Pressan - 29.11.1990, Blaðsíða 12
12
FIMMTUDAGUR PRESSAN 29. NÓVEMBER
KAIVIBSU-
FYMKTflnN
HRFA
MUJAHM
SPHÞAU
FABHI
LIND
Afkoman betri en ennþá
vantar 114 milljónir í eigið
fé.
FEFANG
Á leið inn í Glitni og
íslandsbanka.
GLITNIR
Ennþá stórt en umsvifin
hundruðum milljóna króna
minni en í fyrra.
LYSING
Hraður vöxtur og enn meiri
vaxtarverkir.
— Róttœk uppstokkun óhjákvœmileg. Rœtt um sameiningu Glitnis og Féfangs annars vegar og Lindar og
Lýsingar hins vegar.
Gósentíö eignarleigufyrirtœkjanna er lokiö. Til aö
halda í horfinu þurfa viðskipti þeirra að aukast um millj-
arða króna en við blasir að markaðurinn hefur stórlega
dregist saman eða um 7 prósent miðað við sama tíma í
fyrra. Rœtt er um að sameina stœrstu fyrirtœkin, Féfang
og Glitni annars vegar og á hinn bóginn Lind og Lýsingu.
Astœðan er fyrst og fremst sú að dregið hefur úr útlánun-
um en sum fyrirtœkjanna munu alls ekki þola frekari
samdrátt. Það á einkum við um Lind sem þrátt fyrir
bœtta afkomu á þessu ári hefur ekki náð að standa við
lágmarksskilyrði um eigið fé. Franski bankinn, Banques
Indosuez, vill losa sig út úr fyrirtœkinu en hann á um 40
prósent. Líklega þarf Landsbankinn að kaupa hlut
franska bankans áður en afsameiningu verður, eða Lýs-
ing að kaupa Lind.
Heildareignir eignarleigufyrir-
tækjanna, þ.e. samningar vegna
kaupleigu og fjármögnunarleigu,
voru um 80 milljónir króna á verð-
lagi ársins 1985 en ruku upp í tæpan
milljarð árið eftir. Þá fyrst hófst slag-
urinn fyrir alvöru og heildarumfang
miðað við eignir fjórfaldaðist á milli
áranna 1986 og '87, eins og fram
kemur á meðfylgjandi mynd. Hins
vegar varð nánast engin aukning á
milli áranna 1988 og ’89. í lok sept-
ember voru heildareignir fyrirtækj-
anna um 7,3 milljarðar, sem er um
7% minna en á sama tíma í fyrra.
LÍTIL VON UM
STÆRRI MARKAÐ
Þau fyrirtæki sem stækkuðu hrað-
ast, eins og t.d. Glitnir, Lýsing og Fé-
fang, þurfa að auka viðskiptin veru-
lega á hverju ári til að viðhalda sér,
sem er útilokað miðað við samdrátt-
inn í ár. Nú þyrfti Lýsing t.d. að auka
við sig einum milljarði til að halda
sínum hlut, að sögn eins heimildar-
manna PRESSUNNAR, þannig að
ljóst er að markaðurinn þyrfti að
stækka um milljarða króna ef fyrir-
tækin eiga að geta haldið í horfinu
í óbreyttri mynd.
Óformlegar viðræður um samein-
ingu hafa verið í gangi á milli for-
svarsmanna Féfangs og Glitnis. Fyr-
irtækin tengjast í gegnum íslands-
banka, sem á þriðjung í Fjárfesting-
arfélaginu sem aftur a um 66,5 pro-
sent í Féfangi. Að auki á íslands-
banki 10,7 prósenta beinan hlut í Fé-
fangi. Aðrir eigendur eru
Lífeyrissjóður verslunarmanna,
sem á rúm 10 prósent, og Trygg-
ingamiðstöðin sem á 10 prósent en
hlutur Sparisjóðs vélstjóra er 1,4
prósent.
LEITAÐ MEIRI HAGKVÆMNI
íslandsbanki er einnig aðaleig-
andi Glitnis. Þessi fyrirtæki eru
stærst á markaðnum miðað við
stöðuna um síðustu áramót. Hlut-
deild Glitnis er um 36 prósent og Fé-
fangs um 27 prósent. Eignir, þ.e.
leigusamningar þessara fyrirtækja,
voru samtals um 6,1 milljarður
króna, sem þýðir að heildarmarkað-
urinn hefur verið um 10 milljarðar
um síðustu áramót.
„Eins og í öðrum rekstri er fyrst
og fremst verið að leita aukinnar
hagkvæmni," sagði Friðrik Jóhanns-
son, forstjóri Fjárfestingarfélagsins,
í samtali við PRESSUNA. Friðrik
sagði að engin ákvörðun hefði verið
tekin af hálfu eigenda fyrirtækjanna
varðandi þessi mál, þau væru ein-
ungis til skoðunar enda félögin
bæði í góðum rekstri. Annar for-
svarsmaður fyrirtækjanna sagði í
samtali við PRESSUNA að nú væri
slagnum um msirkaðinn lokið og
„komið að því að hámarka hagnað-
inn“.
LIND VANTAR 114 MILLJÓNIR
Eiginfjárhlutfall Lindar er nú 3,4
prósent, en þarf lögum samkvæmt
að vera 10 prósent. Fyrirtækið þarf
að auka eigið fé um 114 milljónir fyr-
ir áramót til að ná 10 prósentunum.
„Það verður gert fyrir 31. desem-
ber,“ sagði Þórður Ingvi Guðmunds-
son framkvæmdastjóri.
Eigendur fyrirtækisins eru Lands-
Gullæðinu lokið
millinrflar
, 85 'B6 ‘87 '88 '89 W
Útistandandl samningar allra kaupleigu-
fyrirtækjanna á verðlagi dagsins í dag
bankinn sem á 30 prósent, Banques
Indosuez sem á 40 prósent og Sam-
vinnusjóður íslands sem á 30 pró-
sent. Nú hefur Banques Indosuez
ákveðið að selja sinn hlut. Þórður
Ingvi segir að bankinn hafi tekið
ákvörðun um að losa sig út úr öllum
eignarleigufyrirtækjum, hér á landi
sem annars staðar „Þeir ætla ein-
faldlega að einbeita sér að færri
verkefnum."
Eigendur Lýsingar eru Lands-
banki og Búnaðarbanki sem eiga 40
prósent hvor, Sjóvá-Almennar sem
eiga 10 prósent og Vátryggingafélag
íslands sem á 10 prósent. Til þess að
sameina Lind Lýsingu þarf einn aðili
sem á hlut í Lýsingu að eignast Lind
eða helming í fyrirtækinu á móti
Búnaðarbankanum. Landsbankinn
hefur sýnt áhuga á að auka hlut sinn
í fyrirtækinu og þykir líklegast að
hann muni kaupa hlut Frakkanna.
Einnig er til í dæminu að Lýsing
kaupi hreinlega Lind.
Þórður segir markaðshlutdeild
Lindar nú um 20 prósent eða aðeins
meiri en Lýsingar. Fyrir áramót
skýrist hvaða aðili eða aðilar verða
eigendur Lindar. Þórður segir að
ákvörðun um sameiningu verði
ekki tekin fyrr en að því loknu og of
snemmt að fullyrða nokkuð um nið-
urstöðu.
Kristján Þorvaldsson