Morgunblaðið - 19.09.2003, Blaðsíða 8

8 | FÓLKIÐ | FÖSTUDAGUR 19|9|2003 MORGUNBLAÐIÐ
Blaðamenn eiga áhugamál, eins og aðrir. Þeir
geta líka leyft sér að láta sig dreyma. Ólafur
Teitur Guðnason blaðamaður hefði ekkert á
móti því að breyta aðaláhugamáli sínu í lífsvið-
urværi, ef mögulegt væri. Hann er forfallinn
tónlistarmaður og hefur síðasta árið reynst
hamhleypa við lagasmíðar. Hann keypti sér
stafrænt upptökutæki í ágúst 2002 og á nú yfir
30 lög á lager. Sumum þessara laga hefur
hann deilt með alheiminum á veraldarvefnum
og hlotið ágætis dóma fyrir.
Blaðamaður settist niður á hlýlegu heimili
Ólafs í Vesturbænum, sötraði kaffi og spjallaði
við kollega sinn eitt haustkvöldið fyrir nokkrum
dögum.
ÞJÓÐVERJAR AFDRIFARÍKIR …
Aðspurður segir hann að ekki sé svo ýkja
langt síðan hann byrjaði að semja lög. „Ég held
ég geti meira að segja tímasett það nokkurn
veginn. Það var held ég árið 1997. Þá rann upp
fyrir manni að maður hafði aldrei samið neitt,
eða reynt það af nokkru viti. Þess vegna fór ég í
gagngert átak, til að komast að því hvort ég
hefði þennan hæfileika. Það gekk alveg sæmi-
lega,“ segir listamaðurinn.
„Þetta sumar var ég að vinna sem leið-
sögumaður fyrir þýska ferðamenn sem hjóluðu
um landið. Ég fylgdi þeim og gegndi hlutverki
kokks. Ég átti því þónokkurn tíma til að drepa á
síðkvöldum á hótelum landsins og gerði það
með því að glamra á gítarinn og semja lög,“
segir Ólafur. Fyrsta tilraunin átti sér stað í
Grindavík.
… EN EKKI ÁHRIFAMIKLIR
Höfðu Þjóðverjarnir mikil áhrif á tónlistina?
„Nei, ég reyndi nú helst að loka vel að mér, til
að forðast blessaða mennina. Ég held að tón-
listin sé nokkuð laus við þýskan blæ.“
Ólafur var eftir þetta að velta fyrir sér hinum
ýmsu hugmyndum að lögum og tónlist í nokkur
ár. „Svo magnaðist sú tilfinning að ég yrði að
reyna að koma hugmyndunum í framkvæmd,
reyna að setja saman það sem ég hafði heyrt í
huganum; hin ýmsu hljóðfæri hér og þar í lög-
unum. Það var að gera mig alveg sturlaðan að
geta ekki prófað þetta. Eftir töluverðar vanga-
veltur ákvað ég að kaupa mér stafrænt upp-
tökutæki, sem í raun jafnast á við margra rása
hljóðver,“ segir listamaðurinn.
Ólafur segir að það séu ótrúleg forréttindi að
geta keypt búnað, sem sé að mörgu leyti full-
komnari en upptökutækin sem Bítlarnir notuðu
árið 1963. „Þessar græjur eru það ódýrar að
þær eru nánast aðgengilegar hverjum sem er.
Maður hefur í raun enga afsökun fyrir því að
láta ekki á þetta reyna, þökk sé markaðs-
öflunum,“ segir Ólafur Teitur, „það eru ótrúlegir
galdrar að heyra hljóðfærin sameinast og
mynda eina heild. Þetta er það skemmtileg-
asta sem ég geri.“
GAMAN AÐ FÁ VIÐBRÖGÐ
Ólaf langaði til að fá viðbrögð við tónlistinni
og fékk þá hugmynd að setja hana á verald-
arvefinn. „Það er skiljanlega allur gangur á því
hversu hreinskilnir vinir og fjölskylda eru í við-
brögðum sínum og þess vegna var eiginlega
nauðsynlegt að koma þessu á framfæri við
fleiri. Ég komst að því að á nokkrum vefsíðum
er hægt að setja upp lög og leyfa öðrum að
heyra. Það er mjög gaman að fá viðbrögð ann-
arra og ekki síður að hlýða á aðra tónlist-
armenn og bera þá saman við sjálfan sig,“ seg-
ir Ólafur.
