Morgunblaðið - 27.05.2004, Síða 24

HÖFUÐBORGARSVÆÐIÐ
24 FIMMTUDAGUR 27. MAÍ 2004 MORGUNBLAÐIÐ
AKUREYRI
Hafnarfjörður | Leikfélag Hafn-
arfjarðar hefur undanfarið unnið
að því að koma sér fyrir í Lækjar-
skóla í Hafnarfirði, en þar er nú
búið að skapa aðstöðu fyrir fjöl-
breytta menningarstarfsemi. Auk
leikhússins eru Námsflokkarnir
með aðstöðu í húsinu, og einnig
víkingarnir sem sjá má í bænum
yfir sumartímann. Að sögn Ingvars
Bjarnasonar, ritara félagsins, hafa
félagar unnið hörðum höndum að
því að koma sér fyrir í nýju húsa-
kynnunum, og eru þau nú tilbúin.
Tvær kennslustofur voru samein-
aðar til að búa til sal, og til hliðar
við hann er ágætis aðstaða fyrir
leikara og leikmuni.
Hafnfirðingum boðið í leikhús
„Fyrsta verkið sem við færum
upp í nýja leikhúsinu er Ham-
skiptin eftir Franz Kafka, og verð-
ur það frumsýnt á morgun, föstu-
dag,“ sagði Ingvar í samtali við
Morgunblaðið. „Við munum hefja
starfið á nýja staðnum með trompi,
og setja upp fimm leikrit á fimm
mánuðum. Sömuleiðis höfum við
ákveðið að bjóða Hafnfirðingum
ókeypis á þriðju sýningu hvers
leikrits, og verður boðssýning fyrir
Hafnfirðinga á Hamskiptin á
mánudaginn, 31. maí, klukkan 20,“
segir Ingvar. „Það er að sjálfsögðu
okkar hlutverk fyrst og fremst að
gefa Hafnfirðingum kost á að fara í
leikhús. Við viljum hvetja Hafnfirð-
inga eindregið til að mæta á sýn-
ingar hjá okkur,“ bætir Ingvar við.
Byggir á gömlum merg
Nú eru 20 félagar í leikfélaginu,
og hefur fjölgað um nærri helming
frá því um ári síðan, að sögn Ingv-
ars. Leikfélagið var upphaflega
stofnað árið 1936, en starfsemi
þess lá niðri um nokkurra ára
skeið, allt til ársins 1983 er það hóf
starf að nýju í Bæjarbíói í Hafn-
arfirði. Eftir að Kvikmyndasafn Ís-
lands tók yfir aðstöðuna í Bæj-
arbíói fékk leikfélagið inni hjá öðru
félagi í bænum, leikhúsi Hermóðs
og Háðvarar, þar til nú. „Við vilj-
um þakka Hafnarfjarðarbæ inni-
lega fyrir þann velvilja sem félag-
inu hefur verið sýndur við
uppbyggingu nýja leikhússins. Við
erum líklega eitt best setta áhuga-
leikhúsið á landinu,“ segir Ingvar
að lokum.
Nýtt húsnæði Leikfélags Hafnarfjarðar
Bjóða bæjarbúum í leikhúsið
Félagar í Leikfélagi Hafnarfjarðar sem stóðu í flutningum í Lækjarskóla.
Hverfafundir í Mosfellsbæ |
Bæjarstjórinn í Mosfellsbæ, Ragn-
heiður Ríkharðsdóttir, heldur nú
hverfafundi með íbúum Mosfellsbæjar
undir fyrirsögninni „Hvað finnst þér?“
Leitað er eftir skoðunum bæjarbúa á
styrkleika Mosfellsbæjar sem sveitar-
félags og framtíðarsýn þeirra. Sömu-
leiðis er leitað eftir áliti bæjarbúa á
hvað einkenni Mosfellsbæ og hvers
vegna þeir velji að búa í bænum.
Fyrri fundurinn var haldinn í gær-
kvöldi fyrir íbúa Höfða-, Tanga-,
Hlíða- og Hlíðatúnshverfa. Sá síðari er
hins vegar í kvöld, fimmtudag, fyrir
íbúa í Dalnum, Helgafells-, Teiga-,
Holta- og Reykjahverfa. Fundurinn
hefst klukkan 20 í Varmárskóla og eru
allir íbúar hverfanna velkomnir.
Hafnarfjörður | Hverfafundir hafa
verið haldnir í Hafnarfirði undan-
farna daga, og verður síðasti fund-
urinn nú í kvöld, fimmtudag, kl. 20
að Ásvöllum. Sá fundur er sérstak-
lega fyrir íbúa Áslands og Valla. Að
sögn Lúðvíks Geirssonar, bæjar-
stjóra í Hafnarfirði, hafa fundirnir
gengið mjög vel. „Það hefur verið
mjög gagnlegt að taka þátt í líf-
legum og fjörugum umræðum.
