Morgunblaðið - 22.05.2004, Side 24

ÁRBORGARSVÆÐIÐ
24 LAUGARDAGUR 22. MAÍ 2004 MORGUNBLAÐIÐ
Selfoss | Undirritaður hefur verið
nýr samningur milli Árborgar og
Skógræktarfélags Árnessýslu. Um
er að ræða viðbótarsamning við
samning sem gerður var 1966 við
Selfosshrepp og fjallaði um gróður-
setningu í 47 hektara landi Snæfoks-
staða.
Um margra ára skeið fóru ung-
lingar, 12–14 ára, í sumarvinnu sinni
í gróðursetningarferðir, en nú er svo
komið að grisja þarf skóginn og
leggja um hann göngustíga, kort-
leggja og fjölga tegundum. Ætlunin
er að 15–16 ára unglingar vinni að
þessu verki undir verkstjórn og
handleiðslu skógræktarfélagsins
sem vinnur áætlanir og skipuleggur
verkið.
Bæjarstjórinn, Einar Njálsson, og
formaður skógræktarfélagsins, Ósk-
ar Þór Sigurðsson, skrifuðu undir
samninginn í húsi félagsins í skóg-
inum. Gengið var um skóginn með
bæjarstjórnarmönnum þar sem
Björn Bjarndal Jónsson og Böðvar
Guðmundsson fræddu viðstadda um
ýmislegt er varðar skógrækt og Ósk-
ar sagði sögu skógarins á Snæfoks-
stöðum.
Morgunblaðið/Kári Jónsson
Samningur: Bæjarstjóri Árborgar, Einar Njálsson, og formaður skógrækt-
arfélagsins, Óskar Þór Sigurðsson, skrifa undir samning um kortlagningu,
grisjun, göngustíga og fjölgun tegunda í skóginum á Snæfoksstöðum.
Skógræktarsamn-
ingur undirritaður
Hveragerði | Ferðaþjónustuaðilar
hér í Hveragerði í samvinnu við
Upplýsingamiðstöð Suðurlands,
skipulögðu heimsókn ferðaskipu-
leggjenda, ferðaskrifstofa í Reykja-
vík og starfsfólks upplýsingamið-
stöðva hingað til Hveragerðis fyrir
skemmstu.
Að sögn Davíðs Samúelssonar,
forstöðumanns Upplýsingamið-
stöðvar Suðurlands, komu rúmlega
tuttugu gestir. Dagurinn var vel
skipulagður og hver mínúta nýtt til
að sýna gestunum hvað er í boði í
bæjarfélaginu. Fyrsti viðkomustað-
urinn var Hverasvæðið, sem staðsett
er í hjarta bæjarins og einstakt fyrir
margra hluta sakir. Þar var gestum
boðið upp á súpu og brauð frá fyr-
irtækinu Kjöti og kúnst.
Eggjasuða í hver
Upplýsingamiðstöð Suðurlands
hefur tekið að sér rekstur á Hvera-
svæðinu og nú í vor hafa verið lagðir
nýir göngustígar, upplýsingaspjöld
sett upp við hverina, móttökuhúsið
verið tekið í gegn og settar upp
gamlar myndir, sem eru þrykktar á
efni og nýttar sem gluggatjöld. Mót-
tökuhúsið þjónar lykilhlutverki og
verður opið daglega og eftir pönt-
unum. Þar verður hægt að nálgast
allar upplýsingar um hverasvæðið,
hægt að panta leiðsögn um svæðið og
einnig er hægt að fá að upplifa eggja-
suðu í hver.
Upplýsingamiðstöðin mun einnig
bjóða upp á gönguferð um bæinn þar
sem m.a. verður farið um hvera-
svæðið og það kynnt ítarlega.
Farfuglaheimilið Ljósbrá, einnig í
hjarta bæjarins, var skoðað og þaðan
haldið í Kjöt og kúnst. Þar fengu
gestirnir að sjá hvernig framleiðslan
fer fram og vakti það mikla athygli.
