Morgunblaðið - 27.11.2003, Blaðsíða 12
12 B FIMMTUDAGUR 27. NÓVEMBER 2003 MORGUNBLAÐIÐ
NVIÐSKIPTI Nútíma samskipti ehf. bjóða til ráðstefna
um ACT! CRM/Viðskiptatengslahugbúnað
þann 27. nóv. 2003 kl. 13:30 á Radison Hótel Sögu,
þar sem sérstaklega verður hugað að þörfum sölumanna/söludeilda
í litlum til stærstu fyrirtækja.
Dagskrá:
13:00-13:30 Skráning ráðstefnugesta - létt tónlist.
13:30-13:45 Ráðstefnan sett: Ráðstefnustjóri okkar verður Sólveig Hjaltadóttir,
markaðsstjóri Alþjóða líftryggingafélagsins.
13:45-14:05 Geir A. Gunnlaugsson forstjóri Sæplasts fjallar um mikilvægi ACT! CRM
hjá stórfyrirtækjum sem hafa starfsemi í mörgum heimsálfum.
14:05-14:25 Ármann Úlfarsson starfsmaður Vélasölunnar fjallar um hugmyndafræðina
á bak við stýringu söluferla frá því að markhópur er skilgreindur, samskipti
hefjast, sala næst, og að lokum eftirfylgni.
14:25-14:45 Sigurður Örn Levy sölustjóri hjá Lánstrausti fjallar um reynslu þeirra
af stýringu söluferla með ACT! CRM - Dæmi og skýrslur sýndar og útskýrðar.
14:45-15:05 Kaffi - Létt lifandi tónlist.
15:05-15:25 Skúli Skúlason forstöðumaður fjölmiðlavaktar IMG - Fjölmiðlavaktin fjallar
um ACT! CRM/Viðskiptatengslakerfi er þeir hafa notað í átta ár.
15:25-15:45 Karvel Hreiðarsson sölu- og markaðsstjóri fjallar um verkefnastýringu
sölumanna/söludeilda og mikilvægi þess að blanda ekki saman
markaðsgögnum og bókhaldsgögnum.
15:45-16:15 Hermann Valsson framkvæmdastjóri fjallar um þær einingar sem
byggja upp árangursrík ACT! CRM/Viðskiptatengslakerfi. Farið verður í
gegnum öflun markhópa, skilgreiningu þeirra, skipulagingu sölu- og kyn-
ningarherferðir. Eftirfylgni og úrvinnslu langtímasöluáætlana.
16:15-18:00 Panelumræður, ráðstefnuslit og léttar veitingar - Létt lifandi tónlist -
Sýning á ACT! CRM/Viðskiptatengslahugbúnaði.
Ráðstefnugestir fá markhópalista með nöfnum 50 stærstu fyrirtækja landsins, kynningareintak
af ACT! CRM/Viðskiptatengslakerfi og ýmsan aukahugbúnað til að létta markaðssókn.
Þátttökugjald er 6.500.
Tilkynnið þátttöku í síðasta lagi þriðjudaginn 25. nóvember 2003
með tölvupósti á nutima@nutima.is
Nánari upplýsingar í síma 553 7300
Hver er raunveruleg staða
sölumála og söluferla
hjá þínu fyrirtæki?
www.nutima.is
ÞÆR raddir heyr-
ast oft að á Íslandi
séu aðeins þrjár
greinar sem skipta
einhverju máli vegna
vægis þeirra í öflun
útflutningstekna, þ.e.
sjávarútvegur, orku-
frekur iðnaður og
ferðaþjónusta. Þá er
sjávarútvegur gjarnan
talinn leiðandi grein.
Þetta viðhorf end-
urspeglar þrálátan
misskilning um mikil-
vægi einstakra greina
fyrir verðmætasköp-
unina, bæði vegna
örra breytinga á hag-
kerfinu en ekki síst
vegna þess að efna-
hagsstarfsemi á Ís-
landi fer nú að miklu
leyti fram á alþjóðleg-
um markaði. Í þessari
grein er leitast við að
leiðrétta þann mis-
skilning.
Fjölbreyttari
atvinnustarfsemi
Þegar nýleg gögn eru
skoðuð fer ekki á milli
mála að íslenska hag-
kerfið hefur tekið stakkaskiptum
undanfarin ár. Hagvöxtur hefur
aukist og uppsprettu hans er að
finna í fjölbreyttari atvinnustarf-
semi en áður.
