Morgunblaðið - 11.02.2004, Qupperneq 20

SUÐURNES
20 MIÐVIKUDAGUR 11. FEBRÚAR 2004 MORGUNBLAÐIÐ
Frummælendur flytja erindi í 15 mín. hver:
Árni Sigfússon bæjarstjóri.
Upplýsingamiðstöðin og ferðamál í Reykjanesbæ.
Reynir Sveinsson formaður SSS.
Hvernig á að auka ferðamennsku á Suðurnesjum?
Ómar Smári Ármannsson lögreglumaður.
Gönguleiðir, saga og minjar.
Kjartan Lárusson ráðgjafi.
Markaðsskrifstofur ferðaþjónustunnar.
Anna Sverrisdóttir aðstoðarfrkvstj.
Bláa Lóninu. Uppbyggingin í Bláa Lóninu.
Fyrirspurnir í 20 mín.
Pallborð:
Árni Sigfússon bæjarstjóri Reykjanesbæ.
Ólafur Örn Ólafsson bæjarstjóri Grindavík.
Sigurður Jónsson bæjarstjóri Garði.
Reynir Sveinsson forseti bæjarstjórnar Sandgerði.
Jón Gunnarsson alþm. og oddviti Vatnsleysustrandarhreppi.
Guðjón Guðmundsson framkvstj. SSS.
Ráðstefnustjórar: Kristján Pálsson formaður
Ferðamálasamtaka Suðurnesja
og Guðbjörg Jóhannsdóttir atvinnuráðgjafi SSS.
Ferðamálaráðstefna
Hvert stefnir í ferðaþjónustunni á Reykjanesi?
Ferðamálasamtök Suðurnesja og Samband sveitarfélaga á Suðurnesjum boða
til fundar um ferðamál föstudaginn 13. febrúar 2004.
Ráðstefnan verður haldin í Eldborg, Svartsengi, frá kl. 13.30 til kl. 17.00.
Allir velkomnir.
Fundarboðendur.
Anna Sverrisdóttir
aðstoðarframkvstj.
Ómar S. Ármannsson
lögreglumaður.
Reynir Sveinsson
formaður SSS.
Árni Sigfússon
bæjarstjóri.
Reykjanesbær | „Þetta er alveg meiriháttar
skemmtilegt, rosalega gaman, bara alveg geð-
veikt,“ voru lýsingarorð sem meðlimir stúlkna-
hljómsveitarinnar Kókoz létu falla, aðspurðir
um hvernig þeim fyndist að spila í rythma-
hljómsveit. Stúlkurnar, sem eru átta talsins, eru
allar nemendur í Tónlistarskóla Reykjanes-
bæjar.
Helmingur sveitarinnar er í fiðlunámi, tvær
eru að læra á þverflautu, ein á píanó og ein á
básúnu og baritonhorn. Morgunblaðið kíkti á
æfingu eitt fimmtudagssíðdegi á sal tónlistar-
skólans.
Í Tónlistarskóla Reykjanesbæjar hefur verið
boðið upp á samspilskennslu í fimm ár og fer
Eyþór Kolbeins samspilskennari fyrir henni.
Hljómsveitirnar sem myndaðar hafa verið í tím-
unum hafa verið æði misjafnar. Sérstaða
stúlknahljómsveitarinnar Kókoz er ekki síst sú
að hún hefur slegið í gegn utan skólans og er
mjög eftirsótt á hinum ýmsu skemmtunum.
„Það hefur bæði kosti og ókosti,“ sagði Eyþór
í samtali við blaðamann. „Kostirnir eru auðvitað
þeir að stelpurnar þjálfast í að koma fram en
ókostirnir eru þeir að það er mikil vinna í kring-
um svona sveit, svo sem hljóðfæraburður, og
það eru foreldrar þeirra sem eru rótarar. Sjálf-
ur er ég líka alltaf á staðnum þegar þær eru að
spila, svo það er margt sem hangir á spýtunni,“
sagði Eyþór.
Stúlkurnar bæta við að þær séu að safna sér
fyrir tíma í hljóðveri. „Já, þær fá að sjálfsögðu
greitt fyrir að koma fram og innkomuna leggja
þær fyrir. Stefnan hefur verið sett á að komast í
hljóðver í vor og ef það gengur eftir munu þær
fá víðtækari reynslu en samspilssveitirnar hér
hafa öðlast hingað til.“
Lunkinn lagasmiður í hópnum
Kókoz er bræðingur tveggja sveita sem urðu
til í samspilskennslu síðastliðinn skólavetur.
Fiðlunemarnir voru upphaflega í þjóðlagabandi
en hinar stúlkurnar fjórar voru í rythmabandi.
Þá síðarnefndu vantaði hins vegar fyllingu og
því var þeim steypt saman í eina. Kókoz kom
fyrst saman á vortónleikum skólans í fyrra og
náði strax eyrum fólks. Þær komu m.a. fram við
afhendingu Nýsköpunarverðlaunanna í fyrra og
hafa skemmt Suðurnesjamönnum við hin ýmsu
tækifæri, stór sem smá.
