Pressan - 31.05.1990, Blaðsíða 24

24
i framh|áhlqupi
Skúli Johnsen
borgarlæknir
„Enslor njósnamyndir
í uppéhaldi"
Hvaða persóna hefur haft
mest áhrif á þig?
„Faðir minn."
Án hvers gætirðu sist verið?
„Fjölskyldu minnar."
Hvað finnst þér leiðiniegast?
„Að gera ekki neitt."
Hvað er skemmtilegast að
gera?
„Veiðiskapur. Ég fer í silungs-
veiði, laxveiði og rjúpnaveiði. Ég
fer í einn langan veiðitúr í lax og
silung til Vopnafjarðar á hverju
ári og á haustin reyni ég að kom-
ast á rjúpnaveiðar."
Manstu eftir ákvörðun sem
hefur skipt þig miklu máli?
„Já, ég man eftir mörgum slík-
um ákvörðunum. Til dæmis
þeirri aö sækja um starf mitt."
Hvenær varðstu hræddastur
í lífinu?
„Þegar ég fór niður Klifið í
Vestmannaeyjum norðanmegin.
Það var þegar ég var 12 ára og
þar fór enginn niður. Síðan hef
ég aldrei farið niður Klifið!"
Hvaða eiginleiki finnst þér
mikilvægastur í fari annarra?
„Sveigjanleiki."
Geturðu nefnteinn kost þinn
og einn galla?
„Kosturinn er sennilega jafn-
lyndi. Gallarnir eru hins vegar
margir! Ég get nefnt skipulags-
leysi."
Hver er eftirlætismaturinn
þinn?
„Rjúpur."
Hvert er eftirlætissjónvarps-
efnið?
„Enskar njósnamyndir."
Hver er uppáhaldsstaður
þinn á íslandi?
„Vopnafjörður. Ég bjó þar í tvö
ár, kynntist þar mörgu góðu fólki
og þetta er ákaflega falleg sveit.
Ég læt ekkert tækifæri framhjá
mér fara til að komast þangað.
Ég fór til dæmis fjórum sinnunr
til Vopnafjarðar á síðasta ári."
Hvað vildirðu helst gera ef þú
þyrftir að skipta um starf?
„Þá vildi ég sinna fræði-
mennsku og grúska í bókum."
IfVllRí fc#|M||fUfi|ni| Bréf til kynlífsdálksins má skrifa undir dulnefni.
■■■■■ Utanáskriftin er: PRESSAN — kynlífsdálkurinn, Ár
múla 36, 108 Reykjavík.
Hvað er ónáttúra?
Nýlega tók ég þátt í kynfræða-
námskeiði fyrir heilbrigðisstéttir
sem haldið var á vegum Kynfræða-
félags íslands í samvinnu við land-
læknisembættið og Félag íslenskra
heimilislækna. Þar kom skýrt fram
að þörf er á frekari fræðslu í þessum
málum. F.ins og gefur að skilja er
eitt af fyrstu skilyrðunum það að
fólk tali nokkurn veginn sama tungu-
mál þegar það ræðir um kynlífið. Þá
á ég ekki bara við orð yfir kynfæri
heldur líka hvað fólk á við þegar
þaö talar um kynhlutverk, kyn-
ímynd og svo framvegis.
Það kemur því ekki á óvart að
sumir eigi erfitt með að ræða saman
ef þeir túlka á ólíkan hátt hugtökin
eðlilegt og óeölilegt. Hvað er til
dæmis átt við þegar talað er um að
hitt og þetta sé ónáttúrulegt? Stund-
um er eins og sett sé samasemmerki
milli hugtakanna „óeðlilegt” og
„ónáttúrulegt". Um daginn skrifaöi
ég pistil um kynmök í endaþarm en
þaö er hegöun í samlífi sem margir
stimpla strax sem „ónáttúrulega".
Þegar ég spyr þaö fólk hvers vegna
hún sé „ónáttúruleg" svarar það þvi
yfirleitt til að endaþarmurinn hafi
ööru hlutverki að gegna og þaö
hlutverk hafi ekkert með getnað að
gera.
