Morgunblaðið - 31.10.2003, Blaðsíða 2

2 | FÓLKIÐ | FÖSTUDAGUR 31|10|2003 MORGUNBLAÐIÐ
Guðjón Rúdolf: Sá maður sem kemur mér í
gott skap um þessar mundir er tónlist-
armaðurinn Guðjón Rúdolf, sem sendi frá
sér ómótstæðilega plötu á dögunum, Mini-
maniu – nokkrar leiðbeiningar í alþýðu-
tónlist fyrir byrjendur. Þar nýtur hann full-
tingis tónskáldsins Þorkels Atlasonar. Lagið
Minimania, sem er hið fyrsta á disknum, er
svo unaðslega létt og skemmtilegt. Gott ef
Guðjón flutti ekki svipað lag á skemmti-
staðnum 22 fyrir 7–8 árum, í beinni útsendingu í sjónvarpinu.
Þá kallaði hann sig Guðjón bak við tjöldin. En hvað um það,
þessi plata jaðrar við hreina snilld. Þeir félagar reyna sig við
ótal tónlistarstefnur og eru vel heima í þeim öllum. Frumleiki,
þor og súrrealismi blandast klassíkinni á einstæðan hátt. Ekki
oft sem maður sér ástæðu til að mæla með íslenskri alþýðu-
tónlist… Grant og Bullock: Á mánudaginn sá ég fram á að
hafa lítinn sem engan efnivið í þennan pistil.
Neyðarúrræði: Taka mynddisk. Ég skellti mér út á
leigu og gerði frantíska leit. Að lokum ákvað ég að
taka þá mynd sem síst væri líkleg til að falla í
kramið hjá mér. Það reyndist vera myndin Two
Weeks Notice, með Hugh Grant og Söndru Bull-
ock í aðalhlutverkum. Þoli hvorugt þeirra. Þessi
kvikmynd ætti eflaust að flokkast sem rómantísk
gamanmynd, en hún var ekkert sérstaklega róm-
antísk og sannarlega ekki fyndin. Ég brosti einu
sinni á þessum eina og hálfa klukkutíma. Sögu-
þráðurinn var klisjukenndur og einfaldur. Nið-
urstaða: Hin besta skemmtun… Plötudómur:
Blaðaði í nýjasta Uncut, með U2 á forsíðunni. Hafði lítinn áhuga á þeirri sveit, en rak hins vegar augun í dóm um
nýjustu plötu Davids Bowies, Reality. Fjórar stjörnur af fimm mögulegum. Ég hefði gefið fjórar og hálfa sjálfur,
enda er kallinn í betra formi en oftast áður. Þessi plata er í senn frumleg og kraftmikil, þar sem hljómsveit Bowies
er gríðarlega vel mönnuð og þétt. Í þessu sama tölublaði Uncut er dómur um nýjustu plötu tónlistarhetjunnar minn-
ar, Franks Blacks, fyrrum söngvara Pixies. Show Me Your Tears fær fjórar stjörnur líka. Verðskuldað, enda besta
plata hans í níu ár, síðan hann sendi frá sér meistaraverkið Teenager of the Year. Að síðustu rakst ég á 12 síðna
umfjöllun um Gram Parsons, snilldartónlistarmann sem Arnar Eggert vinur minn var að kynna fyrir mér. Parsons dó
fyrir 30 árum, aðeins 26 ára að aldri, úr of stórum skammti eiturlyfja. Vont að þurfa að syrgja hann núna, þegar
maður er loks að ná sér eftir sjálfsmorð Elliott Smiths í síðustu
viku… Fylkið: Sá þriðju og síðustu Matrix-myndina á miðvikudaginn og
varð ekki fyrir vonbrigðum. Mynd númer tvö hafði ekki verið í sama gæða-
flokki og hin fyrsta og þá sérstaklega „Scooter“-atriðið. Að slepptum gríð-
arlegum tæknibrellum er þriðja myndin afturhvarf til boðskapar/vanga-
veltna hinnar fyrstu, um frjálsan vilja mannsins og tilgang lífsins. Ekki spillti
VIP-salurinn, þótt skemillinn á hægindastólnum hafi verið helst til stuttur.