Ástæðurnar fyrir þessari um-
byltingu eru margþættar en tengj-
ast fyrst og fremst breyttu starfs-
umhverfi fyrirtækja og vinnandi
fólks. Þátttaka Íslands í samningn-
um um Evrópska efnahagssvæðið,
sem nú nær til sautján þjóða Vest-
ur-Evrópu, jók frjálsræði í flæði
vöru, þjónustu, vinnuafls og fjár-
magns á svæðinu. Við það varð
markaðsstarfsemi hérlendis virk-
ari og fyrirtækin sem brugðust
rétt við aukinni samkeppni styrkt-
ust í kjölfarið. Einkavæðing rík-
isstofnana ásamt lagfæringum á
skattkerfinu styrkti einnig stoðir
fyrirtækjarekstrar á Íslandi. Síð-
ast en ekki síst hafa stóriðjufram-
kvæmdir sett svip á uppbyggingu
efnahagslífsins undanfarin ár og
munu gera það í auknum mæli á
komandi árum.
Í iðnaði hafa áhrifin komið fram
með velgengni stórfyrirtækja á
borð við Pharmaco, Össur, Med-
care/Flögu, Marel og Íslenska
erfðagreiningu á sviði lyfja, lækn-
ingatækja, tölvustýrðra fram-
leiðslutækja, líftækni og upplýs-
ingatækni. Hátæknigreinar iðnað-
ar hafa verið í mikilli sókn og
hlutdeild þeirra í heildariðnfram-
leiðslu hefur aukist úr um 13% í
20% undanfarin fimm ár, sem er
mjög jákvæð þróun, en slíkar
greinar skapa mikil verðmæti og
þar með vel launuð störf. Þá hefur
þjónustustarfsemi ýmiss konar
einnig verið í mikilli sókn. Íslenska
hagkerfið er nú orðið mun áþekk-
ara því sem þekkist umhverfis
okkur.
Þrátt fyrir þessa umbyltingu
hagkerfisins aðhyllast sumir Ís-
lendingar enn þá skoðun að það sé
aðallega fiskurinn úr hafinu sem
skapi hin raunverulegu verðmæti
fyrir þjóðarbúið. Fyrir þessum
misskilningi virðast vera tvær
meginástæður.
Um uppsprettu
verðmætanna
Fyrst má nefna þá sem trúa að
verðmæti myndist aðeins af nátt-
úrunnar hendi. Verk mannanna er
aðallega að
sækja og vinna
þau verðmæti,
t.d. með fiskveið-
um, gullgreftri,
kornrækt, smöl-
un fjár til slátr-
unar, beislun
vatnsaflsorku til
málmbræðslu
eða flutningi er-
lendra ferða-
manna til að
njóta landsins.
Þótt verðmæti
verði vissulega
til við þessar at-
hafnir er rangt
að nota það til að útskýra hagvöxt-
inn. Slíkar ranghugmyndir má
rekja aftur til 18. aldar í Frakk-
landi og nefndust „búauðgistefna“.
Landbúnaður var talinn hin raun-
verulega uppspretta auðæfa. Til að
tryggja fjárhirslum konungs stöð-
ugar og traustar tekjur þurfti að
hlúa sérstaklega að þeirri grein.
Þar sem aðrar greinar mannlegrar
starfsemi voru ekki taldar skapa
raunveruleg verðmæti, að þær
væru nokkurs konar afætur þeirra
verðmæta sem sköpuðust í land-
búnaði, var ekki talin þörf á að
tryggja starfsemi þeirra heppileg
starfsskilyrði. Enn eru einhverjir
hérlendis sem aðhyllast það sem
kalla má „fiskauðgistefnu“ og
álykta að ekki þurfi að huga sér-
staklega að starfsskilyrðum fyr-
irtækja í öðrum greinum eins og
iðnaði eða þjónustu.
Sem betur fer eru slíkar rang-
hugmyndir á undanhaldi. Nú skilja
sífellt fleiri að verðmæti myndast í
efnahagsstarfsemi hvaða nafni
sem hún kann að nefnast. Eina
skilyrði fyrir verðmætasköpun er
að starfsemi einstaklinga eða fyr-
irtækja nýti vinnukraft, þekkingu,
hráefni eða tæki til að framleiða
vöru eða þjónustu sem hægt er að
selja með hagnaði. Þá gildir einu
hvort hráefnið er fiskur, hveiti,
sement, olía eða rafmagn, hvort
vinnukrafturinn er vel eða lítið
menntaður og framleiðslutækið
veiðiskip, ofn, steypubíll eða tölvu-
stýrð vél. Afurðin þarf aðeins að
vera vara, þjónusta eða verðmæti
sem aðrir eru reiðubúnir að borga
fyrir á verði sem gerir betur en að
borga fyrir framleiðslukostnaðinn.
