Pressan - 04.11.1993, Blaðsíða 8

F R ÉTT I R
8 PRESSAN
Fimmtudagurinn 4. nóvember 1993
Jón Sigurðsson Seðlabankastjóri umsvifamikill í bílaviðskiptum
ÞEGAR BANKINN KEYPTI
LÚXUSJEPPANN
,Kaupum ekki bíla nema það sé keyptur annar dýrari hjá okkur,“ segir deildarstjóri Jöfurs
Á sama tíma og Jón Sig-
urðsson Seðlabankastjóri
ákvað að láta bankann kaupa
Grand Cherokee Limited, lúx-
usjeppa á 4,8 milljónir króna,
ákvað hann að selja umboð-
inu garnla fólksbifreið sem
hann átti persónulega. Um er
að ræða Chevrolet Monsa frá
árinu 1988, en þess má geta að
Jöfur hefur ekki umboð íyrir
Chevrolet. Jöfur keypti Mons-
una 6. október síðastliðinn en
Jón Sigurðsson keypti bílinn
aftur 13. október. Kvöldið áð-
ur hafði hann komið fram í
sjónvarpi og tilkynnt að hann
hefði afturkallað kaupin á lúx-
usjeppanum vegna þrýstings
frá fjölmiðlum. Bíllinn var
keyptur og seldur á sömu
kjörunr, svo í reynd gengu
kaupin á einkabifreið Jóns til
baka þegar Seðlabankinn
ákvað að hætta við að kaupa
jeppann fyrir Jón.
„Við kaupum ekki bíl nema
það sé keyptur annar dýrari
hjá okkur,“ segir Lúðvík
Hraundal, deildarstjóri deild-
ar með notaðar bifreiðir hjá
Jöfri. Hann segir að umrædd
kaup hljóti að hafa tengst
kaupum Seðlabankans á
Grand Cherokee Limited- bif-
reiðinni og taldi fullvíst að
kaupin á Monsunni hefðu
gengið til baka þegar hætt var
við jeppakaupin.
„Þessi viðskipti eru eldd á
þann hátt að við höfum tekið
þennan bíl upp í jeppann,“
segir Birgir Ragnarsson, fjár-
málastjóri lijá Jöfri. „Þau eru
tengd kannski að því leyti að
Jón var að fara á nýjan bíl og
var þarna með aukabíl sem
hann þurfti að selja. Við
keyptum hann af honum, en
það er ekkert tengt því að
Seðlabankinn var að kaupa
jeppann, þannig lagað séð.
Hann var ekki tekinn upp í
jeppann.“
Birgir sagði að kaup og sala
hefðu farið fram og verið á
sama verði. Hann sagði það
rangt hjá deildarstjóranum að
þeir keyptu aldrei bíla nema
upp í stærri bíla, það kæmi
fyrir að þeir keyptu bíla án
þess að um skipti væri að
ræða. Hann sagði þó rétt að
kaupin hefðu verið gerð á
sama tíma og að hætt hefði
verið við viðskiptin með
Monsuna þegar Jón ákvað að
afturkalla jeppakaupin. Það
hefði verið Jón sem óskaði eft-
ir því. Birgir vildi ekki gefa
upp kaup- og söluverð á um-
ræddurn Chevrolet Monsa-
bíl.
Hafði það ekki áhrif að Jón
Sigurðsson var á nákvœmlega
sama tíma í umhoði Seðla-
hankans að kaupa mjög dýra
bifreið af umboðinu?
„Nei, það hafði engin áhrif.
Við sáum okkur bara hag í því
að kaupa bílinn af honum.“
Þessi tvenn bílaviðskipti
tengjast ekld á nokkurn hátt?
„Ekki þannig lagað, við vor-
um ekki að taka þennan bíl
upp í jeppann og á þann hátt
tengist það eldd.“
Hvernig tengjast viðskiptin
þá?
„Þau tengjast þannig að
hann er að kaupa bíl fyrir
bankann og útfrá því erum við
í sambandi við hann. Við viss-
um af þessum bíl, buðum í
JÓN SIGURÐSSON. Á sama tíma og hann lét Seðlabankann kaupa Grand Cherokee Limited upp á nærri 5 milljónir króna ákvað hann að selja umboðinu gamla Chevrolet-fólksbifreið sem hann átti persónu-
lega. Um leið og jeppakaup bankans gengu til baka gengu persónuleg viðskipti Jóns til baka.
hann og hann tók því tilboði,“
sagði Birgir.
PRESSAN náði sambandi
við Jón Sigurðsson á Sergal
Plaza- hótelinu í Stokkhólmi,
þar sem hann situr ráðstefnu
hjá sænska ríkisbankanum.
„Það er ekkert um þetta að
segja, viðskiptin fóru ekki
fram. Þetta eru eingöngu hug-
leiðingar sem við vorum
með.“ Umboðið segir lcaup og
sölu hafa farið ffam og var til-
kynning þar um send til bif-
reiðaskrár. Engu að síður segir
Jón að viðskiptin hafi ekki far-
ið ffarn og bíllinn sé og verði
skráður í sínu nafni. Hann var
margspurður út í viðskiptin
og hvort eldd væri óeðlilegt að
hann stæði í persónulegum
bílaviðskiptum á sama tíma og
hann, í umboði banlcans, væri
að kaupa dýra biffeið af þessu
sama umboði. Viðlcvæðið var
það sama; hann vildi elckert
um málið segja annað en að
viðskiptin hefðu ekki farið
ffam._______________________
PálmiJónasson
SELDIJOFRINOTAÐAN BIL
Kvennagaldur er reykvísk ástarsaga sem gerist í nútímanum. Aðalpersónan,
skarpgreindur fjölmiðlamaður á fertugsaldri, nýtur mikillar kvenhylli enda hefur hann
hlotið viðurnefnið „eftirsóttasti piparsveinn landsins". I Ijós kemur hins vegar að ást
hans er gædd meiri hita en úthaldi. I samkvæmi einu tekur atburðarásin óvænta stefnu
og afleiðingarnar verða í samræmi við það.
Við sögu koma nokkrar bráðlifandi persónur - dæmigert nútímafólk á besta aldri -
sem í mörgum tilvikum mun orka kunnuglega á lesendur.
Höfundur Kvennagaldurs,
Björgúlfur Olafsson, er 31 árs
Reykvíkingur. Hann hefur áöur
sent frá sér tvær skáldsögur sem
báöar nutu mikilla vinsælda
meðal íslenskra lesenda.
ALMENNA BÓKAFÉLAGIÐ
H F

GOTT
BLAÐ