Orkan frá hverasvæðinu er nýtt til
upphitunar og er það einstök upp-
lifun að fá að fylgjast með hvernig
farið er að. Vel útbúið tjaldsvæðið
var heimsótt, en þar eru þurrkher-
bergi, þvottavél, gott aðgengi fyrir
alla og rafmagn á staurum fyrir hús-
bíla og fellihýsi.
Næst var haldið í gönguferð vest-
ur með Reykjafjalli og að sundlaug-
inni í Laugaskarði og hún skoðuð. Í
heimsókn í Frost og funa kynnti
Knútur Bruun fyrirhugað heilsu-
þorp í landi Ölfuss.
Gistihúsið Frumskógar var
heimsótt og skoðaðar þær breyt-
ingar sem gerðar hafa verið sl. ár.
Síðasti viðkomustaðurinn var nýja
verslunarmiðstöðin hér í Hvera-
gerði, sem hlotið hefur nafnið
Sunnumörk. Þar var skoðað hús-
næðið sem Upplýsingamiðstöðin
kemur til með að flytja inn í 19. júní
næstkomandi.
Margt að skoða í Hveragerði
Morgunblaðið/Margret Ísaksdóttir
Hver mínúta nýtt í skoðunarferð: Davíð Samúelsson, forstöðumaður Upp-
lýsingamiðstöðvar Suðurlands, býður gesti velkomna við komuna.
Þorlákshöfn | Ása Berglind Hjálm-
arsdóttir, tuttugu ára trompetleik-
ari úr Þorlákshöfn, var með burtfar-
artónleika frá Tónlistarskóla
Árnesinga í Versölum síðastliðið
mánudagskvöld.
Ása Berglind hóf nám í Tónlistar-
skóla Árnesinga sjö ára gömul, lærði
þá á blokkflautu hjá Gesti Áskels-
syni, fyrsti kennari hennar á tromp-
et var Róbert Darling, núverandi
skólastjóri Tónlistarskóla Árnes-
inga. László Czenek kenndi henni
einn vetur en kennari hennar síð-
ustu tvö árin var Jóhann Stefánsson.
Ása Berglind hefur samhliða
trompetnáminu stundað píanónám
við skólann.
Hún hefur komið fram fyrir hönd
skólans við ýmis tækifæri, bæði sem
einleikari og í ýmsum samleiks-
atriðum. Hún hefur einnig komið
fram sem trompetleikari við ýmis
tækifæri utan skólans. Hún hefur
leikið með Skólalúðrasveit Þorláks-
hafnar og Lúðrasveit Þorlákshafnar
og tekið þátt í starfi Lúðrasveitar
Æskunnar.
Ása Berglind hefur fengið skóla-
vist í Listaháskóla Íslands næsta vet-
ur og stefnir hún á að verða tónlist-
arkennari í framtíðinni. Með henni á
tónleikunum kom fram Málmblás-
arakvartett tónlistarskólans, sem í
eru auk Ásu Berglindar þeir Jón
Óskar Guðlaugsson, Páll Sigurðsson
og Jóhann I. Stefánsson.
Kristrún Elsa Harðardóttir, sem
stundar nám í klassískum söng í
Tónlistarskóla Árnesinga, söng
einnig nokkur lög við undirleik Hel-
enu R. Káradóttur píanóleikara og
Ása Berglind lék á trompet með
þeim í lagi Erics Claptons, Tears in
Heaven.
Trompetleikari
brautskráist
Morgunblaðið/Jón H. Sigurmundsson
Ása Berglind Hjálmarsdóttir
Selfoss | Menningarvakan „Vor í
Árborg“ stendur nú yfir og verður
opin til sunnudagsins 23. maí. Mikill
fjöldi sýninga og annarra viðburða
er í boði. Má þar nefna mál-
verkasýningar, leiksýningar,
draugavöku, messuhald, o.fl.