Stúlkurnar sögðu í samtali við blaðamann að
einn af stærstu kostunum við samspilið í Kókoz
væri frjálsræðið sem þar ríkti og ein þeirra
bætti við að það væri kærkomin tilbreyting frá
hinu klassíska námi. Það vakti athygli hinna
hversu vel mælt þetta var, en flestar leggja þær
klassísku hljófærin til hliðar og munda önnur,
svo sem trommur, bassa, gítar og ýmis áslátt-
arhljóðfæri, auk þess sem ein spreytir sig í
söng. Söngkonan Marína Ósk er líka lunkinn
lagasmiður og nýtur hljómsveitin að sjálfsögðu
góðs af því. Í því liggur líka annars styrkur
sveitarinnar, sem á eflaust eftir að fleyta þeim
áfram á braut velgengninnar og vinsældanna.
Stúlknahljómsveitin Kókoz, sem varð til í tíma í Tónlistarskóla Reykjanesbæjar, nýtur vinsælda
Morgunblaðið/Svanhildur Eiríksdóttir
Vinsæl stúlknahljómsveit: Hljómsveitin Kókoz er skipuð átta stúlkum, þær eru allar á vinstri myndinni, Harpa Jóhannsdóttir, bassi, Edda Rós Skúladóttir, gítar og fiðla, Camilla Petra Sigurð-
ardóttir, fiðla og ásláttarhljóðfæri, Guðrún Harpa Guðmundsdóttir, fiðla og ásláttarhljóðfæri, Berglind Ýr Kjartansdóttir, trommur, Valgerður Björk Pálsdóttir, fiðla og gítar, Stefanía Helga
Stefánsdóttir, hljómborð, og Marína Ósk Þórólfsdóttir, gítar, söngur og lagasmíðar. Á myndinni til hægri eru Guðrún Harpa, Camilla Petra og Harpa einbeittar á hljómsveitaræfingu.
Morgunblaðið/Svanhildur Eiríksdóttir
Eru að safna fyrir tíma í hljóðveri
Keflavíkurflugvöllur | Farþegum um Flugstöð Leifs Eiríkssonar fjölgaði í
janúarmánuði um 13 þúsund, eða tæplega 21%, frá sama mánuði á síðasta ári.
Í janúar 2002 fóru rúmlega 61 þúsund gestir í gegnum flugstöðina en 74 þús-
und í nýliðnum mánuði.
Fjölgun farþega til og frá Íslandi nemur rúmlega 19% milli ára. Farþegum
sem millilenda hér á landi á leið yfir Norður-Atlantshafið fjölgar hlutfallslega
enn meira eða um 28%. Farþegafjöldi í janúarmánuði hefur ekki verið svo
mikill frá því mælingar hófust, að því er fram kemur í fréttatilkynningu frá
Flugstöð Leifs Eiríkssonar.
Aldrei fleiri farþegar
Morgunblaðið/Árni Sæberg
Keflavík | Grjótið í Grundarfirði er
heiti sýningar á verkum eftir Árna
Johnsen sem opnuð verður í Gryfj-
unni í Duushúsum í Keflavík næst-
komandi laugardag. Verið er að gera
salinn upp sem sýningarsal fyrir
Byggðasafn Reykjanesbæjar og
verður gert hlé á framkvæmdum
meðan á sýningu Árna stendur.
Á sýningu Árna verða tæplega
fjörutíu verk sem unnin eru úr grjóti
frá Grundarfirði, stáli og ýmsu öðru
efni. Sýningin verður opnuð laugar-
daginn 14. febrúar klukkan 15.
Þriðji salurinn
Unnið hefur verið að lagfæringum
fiskhúsanna sem kennd eru við Duus
og uppbyggingu menningarmið-
stöðvar í þeim. Bátasafn Gríms
Karlssonar hefur einn sal til afnota
og Listasafn Reykjanesbæjar ann-
an. Gryfjan er þriðja húsið sem tekið
er fyrir. Þar var áður fiskmóttaka
með stórri slorgryfju og er salurinn
nefndur eftir henni.
Á tíu ára afmælisdegi Reykjanes-
bæjar, hinn 11. júní næstkomandi,
opnar Byggðasafn Reykjanesbæjar
sýningu í Gryfjunni í tilefni af 25 ára
afmæli safnsins og á endurgerð sal-
arins að ljúka fyrir þann tíma.
Áformað er að sýningin standi í eitt
ár.
Búið er að steypa gólf í Gryfjuna
og klæða og einangra loftið. Hlé
verður gert á framkvæmdum á með-
an Árni Johnsen sýnir verk sín. Val-
gerður Jóhannsdóttir, menningar-
fulltrúi Reykjanesbæjar, segir að
eftir sé að gera upp annan endavegg
Gryfjunnar en það er gaflinn á Bíó-
húsinu sem þar stendur. Það hús er
meira en eitt hundrað ára gamalt og
er því háð húsafriðunarákvæðum.
Hún segir að tekið verði til við það
verk að sýningu Árna lokinni.
Þegar endurgerð Gryfjunnar lýk-
ur eru tvö elstu húsin í Duushúsa-
röðinni eftir, Bíóhúsið og Bryggju-
húsið. Valgerður segir að mikið átak
verði að koma þeim í sitt fyrra horf.
Unnið að endurgerð Gryfjunnar
Grjótið: Árni Johnsen vinnur að einu verka sinna.
Árni Johnsen sýnir
Grjótið úr Grundarfirði