Morgunblaðið - 31.10.2003, Blaðsíða 4
4 | FÓLKIÐ | FÖSTUDAGUR 31|10|2003 MORGUNBLAÐIÐ
Platan kom út í lok september í Bandaríkjunum. Hvernig hafa viðtökurnar verið?
„Bara fínar. Þetta mallar ágætlega.“
Hafið þið fylgt henni eftir?
„Við erum búnir að fara á einn túr, með Stereophonics. Við spiluðum á sex tónleikum, í
helstu borgunum, og héldum tvenna tónleika sjálfir. Svo erum við að fara á morgun [þar síð-
asta miðvikudag] að spila á CMJ-tónlistarhátíðinni í New York.“
Og hvað er svo framundan?
„Við ætlum að byrja á upptökum á næstu plötu um leið og við komum heim.“
Er ekki búið að vera hálfsvekkjandi að hafa ekki getað byrjað á því fyrr en núna?
„Jú, en við erum búnir að vera að vinna að nýju efni í nokkuð langan tíma. Við erum aðeins
byrjaðir að spila það á tónleikum og þetta er allt að koma. Meirihlutinn af lögunum sem við
spiluðum á Airwaves var nýr.“
Er nýja efnið betra en það gamla?
„Okkur finnst það að minnsta kosti. Þetta er þróun framávið.“
Hvenær stefnið þið á að það komi út?
„Það fer bara eftir því hvernig gengur. Við ætlum að taka okkur þann tíma sem við þurfum.
Við flýttum okkur dálítið síðast, rukum bara í stúdíóið og tókum upp, án þess að við sjáum
nokkuð eftir því.“
Hvernig var að spila á Airwaves núna, miðað við fyrir ári?
„Okkur fannst það eiginlega bara betra, því hljómsveitin er orðin svo miklu betri. Það hafa
orðið svolitlar breytingar á sveitinni, nýr trommari [Nói Steinn ] og Andri byrjaður aftur á hljóm-
borði. Við erum orðnir miklu þéttari hljómsveit.“
Er ekki alveg frábært að fá að vinna við það sem manni finnst skemmtilegast?
„Það er snilld. Algjör forréttindi.“
|ivarpall@mbl.is
Morgunblaðið/Kristinn
VI
Ð
FL
ÝT
TU
M
O
KK
UR
D
ÁL
ÍT
IÐ
S
ÍÐ
AS
T,
R
UK
UM
B
AR
A
Í S
TÚ
DÍ
ÓI
Ð
OG
T
ÓK
UM
U
PP
Haustið er tími litskrúðugra laufa. Haustið hefur líka verið tími Leaves, sem nýverið spilaði á
Airwaves og sendi frá sér plötuna Breathe í Bandaríkjunum. Í bígerð er plata með glænýju
efni. Drengirnir; Arnar Guðjónsson gítarleikari og söngvari, Arnar Ólafsson gítarleikari, Hall-
ur Hallsson bassaleikari, Andri Ásgrímsson hljómborðsleikari og Nói Steinn Einarsson
trommari sátu fyrir svörum.
LAUF AÐ HAUSTI