Lög eftir listamanninn er að finna á tveimur
vefslóðum: www.garageband.com/artist/
olafurteitur og www.soundclick.com/bands/7/
sorlaskjolroad.htm. Fyrri síðan byggist á því að
tónlistarmennirnir hlusti hver á annan, en til
þess að geta sett lag á vefinn verða þeir að
hafa hlýtt á og dæmt 30 lög annarra. „Þetta er
stórskemmtilegt kerfi. Dómarnir hafa verið upp
og ofan eins og gengur, en að meðaltali hef ég
fengið þrjár stjörnur af fimm mögulegum,“ seg-
ir hann.
TÓNLISTIN NOTUÐ
Tónlist Ólafs Teits hefur verið notuð í tveimur
stuttmyndum; hjá bróður hans, Eysteini
Guðna, og vini hans, Óskari Þór Axelssyni. Ann-
ar vinur hans, Sigurður Líndal Þórisson, notaði
tónlist frá Ólafi í leikriti sem hann leikstýrði í
London. Þá samdi Ólafur lag fyrir brúðkaup sitt,
sem var flutt við athöfnina og í veislunni á eftir.
Annað lag var flutt í brúðkaupi félaga hans. Því
má segja að framinn hafi orðið þónokkur þeg-
ar.
Ef listamaðurinn fengi að ráða gæti hann allt
eins hugsað sér að hafa tónlist að aðalstarfi.
„Þetta er svo ofboðslega skemmtilegt að það
jafnast fátt annað á við það,“ segir hann að
lokum. |ivarpall@mbl.is
Morgunblaðið/Kristinn
ÓTRÚLEGIR GALDRAR ÞEGAR
HLJÓÐFÆRIN SAMEINAST
ÓLAFI LÍÐUR BEST Í TÖLVUHERBERGINU, SEM ER
UM LEIÐ HLJÓÐVER. ÞAR ERU HLJÓÐFÆRIN OG
UPPTÖKUTÆKIÐ OG ÞAR EYÐIR HANN LÖNGUM
STUNDUM VIÐ TÓNSMÍÐAR OG UPPTÖKUR. HANN
NOTAST VIÐ RAFMAGNSGÍTAR, KASSAGÍTAR OG
HLJÓMBORÐ. TROMMUHLJÓÐIÐ FRAMKALLAR
HANN Í TÖLVUNNI EÐA MEÐ HLJÓMBORÐINU OG
BASSANN SPILAR HANN MEÐ RAFMAGNSGÍT-
ARNUM, EN UPPTÖKUTÆKIÐ BREYTIR HLJÓÐINU Í
BASSAGÍTARHLJÓÐ.
Í HEIMSÓKN HJÁ
ÓLAFI TEITI GUÐNASYNI
ÁHUGATÓNLISTARMANNI
ÞÚ VERÐU AÐ PRÓFA……………
4-in-1 Powder Foundation - Púðurfarða
Urban Decay púðurfarðinn er 4-í-1, hann er betri en nokkur annar sem við höfum séð.
1. Hann er púður - burstaðu honum á.
2. Hann er mattandi púðurfarði - notaðu hann þurran
3. Hann er háþekjandi farði - notið hann með blautum svampi
4. Hann er svo léttur að húðin ljómar af fegurð og ver hana
gegn öllum skaðlegum efnum í umhverfinu.
Púðuragnirnar eru húðaðar með grænmetispróteini, þannig að ekkert ólífrænt snertir húðina.
Púðuragnirnar eru mjög fínmalaðar, þannig að púðrið fær einstaklega mjúka áferð, það klessist ekki
og sest ekki í fínar línur eða hrukkur. Farðinn gefur húðinni fallegan ljóma, ekki púðraða grímu.
Púðrið er svo mjúkt að þú gætir haldið að það væri krem við fyrstu viðkomu.
Útsölustaðir: Snyrtivörudeildir Hagkaups Kringlunni, Skeifunni , Spönginni og Smáralind,
Snyrtihúsið Selfossi, Jara Akureyri, Silfurtorg Ísafirði, Callista Neskaupstað.
bíóvefur mbl.is
Kíktu á mbl.is
og fylgstu með hvað
er að gerast í bíó
•Upplýsingar
•Sýningartími
•Söguþráður
•Myndskeið