Melting fœdunnar
hefst í munninum
Sá sem þetta segir gengur þá út
frá því að tilgangurinn með ásta-
leikjum sé eingöngu sá að geta
börn. Hegðun viðkomandi í kynlífi
— ef hann væri sjálfum sér sam-
kvæmur — myndi þá líklega endur-
spegla þetta gildismat. Þessi ein-
staklingur hefði bara samfarir
nokkrum sinnum yfir ævina og
snertingin á milli karlsins og kon-
unnar væri einungis fólgin í því að
limurinn færi inn í leggöngin í sam-
förum. Engir kossar munn við
munn, engin munnmök og engin
örvun líkama beggja með höndun-
um — slíkt er óþarfi því þaö heföi
ekkert með æxlun að gera. Hvað
varðar munninn sem líffæri má
segja aö hann gegni allt öðru hlut-
verki en það að vera „kossalíffæri '.
Sums staðar erlendis finnst fólki það
hreint og beint ógeðslegt að viö
skulum kyssa opna kossa. Að okkur
skuli ekki finnast það hreinn við-
bjóður að skiptast á munnvatni —
og með öllum þessum bakteríum
svamlandi þar í þokkabót! í munn-
inum hefst melting fæðunnar og
fyrsta stig meltingar hefur lítið að
gera meö kynferöislega örvun. Þá
getum við alveg eins sagt að kossar
séu „ónáttúrulegir" og að segja að
náttúran hafi ekki gert ráð fyrir kyn-
ferðislegri örvun endaþarmsins.
Nú hrista eflaust einhverjir haus-
inn og hugsa með sjálfum sér — en
livað með hægðirnar? Ekki getur
nokkrum manni fundist þær virka
kynferöislega örvandi svo maöur
tali nú ekki um smithættuna sem er
fyrir hendi. Þær vangaveltur snúast
meira um viðhorf en nokkuð annað.
Heilbrigð skynsemi hvað varðar
hreinlæti er allt sem þarf og þekk-
ing á gildi smokksins.
Leidarljós mikiluœgt
Hvað er náttúrulegt og hvað'
ónáttúra eru greinilega ekki skýr
hugtök heldur beinlínis villandi í
málflutningi. Það er heldur ekki
hægt að aðskilja umfjöllun um
„ónáttúrulega" kynhegðun frá al-
gengum gildum sem við höfum að
leiðarljósi í mannlegum samskipt-
um. Okkur finnst gagn fólgið í því aö
fræðast — menntun er gagnleg. Það
er heilbrigt að hafa þörf fyrir snert-
ingu og ást. Við viljum að aðrir virði
okkur og misnoti ekki. Við höfum
rétt til að taka ákvarðanir um það
hvernig við lifum lífi okkar. Til
dæmis fyndist okkur súrt í broti ef
bannað væri að nota getnaðarvarn-
ir. Við viljum vera ábyrg fyrir hegð-
un okkar, geta tjáö okkur, eflt sjálfs-
virðinguna og svona mætti lengi
telja.
Ef tveir einstaklingar vilja kyssa
hvor annan er það ekki óeðlilegt. Ef
annar vill kyssa en hinn ekki er ver-
ið að ganga á rétt þess sem ekki vill
kyssa. Þarna höfum við aö leiðar-
Ijósi gildið sem segir okkur aö þaö
sé rangt að misnota aðra í því skyni
aö uppfylla eigin þarfir. Umræða og
skoðanaskipti um annars konar
kynhegöun þurfa ekki að vera neitt
frábrugðin dæminu um kossana.
JÓNA INGIBJÖRG
JÓNSDÓTTIR
KYNFRÆÐINGUR
Fimmtudagur 31. maí 1990
spqin
31. maí — 5. júní
(21. rnurs—20. upril)
Fólk, sem er sama sinnis og þú, laðast að
þér. Þad eru mikilvægar breytingar á næsta
leiti, en gættu þess að láta þér aldrei nægja
nema það besta. Skildu hlutina ekki eftir i
lausu lofti og ekki hræðast nýstárlegar
lausnir.