Munurinn á kostnaði og söluverði
framleiðslunnar er þá verðmætið
sem starfsemin skilar. Mikill hag-
vöxtur á Írlandi undanfarin ár hef-
ur byggst á því að flytja inn hrá-
efni og fjárfestingarvöru til að
framleiða fullunnar vörur til út-
flutnings.
Eftirspurn mætt
Jafnvel enn mikilvægara er að átta
sig á að þau fyrirtæki sem mynda
verðmæti með því að mæta eft-
irspurn á markaði eru að byggja
upp framleiðslu-, markaðs- og við-
skiptaþekkingu sem er forsenda
aukinnar þátttöku á alþjóðamark-
aði. Þekkingin, sem þar verður til,
er grundvöllur aukinnar verð-
mætasköpunar með mannviti og
tækninýjungum þar og í öðrum
fyrirtækjum í sama geira og jafn-
vel í fyrirtækjum í öðrum geirum,
en starfsmenn færast gjarnan milli
fyrirtækja. Þjóðhagslegt verðmæti
markaðsfyrirtækja er því oft
meira en verðmætasköpuninni ein
og sér sem fer fram innan veggja
þeirra, vegna þess að þau hafa já-
kvæð áhrif á árangur efnahags-
starfsemi þjóð-
félagsins. Það
getur því verið
eðlismunur á
starfsemi fyrir-
tækja sem
stjórnast af eft-
irspurn og
þeirra sem
stjórnast af
veðurfari og
aflabrögðum í
verðmætasköp-
un þjóðfélags-
ins. Um þessar
mundir eru fyr-
irtæki í sjávar-
útvegi, sem
hafa háþróaða framleiðslutækni,
að verða meðvitaðari um þörfina á
að láta eftirspurn á markaði leiða
vöruþróunina í meira mæli en afla-
brögð. Það er afar jákvæð þróun.
Skipting verðmætasköpunar
Mynd 1 sýnir hlutdeild einstakra
atvinnugreina í verðmætasköpun
þjóðarbúsins. Þar sést að iðnaður
gegnir lykilhlutverki sem mörgum
yfirsést. Nær fjórðungur lands-
framleiðslunnar verður til í iðnaði,
sem er næstum helmingi meira en
framlag sjávarútvegs. Þá eru op-
inber þjónusta og fjármála- og
önnur þjónusta með um fimmta
hlut hvor en verslun, veitinga-
rekstur og hótel og samgöngur
með tæpan fimmta hlut. Í iðnaði er
að finna eitt af hverjum fimm
störfum í þjóðfélaginu. Aðrar hag-
tölur um iðnaðinn má finna á vef-
setri Samtaka iðnaðarins (si.is).
Önnur og betur grunduð ástæða
fyrir ofurtrú sumra á fiskveiðum
og -vinnslu er stór hlutur sjávaraf-
urða í öflun útflutningstekna. Við
þurfum útflutningstekjur til að
greiða fyrir innflutta neysluvöru
Nýja hagkerfið
Íslenska hagkerfið hefur tekið stakkaskiptum undanfarin ár. Hagvöxtur
hefur aukist og uppsprettu hans er að finna í fjölbreyttari atvinnu-
starfsemi en áður, skrifar Þorsteinn Þorgeirsson. Efnahagsstarfsemin
fer að hans sögn að miklu leyti fram á alþjóðlegum markaði.
& !
' ()
* %+ ', -)
.%/ ' 0)
1
2 3)
45
%" ( ()
6 7 2)
" 0 ()
% '0 ()
- 2)
*//
%
'3 7)
8!
,' ')
&
!
Þorsteinn Þorgeirsson
Einkavæðing ríkisstofnana ásamt lagfæringum á skattkerfinu er meðal
þeirra atriða sem hafa styrkt stoðir fyrirtækjarekstrar á Íslandi.
..................
Þ á t t t a k a Í s l a n d s í
s a m n i n g n u m u m
E v r ó p s k a e f n a h a g s -
s v æ ð i ð j ó k f r j á l s -
r æ ð i í f l æ ð i v ö r u ,
þ j ó n u s t u , v i n n u a f l s
o g f j á r m a g n s á
e f n a h a g s s v æ ð i n u .
..................