Margt gott hefur komið fram, og
það er gott tækifæri fyrir bæjarbúa
að koma skoðunum sínum á fram-
færi, og hvet ég íbúa Áslands og
Valla eindregið til að mæta á fund-
inn í kvöld og ræða málefni þeirra
nýja hverfis,“ sagði Lúðvík í samtali
við Morgunblaðið. „Hverfafundir af
þessu tagi hafa ekki verið haldnir
um nokkurt skeið hér í Hafnarfirði,
en við teljum þá mjög góða leið til
að ná sambandi við bæjarbúa,“
sagði Lúðvík ennfremur.
Auka tengsl við íbúana
Ljósmynd/Steinunn Þorsteinsdóttir
Frá hverfafundi fyrir íbúa norður- og vesturbæjar Hafnarfjarðar.
Björn Ólafsson ræðir um fráveitumál.
Hafnarfjörður | Tekin var fyrsta
skólfustunga að 49 íbúða byggingu
fyrir eldri borgara á Langeyrar-
mölum við Herjólfsgötu í Hafnarfirði
á laugardagsmorgun. Jón Guð-
mundsson, formaður félagsins Eyr-
artjarnar, tók skóflustunguna. Það
eru fern hjón í Hafnarfirði sem
standa að félaginu. „Við höfum öll
unnið mikið fyrir eldri borgara í
Hafnarfirði og ákváðum að ráðast í
þetta verkefni þar sem ekki hefur
verið byggt fyrir eldri borgara hér í
Hafnarfirði í ein 11 ár,“ sagði Jón í
samtali við Morgunblaðið.
Skólfustunga að
íbúðum eldri borgara
  
Hafnarfjörður | Umferð var hleypt á ný mislæg gatna-
mót Reykjanesbrautar og Kaldárselsvegar í Hafn-
arfirði á þriðjudag. Enn er ólokið nokkrum frágangi
umhverfis gatnamótin, en áætlað er að allt verði frá-
gengið í sumarlok. Áætlaður kostnaður við mannvirkin
var um 900 milljónir króna, og er með þessu aukið ör-
yggi og bætt úr óþægindum vegna umferðar á Reykja-
nesbraut um Hafnarfjörð.
Morgunblaðið/ÁsdísFyrstu bílarnir keyra undir brúna í Hafnarfirði.
Ný mislæg gatnamót á Reykjanesbraut opnuð
VEÐRIÐ hefur leikið við Akureyr-
inga síðustu daga og útlitið fram
undan mjög bjart ef marka má
veðurspá.
Léttklæddir íbúar bæjarins
sáust víða á ferli. Stelpurnar í
Landsbankanum brugðu sér út
undir bert loft í kaffihléinu í gær
og komu sér fyrir á bekk undir
hitamælinum á Ráðhústorgi, en
hann sýndi 16° hita. Ekki ama-
legur kaffitími það.
Morgunblaðið/Kristján
Bankastelpur baða sig í sól
Tónleikar| Gunnar Þorgeirsson
óbóleikari, Pawel Panasiuk sellóleik-
ari og Agnieszka Panasiuk píanó-
leikari flytja tónlist eftir Benjamin
Britten, Cesar Franck og brasilísku
tónskáldin João Guilherme Ripper
og José Vieira Brandão í sal Tónlist-
arskólans á Akureyri við Hvanna-
velli 14 kl. 20 í kvöld, fimmtudags-
kvöldið 27. maí. Þau fluttu sömu
dagskrá í Dalvíkurkirkju á þriðju-
dagskvöld.
Gistiheimili á Grenivík| Fyrsti
hluti nýja gistiheimilisins við Mið-
garða 2 á Grenivík var fluttur á sinn
stað í vikunni. Allt gekk að óskum að
því er segir á vef Grýtubakka-
hrepps, grenivik.is, og einnig að það
hafi verið tignarleg sjón að fylgjast
með verkinu. Gert er ráð fyrir að
húsið verði tilbúið hinn 15. júní nk.
Þetta er fyrsta húsið af þremur sem
reist verður sem gistiheimili á þess-
ari lóð.
FULLTRÚAR Héraðsnefndar
Eyjafjarðar og menntamálaráðu-
neytisins skrifuðu nýlega undir
samning um byggingu lokaáfanga
Verkmenntaskóalns á Akureyri. Á
næstu vikum má því gera ráð fyrir að
boðin verði út bygging 200 fermetra
stækkunar stjórnunarálmu við skól-
ann. „Þar er fyrst og fremst gert ráð
fyrir bættri og aukinni vinnuaðstöðu
kennara, sem löngu er orðin tíma-
bær,“ sagði Hjalti Jón Sveinsson
skólameistari við skólaslit VMA.