(21. upril—20. tnui)
Þú hefur ærna ástæðu til að gleðjast, þvi
ákveöið verkefni tókst vel. Það lítur lika út
fyrir að gagnstæða kyniö laðist að þér um
þessar mundir. Gleymdu þó ekki i sæluvím-
unni að láta ekkert smáatriði framhjá þér
fara, því nákvæmnin er fyrir öllu.
(21. rnuí—21. juni)
Nú ferðu að skilja ýmislegt, sem áður var
þoku hulið. Þú finnur lika aö fólk hefur trú á
þér og þú ert í Ijómandi ástandi, bæöi and-
lega og líkamlega. Hlustaðu á þá, sem vilja
miðla þér af reynslu sinni. Þá færðu svör við
mikilvægum spurningum.
(22. júni—22. júh)
Reyndu að gera þér grein fyrir hvaða ástæö-
ur búa að baki þess, sem fólk stingur upp á
við þig. Það er ekkert að því aö sletta svolitið
úr klaufunum til tilbreytingar. Þú getur t.d.
fagnað því að ákveðinni byrði er af þér létt.
(22. júli—22. úgúst)
Það er nauðsynlegt að taka ýmislegt á heim-
ilinu til endurskoðunar, þó þaö kunni að hafa
fjárútlát i för með sér. Þér list fyrst ekkert á
blikuna, en siðan kemur lausnin upp í hend-
urnar á þér. Sýndu aölögunarhæfni.

(23. úfiiist — 23. scpl.)
Notfærðu þér upplýsingar, sem þér berast
óvænt, og vertu óhræddur við að kanna mál
niður í kjölinn. Þú færð nýlegan vinargreiða
endurgoldinn, en varaðu þig á aðila, sem
gerir sér dælt viö þig. Það er lítið á honum að
græða.
(23. sept.—2d. okt.)
Ekki trúa öllu, sem við þig er sagt, eins og
nýju neti. Leitaðu ráða hjá eldri manneskju,
sem hefur lært af reynslunni og getur kennt
þér ýmislegt. Þú þarft að taka mikilvæga
ákvörðun, sem er ekki þín sterkasta hliö, en
nú er að hrökkva eða stökkva.
rifep
(24. okt.—22. nóv.)
Þú þarft ekki aö kvarta, þvi heppnin er með
þér um þessar mundir. Allar tafir og vand-
kvæði síöustu vikna eru á bak og burt og
nánasta framtíö er þess vegna björt. Einhver
talar beint frá hjartanu og segir þér ef til vill
til syndanna.
(23. nóv.—21. des.)
Ekki vera hræddur við að sýna örlítið sjálf-
stæði. Yfirmenn og aðrir, sem þú átt sam-
skipti við, kunna vel að meta sjálfstæða
hugsun svo þetta verður þér til góðs. Þú ert
kannski undir álagi, en þegar þú nærð
ákveðnu takmarki færðu aukið sjálfstraust.
(22. des —20. jun.)
Þig dauðlangar að stinga af frá öllum erfið-
leikum eða stinga höfðinu a.m.k. i sandinn
þar til þeir hverfa. Það er hins vegar ekki
heillavænlegt og mundu aö fjarlægöin gerir’
fjöllin blá. Ekki láta blekkjast af fagurgala eða
fólki, sem þú þekkir litið.
(21. junúur—19 febrúur)
Hvernig væri að taka fjármálin til endur-
skoðunar? Það veitir ekki af aö hafa allt á
hreinu og þú mátt ekki vera of hrekklaus í
þeim efnum. Hafðu báða fætur á jöröinni og
reyndu aö takast á viö erfiö verkefni, þviþú
sérð síðar aö það borgar sig.
(20. febrúur—20. murs)
Þú skiptir um skoðun í mikilvægu máli og
ættir að taka ýmislegt annað til endurskoö-
unar. Þessa dagana eru aðstæöur þér hag-
stæðar, svo það er ekkert vit i að draga
þetta. Þú ættir líka að huga aö öryggi þinu
og þinna nánustu.