Lesbók Morgunblaðsins - 23.03.2002, Blaðsíða 13

LESBÓK MORGUNBLAÐSINS ˜ MENNING/LISTIR 23. MARS 2002 13
LISTAMAÐURINN Christo, sem
m.a. er þekktur fyrir að hafa
pakkað Reichstag, þinghúsinu í
Berlín, í silfurlitt efni hefur nú
hug á að klæða göngustíga
Central Park-garðsins í New
York í saffrangult klæði.
Hugmyndina fengu þau
Christo og Jeanne Claude fyrst
árið 1979 og þó henni hafi verið
hafnað af borgaryfirvöldum New
York-borgar árið 1981 hafa þau
aldrei gefist upp á hugmyndinni.
Heppnin kynni hins vegar að
vera með þeim nú, en núverandi
borgarstjóri Michael R. Bloom-
berg var í hópi þeirra sem studdu
hugmyndina á sínum tíma.
Bloomberg hefur þegar hleypt
listgreinum lengra inn í garðinn
en áður hefur verið gert í
tengslum við Whitney-tvíæring-
inn sem nú stendur yfir. En borg-
aryfirvöld eru staðráðin í að
beita öllum brögðum við að auka
ferðamannastraum til borg-
arinnar að nýju eftir árásirnar
11. september.
Christo þarf þó að sannfæra
fleiri en borgarstjórann til að fá
hugmynd sinni framgengt, en til-
lögur hans gera ráð fyrir 11.000
ferhyrndum stálhliðum í gegnum
garðinn sem ofan á væri lagður
renningur af saffrangulu efni, og
býr verkið að mati listamannsins
yfir viktoríönskum eiginleikum.
Yfirlitssýning á
verkum Morisot
BERTHE Morisot var mágkona
Manet, en jafnframt listamaður
sjálf sem og lærisveinn Manet.
Verk Morisot eru þessa dagana
til sýnis í Palais des Beaux Arts
safninu í Lille í Frakklandi og er
það fyrsta einkasýningin á verk-
um listakonunnar í yfir 100 ár.
Listfræðingar sem sérhæft
hafa sig í feminískri listasögu
hafa undanfarið beint athygli
sinni að Morisot, og á listakonan
að mati gagnrýnanda Daily Tele-
graph athyglina að fullu skilið.
Morisot hafi ekki bara verið læri-
sveinn Manets heldur listamaður
á eiginn forsendum. Sérkenni
hennar hafi verið mikil nálgun
við viðfangsefni sín sem lista-
menn á borð við Vuillard og
Bonnard hafi síðar tekið upp.
MaerzMusik í Berlín
BERLÍNARBORG hýsti nýlega
tónlistarhátíðina MaerzMusik –
nútímatónlistarhátíð sem er ein
af hugmyndum hátíðarstjórnand-
ans Joachim Sartorius. Tónlist-
arhátíðinni er ætlað að leysa af
hólmi Tónlistartvíæringinn. Að
mati Frankfurter Allgemeine
kenndi ýmissa grasa á hátíðinni.
Segir blaðið Matthias Osterwold,
sem setti saman tónskrána þó
hafa skilgreint „nútímatónlist“
sem allt það sem áhugavert væri
að kanna í tengslum við nú-
tímann. Tengsl tónlistar og
skúlptúra hafi þannig verið sett
fram í verki Klaus Lang og
Claudia Doderer á meðan kórum
og hljómsveitum borgarinnar
hafi verið gefið frí. Þetta segir
blaðið e.t.v. tengjast best and-
stöðu Osterwold við það hve hug-
myndafræðilega hlaðinn hinni
„nýju“ tónlist hætti oft til að vera.
Það hafi hins vegar farist fyrir
hjá honum að bjóða upp á eitt-
hvað annað í staðinn og því skili
tilraunir hans til breytinga litlu.
Central Park að
hætti Christo
Jour d’été eftir Berthe Morisot.
ERLENT
SJÖTTU tónleikarnir af átta í 15:15-tónleikaröð
Caput-hópsins og Ferðalaga á Nýja sviði Borga-
leikhússins verða í dag og hefjast sem fyrr kl.
15.15.
Yfirskriftin er „Tilegnelse“ og gefst tónleika-
gestum kostur á að hlýða á sum þeirra verka
sem Caput-hópurinn vinnur nú við upptökur á
fyrir BIS útgáfuna sænsku. Höfundar þeirra
eru Sunleif Rasmussen og Atli Ingólfsson. Sun-
leif er staddur hér á landi til að fylgjast með
tónleikunum og upptökunum.