Hann gat þess einnig að að ári yrði
síðan boðin út bygging síðasta
áfanga hins svonefnda miðrýmis
skólans, þar er um að ræða tengi-
byggingu og í kjallara verður að-
staða fyrir íþróttir og fjölnota salur
og kennslurými á aðalhæðinni. „Ef
heldur fram sem horfir vonumst við
til að byggingasögu skólans ljúki
haustið 2006,“ sagði skólameistari.
Hann sagði byggingasögu Verk-
menntaskólans bera vott um mikinn
metnað heimamanna annars vegar
og velvild og skilning stjórnvalda
hins vegar á því að á Akureyri geti
ungt fólk menntað sig til þess sem
hugur þess stendur til. „Skólinn
gegnir því mikilvægu hlutverki hér í
bæjarfélaginu og á gjörvöllu Eyja-
fjarðarsvæðinu, fyrir búsetu og at-
vinnulíf hér og allt í kring. Þá er
skólinn mikilvægur fyrir lands-
byggðina alla og segja má að í sum-
um mikilvægum verkgreinum sé
upptökusvæði hans allt norðanvert
landið - frá Vestfjörðum til Aust-
fjarða.“
Verkmenntaskólinn á Akureyri
Lokaáfanginn í sjónmáli
Halldór Norðurlandsmeistari|
Halldór B. Halldórsson varð Norð-
urlandsmeistari í skák annað árið í
röð með því að bera sigur úr býtum á
Skákþingi Norðlendinga sem fram
fór á Sauðárkróki nú um helgina.
Halldór fékk 6 1/2 vinning úr 7 skák-
um en annar varð Arnar Þor-
steinsson með 6 vinninga. Jafnir í
þriðja til fjórða sæti urðu þeir Stefán
Bergsson og Þór Már Valtýsson með
4 1/2 vinning. Sérstök aukaverðlaun
heimamanna fékk Veturliði Þ. Stef-
ánsson og þeir Sveinbjörn Sigurðs-
son, Sigurður Eiríksson og Tómas
Veigar Sigurðarson deildu með sér
aukaverðlaunum skákmanna und-
ir 1900 stigum. Mótshaldið var í
höndum Skákfélags Sauðárkróks og
komu keppendur víðsvegar að af
Norðurlandi. Að mótinu loknu fór
svo að venju fram Hraðskákmót
Norðlendinga og tóku 22
þátt í því. Þar var það Arnar sem
vann glæstan sigur, hlaut 20 vinn-
inga úr 21 skák. Halldór og Þór
komu næstir með 17 vinninga.
NOKKUR óvissa ríkir um framtíðar-
rekstur skrifstofu Íþrótta- og ólymp-
íusamband Íslands, ÍSÍ, á Akureyri.
ÍSÍ hefur rekið skrifstofu með einum
starfsmanni á Akureyri frá 1. sept-
ember 1999 og hefur starfssvæði
hennar náð frá Hrútafirði í vestri og
austur á Djúpavog. Vegna fjárskorts
eru uppi hugmyndir um að draga úr
þjónustunni sem þar er veitt, þar sem
aukafjárveiting frá ríkisvaldinu
vegna rekstursins hafi ekki skilað sér,
að sögn Viðars Sigurjónssonar,
starfsmanns ÍSÍ á Akureyri. Hann
sagði að endanleg ákvörðun um fram-
haldið yrði væntanlega tekin á fundi
framkvæmdastjórnar ÍSÍ í dag.
Þetta mál var til umræðu á síðasta
fundi íþrótta- og tómstundaráðs Ak-
ureyrar og samþykkti ráðið áskorun
til ÍSÍ að leita allra ráða til að hægt
verði að halda starfsemi og þjónustu
skrifstofu sambandsins á Akureyri í
óbreyttri mynd og veita með því
áframhaldandi góða þjónustu til
íþróttahreyfingarinnar á landsbyggð-
inni. Akureyrarbær hefur einmitt
komið að rekstrinum með því að
leggja ÍSÍ til húsnæði undir skrifstof-
una.
Viðar hefur starfað á skrifstofu ÍSÍ
frá upphafi og hann sagði óvíst um
framtíð sína, verði starfshlutfallið
minnkað, jafnvel niður í 50%. „Það er
full þörf fyrir þessa þjónustu við
íþróttahreyfinguna á svæðinu og ég
horfi til þess með skelfingu ef dregið
verður úr henni. Ég hef líka orðið var
við áhyggjur forsvarsmanna íþrótta-
bandalaga og héraðssambanda á
svæðinu vegna þeirrar stöðu sem er
uppi,“ sagði Viðar.
Skrifstofa ÍSÍ á Akureyri
Óvissa um reksturinn