Pressan - 19.10.1989, Blaðsíða 8
ARNARFLUG BÚTAÐ
NÝH FLUGFÉLAG STOFNAÐ UM LEIGUFLUG ERLENI
DÓTTURFYRIRTÆKI ANNAST INNANLANDSFLUGIÐ
Á næstunni mun Isflug hf. sækja
um flugrekstrarleyfi til samgöngu-
ráðuneytisins. ísflug er í eigu ein-
staklinga sem jafnframt eru stórir
hluthafar í Arnarflugi hf. og ætlunin
er að hasla félaginu völl á erlendum
markaði. Á sama tíma færir dóttur-
fyrirtæki Arnarflugs út kvíarnar í
innanlandsflugi og vill hnekkja ein-
okun Flugleiða á ábatasömustu leið-
unum. Hvað verður um Arnarflug
hf.?
Arnarflug hf. er skuldum vafið
fyrirtæki. I vetur bjargaði ríkissjóð-
ur félaginu frá gjaldþroti með þeim
orðum að ekki yrði um frekari opin-
bera aðstoð að ræða. Til að koma
rekstrinum aftur á lappirnar gekkst
fyrirtækið fyrir hlutafjársöfnun í
vetur og fram á vor. Hlutafjársöfn-
unin gekk ekki sem skyldi og tókst
ekki að fá til liðs við félagið fjár-
sterka aðila, eins og eigendur von-
uðust til.
Yfirbragð örvæntingar var svo á
hlutafjársöfnuninni í haust þegar 50
og 100 þúsund króna hlutabréf voru
boðin á þeim kjörum að tveir til,
fimm farseðlar fylgdu með hverju
hlutabréfi.
Tvísýn framtíð Arnarflugs hf. varð
til þess að í lok september ákváðu
nokkrir helstu eigendur að stofna
nýtt hlutafélag, ísflug hf. Tilgangur
félagsins er að „reka flugfélag til far-
þega-, vöru- og póstflutninga, kaup
og rekstur fasteigna og flugvéla og
annar skyldur atvinnurekstur", eins
og segir í samþykkt félagsins. Hluta-
fé er ein milljón króna og heimild er
til að hækka það í tíu milljónir.
Framkvæmdastjóri og jafnframt
hluthafi í ísflugi er Magnús Bjarna-
son, en hann er sömuleiðis aðstoð-
arframkvæmdastjóri í Arnarflugi hf.
Að sögn Magnúsar er ísflug stofnað
til hagræðingar. „Við ætlum að
þreifa fyrir okkur með erlend verk-
efni og ef af verður semjum við í
nafni Isflugs, en ekki Arnarflugs,"
segir Magnús, „það er fyrst og
fremst hagræðingaratriði." Enn
sem komið er hefur ísflug ekki sótt
um flugrekstrarleyfi til samgöngu-
ráðuneytisins, en það er í bígerð.
Hagrætt fyrir
gjaldþroti?
Hugmyndir forráðamanna Arnar-
flugs um hagræðingu virðast ganga
út á það að „hagræða" málum
þannig að ný hlutafélög eru stofnuð
um þær rekstrareiningar móðurfyr-
irtækisins sem líklegastar eru til að
skila hagnaði.
Veturinn 1987 var hlutafélagið
Arnarflug innanlands hf. stofnað af
stórum hluthöfum í Arnarflugi hf„
auk þess sem móðurfélagið er skráð
fyrir hlut. Það félag var stofnað með
hagræðingu að markmiði.
Arnarflug innanlands hf. tók yfir
innanlandsflug fyrirtækisins og
keppir um þessar mundir við Flug-
leiðir um sérleyfi á hagkvæmustu
leiðunum. í næsta mánuði úthlutar
samgönguráðherra sérleyfum og
Arnarflug innanlands sækir um fjór-
ar leiðir sem hingað til hafa alfarið
verið í höndum Flugleiða, það er til
Vestmannaeyja, Húsavíkur, Patreks-
fjarðar og Hafnar. Arnarflug er fyrir
með áætlunarflug til átta staða á
landinu.
Markaðssókn Arnarflugs innan-
lands á að fylgja eftir með hlutafjár-
söfnun, að sögn forsvarsmanna, og
boða þeir hlutafjáraukningu í kjöl-
far úthlutunar samgönguráðherra á
sérleyfum.
Á meðan þrýtur móðurfyrirtæk-
ið örendið. Greiðslustaða Arnar-
flugs hf. er slík að hluthafar eru
krafnir um persónulegar ábyrgðir
fyrir skuldum fyrirtækisins. Þar sem
félagið fær ekki aukið hlutafé er að-
eins um tvennt að velja. Annarsveg-
ar gjaldþrot og hinsvegar að auka
tekjurnar.
Leiguflug er
hættuspil
Á tíu ára tímabili, 1976—1986,
starfaði „gamla" Arnarflug á erlend-
um vettvangi. Félagið tók meðal
annars að sér pílagrímaflug og um-
svifin mikil um hríð. Ævintýrinu
lauk 1986 og reið félaginu nærri að
fullu.
Núverandi eigendur komu til
skjalanna á þessum tíma og björg-
uðu Arnarflugi frá brotlendingu.
Meðal þeirra eru eigendur síðdegis-
blaðsins DV, Hörður Einarsson og
Sveinn R. Eyjólfsson, Guðlaugur
Bergmann, kaupmaður í Karnabæ,
Jóhann Bergþórsson í Hagvirki,
Lýður Friðjónsson í gosdrykkja-
fabrikkunni Vífilfelli og Axel Gísla-
son, núverandi forstjóri Vátrygg-
ingafélags íslands. Sá síðasttaldi var
fulltrúi Sambandsins, en það átti úti-
standandi verulegar fjárhæðir hjá
„gamla" Arnarflugi.
Stefna Arnarflugs síðustu þrjú ár-
in eða svo hefur verið að byggja upp
áætlunarflug til íslands og frá.
Leiguflug fyrir erlenda aðila var lagt
á hilluna. Áð sumu leyti heppnaðist
áætlunarflugið, einkum þó leiðin
Keflavík-Amsterdam. Það dugði þó
hvergi nærri til að halda rekstrinum
fyrir ofan núllið og gamlar skuldir
gerðu illt verra. í vetur var Arnar-
flug hætt komið en með aðstoð rík-
issjóðs tókst að bjarga í horn.
Árnarflug á litla möguleika á að
auka tekjurnar í áætlunarflugi. Al-
mennur samdráttur í efnahagslífinu
bitnar á flugfélögum eins og öðrum
atvinnurekstri.
Þess vegna vilja Arnarflugsmenn
reyna fyrir sér á erlendum vettvangi
með leiguflug og stofna ísflug. Horf-
urnar fyrir erlendum verkefnum
eru hinsvegar slakar.
Engar flugvélar
til að fljúga með