Auk Caput-félaga taka þátt í tónleikunum
slagverkshópurinn Benda, hin kunna danska
messósópransöngkona Helene Gjerris og gít-
arleikarinn Ólavur Jakobsen frá Færeyjum.
Bendahópinn skipa Steef van Oosterhout, Pétur
Grétarsson, Eggert Pálsson, en fyrir hann leik-
ur á tónleikunum Frank Aarnik, og Snorri Sig-
fús Birgison en hann leikur á píanó.
Á tónleikunum verða flutt, eftir Sunleif, verk-
in Mozaik/Miniature fyrir flautu, klarínettu,
fiðlu og píanó; Arktis fyrir messósópran, klarín-
ettu, selló, slagverk og hörpu, og Tilegnelse
fyrir messósópran og átta hljóðfæraleikara.
Önnur verk á tónleikunum eru Malamelodia
fyrir píanó og kvintettinn The Elves’ Accent
eftir Atla Ingólfsson og Credo in Us fyrir þrjá
slagverksleikara og píanó eftir John Cage, sem
Benda flytur.
Til þessa hafa komið út 16 diskar með leik
Caput-hópsins, þar af tveir með tónlist Hauks
Tómassonar hjá BIS.
Aðrir diskar hópsins hafa verið gefnir út á
Ítalíu, í Bandaríkjunum, Danmörku og á Ís-
landi.
Nýju diskarnir koma báðir út á þessu ári.
SUNLEIF RASMUSSEN Í HÁ-
SÆTI Á CAPUT-TÓNLEIKUM
Morgunblaðið/Ásdís
Hluti Caput-hópsins: Greta Guðnadóttir, Guðmundur Kristmundsson, Sigurður Halldórsson og Pétur Jónasson.
MINNINGARTÓNLEIKAR um Önnu Mar-
gréti Magnúsdóttur, semballeikara og tónlist-
arfræðing, verða haldnir í Salnum, Tónlistar-
húsi Kópavogs, á morgun, pálmasunnudag, kl.
17. Það eru vinir og samstarfsmenn Önnu Mar-
grétar sem vilja heiðra minningu hennar með
þessum hætti í samvinnu við Salinn. Dagskráin
ber heitið Tilfinningar og tónlist og er byggð
upp á samspili þessara tveggja þátta, sem voru
Önnu afar hugleiknir. Anna
lést 17. ágúst 2001.
Þeir sem fram koma á
tónleikunum eru þau Þor-
steinn Gylfason, heimspek-
ingur, Marta Guðrún Hall-
dórsdóttir, sópransöngkona
og Snorri Örn Snorrason,
lútuleikari, flautuleikararn-
ir Kolbeinn Bjarnason,
Guðrún S. Birgisdóttir og
Martial Nardeau, og semb-
alleikararnir Elín Guðmundsdóttir, Guðrún
Óskarsdóttir og Helga Ingólfsdóttir. Á efnis-
skránni eru verk eftir J. S. Bach, Kazuo Fu-
kushima, Marin Marais, Óliver Kentish, frum-
flutningur, W. F. Bach og Henry Purcell.
Orgelleikur í Kirkju Krists konungs
Franski stærðfræðingurinn og orgelleikar-
inn Stéphane Rigat heldur orgeltónleika í
Dómkirkju Krists konungs í dag kl. 15.30, til að
heiðra minningu Önnu Margrétar, en Anna var
starfandi við kirkjuna er hún lést.
Riagat leikur verk eftir Pablo Bruna, F. C.
de Arauxo, N. de Grigny, J. Alain og J. S. Bach.
MINNINGAR-
TÓNLEIKAR Í
SALNUM
Anna Margrét
Magnúsdóttir
MYNDLISTARMAÐURINN Hjörtur Hjartar-
son opnar sýningu sem hann kallar „Nýjar mynd-
ir“ í Hafnarborg, menningar- og listastofnun
Hafnarfjarðar, í dag kl. 15.
Á sýningunni verða bæði teikningar og málverk
sem unnin eru á síðustu tveimur árum.
Hjörtur er menntaður við Myndlista- og hand-
íðaskóla Íslands og teiknideild Listaháskólans í
Granada. Hann hefur haldið einkasýningar bæði á
Íslandi og í Noregi og tekið þátt í mörgum samsýn-
ingum.
Sýningin er opin alla daga nema þriðjudaga frá
kl. 11 til 17 og hún stendur til 14. apríl næstkom-
andi.
Morgunblaðið/Ásdís
TEIKNINGAR OG MÁL-
VERK Í HAFNARBORG
Hjörtur Hjartarson myndlistarmaður á sýningu sinni.