Meðal dagskráratriða um helgina
er ráðstefna Sagnfræðingafélags
Íslands og Félags þjóðfræðinga á
Íslandi í Draugasetrinu á Stokks-
eyri undir nafninu „Menning og
mannlíf við ströndina“. Flutt verða
erindi um sögu og menningu hér-
aðsins. Ráðstefnan er öllum opin og
stendur allan daginn, henni lýkur
með hátíðarkvöldverði í Drauga-
setrinu.
Viðgerðarsaga Tryggvaskála
Skálavinafélagið býður fólki að
skoða Tryggvaskála á laugardags-
morgun og kynnast viðgerðarsögu
hússins. Félagar í Flugmódel-
klúbbnum Smástund sýna listflug á
Eyrarbakkaflugvelli. Frítt verður í
sundlaugar Árborgar á Selfossi og
á Stokkseyri.
Leikhópurinn Lab Loki leikur
fyrir börn í félagsheimilinu Stað á
Eyrarbakka, leikendur eru Lára
Sveinsdóttir og Kristjana Skúla-
dóttir. Unnið er út frá hugmyndum
Steinunnar Knútsdóttur og Jónu
Ingólfsdóttur en mótað af leik-
hópnum undir stjórn Steinunnar.
Skógarganga verður um Hellis-
skóg. Árleg kvennareið Hesta-
mannafélagsins Sleipnis verður
haldin út í óvissuna. Gamla Raf-
stöðin við Eyrargötu á Eyrarbakka
verður opin en þar er opið hús í
vinnustofu listakonunnar Sjafnar
Har. Keppt verður í Jórustökki,
stökkkeppni stórstígra kvenna,
framan við Hótel Selfoss kl. 14.30.
Jórukórinn verður á staðnum og
syngur nokkur vel valin lög af efn-
isskrá sem að þessu sinni er helguð
ástinni og kærleikanum.
Milli kl. 15 og 19 munu unglinga-
hljómsveitir og bílskúrsbönd stíga á
stokk á útisvið í Sigtúnsgarði, Sel-
fossi. Klukkan 21 flytja félagar í
Leikfélagi Selfoss valin örleikrit, af-
rakstur leikritunarsmiðju Karls
Ágústs Úlfssonar og menning-
arhátíðar, og lesa ljóð eftir valda
höfunda í leikhúsinu við Sigtún.
Á sama tíma verða Stuðmenn og
hljómsveitin OFL á útisviði í Sig-
túnsgarði, Selfossi. Stuðmenn halda
síðan áfram á balli í Hvíta húsinu
fram eftir nóttu.
Á sunnudag kl. 10–12 er innlit í
Suðurgötu, nýuppgert gamalt hús á
Eyrargötu, Eyrarbakka. Fólki gefst
kostur á að skoða húsið og heyra
viðgerðarsögu þess. Eyri við Eyr-
argötu er einnig til sýnis.
Zophonías Már Jónsson leiðsegir
í skoðunarferð í Traðarholtshelli kl.
14. Lagt er upp frá bænum Trað-
arholti austan Stokkseyrar. Klukk-
an 15 verður minnisvarði Rafstöðv-
arinnar afhjúpaður vestan við
gömlu Rafstöðina við Eyrargötu á
Eyrarbakka. Klukkan 15–17 er
dansleikur í tengslum við sýn-
inguna Kjólarnir hennar ömmu. Fé-
lagar í Félagi harmonikkuunnenda
á Selfossi leika fyrir dansi eldri
borgara.
Fjöldi sýninga
Fjöldi sýninga er á dagskránni á
Eyrarbakka, Selfossi og Stokkseyri.
Á Eyrarbakka eru gamlar Bakka-
myndir eftir Brynjólf G. Brynjólfs-
son. Ljósmyndasýning Magnúsar
Karels Hannessonar er í Rauða
húsinu. Út og suður með blýanti og
vatnslitum nefnist myndlistarsýn-
ing Ólafs Th. Ólafssonar og Þorpið
úr ýmsum áttum nefnist sýning á
ljósmyndum Erlings Bjarnasonar.
