Morgunblaðið - 27.05.2004, Page 4

FRÉTTIR
4 FIMMTUDAGUR 27. MAÍ 2004 MORGUNBLAÐIÐ
Dagskrá
næstu daga
Tónlistartorg Listahátíðar
í Kringlunni
Guðni Franzson
KK
og Guðmundur Pétursson
Hjörleifur Hjartarson
og Eiríkur Stephensen
fimmtud. 27. maí
kl. 17:00
föstud. 28. maí
kl. 17:00
laugard. 29. maí
kl. 14:00
Sigling
Þýtur
í stráum
Hundur
í óskilum
LEITAÐ hefur verið til Persónu-
verndar símleiðis og kvartað yfir því
að nöfn og kennitölur hafi verið
skráðar á undirskriftalistann askor-
un.is án þess að viðkomandi einstak-
lingar hafi óskað eftir því að vera bætt
á listann. Þá hafa Morgunblaðinu bor-
ist athugasemdir frá einstaklingum
sem vildu skrá upplýsingar um sig á
vefsíðuna en komust að því að nafn
þeirra og kennitala hefði þegar verið
skráð.
Nöfn tæplega 2.000 manns undir
18 ára felld burt af listanum
Róbert Marshall, formaður Fjöl-
miðlasambandsins, segir að þetta sé
öruggasta undirskriftasöfnun sem
fram hafi farið á Íslandi og að nöfn
tæplega tvö þúsund manns undir 18
ára aldri hafi verið felld burt af listan-
um.
Að sögn forstjóra Persónuverndar,
Sigrúnar Jóhannesdóttur, hafa þó
ekki borist formlegar kvartanir vegna
þessa. Hún segir að berist slík kvört-
un beri Persónuvernd að sinna henni
og taka málið til rannsóknar. „Ég
reikna ekki með að við myndum að
óbreyttu hafa frumkvæði að því að
skoða listann. En ef einhver telur að
hann sé ranglega færður á listann þá
á hann rétt á liðsinni okkar til að
ganga um skugga um það.“
Fjölmiðlasambandið stendur að
vefsíðunni www.askorun.is. Á vefsíð-
unni er skorað á forseta Íslands að
undirrita ekki lög um eignarhald á
fjölmiðlum sem Alþingi hefur sam-
þykkt. Einstaklingar geta skráð sig
inn með því að skrifa nafn og kenni-
tölu í þar til gerða reiti. Listi yfir þá
sem hafa skráð sig er ekki birtur á
vefsíðunni en Fjölmiðlasambandið af-
henti forseta Íslands í fyrradag lista
með undirskriftum 31.752 Íslendinga.
Stjórn Fjölmiðlasambandsins fundaði
í gærkvöldi þar sem söfnunin var
rædd. Í tilkynningu sambandsins seg-
ir að það telji að markmið söfnunar-
innar hafi náðst en eftir að það hafi
skilað listanum með tæplega 32 þús-
und nöfnum til forseta Íslands hafi
áhugasamir tekið sig til og haldið
áfram að safna undirskriftum í nafni
Fjölmiðlasambandsins án samráðs
við það. Hafi þessum hópi tekist að
safna fimm þúsund undirskriftum
með úthringingum og undirskrifta-
listum.
Að sögn Róberts Marshall, for-
manns Fjölmiðlasambandsins, hafa
fleiri undirskriftir bæst við frá því í
fyrradag og nú hafi nálægt 35 þúsund
manns skráð nafn sitt á listann á
askorun.is. Hann segir þá leið sem
farin er við undirskriftasöfnunina,
þ.e. að gera fólki kleift að skrá nafn og
kennitölu á Netinu, vera örugga.
Örugg undirskriftasöfnun
„Ég fullyrði að þetta sé öruggasta
undirskriftasöfnun sem fram hefur
farið á Íslandi. Við höfum getað sann-
reynt það á þessum lista að kennitala
og nafn passi saman, að það sé raun-
veruleg persóna á bak við kennitöl-
una. Við höfum líka getað sannreynt
það að sama manneskjan komi ekki
tvisvar sinnum fyrir,“ segir Róbert.
