Morgunblaðið - 07.11.2003, Blaðsíða 27

LANDIÐ
MORGUNBLAÐIÐ FÖSTUDAGUR 7. NÓVEMBER 2003 27
Hveragerði | Tónlistarfélag Hvera-
gerðis og Ölfuss festi kaup á 5 millj-
óna króna Steinway-flygli haustið
1997 á kaupleigu til 7 ára. Nú eru
einungis tvær afborganir eftir, sú
fyrri er 1. mars 2004 og sú síðari 1.
sept. 2004. Flygillinn er í Hveragerð-
iskirkju og hefur það verið mikil
lyftistöng fyrir tónlistarlíf í Hvera-
gerði og nágrenni að hafa slíkan grip
í kirkjunni, sem einnig er mjög gott
tónleikahús. Það verður stór áfangi
þegar flygillinn er að fullu greiddur.
Félagar í tónlistarfélaginu eru afar
þakklátir öllum þeim sem hafa að-
stoðað við kaupin á flyglinum með
peningagjöfum og tónleikahaldi. Án
aðstoðar þeirra hefði ekki verið
mögulegt að fjármagna kaupin á
þessu frábæra hljóðfæri.
Næsta laugardag, hinn 8. nóvem-
ber, kl. 17 verða tónleikar í Hvera-
gerðiskirkju til styrktar flygilsjóði
tónlistarfélagsins.
Á tónleikunum koma fram Mar-
grét S. Stefánsdóttir, sópran, Jó-
hann Stefánsson, trompet, og Ester
Ólafsdóttir, píanó/orgel. Þau flytja
fjölbreytta efnisskrá, m.a. verk eftir
Bach, Scarlatti og Händel (verk fyrir
sópran og trompet) og sönglög eftir
Sigfús Einarsson og Pál Ísólfsson
(Ljóðaljóðin). Einnig mun Jóhann
flytja einleiksverk á trompet.
Unnendur góðrar tónlistar eru
hvattir til að mæta á tónleikana á
laugardaginn og slá tvær flugur í
einu höggi, hlýða á frábæra tónlist-
armenn og styrkja flygilsjóðinn.
Morgunblaðið/Margrét Ísaksdóttir
Jóhann og Margrét á æfingu í
Hveragerðiskirkju.
Styrktartón-
leikar í Hvera-
gerðiskirkju
Hvammstanga | Frumkvöðlasetur
ungs fólks í Húnaþingi vestra hélt
kynningarfund á Gauksmýri nýver-
ið, þar sem kynnt voru tvö af fjórum
verkefnum sem unnið er að um þess-
ar mundir.
Það er Hagfélagið ehf. sem annast
verkefnið og sagði Gudrun Kloes
framkvæmdastjóri frá starfseminni.
Sjö umsóknir bárust og hlutu fjögur
stuðning setursins; Fornbílasafn á
Hvammstanga – Sigurður Þór
Ágústsson; Rafræn markaðssetning
lamba- og hrossakjöts – Bárður Örn
Gunnarsson; Menningartengd ferða-
þjónusta á Vatnsnesi – Hrafnhildur
Víglundsdóttir og það fjórða í ferða-
tengdum geira, er það skemmst á
veg komið.
Stuðningaðilar verkefnisins eru
Húnaþing vestra, samgöngu-
ráðuneytið, forsætisráðuneytið,
Framleiðnisjóður landbúnaðarins,
Mjólkursamsalan, Kaupfélag Vest-
ur-Húnvetninga, Sparisjóður Húna-
þings og Stranda og Forsvar ehf.
Sigurður Þór Ágústsson sagði frá
hugmyndum um fornbílasafn. Reisa
á brú milli fortíðar og nútíðar með
safni á Hvammstanga, varðveisla
fornbíla, upplýsingamiðlun, sér-
kenni ófaglærðra og sérviturra, sem
sett hafa svip á ferilinn, ná samstarfi
við sambærileg söfn, skiptisýningar,
varahluta- og verkmiðlun, svo eitt-
hvað sé nefnt úr hugmyndabanka
Sigurðar Þórs. Safnið yrði kærkom-
ið aðdráttarafl í ferðaþjónustu hér-
aðsins. Nú þegar hafa Sigurður og
Ágúst faðir hans viðað að sér
nokkru af safngripum. Til greina
kemur að tengjast formlega
Safnasafninu á Svalbarðseyri.
Bárður Örn Gunnarsson, nemi á
Bifröst, er frá Hvanneyri. Vann
hann verkefni sitt með Kaupfélagi
Vestur-Húnvetninga og skilgreinir
möguleika á rafrænni markaðs-
setningu afurða, einkum lambakjöts
og hrossakjöts, til stærri kaupenda á
erlendum markaði. Fimm sláturhús
hafa leyfi á Evrópu- og Japansmark-
aði, þar af fjögur hafa leyfi á Banda-
ríkjamarkað. Séu skoðaðar heima-
síður þessara sláturhúsa, kemur í
ljós að afar litlar líkur eru á að kaup-
endur finni vöru eða sambönd í kjöt-
viðskiptum eftir þeirri leið. Bárður
Örn bendir á raunhæfar leiðir til nú-
tíma viðskiptasambanda á rafrænan
hátt og hvatti hann KVH til að taka
upp þráðinn og hrinda nútímamark-
aðsstarfi í framkvæmd.
Fundargestir þökkuðu fyrir fróð-
lega og skemmtilega framsetningu
og í lokin sagði Guðrún Kloes að hún
vænti þess að stuðningur fengist um
áframhaldandi rekstur Frum-
kvöðlasetursins. Gestir fundarins
auk heimamanna komu m.a. frá Við-
skiptaháskólanum á Bifröst, Anvest
og Nýsköpunarsjóði á Akureyri.
Morgunblaðið/Karl Á. Sigurgeirsson
Frumkvæði: Stjórn Frumkvöðlaseturs ungs fólks og styrkþegarnir. Frá
vinstri Björn Elíson, Gudrun H. Kloes, Björn L. Traustason, Elín Jóna Rós-
inberg, ásamt Sigurði Þór Ágústssyni og Bárði Erni Gunnarssyni.
Af fornbílasafni og rafrænni
markaðssetningu kjöts