Pressan - 19.10.1989, Blaðsíða 2

PRESSU
^EINAR ÓLASON
LJÓSMYNDARI
ANNA KRISTINE
MAGNÚSDÓTTIR
'•" ’Fimffiflicíág'ur'IG. 'ðKtr^989
Thor Vilhjálmsson rithöfundur tók hlýlega á móti einu af þeim
pardusdýrum sem gengu um salinn, svona til að minna á
pardusinn í listasmíðum og ilmvatni Cartiers.
Það glumdi við hlátur þegar Philippe Mauclair, framkvæmdastjóri CARTIER, hafði kaliað Bryn-
dísi Schram upp á svið til að taka á móti Panthére-ilmvatni frá fyrirtækinu. ílmvatnsglasið var
geymt í geysistórri, rauðri öskju sem borði hafði verið settur utan um. Þegar Bryndís ætlaði
að opna öskjuna kom hins vegar í Ijós að ógjörningur var aö leysa borðann. Bryndís gafst ekki
upp og bjóst til að bíta hann i sundur... Með þeim á myndinni er Arnaud Vignon, aðstoðar-
framkvæmdastjóri Cartier í Frakklandi, sem skemmtir sér konunglega við þessar aðfarir.
Fanney Óskarsdóttir lögfræðingur, Rúna Guðmundsdóttir
snyrtifræðingur og Sigríður Einarsdóttir flugmaður.
Meðal gesta var frú Vala Thoroddsen sem hér ræðir við aðrar
frúr í veislunni.
CARTIERer nafn sem velflestir þekkja — eða kannast við að minnsta kosti.
Fyrirtækið var stofnað af Louis Cartier árið 1847 í París og var hann
nefndur „konungur skartgripanna", enda var hann sá sem flest konung-
borið fólk leitaði til þegar það vantaði glæsilega skartgripi eða höfuð-
prýði alsett demöntum. Núna, tæplega einni og hálfri öld síðar, eru það
alls kyns munir sem fólk sækist eftir frá Cartier. Úr, hringir, hálsmen,
klukkur, pennar, ilmvötn, rakspírar og óteljandi minni fylgihlutir; ailt
þykir þetta bera vott um smekk þann sem Cartier innleiddi strax í upp-
hafi. Flestar tegundir úranna hafa verið endurunnar með breyttum tíðar-
anda, en grunnurinn er ávallt sá sami.
Þeim sem hafa reynt að líkja eftir framleiðsluvörum Cartier hefur oft-
ast mistekist, enda lumar fyrirtækið á vel geymdum leyndarmálum.
Cartier ver að jafnaði 1% af ársveltu sinni í að koma upp um falsarana
og gera vörur þeirra upptækar — og það er dágóð summa þegar haft er
í huga að velta Cartier var á árinu 1987 rúmlega 600 milljónir Banda-
ríkjadala.
Cartier þarf lítið að auglýsa. Nafnið er þekkt um víða veröld, enda
eru vörur frá Cartier seldar í 124 löndum. Auk þeirra 2.300 starfsmanna
sem vinna hjá fyrirtækinu í Frakklandi eru 16.000 til viðbótar staðsettir
um heim allan, eingöngu í starfi fyrir Cartier.
Það eru liðin þrjátíu ár síðan sá síðasti af CARTiER-ættinni lést. Frá
þeim tíma hefur fjöldi stórra fyrirtækja verið aðaleigendur CARTIER og
vel stæðir kaupsýslumenn hafa séð sér hag í að eignast hlut í fyrirtæk-
inu.
Þeir sem fremstir fara í flokki fyrir CARTIER ferðast um heiminn og
heimsaekja þau lönd sem selja vörur þeirra. Eitt þeirra landa er að sjálf-
sögðu ísland og á mánudaginn var hélt CARTIER glæsilega veislu í Grill-
inu á Hótel Sögu. Þangað mættu 160 manns og gæddu sér á þeim
óvenjulegu réttum sem þar voru fram bornir: rússneskum kavíar, Strass-
borgar-gæsalifur, reyktum laxi í pönnukökum, humri og fleira góðgæti,
að ógleymdu konfekti og kampavíni — sem auðvitað kom frá Frakk-
landi. Einn gestanna, sem viðstaddur hafði verið Cartier-kvöld erlendis,
sagði að þessi veisla væri jafnvel úr garði gerð og þegar CARTIER hélt
hóf í St. Moritz: „og það var veisla veislanna..
velkomin
i heiminn
„Vá hvað ég píri augun fast!" Þessi
stúlka fæddist 11. október og var
rúmar 18 merkur að þyngd og 54
sm löng. Hún er dóttir Guðrúnar
Sigurbjörnsdóttur og Ólafs Jóns-
sonar.
„Ég vaf alveg jafn stór og þungur
og hún. Ég var nefnilega líka rúm-
ar 18 merkur þegar ég fæddist og
54 sm langur. Eini munurinn er sá
að ég er strákur!" Sonur Huldu
Líneyjar Magnúsdóttur og Egg-
erts Björgvinssonar fæddist 12.
október sl.
„Ég er eldri en þú! Ég fæddist
nefnilega 9. október og var 17 og
hálf mörk og 53 sentimetrar.
Mamma mín og pabbi heita Hall-
dóra Sædís Halldórsdóttir og
Guðmundur Pétur Bauer."
Steinsofandi stúlka, fædd 12. okt-
óber. Hún er dóttir Halldóru Guð-
mundsdóttur og Árna Pétursson-
ar, vó 15 merkur og var 51 sm‘á
lengd.