Á Selfossi eru eftirtaldar sýn-
ingar: Kjólarnir hennar ömmu.
Listsýning Svandísar Egilsdóttur á
Hótel Selfossi. Hannes Lárusson
myndlistarmaður sýnir í búð-
arglugga á Alvörubúðinni. Mál-
verkasýning Snorrahópsins er í
Listagjánni. Inga Hlöðversdóttir
sýnir myndverk í Kaffi Krús. Sig-
urlín Grímsdóttir sýnir vatns-
litamyndir í Galleríi Østerby. Fjall-
konur á Selfossi frá lýðveldis-
stofnun nefnist sýning á ljósmynd-
um í eigu Kvenfélags Selfoss og eru
þær sýndar í golfskálanum Svarf-
hólsvelli. Handverkssýning félags
eldri borgara er í Grænumörk 5.
Handverk leikskólabarna er í sýn-
ingaskápum í Ráðhúsi Árborgar.
Guðað á 36 glugga er sýning félaga
í Myndlistarfélagi Árnesinga og
Myndlistarfélagi Vestmannaeyja í
gluggum á jarðhæð Austurvegar 6.
Á Stokkseyri eru olíumálverk eft-
ir Elfar Guðna sýnd í Hólmarast-
arhúsi, Hafnargötu 9, og Vatns-
litamyndir eftir Þórdísi Þórðar-
dóttur í veitingahúsinu Við
fjöruborðið. Auk þess eru söfn,
vinnustofur og einkagallerí opin alla
helgina.
Fjölbreytt dagskrá
vorhátíðar í Árborg
Morgunblaðið/Kári Jónsson
Margar sýningar: Í tengslum við Vor í Árborg eru leikskólar Árborgar með
sýningu á verkum barna í Ráðhúsi Árborgar á opnunartíma ráðhússins.
Kvennahlaupskonur | Bæjarráð
Árborgar hefur samþykkt erindi
frá Kvenfélagi Selfoss um aðgang
hlaupara að Sundhöll Selfoss eftir
Kvennahlaup ÍSÍ 19. júní nk.
  
Erindi | Eftir umfjöllun um erindi
Umhverfisstofnunar varðandi lands-
áætlun um meðferð úrgangs sam-
þykkti bæjarráð á fundi sínum 13.
maí að fara þess á leit við stjórn
Sorpstöðvar Suðurlands að hún
beitti sér fyrir gerð landsáætlunar
fyrir aðildarsveitarfélög sorpstöðv-
arinnar.
  
Umfjöllun í Ameríku | 6. maí sl.
birtist löng grein um Fjölbrauta-
skóla Suðurlands í tímaritinu
Education Week sem gefið er út í
Bandaríkjunum. Blaðamaður þess
var hér á ferð sl. vetur og kynnti
sér starf skólans á sviði upplýs-
ingatækni. Birt eru viðtöl við
nokkra kennara og nemendur og er
umfjöllunin jákvæð gagnvart starf-
semi skólans. Tímarit þetta er bæði
gefið út á Netinu og á pappír. Net-
slóðin er http://www.edweek.com/
sreports/tc04/article.cfm?slug=
35iceland.h23.
Bæjarmál Árborg
Hveragerði |14 náms- og starfs-
ráðgjafar víða af landinu heimsóttu
Garðyrkjuskólann á Reykjum nýver-
ið þar sem þeir fengu kynningu á
starfsemi skólans í máli og myndum.
Sveinn Aðalsteinsson skólameistari
tók á móti hópnum og farin var vett-
vangsferð um skólasvæðið þar sem
gróðurhúsin voru m.a. skoðuð.
Síðan sáu fagstjórar brautanna
um að kynna námið á einstökum
brautum. Í lokin var gestum boðið
upp á kaffi og meðlæti í mötuneyt-
inu. Heimsóknin tókst vel og spurðu
gestirnir mikið um starfsemi skól-
ans.
Morgunblaðið/Margret Ísaksdóttir
Fræddust um
Garðyrkjuskólann