Spurður að því hvort hægt sé að
tryggja að ekki séu skráð nöfn og
kennitölur einstaklinga sem ekki hafa
óskað eftir að vera á listanum segir
hann að gert sé ráð fyrir að fólk sem
skráir sig sé heiðarlegt. „Þá yrðum
við að gera ráð fyrir því að einhverjir
einstaklingar hefðu setið tímunum
saman og pikkað inn nöfn og kennitöl-
ur. Menn geta auðvitað gagnrýnt
þessa undirskriftarsöfnun eins og
þeir vilja. En ég stend við hana, ég
held að hún sé algjörlega örugg og sú
öruggasta sem framkvæmd hefur
verið. Við gerum ráð fyrir því að for-
seti Íslands og almenningur allur telji
Fjölmiðlasambandið ekki bófaflokk
sem myndi falsa slíka söfnun.“
Persónuvernd hafa
borist kvartanir
Undirskriftasöfnun
á áskorun.is lokið
HLEÐSLA fragtþotu B737 Íslandsflugs var veru-
lega frábrugðin því sem fram kom á hleðsluskrá vél-
arinnar og því voru afköst hennar ekki eðlileg í flug-
taksbruni við brottför frá Keflavíkurflugvelli 23. júlí
2003. Þetta kemur fram í skýrslu Rannsóknarnefnd-
ar flugslysa, RNF, sem rannsakaði umrætt flug-
atvik en ekki urðu slys á mönnum né skemmdir á
vélinni við atvikið. Í framhaldi af atvikinu beinir
RNF því til Flugmálastjórnar, Flugþjónustu Kefla-
víkurflugvallar, IGS, og Íslandsflugs að taka upp
eftirlit, skráningu verklags og gæðaúttektir við und-
irbúning og hleðslu flugvéla.
Í skýrslu RNF um atvikið segir að í flugtaksbruni
hafi ekkert óeðlilegt komið fram fyrr en flugtaks-
hraða var náð og flugvélin lyftist ekki af brautinni
fyrr en flugmenn höfðu tekið stjórnvölinn mun aftar
en venja er og að stilling hæðarstýriskambs hafði
verið færð aftur. Var vélin þá á um 20 hnúta meiri
hraða en öruggur flugtakshraði ætti að vera. Flug-
stjórinn ákvað að halda áætlun og fljúga til Edin-
borgar en hann taldi víst að þotan væri töluvert
framþyngri en hleðsluskrá sagði til um. Lenti hún í
Edinborg og þar var farmurinn vigtaður.
Þungamiðjan of framarlega
Áður en þotan hélt til Edinborgar hafði hún verið í
viðhaldi á Reykjavíkurflugvelli. Þar hafði um 300 kg
af varahlutum og verkfærum verið hlaðið í fremri
lest hennar án þess að upplýsingum um það hefði
verið komið til flugstjórans eða hleðslustjórnar IGS
sem sá um hleðslu vélarinnar. Við hleðslu vélarinnar
í Keflavík notaði hleðslustjóri IGS bráðabirgðaeyðu-
blað en á því eru ekki sýndar á myndrænan hátt
upplýsingar um staðsetningu vörupalla „eins og á
því eyðublaði sem nota hefði átt við hleðslu flugvél-
arinnar“, eins og segir í skýrslu RNF. Þá segir um
hleðsluna að við útreikninga eftir atvikið hafi komið í
ljós að flugvélin var 300 kg þyngri en kom fram á
hleðsluskránni. Öllu alvarlegri er sögð sú staðreynd
að þyngdardreifingin hafi verið verulega röng og
reiknuð þungamiðja flugvélarinnar miðað við flug-
taksþyngd verið verulega framan við þau fremri
mörk takmarkana sem sett séu af framleiðanda.
