Morgunblaðið - 14.11.2003, Blaðsíða 18

18 | FÓLKIÐ | FÖSTUDAGUR 14|11|2003 MORGUNBLAÐIÐ
Fyrri heimsstyrjöldin
stendur sem hæst. Breska
sóknarlínan að búa sig
undir allsherjarárás á
þýsku skotgrafarhermenn-
ina sem eru henni erfiður
ljár í þúfu. Charlie Shake-
speare (Jamie Bell), ungur
og óttasleginn nýliði, pauf-
ast inn á martraðarkennd-
an vígvöllinn. Annar og
reyndari hermaður segir
við hann: „Velkominn til
vítis, óbreyttur Shake-
speare!“ Þannig hefst
breska stríðshrollvekjan
Deathwatch eða Dauða-
vaka, eftir Michel J.
Bassett, sem er frumsýnd
um helgina.
Velkominn til vítis!
DAUÐINN Í SKOTGRÖFUNUM
Skyndilega brestur á stórskotahríð, Shake-
speare langar mest til að taka til fótanna… Þoka
hellist yfir svæðið og gerir það enn draugslegra.
Einhver hrópar: „Eiturgas!“, hermennirnir hrynja
niður á meðan þeir eru að setja á sig gasgrím-
urnar.
Shakespeare og örfáir til viðbótar sleppa lífs af
úr hildarleiknum um sinn, umvafðir þessari dul-
arfullu þoku. Þeir handsama þrjá Þjóðverja. Einn
þeirra sleppur, annar er skotinn til bana, en sá
þriðji er tekinn til fanga, vitstola af hræðslu. Hann
biður þá að forða sér áður en allir verði murkaðir
niður! Bretarnir fara að kanna skotgrafirnar og
komast að því að þær eru fullar af líkum limlestra
þýskra hermanna með skelfingarsvip meitlaðan á
hroðalega leiknum andlitunum. Eitthvað hryllli-
legt sem ekki er af þessum heimi er á kreiki í púð-
urreyk- og eiturgasblandaðri þokunni…
Dauðavaka ber einkenni afþreyingarmyndar
þar sem fléttað er saman hrollvekju og ógnum
skotgrafahernaðarins. Báðir þættirnir ámóta
skelfilegir þótt ólíkir séu. Annar yfirnáttúrulegur
hinn sprottinn beint úr köldum raunveruleik-
anum. |saebjorn@mbl.is
FRUMSÝNT
KEÐJUSAGA KEÐJU-
SAGARMORÐINGJANS
Fyrsta myndin um Keðjusagarmorðingjann í
Texas er sígildur blóðhrollur, frægur fyrir grodda-
legri og blóðugri efnistök en áður þekktust.
Myndin naut einstæðra vinsælda og aflaði sér
„cult“-fylgis sem hún býr að enn. Hún kostaði
smáaura, eða um 150 þúsund dali, en hefur
önglað inn á annað hundrað milljónir í sama
gjaldmiðli. Myndin er sett upp á hátíðarsýningum
víðs vegar um heiminn og Íslendingnum Gunnari
Hansen boðið, en hann lék Leðurfés. Leikstjór-
inn Tobe Hooper vakti eftirtekt í kvikmyndaborg-
inni og sjálfur Steven Spielberg réð hann til að
stjórna Poltergeist (’82), mun smekklegri og al-
veg framúrskarandi hrolli.
Hooper stóðst freistinguna til ársins 1984, þá
réðst hann í gerð framhaldsmyndar um „Leð-
urfés“ og nefnist hún einfaldlega The Texas
Chainsaw Massacre 2. Dennis Hopper er í aðal-
hlutverki lögreglustjóra, en ævintýrið endurtók
sig ekki – myndin féll. Þeirri þriðju, Leatherface:
Texas Chainsaw Massacre III (’90), vegnaði ekk-
ert betur en versta útreið fékk fjórða innleggið í
bálkinn, Return of the Texas Chainsaw Massacre
(’94). Hún er þó minnisstæð þar sem Texasbú-
arnir Renée Zellweger og Matthew McConaughey
spreyttu sig í sínum fyrstu aðalhlutverkum. Mjór
er mikils vísir.
Þá var samnefndur tölvuleikur settur á mark-
aðinn á 10. áratugnum; tvær sjónvarpsmyndir
hafa komið fram í dagsljósið og nú eru sýningar
hafnar á nýjustu endurgerðinni í íslenskum kvik-
myndahúsum eftir góðar viðtökur, sem komu
nokkuð á óvart vestan hafs.
BLÓÐUG AFSPRENGI
Þrátt fyrir misjafnt gengi framhaldsmynd-
anna naut fjöldi eftirapana frummyndarinnar
umtalsverðra vinsælda. Keðjusagarmorðinginn
varð sígild og forveri „splatter“-mynda – hroll-
vekna þar sem blóðið flýtur ómælt, saklaust
fólk lendir í geðbiluðum morðhundum. Það er
limlest og í sumum tilfellum leggja slátrararnir
kjöt þess sér til munns. Yfirhöfuð er þessi
myndbálkur ógeðfelldar B-myndir og illa mann-
aðar. Hann jók talsvert vinsældir sínar með til-
komu myndbanda og hefur fest sig í sessi.
Þekktasta afsprengi Keðjusagarmorðingjans
í Texas er 10 mynda bálkur sem lengst af var
kenndur við þá fyrstu, Friday the 13th (’80).
Framleiðsla hennar hófst 1976, í kjölfar
Keðjusagarmorðingjans. Önnur feikivinsæl
myndaröð í sama anda hófst 1984 með A
Nightmare on Elm Street. Hún ól af sér 6 af-
kvæmi sem áttu sameiginlegan Freddy Krueg-
er með sínar flugbeittu drápsklær. Síðan hefur
hefðin lifað góðu lífi í myndaflokkum á borð
við I Know What You Did Last Summer, Urban
Legend og ekki síst Scream, sem er hug-
arfóstur Cravens.
Í nýrri endurgerð Keðjusagarmorðingj-
ans í Texas (The Texas Chainsaw
Massacre) teppast ungmenni í af-
viknum smábæ í Texas og lenda í
átökum upp á líf og dauða. Marcus
Nispel stýrir blóðslettunum á tjaldinu
um helgina. |saebjorn@mbl.is
„LEÐURFÉSIГ
VERÐUR TIL
Í ágústmánuði árið 1973 var lög-
reglan kvödd að yfirgefnu bóndabýli
Texasbúans Thomasar Hewitt, fyrr-
um yfirfláningarmanns sláturhússins
á staðnum. Við leitina í dularfullum
húsakynnum mannsins, komu í ljós
illa farnar líkamsleifar 33 fórn-
arlamba. Aukinheldur bentu vegs-
ummerki eindregið til þess að illvirk-
inn legði sér mannakjöt til munns.
Fundurinn fyllti þjóðina skelfingu og
almennt er Hewitt talinn illræmdasti
fjöldamorðingi Bandaríkjanna – þótt
af nógu sé að taka. Í drápsæðinu bar
hann jafnan hroðalega andlitsgrímu
gerða úr skinni fórnarlambanna, og
fékk fyrir vikið viðurnefnið „Leð-
urfés“.
FRUMSÝNT
LEÐURFÉSIÐ snýr aftur