Ekki veigamikið umkvörtunarefni það. |ivarpall@mbl.is
Í góðu skapi með Guðjóni
FRÁ FYRSTU HENDI
FÓLKIÐ Pétur Blöndal pebl@mbl.is| Ívar Páll Jónsson ivarpall@mbl.is| Inga Rún Sigurðardóttir ingarun@mbl.is | Bryndís Sveinsdóttir bryndis@mbl.is |
Sæbjörn Valdimarsson saebjorn@mbl.is | Árni Matthíasson arnim@mbl.is
Nóttin var dimm og vindasöm. Rögnvaldur læknir var því engan veginn
viss um að þetta hefði verið skothvellur sem hann heyrði þegar hann
gekk upp heimreiðina að reisulegu einbýlishúsi í Mávanesi. Hann barði
að dyrum með dyrahamrinum, gylltu ljóni með tunguna út úr sér. Kona
kom til dyra, hún var föl og hélt á hráum þorski. Rögnvaldur hikaði: Ég
var beðinn um að koma fljótt, hér hefði orðið slys. Hann starði á kon-
una sem var klædd í græna regnkápu, froskalappir og með sundgler-
augu. Hún leit út eins og hún hefði verið að leika Gollúm. Nei, hér hefur
enginn slasast, sagði konan. Rögnvaldur mjakaði sér nær konunni og
reyndi að sjá inn…
Keðj
usag
an
Fyrsti hluti | eftir Katrínu Jakobsdóttur
Forsíðumyndina tók Árni Torfason af félögunum Erni Eyjólfssyni og
Gísla Sverrissyni. Ernir er tvítugur nemandi í Menntaskólanum í Kópa-
vogi á náttúrufræðibraut en Gísli er nítján ára á upplýsinga- og fjöl-
miðlafræðibraut í Borgarholtsskóla. Gísli er þessa dagana að hjálpa
Erni við að gera upp gamlan Saab, árgerð 86, og ætla þeir í sameiningu
að reyna að laga hann og koma honum á götuna. Tónlist er áhugamál
þeirra beggja en Gísli hefur líka gaman af að ferðast og gæti hugsað
sér að starfa í ferðaþjónustu í framtíðinni. Ernir stefnir hins vegar að
því að vinna við eitthvað sem tengist raungreinum.
Forsíðan
… að gríðarlegt sólgos, eitt
hið stærsta síðan vís-
indamenn fóru að fylgjast
með því fyrirbæri fyrir 25 ár-
um, myndi valda miklum
truflunum í segulsviði jarð-
ar. Vegna „óhagstæðra“
skilyrða vöruðu þær þó ekki
lengi.
… að þessir mánaðargömlu
Bengaltígrar hefðu, fyrstir
sinnar tegundar, fæðst í
dýragarði. Þeir snúa aftur
til foreldra sinna í Bangkok-
dýragarðinum þegar þeir
verða nógu gamlir.
… að góðvinur okkar af skján-
um, Jamie Oliver, myndi
hljóta MBE-orðuna í Bret-
landi. Drottningin veitti
honum orðuna í Buck-
ingham-höll á þriðjudaginn.
Kona Jamies, Jules, smellti
kossi á hann í tilefni af því.
Við vissum ekki fyrir viku ...
… að þessi demantur, sem er
103,83 karöt, yrði senn
boðinn upp hjá uppboðsfyr-
irtækinu Sotheby’s. Búist
er við því að hann seljist á
u.þ.b. átta milljónir dollara.
… að Asem al Masari, nem-
andi við Listaháskólann í
Colombia í Kanada, myndi
vefja samnemanda sinn,
Lukasz Gieranczyk, við
símastaur í miðborg Van-
couver, fyrir myndbands-
verkefni.
… að Beyoncé Knowles myndi
afhenda Michael Jackson
Mannúðarverðlaunin í Las
Vegas á mánudaginn.