Í skýrslu RNF segir að á síðustu árum hafi orðið
aukning í verktakastarfsemi tengdri flugrekstri sem
ekki virðist þurfa nein starfsleyfi eins og flugrekstr-
araðilar og viðhaldsaðilar þurfi. Ábyrgðin á úttekt-
um og eftirliti liggi hjá viðkomandi flugrekstrarað-
ilum sem nýti sér þjónustu þeirra. Að sama skapi
hvíli sú ábyrgð á flugmálayfirvöldum að hafa eftirlit
með öllum þáttum er snúi að flugöryggi. Brýnt sé að
bregðast við þessu hérlendis með því að tryggja að
virkt eftirlit og beinar gæðaúttektir nái einnig til
verktakastarfsemi í flugrekstri og er því atriði beint
til Flugmálastjórnar.
Fragtþota
ranglega
hlaðin
KÍSILIÐJAN í Mývatnssveit hefur
sent Svæðisvinnumiðlun Norðurlands
eystra tilkynningu um að öllu starfs-
fólki verksmiðjunnar verði sagt upp
störfum.
Kristján Björn Garðarsson, fram-
kvæmdastjóri Kísiliðjunnar, sagði að
þessi tilkynning til Svæðisvinnumiðlun-
ar væri einn liður í því ferli sem vinna
þyrfti eftir þegar um hópuppsagnir
væri að ræða. Þar kæmi fram hvernig
starfslokum starfsfólks væri háttað, en
uppsagnarfrestur þess væri mislangur.
„Þetta tekur allt sinn tíma, við erum
snemma á ferðinni með þessa tilkynn-
ingu,“ sagði Kristján Björn. Legið hef-
ur fyrir í nokkurn tíma að Kísiliðjunni
yrði lokað síðla árs, í síðasta lagi um
næstu áramót. „Rót uppsagnanna er
lokun verksmiðjunnar einhvern tíma
fyrir næstu áramót,“ sagði Kristján
Björn, en uppsagnir munu allar hafa
tekið gildi í lok nóvember nú í ár.
Um 50 manns starfa að jafnaði hjá
Kísiliðjunni sem er stærsti vinnustað-
urinn í Mývatnssveit. Stefnt er að því
að reisa kísilduftverksmiðju í sveitarfé-
laginu og ganga áætlanir út á að það
geti gerst á fyrri hluta ársins 2006.
Enn hefur þó ekki verið gengið frá
endanlegri fjármögnun þessarar nýju
fyrirhuguðu verksmiðju.
Þungar áhyggjur
Svæðisráð Svæðisvinnumiðlunar
Norðurlands eystra sendi frá sér álykt-
un vegna þessa í gær og lýsti yfir
þungum áhyggjum yfir að starfsmönn-
um yrði sagt upp. „Um er að ræða
tæplega fimmtíu störf sem eru veruleg-
ur hluti af vinnuafli sveitarfélagsins.
Endalok Kísiliðjunnar munu auk þess
hafa mjög neikvæð áhrif á þjónustu-
starfsemi á Norðurlandi,“ segir í álykt-
un svæðisráðsins sem einnig skorar á
stjórnvöld að grípa nú þegar til rót-
tækra aðgerða í atvinnumálum Mý-
vetninga.
Starfsemi Kísiliðjunnar í Mývatnssveit verður hætt í lok árs
Tilkynnt um fyrirhug-
aðar hópuppsagnir
Morgunblaðið/BFH
ÍSLENSKI hesturinn er þekktur út
um víða veröld og ýtir oft undir
þjóðarstolt landans. Það er því ekki
úr vegi að kynna æskuna fyrir
hestamennsku enda sérlega vinsæl
íþrótt.
Krakkahestar heimsóttu börnin á
Stakkaborg og buðu upp á stutta
reiðtúra. Börnin tóku tækifærinu
fagnandi eins og vera ber og það
voru í kringum 70 börn sem settust
á bak.
Þessi ungi maður tók leiðbein-
ingum vel og virtist öllu vanur enda
með hjálm á höfði og í tilheyrandi
klæðnaði. Morgunblaðið/Ásdís
Ungir
hesta-
menn