá var hafist handa við að
gera upp elsta hlutann til að hafa þar
veitingahús. Baldur Öxdal Halldórsson
tók við veitingarekstrinum árið 2002.
Til er Lindarfélag sem hefur haft að
markmiði að varðveita húsið og umhverfi
þess. Það hefur m.a. séð um garðinn við
hlið Lindarinnar sem Ragnar Ásgeirsson
gerði á sínum tíma.
SAGAN
STAÐURINN | Veitingastaðurinn Lindin |Laugarvatn |Opið um helgar og hópapantanir
Morgunblaðið/Einar Falur
Staðurinn | Niður við Laugarvatn er veitingastaðurinn Lindin.
Þar er gott útsýni yfir vatnið og gleður augað þegar baðgestir
koma hlaupandi úr gömlu gufunni, sem er í næsta húsi, og
vaða á sundspjörunum út í. Einnig sjást veiðimennirnir á bátum
á vatninu og í fjörunni.
Borðapöntun | Ráðlegt er að panta borð á Lindinni, því útsýnið
er ein helsta prýði staðarins, s.s. yfir eldfjallið Heklu. Ef veður
er gott má sitja úti á veröndinni, en annars er ástæða til að
panta borð við glugga út að vatninu. Staðurinn er opinn alla
daga frá 15. maí til 1. september, helgaropnun frá 1. mars til
12. október og tekið við hópapöntunum allt árið um kring.
Villibráð | Villibráð er aðal staðarins og ekkert alið á matseðl-
inum. Silungurinn er oft nýveiddur úr vatninu og kokkurinn var á
hreindýraveiðum í síðustu viku. Dæmi er um að hann hafi kom-
ið gestum á óvart með því að stökkva af stað með veiðistöng-
ina og koma með silunginn spriklandi innan tíu mínútna.
Leyndarmálið | Maturinn er yfirleitt svo vel útilátinn að ekki er
rúm fyrir meira, en þeir allra hörðustu ættu að geta fengið ábót
ef þeir bera sig eftir björginni. Kokkurinn kemur alltaf fram til að
ræða við gestina, ganga úr skugga um að þeir séu ánægðir og
svarar spurningum um sögu staðarins, sem raunar er einnig á
matseðlinum.
Eftirrétturinn | Það eru óafsakanlegt að panta sér ekki eftirrétt
á Lindinni. Kokkurinn Baldur Öxdal er sérmenntaður í þeim
fræðum. Hann á og bakar allar kökurnar fyrir Ráðhúskaffi og er
maður sem fórnar öllu fyrir bragðlaukana.
KJARNINN
HÆNUEGG
Eflaust hefur stundum verið líf í tusk-
unum í kringum heimavist húsmæðra-
skólans, en frá „Lindarmeyjunum“ segir í
skólablaðinu Hallveigu veturinn 1947–
1948: „Það var komið með tilllögu hér í
Lind um daginn, að allar Lindarmeyjar bæru hænuegg á brjóstinu
og unguðu þannig út, en þá er vandinn hvernig eigi að fara að
þegar böll eru, því að við mikinn þrýsting gæti eggið brotnað og
hvað myndi herrann þá halda, en ekkert væri það á við, að það
dytti niður á dansgólfið, því að af því gætu hlotist ýmiss konar
byltur og slys. Og væri útungunin þar með farin út um þúfur.“